വൈ​ക്കം: ന​ഗ​ര​ത്തി​ന്‍റെ വി​വി​ധ​ ഭാ​ഗ​ങ്ങ​ളി​ൽ രൂ​ക്ഷ​മാ​യ തെ​രു​വു​നാ​യ ശ​ല്യ​ത്തി​ന് അ​റു​തി​വ​രു​ത്ത​ണ​മെ​ന്നാ​വ​ശ്യ​പ്പെ​ട്ട് വി​വി​ധ റെസി​ഡ​ന്‍റ്സ് അ​സോ​സി​യേ​ഷ​നു​ക​ളു​ടെ നേ​തൃ​ത്വ​ത്തി​ൽ ന​ഗ​ര​സ​ഭാ ഓ​ഫീ​സി​നു മു​ന്നി​ൽ ധ​ർ​ണ ന​ട​ത്തി. ന​ഗ​ര​ത്തി​ലെ ഉ​ൾ​പ്ര​ദേ​ശ​ങ്ങ​ളി​ല​ട​ക്കം കൂ​ട്ടം​കൂ​ടു​ന്ന​ തെ​രു​വുനാ​യ്ക്ക​ൾ കു​ടും​ബ​ങ്ങ​ൾ​ക്കും പ​ത്ര​വി​ത​ര​ണ​ക്കാ​ർ​ക്കും പു​ല​ർ​ച്ചെ ന​ട​ക്കാ​നി​റ​ങ്ങു​ന്ന​വ​ർ​ക്കു​മെല്ലാം ഭീ​ഷ​ണി​യാ​കു​ക​യാ​ണ്.

തെ​രു​വു​നാ​യ്ക്ക​ളു​ടെ വ്യാ​പ​നം ത​ട​ഞ്ഞ് ന​ഗ​ര​വാ​സി​ക​ളു​ടെ ജീ​വി​തം സു​ര​ക്ഷി​ത​മാ​ക്ക​ണ​മെ​ന്നാ​വ​ശ്യ​പ്പെ​ട്ട് ന​ട​ത്തിയ ധ​ർ​ണസ​മ​ര​ത്തി​ൽ വീ​ട്ട​മ്മ​മാ​ര​ട​ക്കം നി​ര​വ​ധിപ്പേ​ർ പ​ങ്കെ​ടു​ത്തു. സീ​നി​യ​ർ സി​റ്റി​സ​ൺസ് ഫ്ര​ണ്ട് വെ​ൽ​ഫയ​ർ അ​സോ​സി​യേ​ഷ​ൻ പ്ര​സി​ഡ​ന്‍റ് രാ​ജ​ൻ അ​ക്ക​ര​പ്പാ​ടം ധ​ർ​ണസ​മ​രം ഉ​ദ്ഘാ​ട​നം ചെ​യ്തു. എ​സ്‌സി​എ​ഫ്ഡ​ബ്ല്യു​എ ട്ര​ഷ​റ​ർ ധ​ന​പാ​ല​ൻ അ​ധ്യ​ക്ഷ​ത വ​ഹി​ച്ചു. പി. ​സോ​മ​ൻ പി​ള്ള, സു​നി​ൽ​കു​മാ​ർ മാ​ട​വ​ന, സി​ന്ധു മ​ധു​സൂ​ദ​ന​ൻ, അ​ജി​ത് വ​ർ​മ, ഷീ​ബാ പ്ര​കാ​ശം എ​ന്നി​വ​ർ പ്ര​സം​ഗി​ച്ചു.

പി.​ടി. സു​ഭാ​ഷ് (ന​ഗ​ര​സ​ഭാ വൈ​സ് ചെ​യ​ർ​മാ​ൻ)

തെ​രു​വു​നാ​യ്ക്ക​ളെ വ​ന്ധ്യം​വ​രി​ക്കു​ന്ന​തി​നും വാ​ക്സി​നേ​ഷ​നു​മാ​യി ന​ഗ​ര​സ​ഭ​യി​ൽ എ​ബി​സി പോ​ഗ്രാം ആ​രം​ഭി​ക്കു​ന്നതി​നു​ള്ള ന​ട​പ​ടി​ക്ര​മ​ങ്ങ​ൾ ജി​ല്ലാ ഭ​ര​ണ​കൂ​ട​വു​മാ​യി​ച്ചേ​ർ​ന്ന് പൂ​ർ​ത്തി​യാ​ക്കി വ​രി​ക​യാ​ണ്.​ തെ​രു​വു​നാ​യ്ക്ക​ളെ പി​ടി​കൂ​ടി വാ​ഹ​ന​ത്തി​ൽ കോ​ട്ട​യ​ത്തെ ഷെ​ൽ​ട്ട​റി​ലെ​ത്തി​ച്ചാ​ണ് കു​ത്തി​വ​യ്പ് ന​ട​ത്തു​ന്ന​ത്. ഒ​രാ​ഴ്ച​യ്ക്കകം പ​ദ്ധ​തി ആ​രം​ഭി​ക്കും.