കൊ​ച്ചി: ചു​ക്ക് സ്റ്റോ​ക്കി​സ്റ്റു​ക​ൾ സ​മ്മ​ർ​ദ​ത്തി​ൽ, ശൈ​ത്യ​കാ​ല​മ​ടു​ത്തി​ട്ടും ഉ​ത്​പന്ന​ത്തി​ന് ആ​ഭ്യ​ന്ത​ര ആ​വ​ശ്യ​ക്കാ​രി​ല്ല. ഏ​ഷ്യ​ൻ റ​ബ​റി​ൽ സാ​ങ്കേ​തി​ക തി​രു​ത്ത​ൽ, വാ​രാ​ന്ത്യം ഓ​പ്പ​റേ​റ്റ​ർ​മാ​ർ ഷോ​ട്ട് ക​വ​റിംഗി​ന് ഉ​ത്സാ​ഹി​ച്ചു. ഓ​ണാ​ഘോ​ഷ​ങ്ങ​ൾ ക​ഴി​യു​ന്ന​തോ​ടെ സം​സ്ഥാ​ന​ത്ത് റ​ബ​ർ ടാ​പ്പിംഗ് ഊ​ർ​ജി​ത​മാ​കു​മെ​ന്ന പ്ര​തീ​ക്ഷ​യി​ൽ ട​യ​ർ ക​ന്പ​നി​ക​ൾ. കു​രു​മു​ള​കു വി​ല വീ​ണ്ടും ഉ​യ​ർ​ന്നു. ഓ​ണം ക​ഴി​ഞ്ഞാ​ൽ വെ​ളി​ച്ചെ​ണ്ണവി​പ​ണി വ​ഴു​തു​മോ, മി​ല്ലു​കാ​ർ ആ​ശ​ങ്ക​യി​ൽ.

ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ൾ ശൈ​ത്യ​കാ​ല​ത്തി​ലേക്ക് തി​രി​യും മു​ന്പേ ചു​ക്ക് സം​ഭ​രി​ക്കാ​ൻ ഉ​ത്സാ​ഹി​ക്കാ​റു​ള്ള അ​ന്ത​സം​സ്ഥാ​ന വാ​ങ്ങ​ലു​കാ​ർ ഇ​ക്കു​റി ത​ണു​പ്പ​ൻ മ​നോ​ഭാ​വ​ത്തി​ലാ​ണ്. കേ​ര​ള​ത്തി​ലെ​യും ക​ർ​ണാ​ട​ക​ത്തി​ലെ​യും ഉത്​പാ​ദ​നകേ​ന്ദ്ര​ങ്ങ​ളി​ലും വി​പ​ണി​ക​ളി​ലും ഉ​യ​ർ​ന്ന അ​ള​വി​ൽ ചു​ക്കു​ണ്ട്. സാ​ധാ​ര​ണ ഓഗ​സ്റ്റ്-സെ​പ്റ്റം​ബ​റി​ൽ ഉ​ത്പന്ന​ത്തി​ന് വ​ൻ ഓ​ർ​ഡ​റു​ക​ൾ എ​ത്താ​റു​ണ്ട​ങ്കി​ലും ഇ​ക്കു​റി ചു​ക്ക് വി​പ​ണി നി​ർ​ജീ​വ​മാ​ണ്. അ​ധി​കകാ​ലം ച​ര​ക്ക് സൂ​ക്ഷി​ച്ചാ​ൽ കു​ത്തൽ വീ​ഴു​മെ​ന്ന ഭീ​തി​യും സ്റ്റോ​ക്കി​സ്റ്റു​ക​ൾ​ക്കു​ണ്ട്.

ന​മ്മു​ടെ വ​ലി​യൊ​രു വി​ഭാ​ഗം ഇ​ഞ്ചി ക​ർ​ഷ​ക​ർ ക​ർ​ണാ​ട​കം കേ​ന്ദ്രീ​ക​രി​ച്ചാ​ണ് കൃ​ഷിയി​റ​ക്കു​ന്ന​ത്. പാ​ട്ട​ത്തി​നു ഭൂ​മി​യെ​ടു​ത്ത് ഇ​ഞ്ചി വി​ള​യി​ച്ച് ചു​ക്ക് ഉ​ത്പാ​ദി​പ്പി​ച്ച പ​ല​രും ക​ന​ത്ത സാ​മ്പ​ത്തി​കന​ഷ്ട​ത്തി​ലാ​ണ്. സീ​സ​ൺ കാ​ല​യ​ള​വി​ൽ പ​ച്ച ഇ​ഞ്ചി വി​ല ഉ​യ​ർ​ന്നുനി​ന്ന​തി​നാ​ൽ കൂ​ടു​ത​ൽ മെ​ച്ച​പ്പെ​ട്ട ഉ​റ​പ്പ് വ​രു​ത്താ​നാ​യി​ല്ലെ​ങ്കി​ൽ ഉത്​പാ​ദ​ക​ർ ന​ഷ്ട​ത്തി​ലാ​കും. കൊ​ച്ചി​യി​ൽ വാ​രാ​ന്ത്യം വി​വി​ധ​യി​നം ചു​ക്ക് 36,000 -38,000 രൂ​പ​യി​ലാ​ണ്. ഇ​തി​നി​ട​യി​ൽ അ​റ​ബ് നാ​ടു​ക​ളി​ൽനി​ന്നും പു​തി​യ ഓ​ർ​ഡ​റു​ക​ളെ​ത്തു​മെ​ന്ന പ്ര​തീ​ക്ഷ​യി​ലാ​ണ് ഒ​രു വി​ഭാ​ഗം ക​യ​റ്റു​മ​തി​ക്കാ​ർ.

വിലയിടിഞ്ഞ് റബർ

രാ​ജ്യാ​ന്ത​ര റ​ബ​ർ മാ​ർ​ക്ക​റ്റ് ഓ​വ​ർ ബോ​ട്ട് മേ​ഖ​ല​യി​ൽനി​ന്നും ശ​ക്ത​മാ​യ സാ​ങ്കേ​തി​ക തി​രു​ത്ത​ലി​ന് വി​ധേ​യ​മാ​യി. ഒ​സാ​ക്ക എ​ക്സ്ചേ​ഞ്ചി​ൽ റ​ബ​ർ അ​മി​ത വാ​ങ്ങ​ൽ മൂ​ലം ആ​ടി ഉ​ല​യാ​നു​ള്ള ഒ​രു​ക്ക​ത്തി​ലാ​ണെ​ന്ന് മു​ൻ​വാ​രം സൂ​ചി​പ്പി​ച്ച​ത് ശ​രി​വ​ച്ച് ഉത്പ​ന്ന വി​ല ഇ​ടി​ഞ്ഞു.

കി​ലോ 387 യെ​ന്നി​ൽ ഉ​ട​ലെ​ടു​ത്ത ലാ​ഭ​മെ​ടു​പ്പ് ഒ​ര​വ​സ​ര​ത്തി​ൽ മു​ൻ​വാ​രം സൂചി​പ്പി​ച്ച 368 യെ​ന്നി​ലെ സ​പ്പോ​ർ​ട്ട് ത​ക​ർ​ത്ത് റ​ബ​ർ 346 യെ​ന്നി​ലേ​ക്ക് താ​ഴ്ന്നു. ഈ ​അ​വ​സ​ര​ത്തി​ൽ ഊ​ഹ​ക്ക​ച്ച​ട​ക്കാ​ർ ക​വ​റി​ംഗി​ന് ഉ​ത്സാ​ഹി​ച്ച​ത് മാ​ർ​ക്ക​റ്റ് ക്ലോ​സി​ംഗി​ൽ നി​ര​ക്ക് 360 യെ​ന്നി​ലേ​ക്ക് ഉ​യ​ർ​ത്തി. ജ​പ്പാ​നി​ൽ പി​ന്നി​ട്ട​വാ​രം റ​ബ​ർ വി​ല അ​ഞ്ച് ശ​ത​മാ​നം ഇ​ടി​ഞ്ഞു. സിം​ഗ​പ്പൂർ എ​ക്സ്ചേ​ഞ്ചി​ൽ ടി​എ​സ്ആ​ർ റ​ബ​ർ മു​ൻ വാ​ര​ത്തി​ലെ 182 ഡോ​ള​റി​ൽനി​ന്നും 160 ലേക്ക് ഇ​ടി​ഞ്ഞശേ​ഷം വാ​രാ​ന്ത്യം 180 ഡോ​ള​റി​ലാ​ണ്. പ്ര​തി​ദി​ന ചാ​ർ​ട്ടി​ൽ റ​ബ​ർ ബു​ള്ളി​ഷെ​ങ്കി​ലും തി​രു​ത്ത​ലി​നു​ള്ള ശ്ര​മ​ത്തി​ലാ​ണ്.

താ​യ്‌ല​ൻഡി​ലെ കാ​ലാ​വ​സ്ഥ​യി​ൽ ചെ​റി​യ മാ​റ്റം ക​ണ്ടുതു​ട​ങ്ങി. മ​ഴ കു​റ​യു​ന്ന പ​ശ്ചാ​ത്ത​ല​ത്തി​ൽ ടാ​പ്പിംഗ് രം​ഗം വ​രുംദി​ന​ങ്ങ​ളി​ൽ സ​ജീ​വ​മാ​കു​മെ​ന്നാ​ണ് അ​വി​ടെനി​ന്നു​ള്ള വി​വ​രം. പു​തി​യ സാ​ഹ​ച​ര്യ​ത്തി​ൽ മാ​സാ​വ​സാ​നം ച​ര​ക്കുവ​ര​വ് ഉ​യ​രാ​നു​ള്ള സാ​ധ്യ​ത​ക​ൾ മു​ൻനി​ർ​ത്തി ക​യ​റ്റു​മ​തി​ക്കാ​ർ വി​ദേ​ശ വ്യാ​പാ​ര​ങ്ങ​ൾ​ക്ക് ഉ​ത്സാ​ഹി​ക്കു​ന്നു​ണ്ട്. ബാ​ങ്കോ​ക്കി​ൽ ഷീ​റ്റ് വി​ല 23,592 രൂ​പ​യി​ൽനി​ന്നും 22,251 രൂ​പ​യാ​യി.

ഓ​ണാ​ഘോ​ഷ​ങ്ങ​ൾ ക​ഴി​യു​ന്ന​തോ​ടെ റ​ബ​ർ ഉത്​പാ​ദ​നരം​ഗം ഉ​ണ​രു​മെ​ന്ന നി​ഗ​മ​ന​ത്തി​ലാ​ണ് ട​യ​ർ ക​ന്പ​നി​ക​ൾ. മാ​സ​ത്തി​ന്‍റെ ര​ണ്ടാം പ​കു​തി​യി​ൽ കാ​ലാ​വ​സ്ഥ തെ​ളി​യു​ന്ന​തോ​ടെ റ​ബ​ർവെ​ട്ടി​ന് ഉത്​പാ​ദ​ക​ർ കൂ​ടു​ത​ൽ ഉ​ത്സാ​ഹി​ക്കും. പി​ന്നി​ട്ട വാ​ര​ത്തി​ലും മു​ഖ്യവി​പ​ണി​ക​ളി​ൽ ഷീ​റ്റുവ​ര​വ് കു​റ​ഞ്ഞ അ​ള​വി​ലാ​യി​രു​ന്നു. എ​ന്നി​ട്ടും വ്യ​വ​സാ​യി​ക​ൾ നാ​ലാം ഗ്രേ​ഡ് റ​ബ​ർ 23,900ൽ​നി​ന്നും 22,900ലേ​ക്ക് ഇ​ടി​ച്ചു. അ​ഞ്ചാം ഗ്രേ​ഡ് 23,300ൽനി​ന്നും 22,600 രൂ​പ​യാ​യി. ലാ​റ്റ​ക്സ് വി​ല 13,700ൽ​നി​ന്നും 13,000 രൂ​പ​യാ​യി.

കുരുമുളകിന് ഡിമാൻഡ്


കു​രു​മു​ള​കുവി​ല നി​ത്യേ​ന ഉ​യ​രു​ന്ന​ത് മു​ൻനി​ർ​ത്തി കാ​ർ​ഷി​ക മേ​ഖ​ല വി​പ​ണി​ക​ളി​ലേ​ക്കു​ള്ള ച​ര​ക്കുനീ​ക്കം കു​റ​ച്ചു. ഹൈ​റേ​ഞ്ച് മു​ള​കി​ന് ഉ​ത്ത​രേ​ന്ത്യ​യി​ൽനി​ന്നും കൂ​ടു​ത​ൽ അ​ന്വേ​ഷ​ണ​ങ്ങ​ളു​ണ്ട്. ദീ​പാ​വ​ലി​ക്കു മു​ന്നോ​ടി​യാ​യു​ള്ള ച​ര​ക്കുസം​ഭ​ര​ണ തി​ര​ക്കി​ലാ​ണ് അ​ന്ത​ർ​സം​സ്ഥാ​ന വാ​ങ്ങ​ലു​കാ​ർ. കൊ​ച്ചി​യി​ൽ അ​ൺഗാ​ർ​ബി​ൾ​ഡ് കു​രു​മു​ള​ക് 65,000 രൂ​പ​യി​ൽനി​ന്നും 65,800 രൂ​പ​യാ​യി.

തേയിലയ്ക്കു വില്ലനായി കാലാവസ്ഥ

കാ​ലാ​വ​സ്ഥാ വ്യ​തി​യാ​നം സൃ​ഷ്ടി​ച്ച ആ​ഘാ​ത​ത്തി​ൽ രാ​ജ്യ​ത്ത് തേ​യി​ല ഉ​ത്പാ​ദ​നം കു​റ​ഞ്ഞു. ജൂ​ൺ-ഓഗ​സ്റ്റ് കാ​ല​യ​ള​വി​ൽ ഉ​ത്ത​രേ​ന്ത്യ​യി​ലും ദ​ക്ഷി​ണേ​ന്ത്യ​ൻ തേ​യി​ലത്തോ​ട്ട​ങ്ങ​ളി​ലും കൊ​ളു​ന്തുനു​ള്ള് സ്തം​ഭി​ച്ച​തുമൂ​ലം പ്ര​മു​ഖ ലേ​ലകേ​ന്ദ്ര​ങ്ങ​ളി​ൽ വ​ര​വ് ചു​രു​ങ്ങി​യ​ത് വി​ല​ക്ക​യ​റ്റം സൃ​ഷ്ടി​ച്ചു. പ​ശ്ചി​മേ​ഷ്യ​ൻ രാ​ജ്യ​ങ്ങ​ളി​ൽനി​ന്നും സി​ഐഎ​സ് രാ​ജ്യ​ങ്ങ​ളി​ൽനി​ന്നു​മു​ള്ള ഡി​മാ​ൻഡിൽ കി​ലോ ആ​റ് രൂ​പ വ​രെ കൊ​ച്ചി ലേ​ല​ത്തി​ൽ ഓ​ർ​ത്ത​ഡോ​ക​സ് ഇ​ന​ങ്ങ​ൾ​ക്ക് ക​യ​റി. ആ​ഭ്യ​ന്ത​ര മാ​ർ​ക്ക​റ്റി​ന് പ്രി​യ​പ്പെ​ട്ട സി​ടിസി ​ഇ​ന​ങ്ങ​ളു​ടെ വി​ല​യും വ​ർ​ധിച്ചു. കാ​ല​വ​ർ​ഷം ശ​ക്ത​മാ​യ​താ​ണ് കേ​ര​ള​ത്തി​ലും ത​മി​ഴ്നാ​ട്ടി​ലും കൊ​ളു​ന്തുനു​ള്ള് നേ​ര​ത്തേ ത​ട​സ​പ്പെ​ടു​ത്തി​യ​ത്.

പ്ര​തി​കൂ​ല കാ​ലാ​വ​സ്ഥ​യി​ൽ വ​ട​ക്കേ ഇ​ന്ത്യ​യി​ലും ഓഗ​സ്റ്റി​ൽ ഉത്​പാ​ദ​നം ഇ​ടി​ഞ്ഞു. ലേ​ല​ത്തി​ൽ വ​ര​വ് കു​റ​ഞ്ഞ​തോ​ടെ ചു​രു​ങ്ങി​യ ആ​ഴ്ച​ക​ളി​ൽ കി​ലോ 25 മു​ത​ൽ 35 രൂ​പ വ​രെ വി​വി​ധ​യി​നങ്ങ​ളു​ടെ വി​ല ഉ​യ​ർ​ന്നു. ഉ​ത്ത​രേ​ന്ത്യ​ൻ ഉ​ത്സ​വദി​ന​ങ്ങ​ളി​ലേ​ക്ക് പ്ര​വേ​ശി​ച്ച​തി​നാ​ൽ കോ​ൽ​ക്ക​ത്ത, ഗോ​ഹ​ട്ടി, സി​ലി​ഗു​രി ലേ​ല​ങ്ങ​ളി​ൽ നി​ര​ക്ക് ഇ​നി​യും ഉ​യ​രാം. അ​തേസ​മ​യം വി​ല അ​മി​ത​മാ​യി ഉ​യ​ർ​ന്നാ​ൽ വാ​ങ്ങ​ലു​കാ​ർ കൊ​ച്ചി, കൂ​ന്നു​ർ ലേ​ല​ത്തി​ലേ​യ്ക്ക് ചു​വ​ടുമാ​റ്റാ​നും ഇ​ട​യു​ണ്ട്. ജ​നു​വ​രി-ജൂ​ലൈ​യി​ൽ രാ​ജ്യ​ത്ത് തേ​യി​ല ഉത്​പാ​ദ​നം 14 ശ​ത​മാ​നം ഇ​ടി​ഞ്ഞു. കാ​ലാ​വ​സ്ഥ വ്യ​തി​യാ​ന​ങ്ങ​ൾ​ക്കൊ​പ്പം തോ​ട്ടം മേ​ഖ​ല​യെ ബാ​ധി​ച്ച കി​ട​ബാ​ധ​ക​ളും തേ​യി​ല ഉ​ത്പാ​ദ​നം കു​റ​യാ​ൻ ഇ​ട​യാ​ക്കി.

കൊപ്ര സ്റ്റെഡി

ഓ​ണപ്ര​തീ​ക്ഷ​ക​ൾ​ക്കു മ​ങ്ങ​ലേ​റ്റ അ​വ​സ്ഥ​യി​ലാ​ണ് കൊ​പ്ര​യാ​ട്ട് വ്യ​വ​സാ​യി​ക​ൾ. വെ​ളി​ച്ചെ​ണ്ണവി​പ​ണി ചൂ​ടു​പി​ടി​ക്കു​ന്ന​തി​നി​ട​യി​ൽ സ്റ്റോ​ക്ക് പ​ര​മാ​വ​ധി വി​റ്റു​മാ​റാ​നു​ള്ള അ​ണി​യ​റനീ​ക്ക​ത്തി​ലാ​യി​രു​ന്നു അ​യ​ൽസം​സ്ഥാ​ന​ത്തെ മി​ല്ലു​കാ​ർ. മാ​സാ​രം​ഭ​മാ​യി​ട്ടു പോ​ലും പി​ന്നി​ട്ട​ വാ​ര​ത്തി​ൽ കൊ​ച്ചി​യി​ൽ എ​ണ്ണ 16,800 രൂ​പ​യി​ലും കൊ​പ്ര 10,500 രൂ​പ​യി​ലും സ്റ്റെ​ഡി​യാ​ണ്.

സ്വർണവിലയിൽ ചാഞ്ചാട്ടം

ആ​ഭ​ര​ണ കേ​ന്ദ്ര​ങ്ങ​ളി​ൽ സ്വ​ർ​ണവി​ല വാ​ര​ത്തി​ന്‍റെ ആ​ദ്യ പ​കു​തി​യി​ൽ തു​ട​ർ​ച്ച​യാ​യി നാ​ല് ദി​വ​സം 53,360 രൂ​പ​യി​ൽ നി​ല​കൊ​ണ്ട ശേ​ഷം വെ​ള്ളി​യാ​ഴ്ച 400 രൂ​പ ഉ​യ​ർ​ന്ന് 53,760 വ്യാ​പാ​രം ന​ട​ന്ന​ന്നെ​ങ്കി​ലും വാ​രാ​ന്ത്യം നി​ര​ക്ക് 53,440 രൂ​പ​യാ​യി താ​ഴ്ന്നു. ഒ​രു ഗ്രാം ​സ്വ​ർ​ണ വി​ല 6680 രൂ​പ.

ഏലക്കയുടെ വരവിൽ ആശങ്ക

ലേ​ലകേ​ന്ദ്ര​ങ്ങ​ളി​ൽ വീ​ണ്ടും ഏ​ല​ക്ക പ്ര​വാ​ഹം. സീ​സ​ൺ ആ​രം​ഭ​ത്തി​നു മു​ന്പേ ശ​ക്ത​മാ​യ ച​ര​ക്കുവ​ര​വ് ഉ​ത്പാ​ദ​ക​രി​ൽ ആ​ശ​ങ്ക​ പ​ര​ത്തു​ന്നു. ഇ​ട​പാ​ടു​കാ​ർ വീ​ണ്ടും റീ​പു​ള്ളിം​ഗിന് ശ്ര​മം ന​ട​ത്തി​യോ​യെ​ന്ന സം​ശ​യ​ത്തി​ലാ​ണ് ഒ​രു വി​ഭാ​ഗം ക​ർ​ഷ​ക​ർ.

ഇ​ത്ത​ര​ത്തി​ൽ ച​ര​ക്ക് പ്ര​വ​ഹി​ക്ക​ണ​മെ​ങ്കി​ൽ അ​തിനു പി​ന്നി​ൽ അ​യ​ൽസം​സ്ഥാ​ന​ത്തെ ചി​ല വ​ൻ​ശ​ക്തി​ക​ളു​ടെ സ്വാ​ധീ​ന​മാ​യി ഹൈ​റേ​ഞ്ചി​ലെ ക​ർ​ഷ​ക​ർ വി​ല​യി​രു​ത്തു​ന്നു. ശ​രാ​ശ​രി ഇ​ന​ങ്ങ​ൾ കി​ലോ 2193 രൂ​പ​യി​ലും മി​ക​ച്ച​യി​ന​ങ്ങ​ൾ 2707 രൂ​പ​യി​ലു​മാ​ണ് വാ​രാ​ന്ത്യം. ദീ​പാ​വ​ലി-ന​വ​രാ​ത്രി വേ​ള​യി​ലെ ആ​വ​ശ്യ​ങ്ങ​ൾ മു​ന്നി​ൽക്ക​ണ്ട് ഉ​ത്ത​രേ​ന്ത്യ​കാ​ർ ഏ​ല​ക്ക സം​ഭ​രി​ക്കു​ന്നു​ണ്ട്.