പുൽപ്പള്ളി: എസ്എൻഡിപി യോഗം എം.കെ. രാഘവൻ മെമ്മോറിയൽ യൂണിയൻ പുൽപ്പള്ളിയുടെ നേതൃത്വത്തിൽ വിപുലമായ പരിപാടികളോടെ ഗുരുജയന്തി ആഘോഷിച്ചു.
ഗുരുജയന്തിയോടനുബന്ധിച്ച് വിശേഷാൽ ഗുരുപൂജ, സമൂഹ പ്രാർത്ഥന, ജയന്തി സമ്മേളനം, ചതയദിനസദ്യ, ഘോഷയാത്ര തുടങ്ങിയ പരിപാടികൾ നടന്നു. യൂണിയന് കീഴിലുള്ള സെന്റർ പുൽപ്പള്ളി, ചെറ്റപ്പാലം, ആനപ്പാറ, മണൽവയൽ, ഏരിയപ്പള്ളി കേളക്കവല ഗുരുദേവപുരം കല്ലുവയൽ അതിരാറ്റുകുന്ന് മണലുവയൽ ആശ്രമക്കൊല്ലി, കാപ്പിസെറ്റ്, അമരക്കുനി, പട്ടാണികൂപ്പ്, ശിശുമല, കബനിഗിരി, സീതാമൗണ്ട്, കോളറാട്ടുകുന്ന് ശാഖകളിൽ ഗുരു ജയന്തി ആഘോഷിച്ചു.
എം.കെ. ഷാജി, സജി കോടിക്കുളത്ത്, സി.ഡി. ദീപേഷ് എന്നിവർ നേതൃത്വം നൽകി. ശിശുമല ശാഖയിൽ ജയന്തി ആഘോഷം മുള്ളൻകൊല്ലി പഞ്ചായത്ത് പ്രസിഡന്റ് പി.കെ. വിജയൻ ഉദ്ഘാടനം ചെയ്തു. യൂണിയൻ ചെയർമാൻ എൻ.കെ. ഷാജി അധ്യക്ഷത വഹിച്ചു. അമരക്കുനി ശാഖയിലെ ഗുരുദേവജയന്തി സമ്മേളനം എസ്എൻഡിപി യോഗം ഡയറക്ടർ ബോർഡ് അംഗം എൻ.കെ. ഷാജി ഉദ്ഘാടനം ചെയ്തു.
മോഹനൻ മേട്ടുംപുറത്ത് അധ്യക്ഷത വഹിച്ചു. പുൽപ്പള്ളി പഞ്ചായത്ത് പ്രസിഡന്റ് ടി.എസ്. ദിലീപ് കുമാർ മുഖ്യപ്രഭാഷണം നടത്തി. മുണ്ടക്കൈ ഉരുൾപൊട്ടൽ ദുരന്തത്തിൽ മരിച്ചവർക്ക് അനുസ്മരണവും മുഖ്യമന്ത്രിയുടെ ദുരിതാശ്വാസ നിധിയിലേക്ക് സഹായവും നൽകി.