സ്പ്രിംഗ്, ടെ​ക്സ​സ്: ടെ​ക്സ​സി​ൽ ഏ​ഴു വ​യ​​സു​കാ​ര​നെ വാ​ഷിംഗ് മെ​ഷീ​നി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ കേ​സി​ൽ വ​ള​ർ​ത്ത​ച്ഛ​ന് 50 വ​ർ​ഷം ത​ട​വ് ശി​ക്ഷ വി​ധി​ച്ച് കോ​ട​തി. 45കാ​ര​നാ​യ ജെ​ർ​മെ​യ്ൻ തോ​മ​സി​നാ​ണ് ട്രോ​യ് കോ​ഹ്ല​ർ എ​ന്ന കു​ട്ടി​യു​ടെ കൊ​ല​പാ​ത​ക​ത്തി​ൽ ഹാ​രി​സ് കൗ​ണ്ടി ഡി​സ്ട്രി​ക്റ്റ് അ​റ്റോ​ർ​ണി ഓ​ഫി​സ് 50 വ​ർ​ഷം ത​ട​വ് ശി​ക്ഷ വി​ധി​ച്ച​ത്.

2022ലാ​ണ് കേ​സി​നാ​സ്പ​ദ​മാ​യ സം​ഭ​വം. അ​ർ​ദ്ധ​രാ​ത്രി​യോ​ടെ വീ​ട്ടി​ൽ തി​രി​ച്ചെ​ത്തി​യ​പ്പോ​ൾ മു​ൻ​വാ​തി​ൽ തു​റ​ന്നു കി​ട​ക്കു​ക​യാ​യി​രു​ന്നെ​ന്നും ട്രോ​യി​യെ കാ​ണാ​നി​ല്ലെ​ന്നും ജെ​ർ​മെ​യ്ൻ തോ​മ​സ് പോ​ലീ​സി​നെ അ​റി​യി​ച്ചു. തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ൽ ഗാ​രേ​ജി​ലെ വാഷിംഗ് മെ​ഷീ​നി​ൽ നി​ന്ന് ട്രോ​യി​യു​ടെ മൃ​ത​ദേ​ഹം ക​ണ്ടെ​ത്തു​ക​യാ​യി​രു​ന്നു.


പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ ട്രോ​യി​യു​ടെ ശ​രീ​ര​ത്തി​ൽ പു​തി​യ​തും പ​ഴ​യ​തു​മാ​യ പ​രു​ക്കു​ക​ളു​ണ്ടാ​യി​രു​ന്ന​താ​യി ക​ണ്ടെ​ത്തി. ഹാ​രി​സ് കൗ​ണ്ടി ഇ​ൻ​സ്റ്റി​റ്റ്യൂ​ട്ട് ഓ​ഫ് ഫൊ​റ​ൻ​സി​ക് സ​യ​ൻ​സ​സ് മ​ര​ണ​കാ​ര​ണം കൊ​ല​പാ​ത​ക​മാ​ണെ​ന്ന് സ്ഥി​രീ​ക​രി​ച്ചു.

ട്രോ​യി​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട് വ​ള​ർ​ത്ത​മ്മ​യാ​യ ടി​ഫാ​നി തോ​മ​സി​നും പ​ങ്കു​ണ്ടെ​ന്ന് ക​ണ്ടെ​ത്തി​യി​ട്ടു​ണ്ട്. ടി​ഫാ​നി​യു​ടെ ശി​ക്ഷ സെ​പ്റ്റം​ബ​ർ 10ന് ​വി​ധി​ക്കും.