കുമാരസ്വാമി ഭീഷണിപ്പെടുത്തി അന്വേഷണം വഴിതെറ്റിക്കാൻ ശ്രമിക്കുകയാണെന്നാരോപിച്ചാണ് എഡിജിപി എം. ചന്ദ്രശേഖർ അന്വേഷണസംഘാംഗങ്ങൾക്ക് കത്തയച്ചത്.
തന്നെ ആക്രമിക്കുന്നതിലൂടെ അന്വേഷണ സംഘത്തിന്റെ മനസിൽ ഭയം സൃഷ്ടിക്കാനാണു കേന്ദ്രമന്ത്രി ശ്രമിക്കുന്നതെന്നാണ് കത്തിൽ ആരോപിച്ചത്. കുമാരസ്വാമി മുഖ്യമന്ത്രിയായിരിക്കെ ബെല്ലാരി ജില്ലയിൽ ശ്രീ സായി വെങ്കിടേശ്വര മിനറൽസിന് (എസ്എസ്വിഎം) 550 ഏക്കർ ഖനനം നടത്താൻ അനധികൃതമായി പാട്ടത്തിന് നൽകിയെന്നാണ് കേസ്.