ഉമ്മന്‍ ചാണ്ടിയുമായി പലകാര്യങ്ങളിലും യോജിപ്പ്, ചില കാര്യങ്ങളില്‍ വിയോജിപ്പ്: മുഖ്യമന്ത്രി : Deepika.com Kerala News |

Click here for detailed news of all items

ഉമ്മന്‍ ചാണ്ടിയുമായി പലകാര്യങ്ങളിലും യോജിപ്പ്, ചില കാര്യങ്ങളില്‍ വിയോജിപ്പ്: മുഖ്യമന്ത്രി

Saturday, July 20, 2024 2:12 AM IST

തിരുവനന്തപുരം: മുന്‍ മുഖ്യമന്ത്രി ഉമ്മന്‍ ചാണ്ടിയുമായി പല കാര്യങ്ങളിലും യോജിപ്പുണ്ടായിരുന്നുവെന്നും എന്നാല്‍ ചില കാര്യങ്ങളില്‍ വിയോജിപ്പുണ്ടായിരുന്നുവെന്നും മുഖ്യമന്ത്രി പിണറായി വിജയന്‍. മസ്‌ക്കറ്റ് ഹോട്ടലില്‍ സംഘടിപ്പിച്ച ഉമ്മന്‍ ചാണ്ടി ലീഡര്‍ഷിപ്പ് സമ്മിറ്റിന്‍റെ സമാപന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.

മനസിനുള്ളില്‍ ഉള്ളത് തുറന്നു പറയാനുള്ള സ്വാതന്ത്ര്യം ഞങ്ങള്‍ക്കു രണ്ടുപേര്‍ക്കും ഉണ്ടായിരുന്നു. അതുകൊണ്ടുതന്നെ യോജിപ്പും വിയോജിപ്പും തുറന്നു പ്രകടിപ്പിച്ചു. രാഷ്്‌്ട്രീയമായി ഇരു ചേരികളില്‍ നില്‍ക്കുമ്പോഴും സൗഹൃദത്തിനു കുറവൊന്നും ഉണ്ടായില്ല. ഏതു മേഖലയിലുള്ളവര്‍ക്കും അനുകരിക്കാനാകുന്ന വ്യക്തിത്വമായിരുന്നു ഉമ്മന്‍ ചാണ്ടിയെന്നും മുഖ്യമന്ത്രി പറഞ്ഞു.

മുന്‍ എംഎല്‍എ കെ. ശിവദാസന്‍ നായര്‍ സ്വാഗതം ആശംസിച്ച ചടങ്ങില്‍ ചാണ്ടി ഉമ്മന്‍ എംഎല്‍എ അധ്യക്ഷനായിരുന്നു. ഉമ്മന്‍ ചാണ്ടിയുടെ ഭാര്യ മറിയാമ്മ ഉമ്മന്‍, ശശി തരൂര്‍ എംപി, സ്വാമി ഗുരുരത്‌നം ജ്ഞാന തപസ്വി തുടങ്ങിയവര്‍ പങ്കെടുത്തു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.