എംഇഎസ് സിബിഎസ്ഇ സ്കൂള്‍ കലോത്സവം തുടങ്ങി
1465789
Saturday, November 2, 2024 3:51 AM IST
പെരിന്തല്‍മണ്ണ: എംഇഎസ് സിബിഎസ്ഇ സ്കൂള്‍ 27- ാമത് സംസ്ഥാന കലോത്സവം മാലാപറമ്പ് എംഇഎസ് സെന്‍ട്രല്‍ സ്കൂളില്‍ ആരംഭിച്ചു. ആറ് വേദികളിലായി 140 ഇനങ്ങളില്‍ 4000 ല്‍ പരം പ്രതിഭകള്‍ മാറ്റുരയ്ക്കും. 27 സ്കൂളുകളിലെ പ്രതിഭകള്‍ മത്സരങ്ങളില്‍ പങ്കെടുക്കുന്നുണ്ട്. സംഘാടക സമിതി ചെയര്‍മാന്‍ വി. മൊയ്തുട്ടി പതാകയുയര്‍ത്തി. നജീബ് കാന്തപുരം എംഎല്‍എ കലോത്സവം ഉദ്ഘാടനം ചെയ്തു. എംഇഎസ് സ്കൂള്‍ എഡ്യുക്കേഷന്‍ ബോര്‍ഡ് ചെയര്‍മാന്‍ കെ.കെ. അബൂബക്കര്‍ അധ്യക്ഷത വഹിച്ചു.
സ്റ്റേറ്റ് സെക്രട്ടറി കെ.കെ. കുഞ്ഞുമൊയ്തീന്‍ മുഖ്യപ്രഭാഷണം നടത്തി. പിന്നണി ഗായന്‍ ബാദുഷ മുഖ്യാതിഥിയായിരുന്നു. എഡ്യുക്കേഷന്‍ ബോര്‍ഡ് സെക്രട്ടറി കെ.എം.ഡി. മുഹമ്മദ്, ചെയര്‍മാന്‍ വി.എന്‍. ബാലകൃഷ്ണന്‍, ഉമ്മര്‍ പാറക്കോട്ട്, ഉമര്‍ തയ്യില്‍, ജോയിന്‍റ് സെക്രട്ടറി പി.കെ. മുഹമ്മദാലി, പിടിഎംഎ പ്രസിഡന്‍റ് സുഹൈല വലിയതൊടി, എക്സിക്യൂട്ടീവ് മെന്പര്‍മാരായ അബ്ദുല്ലത്തീഫ്, ഉസ്മാന്‍ പച്ചീരി, നാദിറ ഹമീദ്, ഒ. ഷമീര്‍, ജനറല്‍ കണ്‍വീനര്‍ കരീം നായരുവീട്ടില്‍ എന്നിവര്‍ സംബന്ധിച്ചു. മത്സരങ്ങള്‍ ഇന്ന് സമാപിക്കും