റ​ബ​ർ വി​പ​ണി​യി​ലെ വ​ൻ​ശ​ക്തി​യാ​യ ചൈ​ന​യു​ടെ അ​ഭാ​വ​ത്തി​ൽ ഊ​ഹ​ക്ക​ച്ച​വ​ട​ക്കാ​ർ ഉ​ത്പ​ന്ന വി​ല​യെ അ​മ്മാ​ന​മാ​ടി, ഇ​ന്ത്യ​ൻ റ​ബ​റി​നും കാ​ലി​ട​റി​യ​ത് ഉ​ത്പാ​ദ​ക​രെ ഞെ​ട്ടി​ച്ചു. ന​വ​രാ​ത്രി ഡി​മാ​ൻ​ഡ് ക​ഴി​ഞ്ഞു, ഇ​നി കൊ​പ്ര​യു​ടെ പ്ര​തീ​ക്ഷ ദീ​പാ​വ​ലി​യി​ൽ. ആ​ഗോ​ള കു​രു​മു​ള​ക് ഉ​ത്പാ​ദ​നം കു​റ​യു​ന്നു, ക​രു​ത​ലോ​ടെ നീ​ക്കം ന​ട​ത്തി​യാ​ൽ വ​രും വ​ർ​ഷ​ങ്ങ​ളി​ൽ ആ​ക​ർ​ഷ​ക​മാ​യ വി​ല ഉ​റ​പ്പു​വ​രു​ത്താം. സ്വ​ർ​ണം വെ​ട്ടി​ത്തി​ള​ങ്ങി.

സം​ഘ​ടി​ച്ച് ഊ​ഹ​ക്ക​ച്ച​വ​ട​ക്കാ​ർ

ഊ​ഹ​ക്ക​ച്ച​വ​ട​ക്കാ​ർ ഏ​ഷ്യ​ൻ റ​ബ​ർ വി​പ​ണി​ക​ളെ പി​ടി​ച്ചു​ല​ച്ചു. ഒ​സാ​ക്ക എ​ക്സ്ചേ​ഞ്ചി​ൽ ഡി​സം​ബ​ർ അ​വ​ധി​യെ 390ൽ​നി​ന്നും 420യെ​ന്നി​ലേ​യ്ക്ക് ഉ​യ​ർ​ത്തി​യ ശേ​ഷ​മാ​ണ് അ​വ​ർ ത​ക​ർ​ക്കാ​ൻ തു​ട​ങ്ങി​യ​ത്. ഫ​ണ്ടു​ക​ളും ഊ​ഹ​ക്ക​ച്ച​വ​ട​ക്കാ​രും ര​ണ്ട് വ​ഞ്ചി​യി​ൽ കാ​ലു ച​വി​ട്ടി​യാ​ണ് ഈ ​മ​ത്സ​ര​ത്തി​നി​റ​ങ്ങി​യ​ത്. ജ​പ്പാ​നി​ൽ റ​ബ​റി​നെ ഇ​ടി​ച്ചു താ​ഴ്ത്തി​യ അ​വ​ർ സിം​ഗ​പ്പു​ർ എ​ക്സ്ചേ​ഞ്ചി​ൽ റ​ബ​റി​നെ വാ​രി​പ്പു​ണ​ർ​ന്ന് 200 ഡോ​ള​റി​ൽ​നി​ന്നും 218ലേ​യ്ക്ക് ഉ​യ​ർ​ത്തി. വി​പ​ണി​യി​ൽ അ​ര​ങ്ങേ​റി​യ​ത് ഫ​ണ്ടു​ക​ളു​ടെ സം​ഘ​ടി​ത നീ​ക്ക​മാ​യി​രു​ന്നു.

ക​ള​ത്തി​ലി​റ​ങ്ങി ചൈ​ന

വാ​ര​ത്തി​ന്‍റെ തു​ട​ക്ക​ത്തി​ൽ ജാ​പ്പ​നീ​സ് യെ​ന്നി​ന്‍റെ മൂ​ല്യം ഇ​ടി​ഞ്ഞ​ത് റ​ബ​ർ അ​വ​ധി​യി​ൽ ക​ന​ത്ത വാ​ങ്ങ​ലി​ന് അ​വ​സ​ര​മൊ​രു​ക്കി. ചൈ​നീ​സ് സാ​മ്പ​ത്തി​ക വ​ള​ർ​ച്ച​യെ​ക്കു​റി​ച്ചു​ള്ള ശു​ഭാ​പ്തി വി​ശ്വാ​സ​വും ഒ​ത്തു ചേ​ർ​ന്ന​ത് വി​പ​ണി​യു​ടെ അ​ടി​യോ​ഴു​ക്ക് കൂ​ടു​ത​ൽ ശ​ക്ത​മാ​ക്കി. എ​ന്നാ​ൽ, പി​ന്നീ​ട് സം​ഭ​വി​ച്ച വി​ല​ത്ത​ക​ർ​ച്ച​യു​ടെ തി​ര​ക്ക​ഥ ര​ചി​ച്ച​ത് ചൈ​ന ത​ന്നെ​യാ​ണോ? അ​ങ്ങ​നെ ത​ന്നെ നാം ​ചി​ന്തി​ക്ക​ണം, കാ​ര​ണം ത​ന്ത്ര​ങ്ങ​ളും കു​ത​ന്ത്ര​ങ്ങ​ളും പ​യ​റ്റാ​ൻ അ​വ​രേ​ക്കാ​ൾ കേ​മ​ൻ വി​പ​ണി​യി​ൽ മ​റ്റാ​രു​മി​ല്ല. ബി​ജിം​ഗി​ലെ ട​യ​ർ ലോ​ബി ക​ല​ക്ക​വെ​ള്ള​ത്തി​ൽ​നി​ന്നു മീ​ൻ പി​ടി​ക്കാ​മെ​ന്ന ഉ​റ​ച്ച വി​ശ്വാ​സ​ത്തി​ലാ​ണ് ചൂണ്ട ഇ​ട്ട​ത്.

അ​തി​ല​വ​ർ വി​ജ​യി​ക്കു​മെ​ന്ന് ത​ന്നെ ഉ​റ​പ്പി​ക്കാം. ഓ​ട്ടോ​മൊ​ബൈ​ൽ മേ​ഖ​ല​യ്ക്ക് വ​ൻ​തോ​തി​ൽ റ​ബ​ർ ആ​വ​ശ്യ​മാ​യു​ണ്ട്. ഒ​രാ​ഴ്ച നീ​ണ്ട ദേ​ശീ​യ അ​വ​ധി​ക്കി​ട​യി​ൽ രാ​ജ്യാ​ന്ത​ര റ​ബ​ർ വി​പ​ണി​യെ ഉ​ഴു​തു​മ​റി​ച്ച് ഏ​റ്റ​വും താ​ഴ്ന്ന റേ​ഞ്ചി​ൽ പു​തി​യ ബ​യിം​ഗി​ന് അ​വ​ർ അ​വ​സ​രം ക​ണ്ടെ​ത്തും. സാ​ങ്കേ​തി​ക​മാ​യി വീ​ക്ഷി​ച്ചാ​ൽ ജ​പ്പാ​ൻ, സിം​ഗ​പ്പു​ർ വി​പ​ണി​ക​ളി​ൽ റ​ബ​ർ ബു​ള്ളി​ഷാ​ണ്.

എ​ൽ നി​നോ പ്ര​തി​ഭാ​സ​ത്തി​ൽ​നി​ന്നു ലാ ​നി​ന​യി​ലേ​ക്ക് കാ​ര്യ​ങ്ങ​ൾ മാ​റു​ക​യാ​ണ്, പ്ര​തി​കൂ​ല കാ​ലാ​വ​സ്ഥ മൂ​ലം ന​ട​പ്പ് വ​ർ​ഷം റ​ബ​ർ വി​ത​ര​ണം നേ​ര​ത്തേ പ്ര​വ​ചി​ച്ച 14.54 ദ​ശ​ല​ക്ഷം ട​ണ്ണി​ൽ​നി​ന്ന് 14.50 ദ​ശ​ല​ക്ഷ​മാ​യി കു​റ​യു​മെ​ന്ന് പ്ര​കൃ​തിറ​ബ​ർ ഉ​ത്പാ​ദി​പ്പി​ക്കു​ന്ന രാ​ജ്യ​ങ്ങ​ളു​ടെ അ​സോ​സി​യേ​ഷ​ൻ. വ​രു​ന്ന നാ​ല് വ​ർ​ഷ​ങ്ങ​ളി​ൽ ഉ​ത്പാ​ദ​ന​ത്തി​ലെ പ്ര​തി​സ​ന്ധി നി​ല​നി​ൽ​ക്കു​മെ​ന്ന​തി​നാ​ൽ ഓ​രോ വ​ർ​ഷ​വും ആ​റ് മു​ത​ൽ എ​ട്ട് ല​ക്ഷം ട​ണ്ണി​ന്‍റെ കു​റ​വി​ന് സാ​ധ്യ​ത. അ​തേ​സ​മ​യം, ഈ ​വ​ർ​ഷം റ​ബ​റി​ന് നേ​ര​ത്തേ പ്ര​തീ​ക്ഷി​ച്ച​തി​നെ​ക്കാ​ൾ ഡി​മാ​ൻ​ഡ് ഉ​യ​രു​മെ​ന്നും അ​വ​ർ പ്ര​വ​ചി​ക്കു​ന്നു.

കേ​ര​ള​ത്തി​ലും ഇ​ടി​വ്

സം​സ്ഥാ​ന​ത്ത് റ​ബ​ർ വി​ല ക്വി​ന്‍റ​ലി​ന് 1100 രൂ​പ ഇ​ടി​ഞ്ഞു. 22,500 രൂ​പ​യി​ൽ​നി​ന്നും നാ​ലാം ഗ്രേ​ഡ് റ​ബ​ർ 21,400 രൂ​പ​യാ​യി. ഈ ​നി​ര​ക്കി​ലും ച​ര​ക്ക് സം​ഭ​രി​ക്കാ​തെ ട​യ​ർ ലോ​ബി കൊ​ച്ചി, കോ​ട്ട​യം വി​പ​ണി​ക​ളി​ൽ​നി​ന്നും അ​ക​ന്ന​ത് സ്റ്റോ​ക്കി​സ്റ്റു​ക​ളി​ൽ സ​മ്മ​ർ​ദം ഉ​ള​വാ​ക്കി. പ​രി​ഭ്രാ​ന്ത​രാ​യ മ​ധ്യ​വ​ർ​ത്തി​ക​ൾ ഈ ​വാ​രം തു​ട​ക്ക​ത്തി​ൽ വി​ൽ​പ​ന​യ്ക്ക് മു​തി​ർ​ന്നാ​ൽ സ്ഥി​തി കൂ​ടു​ത​ൽ സ​ങ്കീ​ർ​ണ​മാ​കും. ഇ​ട​നി​ല​ക്കാ​ർ സം​യ​മ​നം പാ​ലി​ച്ചാ​ൽ ആ​ഭ്യ​ന്ത​ര വി​പ​ണി​യി​ലെ ത​ള​ർ​ച്ച​യെ ത​ട​യാ​നു​മാ​കും. മി​ക​ച്ച കാ​ലാ​വ​സ്ഥ ഒ​ട്ടു​മി​ക്ക തോ​ട്ട​ങ്ങ​ളി​ലും വെ​ട്ട് വ്യാ​പ​ക​മാ​ക്കി. റ​ബ​ർ കി​ലോ 200ന് ​മു​ക​ളി​ൽ നി​ല​കൊ​ള്ളു​ന്ന​തും ടാ​പ്പിം​ഗി​ന് ക​ർ​ഷ​ക​രെ പ്രേ​രി​പ്പി​ക്കു​ന്നു.


ഒ​തു​ങ്ങി നാ​ളി​കേ​രം

ന​വ​രാ​ത്രി ബ​യിം​ഗ് പൂ​ർ​ത്തി​യാ​യതോ​ടെ നാ​ളി​കേ​രോ​ത്പ​ന്ന​ങ്ങ​ളു​ടെ കു​തി​പ്പ് താ​ത്കാ​ലി​ക​മാ​യി നി​ല​ച്ചു. ഇ​നി എ​ല്ലാ പ്ര​തീ​ക്ഷ​ക​ളും ദീ​പാ​വ​ലി​യി​ലാ​ണ്. കൊ​പ്ര, ഉ​ണ്ടക്കൊ​പ്ര​യും കാ​ഴ്ച​വ​ച്ച അ​ഭൂ​തപൂർവ വി​ല​ക്ക​യ​റ്റ​വും അ​വ​രു​ടെ പി​ൻ​മാ​റ്റ​ത്തി​ന് കാ​ര​ണ​മാ​യി. അ​മി​ത​മാ​യി ച​ര​ക്ക് സം​ഭ​രി​ച്ചാ​ൽ ഉ​യ​ർ​ന്ന​വി​ല വി​ൽ​പ​ന​യെ ബാ​ധി​ക്കു​മോ​യെ​ന്ന ആ​ശ​ങ്ക​യി​ലാ​യി​രു​ന്നു പ​ല​രും. മാ​സാ​രം​ഭ​മാ​യ​തി​നാ​ൽ വെ​ളി​ച്ചെ​ണ്ണ​യ്ക്ക് പ്ര​ാദേ​ശി​ക ഡി​മാ​ൻ​ഡു​ണ്ട്. കൊ​ച്ചി​യി​ൽ എ​ണ്ണ 19,400​ലും കൊ​പ്ര 13,000 രൂ​പ​യി​ലു​മാ​ണ്.

ക​രു​ത്താ​ർ​ജി​ക്കാ​ൻ ഏ​ലം

ഏ​ലം വി​ള​വെ​ടു​പ്പി​നി​ട​യി​ൽ ച​ര​ക്ക് വി​റ്റു​മാ​റാ​ൻ ക​ർ​ഷ​ക​ർ തി​ടു​ക്കം കാ​ണി​ച്ചു. ഉ​യ​ർ​ന്ന കാ​ർ​ഷി​ക ചെ​ല​വു​ക​ൾ ത​ന്നെ​യാ​ണ് ചെ​റു​കി​ട​ക്കാ​രെ തി​ടു​ക്ക​ത്തി​ൽ ച​ര​ക്ക് കൈ​വി​ടാ​ൻ പ്രേ​രി​പ്പി​ക്കു​ന്ന​ത്. വി​ള​വെ​ടു​പ്പ് വൈ​കി​യ​തി​നാ​ൽ ഉ​ത്ത​രേ​ന്ത്യ​ൻ സ്റ്റോ​ക്കി​സ്റ്റു​ക​ൾ​ക്ക് പു​തി​യ ഏ​ല​ക്ക ആ​വ​ശ്യാ​നു​സ​ര​ണം സം​ഭ​രി​ക്കാ​നാ​യി​ല്ല. അ​തു​കൊ​ണ്ടു ത​ന്നെ ഉ​യ​ർ​ന്ന വി​ല​യ്ക്കും ലേ​ല​ത്തി​ൽ ഏ​ല​ക്ക സം​ഘ​ടി​പ്പി​ക്കാ​ൻ അ​വ​ർ ഉ​ത്സാ​ഹി​ച്ചു.

കാ​ർ​ഷി​ക മേ​ഖ​ല​യി​ലെ സ്ഥി​തി​ഗ​തി​ക​ൾ വി​ല​യി​രു​ത്തി​യാ​ൽ ദീ​പാ​വ​ലി​ക്ക് മു​ന്നോ​ടി​യാ​യി ഉ​യ​ർ​ന്ന അ​ള​വി​ൽ പു​തി​യ ഏ​ല​ക്ക ലേ​ല​ത്തി​ൽ ഇ​റ​ക്കാം. അ​റ​ബ് രാ​ജ്യ​ങ്ങ​ളി​ൽ​നി​ന്ന് ഉ​ത്പ​ന്ന​ത്തി​ന് ഓ​ർ​ഡ​റു​ക​ളു​ണ്ട്. കൂ​ടു​ത​ൽ ഓ​ർ​ഡ​റു​ക​ൾ വ​രും മാ​സ​ങ്ങ​ളി​ൽ പ്ര​തീ​ക്ഷി​ക്കാം. അ​ന്താ​രാ​ഷ്‌​ട്ര മാ​ർ​ക്ക​റ്റി​ൽ ഗ്വാ​ട്ടി​മ​ല​യു​ടെ അ​സാ​ന്നി​ധ്യം വി​ല​ക്ക​യ​റ്റ സാ​ധ്യ​ത​ക​ൾ​ക്ക് ശ​ക്തി​പ​ക​രും. വാ​രാ​ന്ത്യം ശ​രാ​ശ​രി ഇ​ന​ങ്ങ​ൾ കി​ലോ 2265 രൂ​പ​യി​ലും മി​ക​ച്ച​യി​ന​ങ്ങ​ൾ 3052 രൂ​പ​യി​ലു​മാ​ണ്.

റിക്കാർഡ് തുടർക്കഥ

ആ​ഭ​ര​ണ വി​പ​ണി​ക​ളി​ൽ സ്വ​ർ​ണം പു​തി​യ റി​ക്കാ​ർ​ഡ് സ്ഥാ​പി​ച്ചു. പ​വ​ന് 56,760 രൂ​പ​യി​ൽ​നി​ന്നും സ​ർ​വ​കാ​ല റി​ക്കോ​ർ​ഡാ​യ 56,960 വ​രെ ഉ​യ​ർ​ന്നു. ഒ​രു ഗ്രാം ​സ്വ​ർ​ണവി​ല 7120 രൂ​പ. ന്യൂ​യോ​ർ​ക്കി​ൽ സ്വ​ർ​ണം ട്രോ​യ് ഔ​ൺ​സി​ന് 2658 ഡോ​ള​റി​ൽ​നി​ന്നും 2670 വ​രെ ക​യ​റി​യെ​ങ്കി​ലും വാ​രാ​ന്ത്യം 2654 ഡോ​ള​റി​ലാ​ണ്.

കു​രു​മു​ള​കി​ന് ക്ഷാ​മം

അ​ന്താ​രാ​ഷ്‌​ട്ര വി​പ​ണി​യി​ൽ വ​രും മാ​സ​ങ്ങ​ളി​ൽ കു​രു​മു​ള​ക് ല​ഭ്യ​ത ചു​രു​ങ്ങു​മെ​ന്ന സൂ​ച​ന​യാ​ണ് പു​റ​ത്തു​വ​രു​ന്ന​ത്. പ്ര​തി​കൂ​ല കാ​ലാ​വ​സ്ഥ​യ്ക്കി​ട​യി​ൽ വി​യ​റ്റ്നാം, ഇ​ന്തോ​നേ​ഷ്യ, ബ്ര​സീ​ൽ എ​ന്നി​വി​ട​ങ്ങ​ളി​ൽ മു​ള​ക് സ്റ്റോ​ക്ക് കു​റ​ഞ്ഞു. അ​തു​കൊ​ണ്ടുത​ന്നെ സ്റ്റോ​ക്കി​ന് കൂ​ടി​യ വി​ല വൈ​കാ​തെ അ​വ​ർ ആ​വ​ശ്യ​പ്പെ​ടാം. അ​ടു​ത്ത സീ​സ​ൺവ​രെ​യു​ള്ള നീ​ക്കി​യി​രി​പ്പ് പ​ല രാ​ജ്യ​ങ്ങ​ളി​ലും ചു​രു​ങ്ങി​യ​തി​നാ​ൽ ക​യ​റ്റു​മ​തി​ക്കാ​ർ ക​രു​ത​ലോ​ടെ​യാ​കും ഇ​നി ഓ​രോ വി​ദേ​ശ വ്യാ​പാ​ര​വും ഉ​റ​പ്പി​ക്കു​ക. യു​എ​സ്, യു​റോ​പ്യ​ൻ രാ​ജ്യ​ങ്ങ​ളും രാ​ജ്യാ​ന്ത​ര വി​പ​ണി​യി​ലു​ണ്ട്.

ദീ​പാ​വ​ലി​ക്ക് ആ​വ​ശ്യ​മാ​യ കു​രു​മു​ള​ക് ഉ​ത്ത​രേ​ന്ത്യ​ൻ വാ​ങ്ങ​ലു​കാ​ർ​ക്ക് ഇ​നി​യും പൂ​ർ​ണ​മാ​യി സം​ഭ​രി​ക്കാ​നാ​യി​ട്ടി​ല്ല. എ​ന്നാ​ൽ, ന​വ​രാ​ത്രി​ക്കു​ള്ള ച​ര​ക്ക് ഇ​തി​ന​കം ശേ​ഖ​രി​ച്ചു. വി​ല ഉ​യ​രു​മെ​ന്ന പ്ര​തീ​ക്ഷ​യി​ൽ കാ​ർ​ഷി​ക മേ​ഖ​ല താ​ഴ്ന്ന വി​ല​യ്ക്ക് മു​ള​ക് കൈ​മാ​റാ​ൻ താ​ത്പ​ര്യം കാ​ണി​ച്ചി​ല്ല. കൊ​ച്ചി​യി​ൽ അ​ൺ ഗാ​ർ​ബി​ൾ​ഡ് കു​രു​മു​ള​ക് 64,600 രൂ​പ. രാ​ജ്യാ​ന്ത​ര വി​പ​ണി​യി​ൽ മ​ല​ബാ​ർ മു​ള​ക് വി​ല ട​ണ്ണി​ന് 8150 ഡോ​ള​ർ.