പു​ഴ​യി​ൽ ഒ​ഴു​ക്കി​ൽ​പ്പെ​ട്ട വി​ദ്യാ​ർ​ഥി​നി​ക​ളെ ര​ണ്ടാം ദി​വ​സ​വും ക​ണ്ടെ​ത്താ​നാ​യി​ല്ല
Thursday, July 4, 2024 12:58 AM IST
ഇ​രി​ട്ടി : പ​ഴ​ശി ജ​ല​സം​ഭ​ര​ണി​യു​ടെ ഭാ​ഗ​മാ​യ പ​ടി​യൂ​ർ പൂ​വ്വം ക​ട​വി​ൽ കാ​ണാ​താ​യ വി​ദ്യാ​ർ​ഥി​നി​ക​ൾ​ക്കാ​യു​ള്ള തി​ര​ച്ചി​ൽ ര​ണ്ടാം ദി​ന​വും വി​ഫ​ലം. ജി​ല്ല​യി​ലെ എ​ല്ലാ അ​ഗ്നി​ര​ക്ഷാ​സേ​ന വി​ഭാ​ഗ​ങ്ങ​ളി​ലും നി​ന്നു​ള്ള സ്‌​കൂ​ബാ സം​ഘ​ങ്ങ​ളു​ടെ നേ​തൃ​ത്വ​ത്തി​ൽ സം​ഭ​ര​ണ​യി​ലെ മൂ​ന്ന് കി​ലോ​മീ​റ്റ​റോ​ളം വ​രു​ന്ന ഭാ​ഗ​ങ്ങ​ളി​ൽ തി​ര​ച്ചി​ൽ ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല.

ഇ​രി​ക്കൂ​ർ സി​ഗ്ബ കോ​ള​ജി​ലെ അ​വ​സാ​ന വ​ർ​ഷ ബി​എ സൈ​ക്കോ​ള​ജി  ബി​രു​ദ വി​ദ്യാ​ർ​ഥി​നി​ക​ളാ​യ എ​ട​യ​ന്നൂ​രി​ലെ ഹ​ഫ്‌​സ​ത്ത് മ​ൻ​സി​ലി​ൽ ഷ​ഹ​ർ​ബാ​ന(28), ച​ക്ക​ര​ക്ക​ൽ നാ​ലാം പീ​ടി​ക​യി​ലെ ശ്രീ​ല​ക്ഷ്മി ഹൗ​സി​ൽ സൂ​ര്യ (21)  എ​ന്നി​വ​രാ​ണ് ഒ​ഴു​ക്കി​ൽ​പ്പെ​ട്ട​ത്.

ചൊ​വ്വാ​ഴ്ച വൈ​കു​ന്നേ​രം നാ​ലി​നാ​ണ് സം​ഭ​വം. പ​ടി​യൂ​രി​ലെ സ​ഹ​പാ​ഠി​യാ​യ ജ​സീ​ന​യു​ടെ വീ​ട്ടി​ലെ​ത്തി​യ ഇ​വ​ർ പു​ഴ​യി​ൽ ഇ​റ​ങ്ങി​യ​പ്പോ​ൾ ഒ​ഴു​ക്കി​ൽ​പ്പെ​ടു​ക​യാ​യി​രു​ന്നു. ചൊ​വ്വാ​ഴ്ച്ച രാ​ത്രി വൈ​കു​വോ​ളം ഇ​രി​ട്ടി ഫ​യ​ർ ഫോ​ഴ്സ് തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്തി​യി​രു​ന്നി​ല്ല. ഇ​ന്ന​ലെ രാ​വി​ലെ ഏ​ഴി​ന് ഇ​രി​ട്ടി, പേ​രാ​വൂ​ർ, ത​ല​ശേ​രി , കൂ​ത്തു​പ​റ​മ്പ്, ക​ണ്ണൂ​ർ, പ​യ്യ​ന്നൂ​ർ , മ​ട്ട​ന്നൂ​ർ എ​ന്നി​വി​ട​ങ്ങ​ളി​ൽ നി​ന്നു​ള്ള അ​ഗ്നി​ര​ക്ഷാ സേ​ന സ്‌​കൂ​ബാ സം​ഘം വി​വി​ധ ഗ്രു​പ്പു​ക​ളാ​യി തി​രി​ഞ്ഞ് പ​ഴ​ശി അ​ണ​ക്കെ​ട്ടി​ന് സ​മീ​പം വ​രെ തി​ര​ച്ചി​ൽ ന​ട​ത്തി.

മ​ഴ​യും പു​ഴ​യി​ലെ ശ​ക്ത​മാ​യ അ​ടി​യൊ​ഴു​ക്കും തി​ര​ച്ചി​ലി​ന് ത​ട​സ​മാ​കു​ന്നു. വി​ദ്യാ​ർ​ഥി​നി​ക​ൾ മു​ങ്ങി​പ്പോ​യെ​ന്ന് ദൃ​ക്‌​സാ​ക്ഷി​ക​ൾ പ​റ​യു​ന്ന സ്ഥ​ല​ത്ത് പു​ഴ​ക്ക് പ​ത്ത് മീ​റ്റ​റി​ല​ധി​കം ആ​ഴ​മു​ണ്ട്. ത​ണു​പ്പും വെ​ള്ളം ക​ല​ങ്ങി​യ​തും അ​ടി​യൊ​ഴു​ക്കും കാ​ര​ണം അ​ടി​ത്ത​ട്ടി​ലേ​ക്ക് മു​ങ്ങി​യെ​ത്താ​ൻ ക​ഴി​യു​ന്നി​ല്ല. വ​ള​പ​ട്ട​ണം പു​ഴ​യു​ടെ ഭാ​ഗ​മാ​യ നാ​യി​ക്കാ​ലി ഭാ​ഗ​ത്തും പ​രി​ശോ​ധ​ന ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല. ഇ​തോ​ടെ എ​ഡി​എം ന​വീ​ൻ ബാ​ബു ദു​ര​ന്ത​നി​വാ​ര​ണ സേ​ന​യു​ടെ സ​ഹാ​യം തേ​ടി.

ഏ​കോ​പനത്തിന്
ജ​ന​പ്ര​തി​നി​ധി​ക​ളും
ഉ​ന്ന​ത ഉ​ദ്യോ​ഗ​സ്ഥ​രും

അ​പ​ക​ട​മേ​ഖ​ല​യി​ലേ​ക്ക് ബു​ധ​നാ​ഴ്ച്ച രാ​വി​ലെ മു​ത​ൽ നി​ല​യ്ക്കാ​ത്ത് ജ​ന​പ്ര​വാ​ഹ​മാ​യി​രു​ന്നു. മ​ല​യോ​ര​ത്തെ വി​വി​ധ ഭാ​ഗ​ങ്ങ​ളി​ൽ നി​ന്ന് നൂ​റു​ക​ണ​ക്കി​നാ​ളു​ക​ളാ​ണ് പു​ഴ​ക്ക​ട​വി​ൽ എ​ത്തി​യ​ത്. ജ​ന​പ്ര​തി​നി​ധി​ക​ളു​ടെ വ​ലി​യ​നി​ര​ത​ന്നെ എ​ത്തി​യി​രു​ന്നു. കെ. ​സു​ധാ​ക​ര​ൻ എം​പി, സ​ണ്ണി ജോ​സ​ഫ് എം​എ​ൽ​എ, മു​ൻ മ​ന്ത്രി പി.​കെ. ശ്രീ​മ​തി, ഇ​രി​ട്ടി ന​ഗ​ര​സ​ഭാ ചെ​യ​ർ​പേ​ഴ്‌​സ​ൺ കെ. ​ശ്രീ​ല​ത, വൈ​സ് ചെ​യ​ർ​മാ​ൻ പി.​പി. ഉ​സ്മാ​ൻ, സി​പി​എം ജി​ല്ലാ സെ​ക്ര​ട്ട​റി, എം.​വി. ജ​യ​രാ​ജ​ൻ, ഡി​സി​സി പ്ര​സി​ഡ​ൻ മാ​ർ​ട്ടി​ൻ ജോ​ർ​ജ്ജ്, കെ​പി​സി​സി സെ​ക്ര​ട്ട​റി ച​ന്ദ്ര​ൻ തി​ല്ല​ങ്കേ​രി, മു​ൻ ആ​ന്തൂ​ർ സ​ഗ​ര​സ​ഭാ ചെ​യ​ർ​പേ​ഴ്‌​സ​ൺ പി.​കെ. ശ്യാ​മ​ള, പ​ടി​യൂ​ർ പ​ഞ്ചാ​യ​ത്ത് പ്ര​സി​ഡ​ന്‍റ് ബി. ​ഷം​സു​ദ്ദീ​ൻ, പാ​യം പ​ഞ്ചാ​യ​ത്ത് പ്ര​സി​ഡ​ന്‍റ് പി. ​ര​ജ​നി, വൈ​സ്പ്ര​സി​ഡ​ന്‍റു​മാ​ർ , മ​റ്റ് ജ​ന​പ്ര​തി​നി​ധി​ക​ൾ വി​വി​ധ രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ൾ എ​ന്നി​വ​രെ​ല്ലാം എ​ത്തി​യി​രു​ന്നു.

എ​ഡി​എ​മ്മി​നെ കൂ​ടാ​തെ ഇ​രി​ട്ടി ത​ഹ​സി​ൽ​ദാ​ർ വി.​എ​സ്. ലാ​ലി​മോ​ൾ, ഡെ​പ്യൂ​ട്ടി ത​ഹ​സി​ൽ​ദാ​ർ​മാ​രാ​യ സി​ജോ​യി കെ.​പോ​ൾ, എ​ൻ.​കെ.​മ​നോ​ജ്, പ​ടി​യൂ​ർ, പാ​യം, വി​ല്ലേ​ജ് ഓ​ഫീ​സ​ർ​മാ​ർ, വി​വി​ധ അ​ഗ്നി​ര​ക്ഷാ​നി​ല​യം ഓ​ഫീ​സ​ർ​മാ​ർ, ഇ​രി​ക്കൂ​ർ, ഇ​രി​ട്ടി പോ​ലീ​സ് സ്‌​റ്റേ​ഷ​ൻ ഓ​ഫീ​സ​ർ​മാ​ർ എ​ന്നി​വ​രും ഉ​ണ്ടാ​യി​രു​ന്നു.

Copyright @ 2022 , Rashtra Deepika Ltd.