ഏ​ഷ്യ​ൻ റ​ബ​ർ ഉ​ത്പാ​ദ​ന രാ​ജ്യ​ങ്ങ​ൾ ഓ​ഫ് സീ​സ​ണി​ലേക്ക്, ട​യ​ർ ലോ​ബി വി​ല​ക്ക​യ​റ്റ​ത്തെ ഭ​യ​ക്കു​ന്നു. സാ​മ്പ​ത്തി​ക വ​ർ​ഷാ​ന്ത്യ​ത്തി​ന് മു​ന്നേ ബാ​ങ്ക് വാ​യ്പ്പ​ക​ൾ തി​രി​ച്ച​ട​യ്ക്കാ​ൻ ഒ​രു വി​ഭാ​ഗം കു​രു​മു​ള​ക് ക​ർ​ഷ​ക​ർ ഉ​ത്പ​ന്നം വി​പ​ണി​യി​ലി​റ​ക്കി, അ​വ​സ​രം ത​ക്ക​മാ​ക്കി വാ​ങ്ങ​ലു​കാ​ർ വി​ല​യി​ടി​ച്ചു. ചു​ക്ക് ഉ​ത്പാ​ദ​ക​ർ​ക്ക് സ​ന്തോ​ഷ വാ​ർ​ത്ത​ക​ൾ​ക്ക് അ​വ​സ​രം ഒ​രു​ങ്ങു​ന്നു. നാ​ളി​കേ​ര വി​ള​വെ​ടു​പ്പ് ഒ​രു മാ​സം പി​ന്നി​ടു​മ്പോ​ഴും വി​പ​ണി​ക​ൾ​ക്ക് ച​ര​ക്ക് ക്ഷാ​മ​ത്തി​ൽ. സ്വ​ർ​ണം വീ​ണ്ടും ക​രു​ത്ത് കാ​ണി​ച്ചു.

ഷീ​റ്റ് ഉ​ത്പാ​ദ​നം ചു​രു​ങ്ങും

ഏ​ഷ്യ​യി​ലെ പ്ര​മു​ഖ റ​ബ​ർ ഉ​ത്പാ​ദ​ന രാ​ജ്യ​ങ്ങ​ൾ ഓ​ഫ് സീ​സ​ണി​ലേക്ക് തി​രി​യു​ന്നു. മു​ന്നി​ലു​ള്ള മൂ​ന്ന് മാ​സം രാ​ജ്യാ​ന്ത​ര മാ​ർ​ക്ക​റ്റി​ൽ ഷീ​റ്റ് പ്ര​വാ​ഹം ചു​രു​ങ്ങു​ന്ന​ത് വി​ല​ക്ക​യ​റ്റ​ത്തി​നു വ​ഴി​തെ​ളി​ക്കു​മെ​ന്ന പ്ര​തീ​ക്ഷ​യി​ലാ​ണ് കാ​ർ​ഷി​ക മേ​ഖ​ല. അ​തേ​സ​മ​യം വി​ല​ക്ക​യ​റ്റ​ത്തെ കൂ​ച്ചുവി​ല​ങ്ങി​ട്ട് പൂ​ട്ടി​യെ​ങ്കി​ലും വാ​രാ​ന്ത്യം ട​യ​ർ വ്യ​വ​സാ​യി​ക​ൾ അ​ൽ​പ്പം അ​ങ്ക​ലാ​പ്പി​ലാ​ണ്.

അ​ന്താ​രാ​ഷ്ട്ര മാ​ർ​ക്ക​റ്റി​ൽ റ​ബ​റി​ന് ആ​വ​ശ്യം ഉ​യ​ർ​ന്ന് നി​ൽ​ക്കു​ക​യാ​ണ്. ചൈ​ന മാ​ത്രം വാ​ങ്ങ​ൽ കു​റ​ച്ച​് അ​മേ​രി​ക്ക​യു​മാ​യു​ള്ള വ്യാ​പാ​ര യു​ദ്ധ​ത്തി​ൽ പ്ര​യോ​ഗി​ക്കേ​ണ്ട ത​ന്ത്ര​ങ്ങ​ൾ മെ​ന​യു​ന്നു. ഇ​റ​ക്കു​മ​തി രാ​ജ്യ​ങ്ങ​ൾ താ​യ് മാ​ർ​ക്ക​റ്റി​ൽ​നി​ന്നും മ​റ്റ് രാ​ജ്യ​ങ്ങ​ളി​ൽ​നി​ന്നും റ​ബ​ർ ശേ​ഖ​രി​ക്കു​ന്നു​ണ്ട്.

ബാ​ങ്കോ​ക്കി​ൽ ക​രു​ത​ൽ ശേ​ഖ​രം കു​റ​ഞ്ഞ​തി​നാ​ൽ ഓ​ഫ് സീ​സ​ണി​ലെ വാ​ങ്ങ​ൽ താ​ത്പ​ര്യം വി​ല​ക്ക​യ​റ്റ​ത്തി​ന് അ​വ​സ​ര​മൊ​രു​ക്കു​മെ​ന്ന നി​ഗ​ന​മ​ത്തി​ലാ​ണ് ഉ​ത്പാ​ദ​ക​ർ. താ​യ്‌​ല​ൻ​ഡ്, മ​ലേ​ഷ്യ ഇ​ന്തോ​നേ​ഷ്യ, കം​ബോ​ഡി​യ, വി​യ​റ്റ്നാം വി​പ​ണി​ക​ളി​ലും മു​ന്നി​ലു​ള്ള മൂ​ന്ന് മാ​സ​ങ്ങ​ളി​ൽ മെ​ച്ച​പ്പെ​ട്ട വി​ല ഉ​റ​പ്പു വ​രു​ത്താ​നാ​വു​മെ​ന്ന പ്ര​തീ​ക്ഷ​യി​ലാ​ണ് സ്റ്റോ​ക്കി​സ്റ്റു​ക​ൾ.

ഇ​ന്ത്യ​യും ശ്രീ​ല​ങ്ക​യും രാ​ജ്യാ​ന്ത​ര വി​പ​ണി​യി​ലെ പു​തി​യ സം​ഭ​വവി​കാ​സ​ങ്ങ​ളെ സൂ​ക്ഷ്മം നി​രീ​ക്ഷി​ക്കു​ന്നു. രാ​ജ്യാ​ന്ത​ര അ​വ​ധി വ്യാ​പാ​ര​ത്തി​ൽ വാ​ങ്ങ​ൽ താ​ത്പ​ര്യം ശ​ക്ത​മ​ല്ല. വ്യാ​വ​സാ​യി​ക മാ​ന്ദ്യ​ത്തെ​ക്കു​റി​ച്ചു​ള്ള വി​ല​യി​രു​ത്ത​ലു​ക​ൾ മു​ൻ​നി​ർ​ത്തി ഊ​ഹ​ക്ക​ച്ച​വ​ട​ക്കാ​ർ ഷോ​ർ​ട്ട് പൊ​സി​ഷ​നു​ക​ൾ​ക്കാ​ണ് മു​ൻ​തൂ​ക്കം ന​ൽ​ക്കു​ന്ന​ത്.

വേ​ന​ൽ​ച്ചൂ​ട് ക​ന​ത്ത​തി​നാ​ൽ റ​ബ​ർ വെ​ട്ട് മ​ന്ദ​ഗ​തി​യി​ലാ​ണ്, വ​ൻ​കി​ട തോ​ട്ട​ങ്ങ​ളി​ൽ ടാ​പ്പിം​ഗ് സ്തം​ഭി​ച്ചു. ഉ​ത്ത​രേ​ന്ത്യ​ൻ ചെ​റു​കി​ട വ്യ​വ​സാ​യി​ക​ൾ രം​ഗ​ത്ത് നി​ല​യു​റ​പ്പി​ച്ച് പ​ര​മാ​വ​ധി ശേ​ഖ​രി​ക്കു​ന്നു​ണ്ട്. എ​ന്നാ​ൽ, ട​യ​ർ നി​ർ​മാ​താ​ക്ക​ൾ ത​ണു​പ്പ​ൻ മ​നോ​ഭാ​വം തു​ട​രു​ക​യാ​ണ്. ചി​ല ക​ർ​ഷി​ക സം​ഘ​ട​ന​ക​ൾ റ​ബ​ർ 200 രൂ​പ​യി​ൽ താ​ഴ്ന്ന വി​ല​യ്ക്ക് വി​ൽ​പ്പ​ന ന​ട​ത്തി​ല്ലെ​ന്ന നി​ല​പാ​ടി​ൽ ഉ​റ​ച്ചു നി​ന്ന​പ്പോ​ൾ ട​യ​ർ ലോ​ബി 190ൽ ​കൂ​ടി​യ വി​ല​യ്ക്കും ത​യാ​റാ​യി​ല്ല. എ​ന്നാ​ൽ, കാ​ലാ​വ​സ്ഥാ മാ​റ്റം സ്ഥി​തി സ​ങ്കീ​ർ​ണ​മാ​ക്കു​മെ​ന്ന ഭീ​തി​യി​ൽ വാ​രാ​ന്ത്യം അ​വ​ർ നി​ര​ക്ക് 191 രൂ​പ​യാ​ക്കി.

കു​രു​മു​ള​ക് മാ​ർ​ക്ക​റ്റി​ലി​റ​ക്കി കർഷകർ

ഉ​യ​ർ​ന്ന കാ​ർ​ഷി​ക ചെല​വു​ക​ൾ മു​ൻ​നി​ർ​ത്തി ഉ​ത്പാ​ദ​ക​ർ പു​തി​യ കു​രു​മു​ള​ക് വി​ല്പ​ന​യ്ക്കി​റ​ക്കി. ബാ​ങ്ക് വാ​യ്പാ കാ​ലാ​വ​ധി അ​ടു​ക്കു​ന്ന​ത് മു​ൻ​നി​ർ​ത്തി പ​ണം തി​രി​ച്ച​ട​വി​നു​ള്ള നീ​ക്ക​ത്തി​ലാ​ണ് ചെ​റു​കി​ട ക​ർ​ഷ​ക​ർ. സാ​മ്പ​ത്തി​ക ബാ​ധ്യ​ത​ക​ൾ ല​ഘൂ​ക​രി​ക്കാ​ൻ ഹൈ​റേ​ഞ്ചി​ലെ​യും മ​റ്റ് ഭാ​ഗ​ങ്ങ​ളി​ലെ​യും ഉ​ത്പാ​ദ​ക​ർ മു​ള​ക് വി​ല്പ​ന ന​ട​ത്തി. മു​ൻ വ​ർ​ഷ​ത്തെ അ​പേ​ക്ഷി​ച്ച് കി​ലോ 100 രൂ​പ ഉ​യ​ർ​ന്ന് നി​ൽ​ക്കു​ന്ന​തും അ​വ​രു​ടെ തീ​രു​മാ​നം ശ​രി​വ​യ്ക്കു​ന്നു.

സം​സ്ഥാ​ന​ത്തി​ന്‍റെ എ​താ​ണ്ട് എ​ല്ലാ ഭാ​ഗ​ങ്ങ​ളി​ലും ഉ​ത്പാ​ദ​ക​ർ വി​ള​വെ​ടു​പ്പി​ന്‍റെ തി​ര​ക്കി​ലാ​ണ്. ഇ​തി​നി​ട​യി​ൽ സീ​സ​ൺ ആ​രം​ഭം മ​റ​യാ​ക്കി ഉ​ത്ത​രേ​ന്ത്യ​ൻ വാ​ങ്ങ​ലു​കാ​ർ മു​ള​ക് വി​ല പി​ന്നി​ട്ട വാ​രം ക്വി​ന്‍റ​ലി​ന് 700 രൂ​പ ഇ​ടി​ച്ച് 65,200 രൂ​പ​യാ​ക്കി. അ​ന്താ​രാ​ഷ്ട്ര വി​പ​ണി​യി​ൽ ഇ​ന്ത്യ​ൻ നി​ര​ക്ക് ട​ണ്ണി​ന് 7900 ഡോ​ള​റാ​ണ്. ഇ​ന്തോ​നേ​ഷ്യ 7000 ഡോ​ള​റി​നും വി​യ​റ്റ്നാം 7500 ഡോ​ള​റി​നും ബ്ര​സീ​ൽ 7200 ഡോ​ള​റി​നും ക്വ​ട്ടേ​ഷ​ൻ ഇ​റ​ക്കി.


ചു​ക്കി​ന് വി​ല ഉ​യ​ർ​ന്നേ​ക്കും

ക​ന​ത്ത വി​ല​ത്ത​ക​ർ​ച്ച​യെ അ​ഭി​മു​ഖീ​ക​രി​ച്ച ചു​ക്ക് ഉ​ത്പാ​ദ​ക​ർ​ക്ക് ആ​ശ്വാ​സ വാ​ർ​ത്ത​ക​ൾ എ​ത്തിത്തു​ട​ങ്ങു​ന്നു. ചു​ക്ക് ഉ​യ​ർ​ന്ന വി​ല​യ്ക്ക് സം​ഭ​രി​ക്കാ​ൻ നീ​ക്കം ന​ട​ക്കു​ന്ന​തായാണ് വി​പ​ണിവൃ​ത്ത​ങ്ങ​ളി​ൽ​നി​ന്നു​ള്ള സൂ​ച​ന. വ​ൻ ഓ​ർ​ഡ​റി​നു​ള്ള സാ​ധ്യ​ത​ക​ൾ തെ​ളി​ഞ്ഞ​താ​യാ​ണ് വി​വ​ര​മെ​ങ്കി​ലും എ​ത്ര ട​ണ്ണി​നു​ള്ള ഓ​ർ​ഡ​റെ​ന്ന കാ​ര്യം ര​ഹ​സ്യ​മാ​ക്കു​ന്ന​തി​നാ​ൽ ഇ​ക്കാ​ര്യ​ത്തി​ൽ സ്ഥി​രീ​ക​ര​ണ​മി​ല്ല. നി​ല​വി​ൽ വി​വി​ധ​യി​നം ചു​ക്ക് 20,000-22,500 രൂ​പ​യി​ലാ​ണ്.

ഏ​ലം ഓ​ഫ് സീ​സ​ണി​ലേ​ക്ക്

ഏ​ലം ഉ​ത്പാ​ദ​ന മേ​ഖ​ല ഓ​ഫ് സീ​സ​ണി​ലേ​ക്ക് പ്ര​വേ​ശി​ക്കു​ന്നു. അ​തേ​സ​മ​യം ലേ​ലകേ​ന്ദ്ര​ങ്ങ​ളി​ൽ പ​ല അ​വ​സ​ര​ങ്ങ​ളി​ലും ച​ര​ക്കു വ​ര​വ് ശ​ക്ത​മാ​ണ്.

ല​ഭ്യ​ത ഉ​യ​ർ​ന്ന​ത് നി​ര​ക്ക് ഉ​യ​ർ​ത്താ​തെ ച​ര​ക്ക് ശേ​ഖ​രി​ക്കാ​ൻ വാ​ങ്ങ​ലു​കാ​ർ അ​വ​സ​ര​മാ​ക്കി. പി​ന്നി​ട്ട പ​തി​നെ​ട്ട് ലേ​ല​ങ്ങ​ളി​ൽ ശ​രാ​ശ​രി ഇ​ന​ങ്ങ​ൾ​ക്ക് ഒ​രി​ക്ക​ൽ പോ​ലും 3000 രൂ​പ​യ്ക്ക് മു​ക​ളി​ൽ ഇ​ടം​പി​ടി​ക്കാ​നാ​യി​ല്ല. മി​ക​ച്ച​യി​ന​ങ്ങ​ൾ 3200 രൂ​പ റേ​ഞ്ചി​ലാ​ണ്. അ​റ​ബ് രാ​ജ്യ​ങ്ങ​ളി​ൽ​നി​ന്നും ല​ഭി​ച്ച ഓ​ർ​ഡ​റു​ക​ൾ മു​ൻ​നി​ർ​ത്തി ക​യ​റ്റു​മ​തി​ക്കാ​ർ ഏ​ല​ക്ക ശേ​ഖ​രി​ക്കു​ന്നു​ണ്ട്.

നാ​ളി​കേ​ര​ത്തി​നു ക്ഷാ​മം

വി​ള​വെ​ടു​പ്പ് ഊ​ർ​ജി​ത​മാ​യി​ട്ടും നാ​ളി​കേ​രോ​ത്പ​പ​ന്ന​ങ്ങ​ളു​ടെ ല​ഭ്യ​ത പ്ര​തീ​ക്ഷ​യ്ക്കൊ​ത്ത് ഉ​യ​ർ​ന്നി​ല്ല. വി​ള​വെ​ടു​പ്പി​നു തു​ട​ക്കം കു​റി​ച്ച് ഒ​രു മാ​സം പി​ന്നി​ടു​മ്പോ​ഴും കൊ​പ്ര​യാ​ട്ട് മി​ല്ലു​കാ​ർ ച​ര​ക്ക് ക്ഷാ​മ​ത്തി​ൽ ന​ട്ടംതി​രി​യു​ന്നു. ഇ​തി​നി​ട​യി​ൽ കൊ​പ്ര​യാ​ട്ട് മി​ല്ലു​കാ​ർ വെ​ളി​ച്ചെ​ണ്ണ വി​ല ഉ​യ​ർ​ത്തി​യെ​ങ്കി​ലും കൊ​പ്ര വി​ല ഉ​യ​ർ​ത്താ​ൻ അ​വ​ർ കാ​ര്യ​മാ​യ താ​ത്പ​ര്യം കാ​ണി​ച്ചി​ല്ല. കൊ​പ്ര 15,050ലും ​വെ​ളി​ച്ചെ​ണ്ണ 22,400 രൂ​പ​യി​ലും വി​പ​ണ​നം ന​ട​ന്നു.

തേ​യി​ല​യ്ക്ക് ഡി​മാ​ൻ​ഡ്

തേ​യി​ല ലേ​ല കേ​ന്ദ്ര​ങ്ങ​ളി​ലേ​ക്കു​ള്ള ച​ര​ക്ക് വ​ര​വ് കു​റ​യു​ന്നു. വ​ര​ണ്ട കാ​ലാ​വ​സ്ഥ​യി​ൽ രാ​ജ്യ​ത്തെ വ​ൻ​കി​ട, ചെ​റു​കി​ട തോ​ട്ട​ങ്ങ​ളി​ൽ കൊ​ളു​ന്ത് നു​ള്ള് മ​ന്ദ​ഗ​തി​യി​ലാ​ണ്. മു​ന്നി​ലു​ള്ള മാ​സ​ങ്ങ​ളി​ൽ ക​ർ​ഷ​ക​ർ തോ​ട്ട​ങ്ങ​ളി​ൽ​നി​ന്നും പി​ൻ​വ​ലി​യു​ന്ന​ത് ഉ​ത്പാ​ദ​ന രം​ഗം സ്തം​ഭി​ക്കാ​ൻ ഇ​ട​യാ​ക്കും.

വ​ട​ക്ക് ​കി​ഴ​ക്ക​ൻ സം​സ്ഥാ​ന​ങ്ങ​ളി​ലെ വ​ൻ​കി​ട എ​സ്റ്റേ​റ്റു​ക​ളി​ൽ​നി​ന്നു​ള്ള ലീ​ഫ്, ഡി​സ്റ്റ് ഇ​ന​ങ്ങ​ളു​ടെ വ​ര​വ് ചു​രു​ങ്ങി. പു​തി​യ സാ​ഹ​ച​ര്യ​ത്തി​ൽ ആ​ഭ്യ​ന്ത​ര തേ​യി​ല പാ​ക്ക​റ്റ് നി​ർ​മാ​താ​ക്ക​ളും ക​യ​റ്റു​മ​തി​ക്കാ​രും വി​ല ഉ​യ​ർ​ത്തി. ദ​ക്ഷി​ണേ​ന്ത്യ​ൻ ലേ​ല​ങ്ങ​ളി​ലും വ​ര​വ് കു​റ​യു​ന്ന​തി​നാ​ൽ മെ​ച്ച​പ്പെ​ട്ട വി​ല​യ്ക്ക് സാ​ധ്യ​ത. നേ​ര​ത്തേ സീ​സ​ൺ കാ​ല​യ​ള​വി​ൽ ചെ​റു​കി​ട ക​ർ​ഷ​ക​ർ കൊ​ളു​ന്ത് താ​ഴ്ന്ന വി​ല​യ്ക്ക് വി​റ്റു​മാ​റി.

സ്വ​ർ​ണ​ത്തി​നു വീ​ണ്ടും റി​ക്കാ​ർ​ഡ്

കേ​ര​ള​ത്തി​ൽ സ്വ​ർ​ണ​വി​ല പ​വ​ന് 64,120 രൂ​പ​യി​ൽ​നി​ന്നും സ​ർ​വ​കാ​ല റി​ക്കാ​ർ​ഡ് നി​ര​ക്കാ​യ 64,560 രൂ​പ വ​രെ ഉ​യ​ർ​ന്ന ശേ​ഷം വാ​രാ​ന്ത്യം 64,360 രൂ​പ​യി​ലാ​ണ്. ഒ​രു ഗ്രാം ​സ്വ​ർ​ണ വി​ല 8045 രൂ​പ. ന്യൂ​യോ​ർ​ക്കി​ൽ സ്വ​ർ​ണ വി​ല ട്രോ​യ് ഔ​ൺ​സി​ന് 2954 ഡോ​ള​ർ വ​രെ ഉ​യ​ർ​ന്ന് റി​ക്കാ​ർ​ഡ് സ്ഥാ​പി​ച്ചു. വാ​രാ​ന്ത്യം നി​ര​ക്ക് 2934 ഡോ​ള​റി​ലാ​ണ്.