ഷാ​ഡോ ഡോ​ക്ട​ര്‍​മാ​രാ​യി സ്‌​കൂ​ള്‍ വി​ദ്യാ​ര്‍​ഥി​ക​ള്‍
Friday, July 5, 2024 6:34 AM IST
തി​രു​വ​ന​ന്ത​പുരം: ആ​ശു​പ​ത്രി​ക​ളി​ല്‍ ഡോ​ക്ട​ര്‍​മാ​രു​ടെ തി​ര​ക്കി​ട്ട ജോ​ലി​ക​ളെ അ​ടു​ത്ത​റി​യാ​നും പ്ര​ചോ​ദ​നം ന​ല്‍​കു​ന്ന​തി​നു​മാ​യി സ്‌​കൂ​ള്‍ വി​ദ്യാ​ര്‍​ഥിക​ള്‍​ക്ക് ഷാ​ഡോ ഡോ​ക്ട​ര്‍ പ​ദ്ധ​തി അ​വ​ത​രി​പ്പി​ച്ച് എ​സ്പി മെ​ഡി​ഫോ​ര്‍​ട്ട് ഹോ​സ്പി​റ്റ​ലി​ന്‍റെ വേ​റി​ട്ട ഡോ​ക്ടേ​ഴ്‌​സ് ദി​നാ​ച​ര​ണം ശ്ര​ദ്ധേ​യ​മാ​യി. രാ​ജ്യ​ത്തെ ഏ​റ്റ​വും ഉ​യ​രം കു​റ​ഞ്ഞ ഡോ​ക്ട​റെ​ന്ന വി​ശേ​ഷി​പ്പി​ക്ക​പ്പെ​ടു​ന്ന ഗു​ജ​റാ​ത്തു​കാ​ര​ന്‍ ഡോ. ​ഗ​ണേ​ഷ് ബ​ര​യ്യ​യാ​യി​രു​ന്നു മു​ഖ്യാ​തി​ഥി.

ഷാ​ഡോ ഡോ​ക്ട​ര്‍ പ​ദ്ധ​തി​യു​ടെ ഭാ​ഗ​മാ​യി തെ​ര​ഞ്ഞെ​ടു​ത്ത 200ഓ​ളം വി​ദ്യാ​ര്‍​ഥി​ക​ളാ​ണ് ഡോ​ക്ട​ര്‍ വേ​ഷ​ത്തി​ല്‍ ഒ​രു ദി​വ​സം ആ​ശു​പ​ത്രി​യി​ല്‍ ചെ​ല​വി​ട്ടു ചി​കി​ത്സാ മു​റ​ക​ളും രോ​ഗീ പ​രി​ച​ര​ണ​വും ഡോ​ക്ട​ര്‍​മാ​രു​ടെ ദൈ​നം​ദി​ന പ്ര​വ​ര്‍​ത്ത​ന​ങ്ങ​ളും നേ​രി​ട്ട​റി​ഞ്ഞ​ത്. ഭാ​വി ഡോ​ക്ട​ര്‍​മാ​രാ​യ ഈ ​വി​ദ്യാ​ര്‍​ഥി​ക​ള്‍​ക്ക് പ്ര​ചോ​ദ​നം ന​ല്‍​കു​ന്ന​തി​നാ​ണ് ഡോ. ​ഗ​ണേ​ഷ് ബ​ര​യ്യ ഡോ​ക്ടേ​ഴ്‌​സ് ദി​ന പ​രി​പാ​ടി​യി​ല്‍ അ​തി​ഥി​യാ​യി എ​ത്തി​യ​ത്.

മൂ​ന്ന​ടി പൊ​ക്കം മാ​ത്ര​മു​ള്ള ഡോ. ​ഗ​ണേ​ഷ് വെ​ല്ലു​വി​ളി​ക​ളെ അ​തി​ജീ​വി​ച്ചും ഡോ​ക്ട​റാ​കാ​നു​ള്ള ത​ന്‍റെ മോ​ഹ​ത്തി​നെ​തി​രെ ഉ​യ​ര്‍​ന്നു വ​ന്ന ത​ട​സ​ങ്ങ​ളെ നി​യ​മ​പ​ര​മാ​യി നേ​രി​ട്ടും പൊ​രു​തി ജ​യി​ച്ചാ​ണ് ഡോ​ക്ട​റാ​​യ​ത്.

വി​ജ​യ​ത്തി​ലേ​ക്കു​ള്ള പാ​ത​യി​ല്‍ ശാ​രീ​രി​ക വെ​ല്ലു​വി​ളി​ക​ള്‍ ഒ​രി​ക്ക​ലും ഒ​രു ത​ട​സ​മ​ല്ലെ​ന്നും ഏ​തു പ്ര​തി​കൂ​ല സാ​ഹ​ച​ര്യ​ങ്ങ​ളേ​യും നി​ര​ന്ത​ര പ​രി​ശ്ര​മ​ത്തി​ലൂ​ടെ മ​റി​ക​ട​ക്കാ​നാ​കു​മെ​ന്നു​മാ​ണ് ഡോ. ​ഗ​ണേ​ഷി​ന്‍റെ വി​ജ​യം ന​ല്‍​കു​ന്ന പാ​ഠ​മെ​ന്ന് എ​സ്പി മെ​ഡി​ഫോ​ര്‍​ട്ട് ചെ​യ​ര്‍​മാ​നും മാ​നേ​ജിം​ഗ് ഡ​യ​റ​ക്ട​റു​മാ​യ ഡോ.​ എ​സ്.​പി. അ​ശോ​ക​ന്‍ പ​റ​ഞ്ഞു.
Copyright @ 2018 , Rashtra Deepika Ltd.