‘ഒരു രാജ്യം ഒരു തെരഞ്ഞെടുപ്പ്’: ജെപിസിയിൽ 39 അംഗങ്ങൾ : Deepika.com National News |

Click here for detailed news of all items

‘ഒരു രാജ്യം ഒരു തെരഞ്ഞെടുപ്പ്’: ജെപിസിയിൽ 39 അംഗങ്ങൾ

Saturday, December 21, 2024 2:41 AM IST

ന്യൂഡൽഹി: ‘ഒരു രാജ്യം ഒരു തെരഞ്ഞെടുപ്പ്’ ബില്ല് പരിശോധിക്കാൻ കേന്ദ്രസർക്കാർ രൂപീകരിച്ച സംയുക്ത പാർലമെന്‍ററി സമിതി (ജെപിസി) അംഗങ്ങളുടെ എണ്ണം 39 ആയി വർധിപ്പിച്ചു. ലോക്സഭയിൽനിന്ന് 21 അംഗങ്ങളെയും രാജ്യസഭയിൽനിന്ന് പത്ത് അംഗങ്ങളെയുമായി‌രുന്നു ആദ്യം സമിതിയിൽ ഉൾപ്പെടുത്തിയിരുന്നത്.

പ്രാതിനിധ്യം വേണമെന്നാവശ്യപ്പെട്ടു സിപിഎം അടക്കമുള്ള ഏതാനും പാർട്ടികളും ലോക്സഭാ സ്പീക്കർക്ക് കത്ത് നൽകിയതോടെ ലോക്സഭയിലെ അംഗങ്ങളുടെ എണ്ണം 29 ആയും രാജ്യസഭയിലെ അംഗങ്ങളുടെ എണ്ണം 12 ആയും ഉയർത്തുകയായിരുന്നു. മുസ്‌ലിം ലീഗ് അംഗം ഇ.ടി. മുഹമ്മദ് ബഷീറിനെ സമിതിയിൽ ക്ഷണിതാവായും ഉൾപ്പെടുത്തി.

ബില്ല് ജെപിസിക്ക് വിട്ടുകൊണ്ടുള്ള പ്രമേയം കേന്ദ്ര നിയമമന്ത്രി അർജുൻ റാം മേഘ്‌വാൾ ലോക്സഭയിൽ അവതരിപ്പിച്ചതിനു പിന്നാലെ സഭ പ്രമേയം പാസാക്കി. കേരള എംപിമാരായ പ്രിയങ്ക ഗാന്ധിയും കെ. രാധാകൃഷ്ണനും ജെപിസിയിൽ അംഗങ്ങളാണ്.

ലോക്സഭയിലേക്കും നിയമസഭകളിലേക്കും ഒരേസമയം തെരഞ്ഞെടുപ്പ് നടത്താനുള്ള ഭരണഘടനാ ഭേദഗതി ബില്ലും നിയമഭേദഗതി ബില്ലും പ്രതിപക്ഷം എതിർത്തതോടെ ബില്ല് കൂടുതൽ പരിശോധിക്കാൻ ജെപിസിക്കു വിടാൻ കേന്ദ്രസർക്കാർ തീരുമാനിക്കുകയായിരുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.