ഡബിൾ എൻജിൻ എന്നാൽ ’ഇരട്ടക്കൊള്ള’ എന്നാണെന്നും കേജരിവാൾ പരിഹസിച്ചു. ഈ കൊള്ള വേണ്ട എന്ന് ജനങ്ങൾ പറയണമെന്നും അദ്ദേഹം ആവശ്യപ്പെട്ടു. ബിജെപി അധികാരത്തിലെത്തിയ ശേഷം പണപ്പെരുപ്പം, തൊഴിലില്ലായ്മ, അഴിമതി തുടങ്ങിയവയാണ് ഉണ്ടായിരിക്കുന്നതെന്ന് ജനങ്ങൾ മനസിലാക്കിയതായും കേജരിവാൾ പറഞ്ഞു.
അധോലോകം മുംബൈ ഭരിച്ചതുപോലെയാണ് ഡൽഹിയുടെ അവസ്ഥ. കേന്ദ്രസർക്കാരിന് കീഴിലുള്ള ഡൽഹി പോലീസ് രാജ്യതലസ്ഥാനത്തെ ക്രമസമാധാനനില ശ്രദ്ധിക്കുന്നില്ല. മറിച്ച്, ഡൽഹി സർക്കാരിന്റെ പ്രവർത്തങ്ങൾ തടസപ്പെടുത്തുന്ന നടപടികൾ സ്വീകരിക്കാൻ മാത്രമാണ് ശ്രമിക്കുന്നത്.ഡൽഹിക്ക് പൂർണ സംസ്ഥാന പദവി നൽകണമെന്നും ലഫ്. ഗവർണറുടെ ഭരണത്തിൽനിന്ന് ഡൽഹിക്ക് മോചനം വേണമെന്നും കേജരിവാൾ ആവശ്യപ്പെട്ടു.