ന്യൂ​ഡ​ൽ​ഹി: തി​ക്കി​ലും തി​ര​ക്കി​ലും പെ​ട്ടു ന്യൂ​ഡ​ൽ​ഹി റെ​യി​ൽ​വേ സ്റ്റേ​ഷ​നി​ൽ 18 പേ​ർ മ​രി​ക്കാ​നി​ട​യാ​യ ദു​ര​ന്ത​ത്തി​ൽ റെ​യി​ൽ​വേ​യു​ടെ അ​നൗ​ണ്‍​സ്മെ​ന്‍റ് പ്ര​ധാ​ന കാ​ര​ണ​മാ​യെ​ന്ന് റെ​യി​ൽ​വേ സം​ര​ക്ഷ​ണ സേ​ന​യു​ടെ (ആ​ർ​പി​എ​ഫ്) അ​ന്വേ​ഷ​ണ റി​പ്പോ​ർ​ട്ട്.

മ​ഹാ​കും​ഭ​മേ​ള ന​ട​ക്കു​ന്ന ഉ​ത്ത​ർ​പ്ര​ദേ​ശി​ലെ പ്ര​യാ​ഗ്‌​രാ​ജി​ലേ​ക്കു​ള്ള സ്പെ​ഷ​ൽ ട്രെ​യി​നി​ന്‍റെ പ്ലാ​റ്റ്ഫോം മാ​റി​യെ​ന്ന ത​ര​ത്തി​ലു​ള്ള അ​നൗ​ണ്‍​സ്മെ​ന്‍റാ​ണ് പെ​ട്ടെ​ന്നു​ള്ള തി​ര​ക്കി​നും ആ​ളു​ക​ളു​ടെ പ​രി​ഭ്രാ​ന്തി​ക്കും കാ​ര​ണ​മാ​യ​തെ​ന്ന് ആ​ർ​പി​എ​ഫ് റി​പ്പോ​ർ​ട്ടി​ൽ ചൂ​ണ്ടി​ക്കാ​ണി​ക്കു​ന്നു. സം​ഭ​വ​ദി​വ​സം രാ​ത്രി 8.45ന് ​പ്ര​യാ​ഗ്‌​രാ​ജി​ലേ​ക്കു​ള്ള കും​ഭ് സ്പെ​ഷ​ൽ ട്രെ​യി​ൻ പ്ലാ​റ്റ്ഫോം 12ൽ​നി​ന്ന് പു​റ​പ്പെ​ടു​മെ​ന്ന് ആ​ദ്യ​മൊ​രു അ​നൗ​ണ്‍​സ്മെ​ന്‍റ് ഉ​ണ്ടാ​യി.

ഏ​താ​നും മി​നി​റ്റു​ക​ൾ​ക്കു​ശേ​ഷം കും​ഭ് സ്പെ​ഷ​ൽ ട്രെ​യി​ൻ പ്ലാ​റ്റ്ഫോം 16ൽ​നി​ന്ന് പു​റ​പ്പെ​ടു​മെ​ന്ന് മ​റ്റൊ​രു അ​നൗ​ണ്‍​സ്മെ​ന്‍റും ഉ​ണ്ടാ​യി. ഇ​തേ​ത്തു​ട​ർ​ന്ന് പ്ലാ​റ്റ്ഫോം മാ​റാ​നു​ള്ള യാ​ത്ര​ക്കാ​രു​ടെ ത​ത്ര​പ്പാ​ടി​ലാ​ണ് അ​പ​ക​ട​മു​ണ്ടാ​യ​തെ​ന്ന് ആ​ർ​പി​എ​ഫി​ലെ ഇ​ൻ​സ്പെ​ക്‌​ട​ർ റാ​ങ്കി​ലു​ള്ള ഓ​ഫീ​സ​ർ സ​മ​ർ​പ്പി​ച്ച റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു.


തി​ര​ക്കി​ലും തി​ര​ക്കി​ലും പെ​ട്ട് ആ​ളു​ക​ൾ മ​രി​ച്ച​തി​ന് അ​നൗ​ണ്‍​സ്മെ​ന്‍റു​ക​ൾ കാ​ര​ണ​മാ​യി​ട്ടി​ല്ലെ​ന്ന റെ​യി​ൽ​വേ​യു​ടെ പ്ര​സ്താ​വ​ന​യ്ക്കു പി​ന്നാ​ലെ​യാ​ണ് ഇ​തി​നു വി​രു​ദ്ധ​മാ​യു​ള്ള ആ​ർ​പി​എ​ഫ് റി​പ്പോ​ർ​ട്ട്. ട്രെ​യി​നു​ക​ളു​ടെ പ്ലാ​റ്റ്ഫോം സം​ഭ​വ​ദി​വ​സം മാ​റ്റി​യി​ട്ടി​ല്ലെ​ന്നാ​ണ് റെ​യി​ൽ​വേ വി​ശ​ദീ​ക​രി​ച്ച​ത്.

കൂ​ട്ട​മ​ര​ണ​ത്തി​ന് അ​നൗ​ണ്‍​സ്മെ​ന്‍റു​ക​ൾ കാ​ര​ണ​മാ​യെ​ന്ന് പ്രാ​ഥ​മി​ക റി​പ്പോ​ർ​ട്ടു​ക​ൾ ചൂ​ണ്ടി​ക്കാ​ണി​ച്ചി​രു​ന്നു​വെ​ങ്കി​ലും "പ്ര​യാ​ഗ്‌​രാ​ജ്' എ​ന്നു പേ​രു​ള്ള ര​ണ്ടു ട്രെ​യി​നു​ക​ൾ ഉ​ണ്ടാ​യി​രു​ന്ന​തു​മൂ​ല​മു​ള്ള ആ​ശ​യ​ക്കു​ഴ​പ്പ​മാ​ണ് അ​പ​ക​ട കാ​ര​ണ​മാ​യ​തെ​ന്നാ​യി​രു​ന്നു അ​ധി​കൃ​ത​രു​ടെ വി​ശ​ദീ​ക​ര​ണം.