അഞ്ചൽ: ഏരൂര്‍ വിളക്കുപാറയിൽ രൂപീകരിച്ച ഐക്കൺസ് ആർട്സ് ആന്‍ഡ് സ്പോർട്സ് ക്ലബിന്‍റെ ഉദ്ഘാടനവും അഞ്ചൽ ലയൺസ് ക്ലബിന്‍റെ സഹകരണത്തോടെ സംഘടിപ്പിച്ച സൗജന്യ മെഗാ മെഡിക്കൽ ക്യാമ്പും വിളക്കുപാറ തടത്തിൽ ബിൽഡിംഗിൽ നടന്നു.
അഞ്ചൽ ബ്ലോക്ക് പഞ്ചായത്ത് പ്രസിഡന്‍റ് ഓമനമുരളി ക്ലബിന്‍റെ ഉദ്ഘാടനവും ഡോ. വി.കെ. ജയകുമാര്‍ മെഡിക്കൽ ക്യാമ്പിന്‍റെ ഉദ്ഘാടനവും നിർവഹിച്ചു. ലയൺസ് ക്ലബ് പ്രസിഡന്‍റ് ഡോ. ജോർജ് ലൂക്കോസ് അധ്യക്ഷത വഹിച്ചു. ഡോക്ടർമാരായ അൻസു സാറ കോരുത്, എസ്. സുശീലൻ നായർ, ഷിസി പകൽക്കുറി എന്നിവർ മരുന്നുകളുടെ ശരിയായ ഉപയോഗം സംബന്ധിച്ച് ബോധവത്കരണ ക്ലാസെടുത്തു.
ലയൺസ് ക്ലബ് സെക്രട്ടറി ആർ.വി. ബിജു, പഞ്ചായത്തംഗങ്ങളായ ഡോൺ വി. രാജ്, ദിവ്യ ജയചന്ദ്രൻ, ലിജി ജോൺസൺ, പി. വിഷ്ണു, സുജിതകുമാരി ഐക്കൺ ക്ലബ് പ്രസിഡന്‍റ് ഷൈൻ ബാബു, ലയൺ അരുൺ ദിവാകർ എന്നിവർ പ്രസംഗിച്ചു. ജനറൽ മെഡിസിൻ, ഹൃദയരോഗങ്ങൾ, അലർജി, കൊളസ്‌ട്രോൾ, പ്രമേഹം, രക്തസമ്മർദം, ശിശു രോഗം, ദന്തപരിശോധന, നേത്രചികിത്സ മുതലായ വിഭാഗങ്ങളില്‍ നൂറുകണക്കിന് നാട്ടുകാർ ചികിത്സ തേടി.