ഫ്രി​സ്കോ, ടെ​ക്സ​സ്: ഫ്രി​സ്കോ​യി​ൽ അ​മ്മ​യെ കു​ത്തി കൊ​ല​പ്പെ​ടു​ത്തി​യ കേ​സി​ൽ മ​ക​ൻ അ​റ​സ്റ്റി​ലാ​യി. റ​യാ​ൻ ജാ​ക്സ​ൺ (28) എ​ന്ന​യാ​ളാ​ണ് തന്‍റെ​ മാ​താ​വ് മേ​രി പ്ലാ​സി​ഡ്ജാ​ക്സ​ണെ (63) കൊ​ല​പ്പെ​ടു​ത്തി​യ കേ​സി​ൽ അ​റ​സ്റ്റി​ലാ​യ​ത്.

ബു​ധ​നാ​ഴ്ച വൈ​കി​ട്ട് 6.31 ഓ​ടെ 13500 ബ്ലോ​ക്ക് വ​ല​ൻ​സി​യ ഡ്രൈ​വി​ൽ ഒ​രു കൊ​ല​പാ​ത​ക റി​പ്പോ​ർ​ട്ടി​നെ തു​ട​ർ​ന്ന് ഫ്രി​സ്കോ പോോലീ​സ് ഡി​പ്പാ​ർ​ട്ട്മെ​ന്‍റ് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി. പോലീ​സ് സ്ഥ​ല​ത്തെ​ത്തി​യ​പ്പോ​ൾ, മേ​രി ജാ​ക്സ​ണെ കു​ത്തേ​റ്റ് മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.

സം​ഭ​വ​സ്ഥ​ല​ത്ത് നി​ന്ന് കൂ​ടു​ത​ൽ തെ​ളി​വു​ക​ൾ ശേ​ഖ​രി​ച്ച ശേ​ഷം റ​യാ​ൻ ജാ​ക്സ​ണെ അ​റ​സ്റ്റ് ചെ​യ്യു​ക​യും ഫ്രി​സ്കോ ഡി​റ്റ​ൻ​ഷ​ൻ ഫെ​സി​ലി​റ്റി​യി​ലേ​ക്ക് മാ​റ്റു​ക​യും ചെ​യ്തു. കൊ​ല​പാ​ത​ക​ത്തി​നു​ള്ള കാ​ര​ണം പോ​ലീ​സ് ഇ​തു​വ​രെ പു​റ​ത്തു​വി​ട്ടി​ട്ടി​ല്ല.​റ​യാ​ൻ ജാ​ക്സ​ന്‍റെ ജാ​മ്യ​ത്തു​ക​യെ​ക്കു​റി​ച്ചു​ള്ള വി​വ​ര​ങ്ങ​ളും ല​ഭ്യ​മ​ല്ല.


പൊ​തു​ജ​ന​ങ്ങ​ൾ​ക്ക് നി​ല​വി​ൽ ഭീ​ഷ​ണി​യൊ​ന്നു​മി​ല്ലെ​ന്ന് പോലീ​സ് അ​റി​യി​ച്ചു. ഈ ​സം​ഭ​വ​ത്തെ​ക്കു​റി​ച്ച് എ​ന്തെ​ങ്കി​ലും വി​വ​ര​ങ്ങ​ളു​ള്ള​വ​ർ ഫ്രി​സ്കോ പൊ​ലീ​സ് ഡി​പ്പാ​ർ​ട്ട്മെ​ൻ്റു​മാ​യി (നോ​ൺ​എ​മ​ർ​ജ​ൻ​സി ന​മ്പ​ർ: 9722926010) ബ​ന്ധ​പ്പെ​ടാ​നോ, Tip411 (FRISCOPD എ​ന്ന് ടൈ​പ്പ് ചെ​യ്ത് 847411ലേ​ക്ക് ടി​പ്പ് മെ​സ്‌​സേ​ജ് അ​യ​ക്കു​ക) വ​ഴി വി​വ​രം ന​ൽ​കാ​നോ അ​ഭ്യ​ർ​ഥി​ച്ചി​ട്ടു​ണ്ട്.