ഒ​റ്റ​പ്പാ​ല​ത്തെ നെ​ല്ലുസം​ഭ​ര​ണ​ത്തി​ലെ പ്ര​തി​സ​ന്ധി​ക്കു പ​രി​ഹാ​ര​മാ​കു​ന്നു
Saturday, November 16, 2024 4:39 AM IST
ഒ​റ്റ​പ്പാ​ലം: ന​ഗ​ര​സ​ഭാ പ​രി​ധി​യി​ലെ നെ​ല്ലു സം​ഭ​ര​ണ​ത്തി​ൽ നേ​രി​ട്ടി​രു​ന്ന പ്ര​തി​സ​ന്ധി​ക്കു പ​രി​ഹാ​ര​മാ​കു​ന്നു. നെ​ല്ലു സം​ഭ​രി​ക്കു​ന്ന​തി​നു സാ​ങ്കേ​തി​ക​മാ​യ ന​ട​പ​ടി​ക​ൾ പൂ​ർ​ത്തി​യാ​ക്കി​യ​താ​യി സ​പ്ലൈ​കോ അ​ധി​കൃ​ത​ർ അ​റി​യി​ച്ചു.

നെ​ല്ലു​സം​ഭ​ര​ണം പ്ര​തി​സ​ന്ധി​യി​ലാ​യ​തു കൃ​ഷി​ഭ​വ​ൻ​വ​ഴി വി​ത​ര​ണം ചെ​യ്ത വി​ത്തി​ലെ ക​ല​ർ​പ്പു മൂ​ല​മാ​ണെ​ന്നാ​ണു സ​പ്ലൈ​കോ​യു​ടെ വി​ശ​ദീ​ക​ര​ണം. സം​ഭ​ര​ണ​ത്തി​നാ​യി ചു​മ​ത​ല​പ്പെ​ടു​ത്തി​യ മി​ല്ലു​കാ​ർ ക​ർ​ഷ​ക​രെ സ​മീ​പി​ച്ചു ന​ട​ത്തി​യ ഗു​ണ​നി​ല​വാ​ര പ​രി​ശോ​ധ​ന​യി​ലാ​ണു ക​ല​ർ​പ്പു തി​രി​ച്ച​റി​ഞ്ഞ​തെ​ന്നു സ​പ്ലൈ​കോ അ​ധി​കൃ​ത​ർ അ​റി​യി​ച്ചു. ജ്യോ​തി വി​ത്ത് ഉ​പ​യോ​ഗി​ച്ചു വി​ള​വെ​ടു​ത്ത നെ​ല്ല് എ​ന്ന നി​ല​യി​ലാ​ണു ക​ർ​ഷ​ക​ർ സ​പ്ലൈ​കോ​യി​ൽ സം​ഭ​ര​ണ​ത്തി​നു ര​ജി​സ്റ്റ​ർ ചെ​യ്തി​രു​ന്ന​ത്.

ഇ​തു​പ്ര​കാ​രം സം​ഭ​ര​ണ ന​ട​പ​ടി​ക​ൾ പൂ​ർ​ത്തി​യാ​ക്കി പ​രി​ശോ​ധ​ന​യ്ക്കു പോ​യ ശേ​ഷ​മാ​ണു ഗു​ണ​നി​ല​വാ​ര​മേ​റി​യ നെ​ല്ലാ​യി സം​ഭ​രി​ക്കാ​ൻ ക​ഴി​യി​ല്ലെ​ന്നു മി​ല്ലു​കാ​ർ അ​റി​യി​ച്ച​തെ​ന്ന് ഉ​ദ്യോ​ഗ​സ്ഥ​ർ പ​റ​യു​ന്നു.

ഇ​തി​നു പി​ന്നാ​ലെ ‘വെ​റൈ​റ്റി അ​ത​ർ റെ​ഡ്’ വി​ഭാ​ഗ​മാ​ക്കി രേ​ഖ​ക​ൾ ഭേ​ദ​ഗ​തി ചെ​യ്തു ക​ഴി​ഞ്ഞ ഏ​ഴി​നു സം​ഭ​ര​ണ​ത്തി​നു ന​ട​പ​ടി ഒ​രു​ക്കി​യ​താ​ണ്.

എട്ടിനു ​ജീ​വ​ന​ക്കാ​ർ കൃ​ഷി ഓ​ഫി​സി​ലും പാ​ട​ശേ​ഖ​ര​ത്തി​ലു​മെ​ത്തി രേ​ഖ​ക​ൾ ഭേ​ദ​ഗ​തി ചെ​യ്തി​രു​ന്ന​താ​യും ഉ​ദ്യോ​ഗ​സ്ഥ​ർ വി​ശ​ദീ​ക​രി​ച്ചു. ഒ​റ്റ​പ്പാ​ലം ന​ഗ​ര​സ​ഭ​യി​ൽ ആ​കെ 34 ക​ർ​ഷ​ക​രാ​ണു സം​ഭ​ര​ണ​ത്തി​നു ര​ജി​സ്റ്റ​ർ ചെ​യ്തി​ട്ടു​ള്ള​ത്.

പാ​ല​പ്പു​റം, പ​ന​മ​ണ്ണ മേ​ഖ​ല​ക​ളി​ൽ 5 പാ​ട​ശേ​ഖ​ര​ങ്ങ​ളി​ലെ ക​ർ​ഷ​ക​രാ​യി​രു​ന്നു ആ​ശ​ങ്ക​യി​ൽ. ക​ർ​ഷ​കസം​ഘ​ത്തി​ന്‍റെ നേ​തൃ​ത്വ​ത്തി​ൽ കൃ​ഷി ഓ​ഫീ​സി​നു മു​ന്നി​ൽ ക​ഴി​ഞ്ഞ ദി​വ​സം സ​മ​ര​വും ന​ട​ന്നി​രു​ന്നു.
Copyright @ 2018 , Rashtra Deepika Ltd.