തേയില ഫാക്‌ടറി യന്ത്രത്തില്‍ കുടുങ്ങി തൊഴിലാളി മരിച്ചു : Deepika.com Kerala News |

Click here for detailed news of all items

തേയില ഫാക്‌ടറി യന്ത്രത്തില്‍ കുടുങ്ങി തൊഴിലാളി മരിച്ചു

Saturday, July 20, 2024 1:19 AM IST

പീരുമേട്: തേയില ഫാക്‌ടറിയിലെ യന്ത്രത്തില്‍ അകപ്പെട്ട് തൊഴിലാളി മരിച്ചു. പീരുമേട് പട്ടുമല എസ്റ്റേറ്റ് ലയത്തില്‍ താമസിക്കുന്ന രാജേഷ് (37) ആണ് മരിച്ചത്.

ഇന്നലെ രാവിലെ ആറോടെ പട്ടുമലയിലെ ഹാരിസണ്‍ പ്ലാന്‍റേഷന്‍ ഫാക്‌ടറിയിലായിരുന്നു സംഭവം. രാവിലെ ആറിനുള്ള ഷിഫ്റ്റില്‍ ജോലിക്കു കയറിയതായിരുന്നു രാജേഷ്.

ജോലി തുടങ്ങുന്നതിനു മുമ്പായി തേയില അരയ്ക്കുന്ന റോത എന്ന യന്ത്രം വൃത്തിയാക്കാന്‍ ശ്രമിക്കുന്നതിനിടെയാണ് അപകടം സംഭവിച്ചത്. യന്ത്രം ഓണാക്കി വൃത്തിയാക്കുന്നതിനിടെ ഉള്ളില്‍ അകപ്പെടുകയായിരുന്നുവെന്നാണ് സംശയിക്കുന്നത്.

ഒപ്പമുണ്ടായിരുന്ന തൊഴിലാളികള്‍ ഉടന്‍ യന്ത്രം നിര്‍ത്തി രാജേഷിനെ പീരുമേട് താലൂക്ക് ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. അതേസമയം വൃത്തിയാക്കാന്‍ യന്ത്രം ഓണാക്കുന്ന പതിവില്ലെന്നും പറയപ്പെടുന്നുണ്ട്.

പീരുമേട് പോലീസ് കേസെടുത്ത് അന്വേഷണം ആരംഭിച്ചു. മൃതദേഹം പോസ്റ്റ്മോര്‍ട്ടത്തിനുശേഷം ബന്ധുക്കള്‍ക്ക് വിട്ടുനല്‍കും. സംസ്‌കാരം പിന്നീട്. ഭാര്യ: സുധ. മക്കള്‍: സൗപര്‍ണിക, സിദ്ധാര്‍ഥ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.