പ്ലാസ്റ്റിക് കിറ്റ് പരിശോധനയുടെ പേരിൽ അന്യായ പിഴശിക്ഷ: കെഎച്ച്ആര്‍എ : Deepika.com Kerala News |

Click here for detailed news of all items

പ്ലാസ്റ്റിക് കിറ്റ് പരിശോധനയുടെ പേരിൽ അന്യായ പിഴശിക്ഷ: കെഎച്ച്ആര്‍എ

Sunday, July 21, 2024 1:16 AM IST

കൊച്ചി: നിരോധിത പ്ലാസ്റ്റിക് കിറ്റുകള്‍ പരിശോധിക്കുന്നതിന്‍റെ പേരില്‍ ഉദ്യോഗസ്ഥര്‍ ഹോട്ടലുടമകള്‍ക്ക് അന്യായ പിഴശിക്ഷ നല്‍കുകയാണെന്ന് കേരള ഹോട്ടല്‍ ആൻഡ് റസ്റ്റോറന്‍റ് അസോസിയേഷന്‍. നിരോധിത കിറ്റുകള്‍ ഉപയോഗിക്കരുതെന്ന് അസോസിയേഷന്‍ എല്ലാ അംഗങ്ങള്‍ക്കും നിര്‍ദേശം നല്‍കിയിട്ടുണ്ട്.

എന്നാല്‍ നിരോധിത കിറ്റുകള്‍ വിപണിയില്‍ സുലഭമാണ്. നിരോധിത കിറ്റുകള്‍ നിര്‍മിക്കുകയും വിതരണം ചെയ്യുകയും ചെയ്യുന്ന സ്ഥാപനങ്ങളില്‍ പരിശോധിക്കാതെ ഹോട്ടലുകളടക്കമുള്ള വ്യാപാരസ്ഥാപനങ്ങളില്‍ മാത്രം പരിശോധന നടത്തുന്നതിന് ന്യായീകരണമില്ല.

അന്യസംസ്ഥാനങ്ങളില്‍നിന്നുമൊക്കെ സംസ്ഥാനത്തേക്ക് സുലഭമായി നിരോധിത പ്ലാസ്റ്റിക് ഉത്പന്നങ്ങള്‍ വരുന്നുണ്ട്. അവ അതിര്‍ത്തിയിൽതന്നെ പരിശോധിച്ച് പിടിച്ചെടുക്കാന്‍ ഉദ്യോഗസ്ഥര്‍ക്കാകും.

എന്നാൽ, വ്യാപാരികളെ ദ്രോഹിക്കുന്ന നടപടികളാണ് ഉദ്യോഗസ്ഥര്‍ ചെയ്യുന്നതെന്ന് പ്രസിഡന്‍റ് ജി. ജയപാലും ജനറല്‍ സെക്രട്ടറി കെ.പി. ബാലകൃഷ്ണ പൊതുവാളും പറഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.