മൃണാള്‍ താക്കൂര്‍ മെറാള്‍ഡ ജുവല്‍സ് ബ്രാൻഡ് അംബാസഡർ
Tuesday, November 19, 2024 12:12 AM IST
കൊച്ചി: മെറാള്‍ഡ ജുവല്‍സിന്‍റെ ബ്രാന്‍ഡ് അംബാസഡറായി നടി മൃണാള്‍ താക്കൂറിനെ നിയമിച്ചു.
സീതാരാമം, ഹായ് നന്ന സിനിമകളിലൂടെ പ്രിയതാരമായി മാറിയ മൃണാള്‍ പുതിയകാലത്തെ സ്ത്രീകളുടെ പ്രതിനിധിയായി എത്തുമ്പോള്‍ മെറാള്‍ഡ പ്രൗഢിയുടെ പുതുചരിത്രം കുറിക്കുകയാണെന്ന് മെറാള്‍ഡ ജുവല്‍സ് ചെയര്‍മാന്‍ ജലീല്‍ എടത്തില്‍ പറഞ്ഞു.
കോഴിക്കോട്, കൊച്ചി, കണ്ണൂര്‍, മംഗളൂരു, ദുബായ് എന്നിവിടങ്ങളിലെല്ലാം വ്യാപിച്ചുകിടക്കുന്ന മെറാള്‍ഡ ജുവല്‍സ് ദുബായ് അല്‍ ബാര്‍ഷയിലെ ലുലു ഹൈപ്പര്‍ മാര്‍ക്കറ്റില്‍ പുതിയ ഷോറൂമും കോഴിക്കോട് തങ്ങളുടെ നവീകരിച്ച ഷോറൂമും തുറക്കാനുള്ള ഒരുക്കത്തിലാണ്. ഈ അവസരത്തിൽ ഏറെ സന്തോഷത്തോടെയാണ് മൃണാള്‍ താക്കൂറിനെ അംബാസഡറായി സ്വാഗതം ചെയ്യുന്നതെന്നും അദ്ദേഹം പറഞ്ഞു.