National News
ഇന്ത്യ-മാലദ്വീപ് ബന്ധം ശക്തമാക്കി മോദിയും മുയിസുവും
ഇന്ത്യ-മാലദ്വീപ് ബന്ധം ശക്തമാക്കി മോദിയും മുയിസുവും
Tuesday, October 8, 2024 2:47 AM IST
ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: ഇ​ന്ത്യ​യു​ടെ സു​ര​ക്ഷ​യെ ദു​ർ​ബ​ല​പ്പെ​ടു​ത്തി​ല്ലെ​ന്നു മാ​ല​ദ്വീ​പ് പ്ര​സി​ഡ​ന്‍റ് മു​ഹ​മ്മ​ദ് മു​യി​സു. ഇ​ന്ത്യ​യു​ടെ ഏ​റ്റ​വും അ​ടു​ത്ത സു​ഹൃ​ത്താ​ണു മാ​ല​ദ്വീ​പ് എ​ന്നു പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ഇ​ന്ത്യ​യി​ൽ​നി​ന്നു കൂ​ടു​ത​ൽ വി​നോ​ദ​സ​ഞ്ചാ​രി​ക​ളെ സ്വാ​ഗ​തം ചെ​യ്യു​ന്നു​വെ​ന്നും മാ​ല​ദ്വീ​പി​ന്‍റെ ഏ​റ്റ​വും വ​ലി​യ ടൂ​റി​സം ഉ​റ​വി​ട വി​പ​ണി​യാ​ണ് ഇ​ന്ത്യ​യെ​ന്നും മു​യി​സു പ​റ​ഞ്ഞു.

ഇ​ന്ത്യാ​വി​രു​ദ്ധ പ്ര​ചാ​ര​ണ​ത്തി​ലൂ​ടെ അ​ധി​കാ​ര​ത്തി​ലെ​ത്തു​ക​യും ഇ​ന്ത്യ​ൻ സൈ​ന്യ​ത്തെ പു​റ​ത്താ​ക്കു​ക​യും ചെ​യ്ത​ശേ​ഷം ആ​ദ്യ​മാ​യി ഇ​ന്ത്യ​യി​ലെ​ത്തി​യ മാ​ല​ദ്വീ​പ് പ്ര​സി​ഡ​ന്‍റ് ഇ​ന്ത്യാ​വി​രു​ദ്ധ നി​ല​പാ​ടി​ൽ വ​ലി​യ മാ​റ്റം വ​രു​ത്തി​യ​ത് ഇ​രു​രാ​ജ്യ​ങ്ങ​ളും ത​മ്മി​ൽ പ്ര​തി​സ​ന്ധി​യി​ലാ​യ ഉ​ഭ​യ​ക​ക്ഷിബ​ന്ധം വീ​ണ്ടും ശ​ക്തി​പ്പെ​ടു​ത്തി.

ഇ​ന്ത്യാ വി​രു​ദ്ധ​ത​യ്ക്കു പു​റ​മേ, ചൈ​ന അ​നു​കൂ​ല നി​ല​പാ​ട് സ്വീ​ക​രി​ച്ചി​രു​ന്ന മു​യി​സു​വി​ന്‍റെ മ​നം​മാ​റ്റ​ത്തി​നു പി​ന്നി​ൽ പ്ര​ധാ​ന​മാ​യും സാ​ന്പ​ത്തി​ക, വി​ക​സ​ന കാ​ര്യ​ങ്ങ​ളാ​ണ്. ഹൈ​ദ​രാ​ബാ​ദ് ഹൗ​സി​ൽ പ്ര​ധാ​ന​മ​ന്ത്രി മോ​ദി​യും പ്ര​സി​ഡ​ന്‍റ് മു​യി​സു​വും ന​ട​ത്തി​യ ച​ർ​ച്ച​യ്ക്കു​ശേ​ഷം ന​ട​ത്തി​യ സം​യു​ക്ത പ​ത്ര​സ​മ്മേ​ള​ന​ത്തി​ലാ​ണ് വീ​ണ്ടും സൗ​ഹൃ​ദ​ത്തി​ന്‍റെ​യും സ​ഹ​ക​ര​ണ​ത്തി​ന്‍റെ​യും പ്ര​ഖ്യാ​പ​ന​ങ്ങ​ൾ ന​ട​ത്തി​യ​ത്.

നാ​ലു ദി​വ​സ​ത്തെ ഔ​ദ്യോ​ഗി​ക സ​ന്ദ​ർ​ശ​ന​ത്തി​നാ​യി ഡ​ൽ​ഹി​യി​ലെ​ത്തി​യ മു​യി​സു​വി​നും ഭാ​ര്യ സ​ജി​ത​യ്ക്കും ഇ​ന്ന​ലെ രാ​വി​ലെ രാ​ഷ്‌​ട്ര​പ​തി ദ്രൗ​പ​തി മു​ർ​മു​വും പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ചേ​ർ​ന്നു രാ​ഷ്‌​ട്ര​പ​തിഭ​വ​നി​ൽ അ​ചാ​ര​പ​ര​മാ​യ സ്വീ​ക​ര​ണം ന​ൽ​കി.

രാ​ഷ്‌​ട്ര​പ​തിഭ​വ​നി​ൽ​നി​ന്നു രാ​ജ്ഘ​ട്ടി​ലെ​ത്തി മ​ഹാ​ത്മാ​ഗാ​ന്ധി​ക്ക് ആ​ദ​രാ​ഞ്ജലി അ​ർ​പ്പി​ച്ച​ശേ​ഷ​മാ​ണ് മു​യി​സു ഹൈ​ദാ​രാ​ബാ​ദ് ഹൗ​സി​ൽ മോ​ദി​യു​മാ​യി ഔ​ദ്യോ​ഗി​ക ച​ർ​ച്ച​യ്ക്കെ​ത്തി​യ​ത്. ക​ഴി​ഞ്ഞ ന​വം​ബ​റി​ൽ അ​ധി​കാ​ര​മേ​റ്റ​തി​നു​ശേ​ഷ​മു​ള്ള മു​യി​സു​വി​ന്‍റെ ആ​ദ്യ ഇ​ന്ത്യ സ​ന്ദ​ർ​ശ​ന​ത്തി​നാ​യി ഇ​ന്ത്യ​ൻ വ്യോ​മ​സേ​ന​യു​ടെ പ്ര​ത്യേ​ക വി​മാ​ന​ത്തി​ലാ​ണു മാ​ല​ദ്വീ​പ് പ്ര​സി​ഡ​ന്‍റി​നെ​യും സം​ഘ​ത്തെ​യും ഞാ​യ​റാ​ഴ്ച ഡ​ൽ​ഹി​യി​ലെ​ത്തി​ച്ച​ത്. വി​ദേ​ശ​കാ​ര്യ​മ​ന്ത്രി എ​സ്. ജ​യ​ശ​ങ്ക​ർ ഞാ​യ​റാ​ഴ്ച മു​യി​സു​വി​നെ സ​ന്ദ​ർ​ശി​ച്ചി​രു​ന്നു.

ഇ​ന്ത്യ​യും മാ​ല​ദ്വീ​പും ത​മ്മി​ലു​ള്ള ബ​ന്ധ​ത്തി​ന് നൂ​റ്റാ​ണ്ടു​ക​ളു​ടെ പ​ഴ​ക്ക​മു​ണ്ടെ​ന്ന് പ്ര​ധാ​ന​മ​ന്ത്രി മോ​ദി പ​റ​ഞ്ഞു. മാ​ല​ദ്വീ​പി​ന്‍റെ ഏ​റ്റ​വും അ​ടു​ത്ത അ​യ​ൽ​ക്കാ​ര​നും അ​ടു​ത്ത സു​ഹൃ​ത്തു​മാ​ണ് ഇ​ന്ത്യ.

മാ​ല​ദ്വീ​പി​ന് ആ​വ​ശ്യ​മു​ള്ള​പ്പോ​ഴൊ​ക്കെ ആ​ദ്യം സ​ഹാ​യം ന​ൽ​കു​ന്ന​തി​ൽ ഇ​ന്ത്യ എ​പ്പോ​ഴും ശ്ര​ദ്ധി​ച്ചി​ട്ടു​ണ്ട്. കോ​വി​ഡ് പ്ര​തി​രോ​ധ മ​രു​ന്നു​ക​ൾ ല​ഭ്യ​മാ​ക്കു​ന്ന​തു മു​ത​ൽ സാ​ന്പ​ത്തി​ക, വി​ക​സ​ന, ക്ഷേ​മ കാ​ര്യ​ങ്ങ​ളി​ലും ഇ​ന്ത്യ മു​ന്നി​ലു​ണ്ടാ​യി​രു​ന്നു. -മോ​ദി ചൂ​ണ്ടി​ക്കാ​ട്ടി.


ഇ​ന്ത്യ​യു​ടെ സു​ര​ക്ഷ​യെ ത​ക​ർ​ക്കാ​ൻ മാ​ല​ദ്വീ​പ് ഒ​രി​ക്ക​ലും ഒ​ന്നും ചെ​യ്യി​ല്ലെ​ന്ന് ഇം​ഗ്ലീ​ഷ് ദി​ന​പ​ത്ര​ത്തി​നു ന​ൽ​കി​യ അ​ഭി​മു​ഖ​ത്തി​ൽ മു​യി​സു വ്യ​ക്ത​മാ​ക്കി. മ​റ്റു രാ​ജ്യ​ങ്ങ​ളു​മാ​യി സ​ഹ​ക​ര​ണം വ​ർ​ധി​പ്പി​ക്കു​ന്പോ​ൾ, പ്ര​ദേ​ശ​ത്തി​ന്‍റെ സു​ര​ക്ഷ​യ്ക്കും സ്ഥി​ര​ത​യ്ക്കും കോ​ട്ടം ത​ട്ടു​ന്നി​ല്ലെ​ന്ന് ഉ​റ​പ്പാ​ക്കാ​ൻ മാ​ല​ദ്വീ​പ് പ്ര​തി​ജ്ഞാ​ബ​ദ്ധ​രാ​ണ്.

അ​ന്താ​രാ​ഷ്‌​ട്ര ബ​ന്ധ​ങ്ങ​ൾ വൈ​വി​ധ്യ​വ​ത്ക​രി​ക്കു​ക​യും ഏ​തെ​ങ്കി​ലു​മൊ​രു രാ​ജ്യ​ത്തെ അ​മി​ത​മാ​യി ആ​ശ്ര​യി​ക്കു​ന്ന​ത് കു​റ​യ്ക്കു​ക​യും ചെ​യ്യേ​ണ്ട​ത് മാ​ല​ദ്വീ​പി​ന് അ​ത്യ​ന്താ​പേ​ക്ഷി​ത​മാ​ണെ​ന്ന് ചൈ​ന​യു​ടെ പേ​രു പ​റ​യാ​തെ മു​യി​സു പ​റ​ഞ്ഞു.

ഇ​ന്ത്യ​യു​ടെ സാ​ന്പ​ത്തി​ക​സ​ഹാ​യ​ത്തി​ന് മു​യി​സു ന​ന്ദി പ​റ​ഞ്ഞു. പ്ര​ധാ​ന​മ​ന്ത്രി മോ​ദി​യെ മാ​ല​ദ്വീ​പ് സ​ന്ദ​ർ​ശി​ക്കാ​ൻ മു​യി​സു ക്ഷ​ണി​ച്ചു.

മാ​ല​ദ്വീ​പി​ന് ഇ​ന്ത്യ​യു​ടെ വ​ൻ സ​ഹാ​യ​ങ്ങ​ൾ

►ഇ​രു​രാ​ജ്യ​ങ്ങ​ളും ത​മ്മി​ൽ 40 കോ​ടി (400 മി​ല്യ​ണ്‍) ഡോ​ള​റി​ന്‍റെ​യും 3,000 കോ​ടി രൂ​പ​യു​ടെ​യും ക​റ​ൻ​സി കൈ​മാ​റ്റ (ക​റ​ൻ​സി സ്വാ​പ്) ക​രാ​ർ ഒ​പ്പു​വ​ച്ചു. മാ​ല​ദ്വീ​പി​ന്‍റെ വി​ദേ​ശ​നാ​ണ്യ ക​രു​ത​ൽ പ്ര​ശ്ന​ങ്ങ​ൾ മ​റി​ക​ട​ക്കാ​ൻ ഇ​തു സ​ഹാ​യി​ക്കും.

►സാ​ന്പ​ത്തി​ക മാ​ന്ദ്യ​ത്തി​ൽ​നി​ന്നു ക​ര​ക​യ​റാ​ൻ മാ​ല​ദ്വീ​പി​ന് നി​ർ​ണാ​യ​ക സാ​ന്പ​ത്തി​ക സ​ഹാ​യം ഇ​ന്ത്യ ന​ൽ​കു​മെ​ന്ന് പ്ര​ധാ​ന​മ​ന്ത്രി പ്ര​ഖ്യാ​പി​ച്ചു.

►700 സോ​ഷ്യ​ൽ ഹൗ​സിം​ഗ് യൂ​ണി​റ്റു​ക​ൾ ഇ​ന്ത്യ മാ​ല​ദ്വീ​പി​ന് കൈ​മാ​റി. എ​ക്സിം ബാ​ങ്കി​ന്‍റെ ബ​യേ​ഴ്സ് ക്രെ​ഡി​റ്റ് സൗ​ക​ര്യ​ങ്ങ​ള​നു​സ​രി​ച്ചു നി​ർ​മി​ച്ച​താ​ണി​ത്.

►മാ​ല​ദ്വീ​പി​ൽ ഇ​ന്ത്യ​യു​ടെ യു​പി​ഐ സം​വി​ധാ​ന​മാ​യ റു​പേ കാ​ർ​ഡ് മോ​ദി​യും മു​യി​സു​വും ചേ​ർ​ന്നു പു​റ​ത്തി​റ​ക്കി.

►മാ​ല​ദ്വീ​പി​ലെ പു​ന​ർ​വി​ക​സി​പ്പി​ച്ച ഹ​നി​മ​ധു വി​മാ​ന​ത്താ​വ​ള​ത്തി​ന്‍റെ പു​തി​യ റ​ണ്‍വേ ഇ​രു​നേ​താ​ക്ക​ളും സം​യു​ക്ത​മാ​യി വെ​ർ​ച്വ​ലാ​യി ഉ​ദ്ഘാ​ട​നം ചെ​യ്തു.

►ഗ്രേ​റ്റ​ർ മാ​ലി ക​ണ​ക്‌​ടി​വി​റ്റി പ​ദ്ധ​തി ത്വ​രി​ത​പ്പെ​ടു​ത്തു​മെ​ന്ന് പ്ര​ധാ​ന​മ​ന്ത്രി മോ​ദി പ്ര​ഖ്യാ​പി​ച്ചു.

►തി​ല​ഫു​ഷി​യി​ൽ പു​തി​യ വാ​ണി​ജ്യ തു​റ​മു​ഖം വി​ക​സി​പ്പി​ക്കു​ന്ന​തി​ന് ഇ​ന്ത്യ പി​ന്തു​ണ ന​ൽ​കും.

►മാ​ല​ദ്വീ​പ് സ​ർ​ക്കാ​രി​നു ബ​ജ​റ്റ് ആ​ശ്വാ​സം ന​ൽ​കു​ന്ന​തി​നാ​യി ഇ​ന്ത്യ ഒ​രു വ​ർ​ഷ​ത്തേ​ക്ക് അ​ഞ്ചു കോ​ടി ഡോ​ള​റി​ന്‍റെ ട്ര​ഷ​റി ബി​ൽ റോ​ൾ ചെ​യ്യും.

►ഇ​രു രാ​ജ്യ​ങ്ങ​ളും സ്വ​ത​ന്ത്ര വ്യാ​പാ​ര ക​രാ​റി​ൽ ച​ർ​ച്ച​ക​ൾ ആ​രം​ഭി​ക്കും.

►അ​ദ്ദു​വി​ൽ ഇ​ന്ത്യ​ൻ കോ​ണ്‍സു​ലേ​റ്റും ബം​ഗ​ളൂ​രു​വി​ൽ മാ​ല​ദ്വീ​പ് കോ​ണ്‍സു​ലേ​റ്റും തു​റ​ക്കു​ന്ന​തി​നെ​ക്കു​റി​ച്ചു ച​ർ​ച്ച ചെ​യ്യും.

►ദ്വീ​പ് ​സ​മൂ​ഹ​ത്തി​ലെ 28 ദ്വീ​പു​ക​ൾ​ക്കു​ള്ള ജ​ല-​മ​ലി​ന​ജ​ല പ​ദ്ധ​തി​ക​ൾ​ക്ക് ഇ​ന്ത്യ തു​ട​ർ​ന്നും സ​ഹാ​യം ന​ൽ​കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.