കെ.​എം. ബ​ഷീ​റി​ന്‍റെ ഓ​ർ​മ​ക​ൾ​ക്ക് ഒ​രു വയസ്; വി​ചാ​ര​ണ ഇ​നി​യും തുടങ്ങിയില്ല
Monday, August 3, 2020 1:57 PM IST
തി​രു​വ​ന​ന്ത​പു​രം: ഒ​രു വ​ർ​ഷം മു​ന്പ് ഇ​തേ ദി​വ​സം പു​ല​ർ​ച്ചെ​യാ​ണ് മാ​ധ്യ​മ​പ്ര​വ​ർ​ത്ത​ക​നാ​യ കെ.​എം. ബ​ഷീ​ർ ഐ​എ​എ​സ് ഉ​ദ്യോ​ഗ​സ്ഥ​നാ​യ ശ്രീ​റാം വെ​ങ്കി​ട്ട​രാ​മ​ൻ ഓ​ടി​ച്ചി​രു​ന്ന കാ​റി​ടി​ച്ചു മ​രി​ച്ച​ത്. വാ​ർ​ത്ത​ക​ൾ ആ​ദ്യം അ​റി​യു​ന്ന മാ​ധ്യ​മ​പ്ര​വ​ർ​ത്ത​ക​ർ​ക്ക് മ​രി​ച്ച​ത് ത​ങ്ങ​ളി​ൽ ഒ​രാ​ളാ​ണെ​ന്ന് വി​ശ്വ​സി​ക്കാ​ൻ ക​ഴി​ഞ്ഞി​ല്ല. കേ​ര​ള മ​ന​സാ​ക്ഷി വാ​ർ​ത്ത കേ​ട്ട​തും ഞെ​ട്ട​ലോ​ടെ​യാ​ണ്.

ഓ​ഗ​സ്റ്റ് മൂ​ന്നി​ന് പു​ല​ർ​ച്ചെ ഒ​ന്നോ​ടെ​യാ​ണ് അ​മി​ത വേ​ഗ​ത്തി​ലെ​ത്തി​യ ശ്രീ​റാ​മി​ന്‍റെ കാ​റി​ടി​ച്ച് സി​റാ​ജ് പ​ത്ര​ത്തി​ന്‍റെ തി​രു​വ​ന​ന്ത​പു​രം യൂ​ണി​റ്റ് ചീ​ഫാ​യ ബ​ഷീ​ർ കൊ​ല്ല​പ്പെ​ട്ട​ത്. കൊ​ല്ല​ത്ത് സി​റാ​ജ് പ​ത്ര​ത്തി​ന്‍റെ യോ​ഗ​ത്തി​ൽ പ​ങ്കെ​ടു​ത്ത് വീ​ട്ടി​ലേ​ക്ക് മ​ട​ങ്ങു​ന്ന​തി​നി​ടെ​യാ​യി​രു​ന്നു അ​പ​ക​ടം.

പി​ന്നാ​ലെ ശ്രീ​റാ​മി​നെ പോ​ലീ​സ് അ​റ​സ്റ്റ് ചെ​യ്തു. വി​വാ​ദ​മാ​യ​തോ​ടെ സ​ർ​ക്കാ​ർ ശ്രീ​റാ​മി​നെ സ​സ്പെ​ൻ​ഡ് ചെ​യ്തു. വാ​ഹ​ന​ത്തി​ൽ ശ്രീ​റാ​മി​നൊ​പ്പം വ​നി​താ സു​ഹൃ​ത്താ​യ വ​ഫ ഫി​റോ​സു​മു​ണ്ടാ​യി​രു​ന്നു. വാ​ഹ​ന​മോ​ടി​ച്ച​ത് താ​ന​ല്ല, വ​ഫ​യാ​ണെ​ന്നു ശ്രീ​റാം പ​റ​ഞ്ഞെ​ങ്കി​ലും അ​വ​ർ നി​ഷേ​ധി​ച്ചു.

അ​പ​ക​ട​ത്തി​ല്‍ മ​ന​പൂ​ര്‍​വ​മ​ല്ലാ​ത്ത ന​ര​ഹ​ത്യ​യ്ക്കാ​ണ് പോ​ലീ​സ് ആ​ദ്യം കേ​സെ​ടു​ത്ത​തെ​ങ്കി​ലും പി​ന്നീ​ട് ശ്രീ​റാം മ​ദ്യ​പി​ച്ചാ​ണ് വാ​ഹ​ന​മോ​ടി​ച്ച​തെ​ന്ന വി​വ​ര​ത്തി​ന്‍റെ അ​ടി​സ്ഥാ​ന​ത്തി​ല്‍ ജാ​മ്യ​മി​ല്ലാ വ​കു​പ്പു​ക​ളും ചു​മ​ത്തു​ക​യാ​യി​രു​ന്നു.

അ​പ​ക​ട​ത്തി​ന് ശേ​ഷം തി​രു​വ​ന​ന്ത​പു​ര​ത്തെ സ്വ​കാ​ര്യ ആ​ശു​പ​ത്രി​യി​ല്‍ അ​ഡ്മി​റ്റാ​യ ശ്രീ​റാ​മി​നെ മ​ജി​സ്ട്രേ​റ്റു​മാ​യി എ​ത്തി​യാ​ണ് പോ​ലീ​സ് അ​റ​സ്റ്റ് രേ​ഖ​പ്പെ​ടു​ത്തി​യ​ത്. തെ​ളി​വു​ക​ൾ ഇ​ല്ലാ​താ​ക്കു​ന്ന​തി​ന് പോ​ലീ​സ് ന​ട​ത്തി​യ ഒ​ത്തു​ക​ളി​ക​ൾ​ക്കു ശേ​ഷം ആ​റു​മാ​സം ക​ഴി​ഞ്ഞാ​ണ് അ​ന്വേ​ഷ​ണ സം​ഘം കു​റ്റ​പ​ത്രം കോ​ട​തി​യി​ൽ സ​മ​ർ​പ്പി​ച്ച​ത്.

ബ​ഷീ​ർ സ​ഞ്ച​രി​ച്ച ബൈ​ക്ക് ഇ​ടി​ച്ചു തെ​റി​പ്പി​ക്കു​ന്ന സ​മ​യ​ത്ത് ശ്രീ​റാ​മി​ന്‍റെ കാ​ര്‍ സ​ഞ്ച​രി​ച്ചി​രു​ന്ന​ത് 100 കി​ലോ​മീ​റ്റ​റി​ലേ​റെ വേ​ഗ​ത​യി​ലാ​ണെ​ന്ന് പോ​ലീ​സ് പ​രി​ശോ​ധ​ന​യി​ൽ വ്യ​ക്ത​മാ​യി​രു​ന്നു. അ​മി​ത വേ​ഗ​ത​യി​ലെ​ത്തി​യ കാ​ര്‍ ബ​ഷീ​റി​ന്‍റെ ബൈ​ക്കി​നെ ഇ​ടി​ച്ച​തി​ന് ശേ​ഷം 24.5 മീ​റ്റ​റോ​ളം വ​ലി​ച്ചി​ഴ​ച്ചാ​ണ് മ​തി​ലി​ല്‍ ഇ​ടി​ച്ചു നി​ന്ന​ത്.

ഇ​തി​നി​ടെ ശ്രീ​റാം സ​സ്പെ​ൻ​ഷ​ൻ റ​ദ്ദാ​ക്കി തി​രി​ച്ചെ​ടു​ക്ക​ണ​മെ​ന്ന ചീ​ഫ് സെ​ക്ര​ട്ട​റി അ​ധ്യ​ക്ഷ​നാ​യ സ​മി​തി​യു​ടെ ശു​പാ​ർ​ശ മു​ഖ്യ​മ​ന്ത്രി ത​ള്ളി​യി​രു​ന്നു. സ​സ്പെ​ഷ​ൻ കാ​ലാ​വ​ധി 90 ദി​വ​സ​ത്തേ​ക്ക് കൂ​ടി നീ​ട്ടി മു​ഖ്യ​മ​ന്ത്രി ഉ​ത്ത​ര​വി​ടു​ക​യും ചെ​യ്തു. ബ​ഷീ​റി​ന്‍റെ ഭാ​ര്യ ജ​സ്‍​ല​യ്ക്ക് സ​ര്‍​ക്കാ​ര്‍ സ​ര്‍​വീ​സി​ല്‍ നി​യ​മ​നം ന​ല്‍​കി​കൊ​ണ്ടു​ള്ള ഉ​ത്ത​ര​വും പു​റ​ത്തി​റ​ങ്ങി.

തി​രൂ​ര്‍ മ​ല​യാ​ളം സ​ര്‍​വ​ക​ലാ​ശാ​ല​യി​ല്‍ അ​സി​സ്റ്റ​ന്‍റാ​യാ​ണ് നി​യ​മ​നം. ഇ​തി​നി​ടെ ശ്രീ​റാ​മി​നെ വീ​ണ്ടും സ​ർ​വീ​സി​ൽ തി​രി​ച്ചെ​ടു​ത്തു. കോ​വി​ഡ് 19 വ്യാ​പ​നം ത​ട​യു​ന്ന ന​ട​പ​ടി​ക​ൾ ഏ​കോ​പി​പ്പി​ക്കു​ന്ന ചു​മ​ത​ല​യു​മാ​യാ​ണ് ശ്രീ​റാം ആ​രോ​ഗ്യ​വ​കു​പ്പി​ൽ സേ​വ​നം തു​ട​ങ്ങി​യ​ത്.

ശ്രീ​റാ​മി​ന്‍റെ നി​യ​മ​ന​ത്തി​ൽ ആ​രോ​ഗ്യ​വ​കു​പ്പി​ലെ ചി​ല കേ​ന്ദ്ര​ങ്ങ​ൾ എ​തി​ർ​പ്പ് പ്ര​ക​ടി​പ്പി​ച്ചി​രു​ന്നു. കാ​റി​ടി​ച്ചു മാ​ധ്യ​മ​പ്ര​വ​ർ​ത്ത​ക​ൻ കൊ​ല്ല​പ്പെ​ട്ട കേ​സി​ൽ ആ​രോ​ഗ്യ​വ​കു​പ്പി​ലെ ഉ​ൾ​പ്പെ​ടെ​യു​ള്ള ജീ​വ​ന​ക്കാ​ർ സാ​ക്ഷി​ക​ളാ​യി മൊ​ഴി ന​ൽ​കേ​ണ്ട​തി​നാ​ൽ, അ​ത്ത​രം കേ​സി​ൽ പ്ര​തി​യാ​യ ഉ​ദ്യോ​ഗ​സ്ഥ​നെ അ​തേ​വ​കു​പ്പി​ൽ നി​യ​മി​ക്കു​ന്ന​തി​ൽ നീ​തീ​ക​ര​ണ​മി​ല്ലെ​ന്നു ചൂ​ണ്ടി​ക്കാ​ട്ടി​യാ​യി​രു​ന്നു ഇ​ത്.

ശ്രീ​റാ​മി​ന് എ​തി​രെ തെ​ളി​വി​ല്ലെ​ന്നും സ​ർ​വീ​സി​ൽ തി​രി​ച്ചെ​ടു​ക്ക​ണ​മെ​ന്നും ചീ​ഫ് സെ​ക്ര​ട്ട​റി അ​ധ്യ​ക്ഷ​നാ​യ സ​മി​തി ന​ൽ​കി​യ ശു​പാ​ർ​ശ പ​രി​ഗ​ണി​ച്ചാ​ണു പി​ന്നീ​ട് ഇ​യാ​ളെ സ​ർ​ക്കാ​ർ തി​രി​ച്ചെ​ടു​ത്ത​ത്. അ​തേ​സ​മ​യം കേ​സി​ൽ ഇ​തേ​വ​രെ വി​ചാ​ര​ണ തു​ട​ങ്ങി​യി​ട്ടു​മി​ല്ല.

ബ​ഷീ​ർ മ​രി​ച്ച സം​ഭ​വ​ത്തി​ലെ ര​ണ്ടു പ്ര​തി​ക​ളും അ​ടു​ത്ത മാ​സം 16നു ​കോ​ട​തി​യി​ൽ നേ​രി​ട്ടു ഹാ​ജ​രാ​കാ​ൻ നി​ർ​ദേ​ശി​ച്ചി​ട്ടു​ണ്ട്. അ​ന്വേ​ഷ​ണ സം​ഘം ഏ​റെ വൈ​കി കോ​ട​തി​യി​ൽ സ​മ​ർ​പ്പി​ച്ച കു​റ്റ​പ​ത്ര​ത്തി​ൽ പ​റ​യു​ന്ന പ്ര​തി​സ്ഥാ​ന​ത്തു​ള്ള ശ്രീ​റാ​മും വ​ഫ​യും ഇ​തു​വ​രെ കോ​ട​തി​യി​ൽ നേ​രി​ട്ട് ഹാ​ജ​രാ​യി​ട്ടി​ല്ല. പ്ര​തി​ക​ൾ ഹാ​ജ​രാ​യ ശേ​ഷം വി​ചാ​ര​ണ​യ്ക്കാ​യി കേ​സ് ജി​ല്ലാ സെ​ഷ​ൻ​സ് കോ​ട​തി​യി​ലേ​ക്ക് മാ​റ്റു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ളും തു​ട​ങ്ങും.

ക്രൈം​ബ്രാ​ഞ്ച് ഫെ​ബ്രു​വ​രി​യി​ൽ സ​മ​ർ​പ്പി​ച്ച കു​റ്റ​പ​ത്ര​ത്തി​ൽ 100 സാ​ക്ഷി മൊ​ഴി​ക​ളാ​ണു​ള്ള​ത്. 66 പേ​ജു​ള്ള കു​റ്റ​പ​ത്ര​ത്തി​ൽ 84 രേ​ഖ​ക​ളും 72 തൊ​ണ്ടി​മു​ത​ലു​ക​ളു​മാ​ണ് പ്ര​ത്യേ​ക അ​ന്വേ​ഷ​ണ സം​ഘം കോ​ട​തി​യി​ൽ ഹാ​ജ​രാ​ക്കി​യ​ത്.

ഇ​ന്ത്യ​ൻ ശി​ക്ഷാ നി​യ​മ​ത്തി​ലെ 304 (ര​ണ്ട്), 201 വ​കു​പ്പു​ക​ളും മോ​ട്ടോ​ർ വാ​ഹ​ന നി​യ​മ​ത്തി​ലെ 184,185,188 വ​കു​പ്പു​ക​ളു​മാ​ണ് ശ്രീ​റാ​മി​നും വ​ഫ​യ്ക്കു​മെ​തി​രെ ചു​മ​ത്തി​യ​ത്. അ​പ​ക​ട​ക​ര​മാ​യി വാ​ഹ​ന​മോ​ടി​ച്ച് വ​രു​ത്തി​യ മ​ന​പ്പൂ​ർ​വ​മ​ല്ലാ​ത്ത ന​ര​ഹ​ത്യ, പൊ​തു​മു​ത​ൽ ന​ശി​പ്പി​ക്ക​ൽ എ​ന്നീ കു​റ്റ​ങ്ങ​ളാ​ണ് ശ്രീ​റാ​മി​നെ​തി​രെ ചു​മ​ത്തി​യി​ട്ടു​ള്ള​ത്.

ശ്രീ​റാം മ​ദ്യ​പി​ച്ചി​രു​ന്ന​താ​യി അ​റി​ഞ്ഞി​ട്ടും ത​ന്‍റെ കാ​ർ ശ്രീ​റാ​മി​ന് കൈ​മാ​റു​ക​യും വേ​ഗ​ത​യി​ൽ ഓ​ടി​ക്കാ​ൻ അ​നു​വ​ദി​ക്കു​ക​യും ചെ​യ്ത​തി​നാ​ണ് വ​ഫ​ക്കെ​തി​രെ പ്രേ​ര​ണാ​ക്കു​റ്റം ചു​മ​ത്തി​യി​ട്ടു​ള്ള​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.