ത​മി​ഴ്നാ​ട്ടി​ലേ​ക്കു പോ​കുന്ന വാഹനങ്ങൾ ഒ​റിജി​ന​ൽ ലൈ​സ​ൻ​സ് കാ​ണി​ക്ക​ണമെ​ന്നത് ഒ​ഴി​വാ​ക്കണം
Saturday, September 28, 2024 6:38 AM IST
കൊ​ഴി​ഞ്ഞാ​മ്പാ​റ: ഒ​റി​ജി​ന​ൽ ഡ്രൈ​വിം​ഗ് ലൈ​സ​ൻ​സ്, ആ​ർ​സി ബു​ക്ക് എ​ന്നി​വ യ​ഥാ​സ​മ​യ​ത്ത് അ​ച്ച​ടി​ച്ചു​കി​ട്ടാ​ത്ത​തി​നാ​ൽ ത​മി​ഴ്നാ​ട്ടി​ലേ​ക്ക് യാ​ത്ര ചെ​യ്യാ​ൻ ക​ഴി​യാ​ത്ത സാ​ഹ​ച​ര്യ​മെ​ന്ന് വാ​ഹ​ന ഉ​ട​മ​ക​ളു​ടെ പ​രാ​തി.

സം​സ്ഥാ​ന​ത്ത് ആ​ർ​സി, ലൈ​സ​ൻ​സ് വി​ത​ര​ണം മാ​സ​ങ്ങ​ളാ​യി ന​ട​ക്കു​ന്നി​ല്ലെ​ന്ന് അ​റി​ഞ്ഞ​തോ​ടെ ത​മി​ഴ്നാ​ട്ടി​ലേ​ക്ക് പോ​കു​ന്ന കേ​ര​ള ര​ജി​സ്ട്രേ​ഷ​ൻ വാ​ഹ​ന​ങ്ങ​ൾ തെ​ര​ഞ്ഞു​പി​ടി​ച്ച് പോ​ലി​സും, ആ​ർ​ടി​ഒ​യും ക​ർ​ശ​ന പ​രി​ശോ​ധ​ന ന​ട​ത്തു​ക​യാ​ണെ​ന്നാ​ണ് ആ​ക്ഷേ​പം.

ഒ​റി​ജി​ന​ൽ ലൈ​സ​ൻ​സ് കാ​ണി​ക്കാ​ത്ത​വ​ർ​ക്ക് ഭീ​മ​മാ​യ തു​ക പി​ഴ​യ​ട​പ്പി​ക്കു​ന്നു​ണ്ട്. ആ​ർ​ടി​ഒ ലൈ​സ​ൻ​സി​ന് അ​പ്രൂ​വ് ആ​യ രേ​ഖ​ക​ൾ കാ​ണി​ച്ചാ​ലും വി​ടാ​റി​ല്ലെ​ന്ന​താ​ണ് വാ​ഹ​നമോ​ടി​ക്കു​ന്ന​വ​രു​ടെ പ​രാ​തി .

ആ​ർ​ടി​ഒ ന​ൽ​കു​ന്ന രേ​ഖ​ക​ൾ ഇ​ന്ത്യ​യി​ലേ​ത് സം​സ്ഥാ​ന​ത്തും ബാ​ധ​ക​മാ​ണെ​ന്നി​രി​ക്കെ ത​മി​ഴ്നാ​ട് ഇ​ത് അം​ഗീ​ക​രി​ക്കു​ന്നി​ല്ലെ​ന്നാ​ണ് ആ​ക്ഷേ​പം. വേ​ല​ന്താ​വ​ളം, കൊ​ഴി​ഞ്ഞാ​മ്പാ​റ, ചി​റ്റൂ​ർ, കൊ​ല്ല​ങ്കോ​ട്, പെ​രു​മാ​ട്ടി, പ​ട്ട​ഞ്ചേ​രി, മു​ത​ല​മ​ട ഉ​ൾ​പ്പെ​ടെ സ്ഥ​ല​ങ്ങ​ളി​ൽ നി​ന്നും യാ​ത്ര​ക്കാ​ർ നി​ത്യേ​ന കോ​യ​മ്പ​ത്തൂ​ർ പൊ​ള്ളാ​ച്ചി ഭാ​ഗ​ങ്ങ​ളി​ലേ​ക്ക് പോ​യി​വ​രാ​റു​ണ്ട്. ഇ​വ​ർ​ക്കാ​ണ് സ​ർ​ട്ടി​ഫി​ക്ക​റ്റു​ക​ൾ ല​ഭി​ക്കാ​ത്ത​ത്ഏ​റെ വി​ന​യാ​യി​രി​ക്കു​ന്ന​ത്.

സം​സ്ഥാ​ന ഗ​താ​ഗ​ത വ​കു​പ്പ് മ​ന്ത്രി അ​ടി​യ​ന്ത​ര​മാ​യി ത​മി​ഴ്നാ​ട് ഗ​താ​ഗ​ത വ​കു​പ്പു​മാ​യി ബ​ന്ധ​പ്പെ​ട്ട് ഒ​റി​ജി​ന​ൽ ലൈ​സ​ൻ​സ് കാ​ണി​ക്ക​ണ​മെ​ന്ന നി​ർ​ബ​ന്ധം ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം.
Copyright @ 2018 , Rashtra Deepika Ltd.