ഹരിപ്പാ​ട്: വാ​ക്കു​ത​ർ​ക്ക​ത്തി​ന്‍റെ പേ​രി​ൽ ചി​ങ്ങോ​ലി​യി​ൽ യു​വാ​വി​നെ മാ​ര​ക​മാ​യി വെ​ട്ടി​പ്പ​രി​ക്കേ​ൽ​പ്പി​ച്ച കേ​സി​ൽ ഒ​ളി​വി​ലാ​യി​രു​ന്ന മു​ഖ്യപ്ര​തി​ ര​ണ്ടു മാ​സ​ത്തി​നു​ശേ​ഷം പി​ടി​യി​ൽ. ചി​ങ്ങോ​ലി പ്ര​സാ​ദ് ഭ​വ​ന​ത്തി​ൽ​പ്ര​വീ​ണി(37)​നെ​യാ​ണ് ക​രീ​ല​ക്കു​ള​ങ്ങ​ര പോ​ലീ​സ് അ​റ​സ്റ്റ് ചെ​യ്ത​ത്.

ബു​ധ​നാ​ഴ്ച വൈ​കിട്ട് അ​ഞ്ചോ​ടെ ചേ​പ്പാ​ട് റെ​യി​ൽ​വെ സ്റ്റേ​ഷ​ൻ പ​രി​സ​ര​ത്തു​നി​ന്നാ​ണ് പ്ര​തി പി​ടി​യി​ലാ​യ​ത്. സം​ഭ​വ​ത്തി​ൽ എ​ട്ടു​പേ​ർ​ക്കെ​തി​രെ​യാ​ണ് ക​രീ​ല​ക്കു​ള​ങ്ങ​ര പോ​ലീ​സ് കേ​സെ​ടു​ത്ത​ത്.

ര​ണ്ടാം പ്ര​തി മു​തു​കു​ളം ഗ്രാ​മ​പ്പ​ഞ്ചാ​യ​ത്തം​ഗം മു​തു​കു​ളം വ​ട​ക്ക് ക​ട​യ​ശേ​രി​ൽ വീ​ട്ടി​ൽ മി​ഥു​ലേ​ഷ് മ​നോ​ഹ​ര​ൻ (31), മൂ​ന്നാം പ്ര​തി ക​ട​യ​ശേരി​ൽ വീ​ട്ടി​ൽ അ​ഖി​ലേ​ഷ് (21) എ​ന്നി​വ​ർ നേ​ര​ത്തേ കോ​ട​തി​യി​ൽ കീ​ഴ​ട​ങ്ങി​യി​രു​ന്നു.​ മ​റ്റു പ്ര​തി​ക​ളാ​യ ചി​ങ്ങോ​ലി വി​ശാ​ഖം വീ​ട്ടി​ൽ അ​നീ​ഷ് (35), ചേ​പ്പാ​ട് രാ​കേ​ഷ് ഭ​വ​ന​ത്തി​ൽ രാ​കേ​ഷ് (36), മു​തു​കു​ളം വ​ട​ക്ക് ന​ട​യി​ൽ പ​ടീ​റ്റ​തി​ൽ ഹേ​മ​ന്ത് (19), രാ​കേ​ഷ് ഭ​വ​ന​ത്തി​ൽ രാ​കേ​ഷ് (24), ശ്രീ​വ​ത്സം വീ​ട്ടി​ൽ ശി​വ എ​സ്. സു​രേ​ഷ് (20) എ​ന്നി​വ​രെ അ​ക്ര​മ​ണ​ത്തി​നു പി​ന്നാ​ലെ ത​ന്നെ അ​റ​സ്റ്റു ചെ​യ്തി​രു​ന്നു. തി​രു​വോ​ണ​ത്ത​ലേ​ന്ന് രാ​ത്രി പ​ത്ത​ര​യോ​ടെ ചി​ങ്ങോ​ലി അ​നി​താ ഭ​വ​ന​ത്തി​ൽ​അ​ർ​ജു​നെ(28)​യാ​ണ് വെ​ട്ടി​പ്പ​രി​ക്കേ​ൽ​പ്പി​ച്ച​ത്.

സം​ഭ​വ​ത്തി​നു ഏ​താ​നം ദി​വ​സം മു​ൻ​പ് അ​ർ​ജു​നും പ്ര​വീ​ണും ത​മ്മി​ൽ​ വാ​ക്കു​ത​ർ​ക്ക​മു​ണ്ടാ​യി. ഇ​തി​ന്‍റെ വൈ​രാ​ഗ്യ​ത്തി​നാ​ണ് മൂ​ന്നു ബൈ​ക്കു​ക​ളി​ൽ പ്ര​വീ​ണി​ന്‍റെ നേ​തൃ​ത്വ​ത്തി​ൽ വ​ടി​വാ​ളു​ൾ​പ്പെ​ടെ​യു​ള​ള മാ​ര​കാ​യു​ധ​ങ്ങ​ളു​മാ​യെ​ത്തി​ അ​ർ​ജു​നെ ആ​ക്ര​മി​ച്ച​ത്. ര​ണ്ടു​കാ​ലി​നും മു​ഖ​ത്തും വ​ല​തുകൈ​ക്കും അ​ർ​ജു​ന് വെ​ട്ടേ​റ്റി​രു​ന്നു. 2022 ന​വം​ബ​റി​ൽ ന​ട​ന്ന ഉ​പ​തെര​ഞ്ഞെ​ടു​പ്പി​ൽ വി​ജ​യി​ച്ച യു​ഡി​എ​ഫ് സ്വ​ത​ന്ത്ര​ൻ ജി.​എ​സ്.​ ബൈ​ജു​വി​നെ ഫ​ല​പ്ര​ഖ്യാ​പ​ന ദി​വ​സം വ​ധി​ക്കാ​ൻ ശ്ര​മി​ച്ച കേ​സി​ലും മു​ഖ്യ​പ്ര​തി​യാ​ണ് പ്ര​വീ​ൺ.