ബ​സ് ജീ​വ​ന​ക്കാ​ർ​ക്കും ഉ​ട​മ​ക​ൾ​ക്കും 14 ഇ​ന നി​ർ​ദേ​ശ​ങ്ങ​ളു​മാ​യി ബ​സ് ഓ​പ്പ​റേ​റ്റേ​ഴ്സ് അ​സോ​സി​യേ​ഷ​ൻ
Tuesday, June 25, 2024 10:15 PM IST
പൊ​ൻ​കു​ന്നം: സ്വ​കാ​ര്യ​ബ​സ് സ​ർ​വീ​സി​നെ ജ​ന​ങ്ങ​ൾ​ക്കി​ഷ്ട​പ്പെ​ടും​വി​ധ​മാ​ക്കാ​ൻ 14 ഇ​ന നി​ർ​ദേ​ശ​ങ്ങ​ൾ ജീ​വ​ന​ക്കാ​ർ​ക്കും ഉ​ട​മ​ക​ൾ​ക്കു​മാ​യി ന​ൽ​കി സ്വ​കാ​ര്യ​ബ​സ് ഓ​പ്പ​റേ​റ്റേ​ഴ്‌​സ് അ​സോ​സി​യേ​ഷ​ൻ കാ​ഞ്ഞി​ര​പ്പ​ള്ളി യൂ​ണി​റ്റ്. അ​ച്ച​ടി​ച്ച നി​ർ​ദേ​ശ​ങ്ങ​ൾ ജീ​വ​ന​ക്കാ​ർ​ക്കും ഉ​ട​മ​ക​ൾ​ക്കും വി​ത​ര​ണം ചെ​യ്തു.

പൊ​ൻ​കു​ന്നം, കാ​ഞ്ഞി​ര​പ്പ​ള്ളി, മു​ണ്ട​ക്ക​യം, എ​രു​മേ​ലി സ്റ്റാ​ൻ​ഡു​ക​ളി​ൽ പാ​ലി​ക്കേ​ണ്ട പാ​ർ​ക്കിം​ഗ് ഉ​ൾ​പ്പെ​ടെ​യു​ള്ള നി​ബ​ന്ധ​ന​ക​ൾ ഉ​ട​മ​ക​ളു​ടെ​യും ജീ​വ​ന​ക്കാ​രു​ടെ​യും ശ്ര​ദ്ധ​യി​ൽ​പ്പെ​ടു​ത്തു​ന്നു​ണ്ട്. യാ​ത്ര​ക്കാ​രോ​ട് സൗ​മ്യ​മാ​യും മാ​ന്യ​മാ​യും പെ​രു​മാ​റ​ണം. സ്റ്റാ​ൻ​ഡു​ക​ളി​ൽ സ​മ​യ​ത്തെ​ച്ചൊ​ല്ലി ത​ർ​ക്ക​വും സം​ഘ​ർ​ഷ​വും പാ​ടി​ല്ലെ​ന്നും യാ​ത്ര​ക്കാ​രോ​ടും മ​റ്റ് ബ​സു​കാ​രോ​ടും സ​ഭ്യ​മാ​യി മാ​ത്രം സം​സാ​രി​ക്ക​ണ​മെ​ന്നും നി​ർ​ദേ​ശ​ത്തി​ലു​ണ്ട്.

സ്റ്റാ​ൻ​ഡു​ക​ളി​ൽ ഗ​താ​ഗ​ത ത​ട​സ​മു​ണ്ടാ​കാ​തെ പ​ര​മാ​വ​ധി പി​ന്നി​ലേ​ക്കൊ​തു​ക്കി പാ​ർ​ക്ക് ചെ​യ്യ​ണം. ജീ​വ​ന​ക്കാ​ർ നി​ർ​ബ​ന്ധ​മാ​യും യൂ​ണി​ഫോം ധ​രി​ക്ക​ണം. ബ​സി​ന്‍റെ ആ​ർ​സി, പൊ​ലൂ​ഷ​ൻ സ​ർ​ട്ടി​ഫി​ക്ക​റ്റ്, ജീ​വ​ന​ക്കാ​രു​ടെ ലൈ​സ​ൻ​സ് തു​ട​ങ്ങി ആ​വ​ശ്യ​മാ​യ എ​ല്ലാ രേ​ഖ​ക​ളും ക​രു​ത​ണം. വാ​ഹ​നം ഓ​ടി​ക്കു​മ്പോ​ൾ ഡ്രൈ​വ​ർ​മാ​ർ മൊ​ബൈ​ൽ ഫോ​ൺ ഉ​പ​യോ​ഗി​ക്ക​രു​ത്.

സ്വ​ന്തം സു​ര​ക്ഷ​യും യാ​ത്ര​ക്കാ​രു​ടെ സു​ര​ക്ഷ​യും ഓ​ർ​മി​ക്ക​ണം. ട്രി​പ്പു​ക​ൾ ക​ട്ട് ചെ​യ്യ​രു​ത്. അം​ഗീ​കൃ​ത സ്റ്റോ​പ്പു​ക​ളി​ൽ ബ​സ് നി​ർ​ത്ത​ണം. ബ​സി​ലെ മാ​ലി​ന്യ​ങ്ങ​ൾ തൂ​ത്തു​വാ​രി സ്റ്റാ​ൻ​ഡി​ൽ ത​ള്ളാ​ൻ പാ​ടി​ല്ല. മ​ത്സ​ര​ഓ​ട്ടം പാ​ടി​ല്ലെ​ന്നും ഏ​തെ​ങ്കി​ലും കാ​ര​ണ​വ​ശാ​ൽ ട്രി​പ്പ് ക​ട്ട് ചെ​യ്താ​ൽ ബ​സു​ക​ൾ സ്റ്റാ​ൻ​ഡി​ലി​ട​രു​തെ​ന്നും പു​റ​ത്ത് സ്ഥ​ലം ക​ണ്ടെ​ത്ത​ണ​മെ​ന്നും നി​ർ​ദേ​ശ​ത്തി​ൽ പ​റ​യു​ന്നു.

Copyright @ 2022 , Rashtra Deepika Ltd.