ന്യൂ​ഡ​ൽ​ഹി: ഗോ​ദ​യി​ൽ എ​തി​രാ​ളി​ക​ളെ മ​ല​ർ​ത്തി​യ​ടി​ക്കു​ന്ന ക​രു​ത്ത​ർ ഇ​നി രാ​ഷ്‌​ട്രീ​യ​ത്തി​ന്‍റെ ച​തു​രം​ഗ ക​ളി​യി​ൽ മി​ക​വ് തെ​ളി​യി​ക്കും. ഗു​സ്തി​താ​ര​ങ്ങ​ളാ​യ വി​നേ​ഷ് ഫോ​ഗ​ട്ടും ബ​ജ്‌​രം​ഗ് പു​നി​യ​യും റെ​യി​ൽ​വെ​യി​ലെ ജോ​ലി രാ​ജി​വ​ച്ച് കോ​ണ്‍ഗ്ര​സി​ൽ ചേ​ർ​ന്നു.

ഡ​ൽ​ഹി​യി​ലെ എ​ഐ​സി​സി ആ​സ്ഥാ​ന​ത്തെ​ത്തി ഇ​രു​വ​രും എ​ഐ​സി​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലി​ന്‍റെ സാ​ന്നി​ധ്യ​ത്തി​ലാ​ണ് കോ​ണ്‍ഗ്ര​സി​ൽ അം​ഗ​ത്വ​മെ​ടു​ത്ത​ത്. നേ​ര​ത്തേ പാ​ർ​ട്ടി ദേ​ശീ​യ അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യു​മാ​യി ഇവർ കൂ​ടി​ക്കാ​ഴ്ച ന​ട​ത്തി​യി​രു​ന്നു. അ​ടു​ത്ത മാ​സം ന​ട​ക്കു​ന്ന ഹ​രി​യാ​ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ഇ​രു​വ​രും മ​ത്സ​രി​ക്കാ​നു​ള്ള സാ​ധ്യ​ത​യേ​റി.

ഗു​സ്തി​താ​ര​ങ്ങ​ളെ ലൈം​ഗി​ക​മാ​യി പീ​ഡി​പ്പി​ച്ച കേ​സി​ൽ പ്ര​തി​യാ​യ ഗു​സ്തി ഫെ​ഡ​റേ​ഷ​ൻ മു​ൻ അ​ധ്യ​ക്ഷ​നും മു​ൻ ബി​ജെ​പി എം​പി​യു​മാ​യ ബ്രി​ജ് ഭൂ​ഷ​ണ്‍ ശ​ര​ണ്‍ സിം​ഗി​നെ​തി​രേ​യു​ള്ള പ്ര​ക്ഷോ​ഭ​ത്തെ മു​ൻ​നി​ര​യി​ൽ നി​ന്നു ന​യി​ച്ച നേ​താ​ക്ക​ളാ​ണ് വി​നേ​ഷ് ഫോ​ഗ​ട്ടും ബ​ജ്‌​രം​ഗ് പു​നി​യ​യും.

ക​ർ​ഷ​ക​ർ​ക്ക് പി​ന്തു​ണ​യ​റി​യി​ച്ചും സ്ത്രീ​ക​ൾ​ക്കെ​തി​രേ​യു​ള്ള അ​തി​ക്ര​മ​ങ്ങ​ളി​ൽ പ്ര​ക്ഷോ​ഭ​ത്തി​നു നേ​തൃ​ത്വം ന​ൽ​കി​യും ബി​ജെ​പി​ക്കെ​തി​രേ ശ​ബ്‌​ദ​മു​യ​ർ​ത്തി​യ ഇ​രു​വ​രു​ടെ​യും രം​ഗ​പ്ര​വേ​ശം ഹ​രി​യാ​ന​യി​ലെ തെ​ര​ഞ്ഞെ​ടു​പ്പി​ൽ കോ​ണ്‍ഗ്ര​സി​ന് ഇ​ന്ധ​ന​മാ​കും.

തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​മെ​ന്ന വാ​ർ​ത്ത​ക​ൾ നി​ല​നി​ൽ​ക്കെ വി​നേ​ഷ് ഫോ​ഗ​ട്ടും ബ​ജ്‌​രം​ഗ് പു​നി​യ​യും ക​ഴി​ഞ്ഞ​ദി​വ​സം രാ​ഹു​ൽ ഗാ​ന്ധി​യു​മാ​യി ച​ർ​ച്ച ന​ട​ത്തി​യി​രു​ന്നു. ഇ​തി​നു​ പി​ന്നാ​ലെ വി​നേ​ഷി​ന് റെ​യി​ൽ​വെ​യി​ൽ​നി​ന്നു കാ​ര​ണംകാ​ണി​ക്ക​ൽ നോ​ട്ടീ​സ് ല​ഭി​ച്ചു​വെ​ന്ന് കെ.​സി. വേ​ണു​ഗോ​പാ​ൽ ആ​രോ​പി​ച്ചു. രാ​ജ്യ​ത്തി​ന്‍റെ പ്ര​തി​പ​ക്ഷ​നേ​താ​വി​നെ കാ​ണു​ന്ന​ത് ഇ​ത്ര വ​ലി​യ തെ​റ്റാ​ണോ​യെ​ന്ന് കെ.​സി. വേ​ണു​ഗോ​പാ​ൽ ചോ​ദി​ച്ചു.


സ്ത്രീ​ക​ൾ​ക്കെ​തി​രേ​യു​ള്ള അ​ക്ര​മ​ങ്ങ​ളി​ൽ പ്ര​തി​ക​രി​ക്കു​ന്ന കോ​ണ്‍ഗ്ര​സി​നോ​ടൊ​പ്പം പ്ര​വ​ർ​ത്തി​ക്കു​ന്ന​തി​ൽ അ​ഭി​മാ​ന​മു​ണ്ടെ​ന്ന് വി​നേ​ഷ് ഫോ​ഗ​ട്ട് പ​റ​ഞ്ഞു. ഞ​ങ്ങ​ൾ തെ​രു​വു​ക​ളി​ൽ വ​ലി​ച്ചി​ഴ​യ്ക്ക​പ്പെ​ട്ട​പ്പോ​ൾ ബി​ജെ​പി​യൊ​ഴി​കെ എ​ല്ലാ പാ​ർ​ട്ടി​ക​ളും പി​ന്തു​ണ​യു​മാ​യെ​ത്തി​യെ​ന്ന് വി​നേ​ഷ് ചൂ​ണ്ടി​ക്കാ​ട്ടി.

ഒ​ളി​ന്പി​ക്സി​ൽ വി​നേ​ഷ് ഫൈ​ന​ലി​ലെ​ത്തി​യ​പ്പോ​ൾ എ​ല്ലാ​വ​രും സ​ന്തോ​ഷി​ച്ചെ​ന്നും എ​ന്നാ​ൽ അ​വ​ൾ അ​യോ​ഗ്യ​യാ​ക്ക​പ്പെ​ട്ട​പ്പോ​ൾ ചി​ല​ർ ആ​ഘോ​ഷി​ച്ചെ​ന്നും ബ​ജ്‌​രം​ഗ് പു​നി​യ പ​റ​ഞ്ഞു.

ഫോഗട്ടും പുനിയയും പരാജയപ്പെടുമെന്ന് ബ്രിജ്ഭൂഷൺ

ഗോ​​ണ്ട: വി​​നേ​​ഷ് ഫോ​​ഗ​​ട്ടും ബ​​ജ്‌​​രം​​ഗ് പുനി​​യ​​യും ഹ​​രി​​യാന നി​​യ​​മ​​സ​​ഭാ തെ​​ര​​ഞ്ഞെ​​ടു​​പ്പി​​ൽ മ​​ത്സ​​രി​​ച്ചാ​​ൽ ബി​​ജെ​​പി സ്ഥാ​​നാ​​ർ​​ഥി​​ക​​ൾ പ​​രാ​​ജ​​യ​​പ്പെ​​ടു​​ത്തു​​മെ​​ന്ന് ഗു​​സ്തി ഫെ​​ഡ​​റേ​​ഷ​​ൻ മു​​ൻ അ​​ധ്യ​​ക്ഷ​​നും മു​​ൻ ബി​​ജെ​​പി എം​​പി​​യു​​മാ​​യ ബ്രി​​ജ്ഭൂ​​ഷ​​ൺ ശ​​ര​​ൺ സിം​​ഗ്.

ലൈം​​ഗി​​ക​​പീ​​ഡ​​ന​​ക്കേ​​സി​​ൽ ഇ​​ദ്ദേ​​ഹ​​ത്തി​​നെ​​തി​​രേ ഉ​​യ​​ർ​​ന്ന പ്ര​​തി​​ഷേ​​ധ​​ത്തി​​ന്‍റെ മു​​ൻ​​നി​​ര​​യി​​ലു​​ണ്ടാ​​യി​​രു​​ന്ന​​വ​​രാ​​ണ് ഫോ​​ഗ​​ട്ടും പൂ​​നി​​യ​​യും.

ആദ്യഘട്ട സ്ഥാനാർഥി പട്ടികയിൽ വിനേഷും

ഹ​രി​യാ​ന നി​യ​മ​സ​ഭാ തെ​ര​ഞ്ഞെ​ടു​പ്പി​ന്‍റെ ആ​ദ്യ​ഘ​ട്ട സ്ഥാ​നാ​ർ​ഥി​പ​ട്ടി​ക കോ​ൺ​ഗ്ര​സ് പു​റ​ത്തു​വി​ട്ടു. 90 അം​ഗ നി​യ​മ​സ​ഭ​യി​ലെ 31 സീ​റ്റു​ക​ളി​ലേ​ക്കാ​ണ് കോ​ൺ​ഗ്ര​സ് സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ച​ത്.

ഇ​ന്ന​ലെ പാ​ർ​ട്ടി​യി​ൽ ചേ​ർ​ന്ന ഗു​സ്തി താ​രം വി​നേ​ഷ് ഫോ​ഗ​ട്ടി​ന് സീ​റ്റ് ന​ൽ​കി​യി​ട്ടു​ണ്ട്. ജു​ലാ​നയിൽനിന്നാണ് വി​നേ​ഷ് മ​ത്സ​രി​ക്കു​ക. മു​ൻ മു​ഖ്യ​മ​ന്ത്രി ഭൂ​പീ​ന്ദ​ർ സിം​ഗ് ഹൂ​ഡ ഗാ​ർ​ഹി സാം​പ്ല-​കി​ലോ​ലി സീ​റ്റി​ൽ മ​ത്സ​രി​ക്കും.