ബോബി ചെമ്മണൂര്‍ ഇന്‍റര്‍നാഷണല്‍ ജ്വല്ലേഴ്സിന്‍റെ പുതിയ ഷോറൂം തൃപ്രയാറില്‍
Tuesday, November 19, 2024 12:12 AM IST
തൃശൂര്‍: 161 വര്‍ഷത്തെ വിശ്വസ്ത പാരമ്പര്യമുള്ള ബോബി ചെമ്മണൂര്‍ ഇന്‍റര്‍നാഷണല്‍ ജ്വല്ലേഴ്സിന്‍റെ ഏറ്റവും പുതിയ ഷോറൂം തൃപ്രയാറില്‍ പ്രവര്‍ത്തനമാരംഭിക്കുന്നു. ഉദ്ഘാടനം 21നു രാവിലെ 10.30നു ബോചെയും സിനിമാതാരം ശ്വേത മേനോനും ചേര്‍ന്നു നിര്‍വഹിക്കും.
ഡയമണ്ട് ആഭരണങ്ങളുടെ ആദ്യ വില്പന എം.ആര്‍. ദിനേശനും (പ്രസിഡന്‍റ്, നാട്ടിക ഗ്രാമപഞ്ചായത്ത്), സ്വര്‍ണാഭരണങ്ങളുടെ ആദ്യ വില്പന രജനി ബാബുവും (വൈസ് പ്രസിഡന്‍റ്, നാട്ടിക ഗ്രാമപഞ്ചായത്ത്) നിര്‍വ്വഹിക്കും.
വാര്‍ഡ് അംഗം ഗ്രീഷ്മ സുഗിലേഷ്, തൃപ്രയാര്‍ ഗോള്‍ഡ് മര്‍ച്ചന്‍റ്സ് അസോസിയേഷന്‍ പ്രസിഡന്‍റ് അബ്ദുല്‍ അസീസ്, തൃപ്രയാര്‍ കെവിവിഇഎസ് പ്രസിഡന്‍റ് ഡാലി ജോണ്‍, സി.പി. അനില്‍ (ജി.എം. മാര്‍ക്കറ്റിംഗ്, ബോബി ഇന്‍റര്‍നാഷണല്‍ ഗ്രൂപ്പ്), എം.ജെ. ജോജി (പിആര്‍ഒ) എന്നിവര്‍ പങ്കെടുക്കും.
ഉദ്ഘാടനവേളയില്‍ തൃപ്രയാറിലെ തെരഞ്ഞെടുക്കപ്പെട്ട നിര്‍ധനരായ രോഗികള്‍ക്ക് ബോചെ ഫാന്‍സ് ചാരിറ്റബിള്‍ ട്രസ്റ്റിന്‍റെ ധനസഹായം ബോചെ വിതരണം ചെയ്യും.