ജയ്പുർ എൽപിജി ടാങ്കർ അപകടം; മരണം 14 ആയി : Deepika.com National News |

Click here for detailed news of all items

ജയ്പുർ എൽപിജി ടാങ്കർ അപകടം; മരണം 14 ആയി

Sunday, December 22, 2024 2:07 AM IST

ജയ്പൂർ: രാജസ്ഥാനിലെ ജയ്പുരിൽ എൽപിജി ടാങ്കറും ട്രക്കും കൂട്ടിയിടിച്ചുണ്ടായ അപകടത്തിൽ പതിനാലുപേർ മരിച്ചതായി സ്ഥിരീകരിച്ചു. കത്തിക്കരിഞ്ഞ നിലയിൽ അഞ്ചുപേരുടെ മൃതദേഹങ്ങൾ ഇന്നലെ കണ്ടെടുത്തു. എട്ടുപേർ നേരത്തെ മരിച്ചതായി സ്ഥിരീകരിച്ചിരുന്നു.

ജയ്പുരിലെ എസ്എംഎസ് ആശുപത്രിയിൽ 27 പേരാണു ചികിത്സയിലുള്ളത്. ഇതിൽ ഏഴുപേർ ജീവൻരക്ഷാ ഉപകരണങ്ങളുടെ സഹായത്തോടെയാണു തുടരുന്നത്.

വിവിധ കാരണങ്ങളാണ് അപകടത്തിലേക്കു നയിച്ചതെന്നാണു വിദഗ്ധരുടെ വിലയിരുത്തൽ.റോഡിലെ നിർമാണ പ്രവർത്തനങ്ങൾ പൂർത്തിയാകാത്തതും വലിയ വളവുകളും മാത്രമല്ല ട്രാഫിക് നിയമത്തിലെ അജ്ഞതയും അപകടത്തിനു കാരണമായി. ശരിയായ ദിശാസൂചികകൾ ഇല്ലാത്തതാണു മറ്റൊരു കാരണം.

ജയ്പൂർ-അജ്മീർ ഹൈവേയിൽ ദുരന്തമേഖലയിൽ അപകടങ്ങൾ പതിവാണ്. വലിയ ടാങ്കർ ലോറികൾ ഇവിടെ യു ടേൺ എടുക്കുന്നതു തടയാനുള്ള സംവിധാനങ്ങൾ ഉണ്ടാകേണ്ടിയിരിക്കുന്നുവെന്നു രാജസ്ഥാൻ ചീഫ് സെക്രട്ടറിയുടെ ട്രാഫിക് മാനേജ്മെന്‍റ് കമ്മിറ്റിയിലെ മുൻ അംഗം ജോർജ് ചെറിയാൻ പറഞ്ഞു. ഹൈമാസ്റ്റ് ലൈറ്റിംഗ് സംവിധാനമോ റിഫ്ലക്ടറുകളോ മാർക്കറുകളോ റോഡിൽ ഇല്ല.

ആറുവർഷങ്ങൾക്കു മുൻപുള്ള തെരഞ്ഞെടുപ്പിനു മുന്നോടിയായി തിരക്കുപിടിച്ചു ഉദ്ഘാടനം ചെയ്ത റിംഗ് റോഡും അപകടത്തിലേക്കു വഴിതെളിച്ചുവെന്നാണു വിലയിരുത്തൽ. ഏതെങ്കിലും കണ്ടെയ്നർ ലോറി ഇവിടേക്ക് പ്രവേശിച്ചാൽ റോഡിൽ ഗതാഗത കുരുക്കുണ്ടാകുന്ന സ്ഥിതിയാണുള്ളത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.