ചാത്തന്നൂർ: ദേശീയ പ്രസ്ഥാനമായ കോൺഗ്രസിന്‍റെ പ്രസക്തി പതിറ്റാണ്ടുകൾ കഴിയുന്തോറും വർധിച്ചു വരികയാണന്ന് കെപിസിസി അംഗം നെടുങ്ങോലം രഘു. നെടുങ്ങോലം വടക്കേമുക്കിൽ ദേശീയ മഹിളാ കോൺഗ്രസ് ചാത്തന്നൂർ ബ്ലോക്ക് സാഹസ് ക്യാമ്പ് ഉദ്‌ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
അധികാര വികേന്ദ്രീകരണത്തിലൂടെ തദ്ദേശ സ്വയംഭരണ സ്ഥാപങ്ങൾക്ക് കൂടുതൽ അധികാരവും വനിതാ സംവരണത്തിലൂടെ സ്ത്രീകളെ അധികാരത്തിന്‍റെ ഉന്നത പടവുകളിലേക്ക് എത്തിക്കാനും കോൺഗ്രസ് സർക്കാരുകൾക്ക് കഴിഞ്ഞെന്നും അദ്ദേഹം പറഞ്ഞു. മഹിളാ കോൺഗ്രസ് ചാത്തന്നൂർ ബ്ലോക്ക് പ്രസിഡന്‍റ് ലാലീരാജിസ് അധ്യക്ഷത വഹിച്ചു.
കെപിസിസി സെക്രട്ടറി തൊടിയൂർ രാമചന്ദ്രൻ, പുനലൂർ സി.ബി. വിജയകുമാർ, കെപിസിസി നിർവാഹക സമിതി മുൻ അംഗം എൻ. ജയചന്ദ്രൻ, ക്യാമ്പ് കോർഡിനേറ്റർ അഡ്വ. സിന്ധു വിനോദ് എന്നിവർ ക്ലാസ് നയിച്ചു. ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് ബിജു വിശ്വരാജൻ, ഡിസിസി ജനറൽ സെക്രട്ടറിമാരായ എസ്. ശ്രീലാൽ, എ. ഷുഹൈബ്, സുഭാഷ് പുളിക്കൽ,
പൂയപ്പള്ളി പഞ്ചായത്ത് പ്രസിഡന്‍റ് എസ്. മായ, ആദിച്ചനല്ലൂർ പഞ്ചായത്ത് പ്രസിഡന്‍റ് രേഖ എസ്. ചന്ദ്രൻ, ബ്ലോക്ക് പഞ്ചായത്ത് മെമ്പർ ഗീതാ ജോർജ്‌, പഞ്ചായത്ത് സ്ഥിരം സമിതി അധ്യക്ഷ സുബി പരമേശ്വരൻ, ആദിച്ചനല്ലൂർ പഞ്ചായത്ത് മുൻ പ്രസിഡന്‍റ് ഷീല ബിനു, പഞ്ചായത്ത് അംഗങ്ങളായ ഏലിയാമ്മ ജോൺസൺ, മേരിറോസ്, ശ്രീകല അനിൽ, എം. ബിന്ദു, കെ. ഇന്ദിര, പഞ്ചായത്ത് മുൻ അംഗങ്ങളായ ഷൈലജ പ്രേം, റംല ബഷീർ, ടി. രാജേശ്വരി തുടങ്ങിയവർ പ്രസംഗിച്ചു.