രാഹുൽ കാണിച്ചത് ഗുണ്ടായിസം: ബിജെപി : Deepika.com National News |

Click here for detailed news of all items

രാഹുൽ കാണിച്ചത് ഗുണ്ടായിസം: ബിജെപി

Friday, December 20, 2024 2:16 AM IST

ന്യൂഡൽഹി: ബിജെപി എംപിമാരെ കൈയേറ്റം ചെയ്തു പ്രതിപക്ഷ നേതാവ് രാഹുൽ ഗാന്ധി കാണിച്ചത് ഗുണ്ടായിസമാണെന്ന് ബിജെപി. പാർലമെന്‍റ് വളപ്പിൽ സമാധാനപരമായി പ്രതിഷേധിക്കുകയായിരുന്ന ബിജെപി എംപിമാരെ മനഃപൂർവം ആക്രമിക്കുകയായിരുന്നുവെന്ന് കേന്ദ്രമന്ത്രി ശിവ്‌രാജ് സിംഗ് ചൗഹാൻ പറഞ്ഞു.

അക്രമം അഴിച്ചുവിടാനാണ് രാഹുൽ എംപിമാരെ കൈയേറ്റം ചെയ്തത്. പാർലമെന്‍റ് കവാടമായ മകർ ദ്വാറിൽ ബിജെപി എംപിമാർ പ്രതിഷേധിക്കുകയായിരുന്നു. രാഹുൽ അതിലൂടെ അകത്തേക്കു കടക്കാൻ വന്നപ്പോൾ സെക്യൂരിറ്റി ജീവനക്കാർ കടത്തിവിട്ടില്ല. എന്നാൽ മനഃപൂർവം അവിടേക്കെത്തിയ രാഹുൽ എംപിമാർക്കെതിരേ അക്രമം നടത്തുകയായിരുന്നുവെന്നും ബിജെപി ആസ്ഥാനത്തു നടത്തിയ പത്രസമ്മേളനത്തിൽ ചൗഹാൻ പറഞ്ഞു.

എംപിമാരെ ശാരീരികമായി ആക്രമിച്ച രാഹുൽ ഗാന്ധി മാപ്പ് പറയണമെന്ന് കേന്ദ്രമന്ത്രി കിരണ്‍ റിജിജു ആവശ്യപ്പെട്ടു. എംപിമാരെ ആക്രമിക്കാൻ രാഹുലിന് ആരാണ് അധികാരം നൽകിയത്? ഇതിനായി രാഹുൽ കുങ്ഫുവും കരാട്ടെയും പഠിച്ചിട്ടുണ്ടോ? അക്രമങ്ങളിലൂടെ രാഹുൽ ജനാധിപത്യത്തിൽ വിശ്വസിക്കുന്നില്ലെന്നു വ്യക്തമായെന്നും അദ്ദേഹം കൂട്ടിച്ചേർത്തു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.