അജ്ഞാത മൃതദേഹം പാഴ്സലായി ലഭിച്ചു : Deepika.com National News |

Click here for detailed news of all items

അജ്ഞാത മൃതദേഹം പാഴ്സലായി ലഭിച്ചു

Saturday, December 21, 2024 2:40 AM IST

വെസ്റ്റ് ഗോദാവരി: ആന്ധ്രപ്രദേശിലെ യെണ്ടഗണ്ടി മേഖലയിലെ സ്ത്രീക്ക് 45 വയസു തോന്നിക്കുന്ന വ്യക്തിയുടെ മൃതദേഹം പാഴ്സലായി ലഭിച്ചു.

വ്യാഴാഴ്ച രാത്രി ഇവരുടെ പണിതീരാത്ത വീട്ടിലേക്കാണു ഒരു ഓട്ടോറിക്ഷയിൽ അജ്ഞാത മൃതദേഹം എത്തിച്ചത്. ഇവരോട് 1.35 കോടി രൂപ ആവശ്യപ്പെട്ടുകൊണ്ടുള്ള കത്തും ഇതോടൊപ്പമുണ്ടായിരുന്നു.

സഗി തുൾസി എന്ന സ്ത്രീയുടെ പേരിലാണ് പാഴ്സൽ അയച്ചിരിക്കുന്നത്. പത്തു വർഷം മുൻപ് ഭർത്താവ് മരണപ്പെട്ട ഇവർ അടുത്തകാലത്താണ് മറ്റൊരാളുടെ സഹായത്തോടെയാണു അടുത്തിടെ സ്വന്തം വീട് പണിയാനാരംഭിച്ചത്.

സ്വന്തം ജാതിയിൽപെട്ട ആളായതുകൊണ്ടും വിധവയായതുകൊണ്ടും തുൾസിയെ സഹായിക്കാൻ താത്പര്യമുണ്ട് എന്നവകാശപ്പെട്ടുകൊണ്ടു മുന്നോട്ടു വന്ന വ്യക്തിയാണ് വീട് പണിയാൻ സഹായിക്കുന്നത്.

വീട്ടിലേക്ക് ആവശ്യമുള്ള ഇലക്ട്രോണിക് സാധനങ്ങൾ എത്തിക്കാമെന്നു ഇയാൾ വാഗ്ദാനം ചെയ്തതിനാൽ അതിനായി കാത്തിരിക്കുകയായിരുന്നു ഇവർ. ഈയവസരത്തിലാണ് മൃതദേഹം അടങ്ങിയ പെട്ടി പാഴ്സലായി എത്തിച്ചേർന്നത്.

ഇവരുടെ ഭർത്താവ് 2008ൽ മൂന്നു ലക്ഷം രൂപ വായ്പയെടുത്തിരുന്നുവെന്നും ഈ തുകയുടെ ഇപ്പോഴത്തെ മൂല്യം 1.35 കോടിയാണെന്നും കത്തിൽ പറയുന്നു. ഇത് തിരിച്ചടച്ചില്ലെങ്കിൽ പ്രത്യാഘാതങ്ങളുണ്ടാവുമെന്ന ഭീഷണിയും കത്തിലുണ്ട്. സംഭവത്തിൽ പോലീസ് അന്വേഷണം നടത്തിവരികയാണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.