ചി​റ്റാ​റി​ലെ കാ​ട്ടാ​ന സാ​ന്നി​ധ്യം: എം​എ​ൽ​എ​യു​ടെ നേ​തൃ​ത്വ​ത്തി​ൽ യോ​ഗം ഇ​ന്ന്
Friday, October 11, 2024 2:57 AM IST
ചി​റ്റാ​ർ: ചി​റ്റാ​ർ - സീ​ത​ത്തോ​ട് പ്ര​ധാ​ന റോ​ഡി​ൽ കാ​ട്ടാ​ന​ക​ളു​ടെ സാ​ന്നി​ധ്യം തു​ട​രു​ന്ന സാ​ഹ​ച​ര്യ​ത്തി​ൽ കെ.​യു. ജ​നീ​ഷ് കു​മാ​ർ എം​എ​ൽ​എ​യു​ടെ നേ​തൃ​ത്വ​ത്തി​ൽ ഇ​ന്ന് ചി​റ്റാ​ർ പ​ഞ്ചാ​യ​ത്ത് ഓ​ഫീ​സി​ൽ വി​പു​ല​മാ​യ യോ​ഗം ചേ​രും.

ഉ​ച്ച​ക​ഴി​ഞ്ഞ് 2.30നു ​ന​ട​ക്കു​ന്ന യോ​ഗ​ത്തി​ൽ ചി​റ്റാ​ർ, സീ​ത​ത്തോ​ട് പ​ഞ്ചാ​യ​ത്തു​ക​ളി​ലെ ത്രി​ത​ല പ​ഞ്ചാ​യ​ത്ത് ജ​ന​പ്ര​തി​നി​ധി​ക​ൾ, വ​നം, റ​വ​ന്യു, പോ​ലീ​സ്, ത​ദ്ദേ​ശ വ​കു​പ്പ് ഉ​ദ്യോ​ഗ​സ്ഥ​ർ, വി​വി​ധ രാ​ഷ്‌​ട്രീ​യ പാ​ർ​ട്ടി പ്ര​തി​നി​ധി​ക​ൾ എ​ന്നി​വ​രാ​ണ് പ​ങ്കെ​ടു​ക്കു​ന്ന​ത്.

ചി​റ്റാ​ർ ഊ​രാം​പാ​റ​യി​ലെ ജ​ന​വാ​സ മേ​ഖ​ല​യി​ലാ​ണ് ര​ണ്ട് കാ​ട്ടു കൊ​ന്പ​ൻ​മാ​ർ ദി​വ​സ​വും എ​ത്തു​ന്ന​ത്. അ​ള്ളു​ങ്ക​ൽ വ​ന​മേ​ഖ​ല​യി​ൽ​നി​ന്ന് ഇ​റ​ങ്ങി വ​രു​ന്ന ആ​ന​ക​ൾ ക​ക്കാ​ട്ടാ​റ് നീ​ന്തി ക​ട​ന്നാ​ണ് ജ​ന​വാ​സ മേ​ഖ​ല​യി​ലും ഊ​രാം​പാ​റ ഭാ​ഗ​ത്തു​കൂ​ടി ക​ട​ന്നു​പോ​കു​ന്ന ചി​റ്റാ​ർ സീ​ത​ത്തോ​ട് പൊ​തു​മ​രാ​മ​ത്ത് റോ​ഡി​ലും എ​ത്തു​ന്ന​ത്. ഇ​തോ​ടെ പ്ര​ദേ​ശ​വാ​സി​ക​ൾ ഭീ​തി​യി​ലാ​യി. കൃ​ഷി​യി​ട​ങ്ങ​ളി​ൽ നാ​ശം ഉ​ണ്ടാ​ക്കു​ന്ന​തി​നൊ​പ്പം പ്ര​ധാ​ന പാ​ത​യി​ല​ട​ക്കം ഇ​വ​യു​ടെ സ്ഥി​ര​മാ​യ സാ​ന്നി​ധ്യം ഭീ​തി​ജ​ന​ക​മാ​യ അ​ന്ത​രീ​ക്ഷ​മാ​ണ് നാ​ട്ടി​ൽ ഉ​ണ്ടാ​ക്കി​യി​രി​ക്കു​ന്ന​ത്.


ജ​ന​ങ്ങ​ൾ​ക്കും വാ​ഹ​ന​യാ​ത്രി​ക​ർ​ക്കും മു​ന്ന​റി​യി​പ്പ് ന​ല്കി റോ​ഡി​ൽ വ​ന​പാ​ല​ക​ർ കാ​വ​ൽ നി​ൽ​ക്കു​ക​യാ​ണ്. പ്ര​ശ്ന​ത്തി​നു പ​രി​ഹാ​രം ഉ​ണ്ടാ​കാ​ത്ത സാ​ഹ​ച‌​ര്യ​ത്തി​ൽ ആ​ന കാ​ടി​റ​ങ്ങു​ന്ന സാ​ഹ​ച​ര്യം ഒ​ഴി​വാ​ക്കാ​നു​ള്ള ബ​ദ​ൽ ന​ട​പ​ടി​ക​ളാ​ണ് യോ​ഗ​ത്തി​ൽ ആ​ലോ​ചി​ക്കു​ന്ന​തെ​ന്ന് എം​എ​ൽ​എ പ​റ​ഞ്ഞു.