വ​ന്യ​ജീ​വി​ശ​ല്യ​ത്തി​നി​ട​യി​ലും നെ​ൽ​കൃ​ഷി ഇ​റ​ക്കി​ ഗോത്ര ക​ർ​ഷ​ക​ർ
Tuesday, August 20, 2024 4:17 AM IST
സു​ൽ​ത്താ​ൻ ബ​ത്തേ​രി: രൂ​ക്ഷ​മാ​യ വ​ന്യ​മൃ​ഗ​ശ​ല്യ​ത്തി​നി​ട​യി​ലും പ്ര​തീ​ക്ഷ​യോ​ടെ കൃ​ഷി​യി​റ​ക്കി നൂ​ൽ​പ്പു​ഴ പ​ഞ്ചാ​യ​ത്തി​ലെ ഊ​രം​കു​ന്ന്, കാ​ട​ൻ​കൊ​ല്ലി പ്ര​ദേ​ശ​ങ്ങ​ളി​ലെ ഗോ​ത്ര കു​ടും​ബ​ങ്ങ​ൾ. കു​റു​മ വി​ഭാ​ഗ​ത്തി​ലെ ഇ​രു​പ​ത്തി​ര​ണ്ടോ​ളം ഗോ​ത്ര​കു​ടും​ബ​ങ്ങ​ളാ​ണ് 46 ഏ​ക്ക​റോ​ളം സ്ഥ​ല​ത്ത് മു​ട​ങ്ങാ​തെ ഈ ​വ​ർ​ഷ​വും നെ​ൽ​ക്കൃ​ഷി​യി​റ​ക്കി​യ​ത്.

പ്ര​തി​സ​ന്ധി​ക​ൾ പ​ല​തു​ണ്ടെ​ങ്കി​ലും കൃ​ഷി​ ഉപേ​ക്ഷി​ക്കാ​ൻ ഇ​വ​ർ ത​യാ​റ​ല്ല. പൂ​ർ​വി​ക​ർ തു​ട​ങ്ങിെ​ച്ച ശീ​ല​മാ​യ​തി​നാ​ൽ കൃ​ഷി മു​ട​ക്കാ​ൻ മ​ന​സു വ​രു​ന്നി​ല്ലെ​ന്നും അ​തു​കൊ​ണ്ട് ലാ​ഭ​വും ന​ഷ്ട​വു​മൊ​ന്നും നോ​ക്കാ​റി​ല്ലെ​ന്നു​മാ​ണ് ഇ​വ​ർ പ​റ​യു​ന്ന​ത്.

ജ​ല​ദൗ​ർ​ല​ഭ്യ​മു​ള്ള​തി​നാ​ൽ ന​ഞ്ച​ക്കൃ​ഷി മാ​ത്ര​മാ​ണ് ചെ​യ്യു​ന്ന​ത്. ഊ​ര​ൻ​കു​ന്ന് ഭാ​ഗ​ത്തെ 12 കൃ​ഷി​ക്കാ​ർ ചേ​ർ​ന്ന് 40,000 രൂ​പ മു​ട​ക്കി ഫെ​ൻ​സിം​ഗ് സം​വി​ധാ​നം ഏ​ർ​പ്പെ​ടു​ത്തി. എ​ങ്കി​ലും വ​ന്യ​മൃ​ഗ​ശ​ല്യം പ​രി​ഹ​രി​ക്കാ​ൻ കൃ​ഷി​ക്കാ​ർ സ്വ​യം പ​ണം മു​ട​ക്കേ​ണ്ടി വ​രു​ന്ന​ത് നി​രാ​ശാ​ജ​ന​ക​മാ​ണെ​ന്നും പ്ര​ശ്ന​പ​രി​ഹാ​ര​ത്തി​ന് സ​ർ​ക്കാ​ർ ത​ല​ത്തി​ൽ ഇ​ട​പെ​ട​ലു​ക​ൾ വേ​ണ​മെ​ന്നാ​ണ് ഊ​രം​കു​ന്ന് ഭാ​ഗ​ത്തെ ക​ർ​ഷ​ക​നാ​യ രാ​മ​കൃ​ഷ്ണ​ൻ പ​റ​യു​ന്ന​ത്.

വ​ന്യ​മൃ​ഗ​ശ​ല്യ​ത്തെ അ​തി​ജീ​വി​ക്കാ​ൻ ഫെ​ൻ​സിം​ഗ് സം​വി​ധാ​നം​കൂ​ടി വേ​ണ​മെ​ന്നാ​ണ് ഇ​വ​രു​ടെ ആ​വ​ശ്യം. പ​ന്ത്ര​ണ്ടാം വാ​ർ​ഡി​ലു​ൾ​പ്പെ​ടു​ന്ന കോ​ട്ടൂ​ർ, കാ​യ​പ്പു​ര അ​ട​യ്ക്കാ​മാ​ങ്ങ പ്ര​ദേ​ശ​ങ്ങ​ളി​ലെ അ​റു​പ​തി​ലേ​റെ ഗോ​ത്ര ക​ർ​ഷ​ക​രും വ​ന്യ​മൃ​ഗ​ശ​ല്യം മൂ​ലം പ്ര​തി​സ​ന്ധി​യ​നു​ഭ​വി​ക്കു​ന്നു​ണ്ട്. ഓ​ട​ക്കൊ​ല്ലി ഭാ​ഗ​ത്ത് എ​ട്ടേ​ക്ക​റോ​ളം ഭാ​ഗ​ത്ത് കാ​ട്ടു​നാ​യ്ക്ക വി​ഭാ​ഗ​ത്തി​ലെ ക​ർ​ഷ​ക​രും കൃ​ഷി​യി​റ​ക്കു​ന്നു​ണ്ട്. വ​ല്ല​ത്തൂ​ർ, ചെ​റു​വ​യ​ൽ ഭാ​ഗ​ത്ത് പ​തി​നെ​ട്ട് ഏ​ക്ക​റോ​ളം നെ​ൽ​വ​യ​ലു​ണ്ട്.

എ​ന്നാ​ൽ ഈ ​ഭാ​ഗ​ങ്ങ​ളി​ലെ​ല്ലാം വ​ന്യ​മൃ​ഗ​ശ​ല്യം ക​ർ​ഷ​ക​രെ വ​ലി​യ പ്ര​തി​സ​ന്ധി​യി​ലാ​ക്കു​ന്നു​ണ്ട്. തോ​ട്ടാ​മൂ​ല വ​ന​മേ​ഖ​ല​യി​ൽ നി​ന്നാ​ണ് പ്ര​ദേ​ശ​ത്തെ കൃ​ഷി​യി​ട​ങ്ങ​ളി​ൽ വ​ന്യ​മൃ​ഗ​ങ്ങ​ളെ​ത്തു​ന്ന​ത്. ക​ണ്ണ​ങ്കോ​ട് പാ​ട​ശേ​ഖ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ വ​ന്യ​മൃ​ഗ​ശ​ല്യം രൂ​ക്ഷ​മാ​യെ​ന്നും ഇ​ത് പ​രി​ഹ​രി​ക്കാ​ൻ പ്ര​ത്യേ​ക പാ​ക്കേ​ജ് വേ​ണ​മെ​ന്നും ക​ണ്ണ​ങ്കോ​ട് പാ​ട​ശേ​ഖ​ര സ​മി​തി പ്ര​സി​ഡ​ന്‍റ് കെ.​എ. ച​ന്തു പ​റ​ഞ്ഞു.
Copyright @ 2018 , Rashtra Deepika Ltd.