സംയുക്ത സമ്മേളനവും വാർഷിക ജനറൽ ബോഡിയും ശനിയാഴ്ച
പി.പി. ചെറിയാൻ
Friday, March 14, 2025 5:39 PM IST
ഡാളസ്: മാർത്തോമ്മാ സന്നദ്ധ സുവിശേഷക സംഘം മാർത്തോമ്മാ സുവിശേഷ സേവികാ സംഘം സെന്റർ എ സംയുക്ത സമ്മേളനവും വാർഷിക ജനറൽ ബോഡിയും ശനിയാഴ്ച രാവിലെ 10ന് കാരോൾട്ടൻ മാർത്തോമ്മാ ചർച്ചിൽ ആരംഭിക്കും.
വാർഷിക പൊതുയോഗത്തിനുശേഷം സൗത്ത് സെന്ററിൽ നിന്നും സ്ഥലം മാറി പോകുന്ന പട്ടക്കാരുടെ യാത്രയപ്പ് സമ്മേളനവും ഉണ്ടായിരിക്കും. സമ്മേളനത്തിൽ മുഖ്യാതിഥിയായി ഒക്ലഹോമ മാർത്തോമ്മാ ചർച്ച് വികാരി റവ. ജോൺ കെ. പങ്കെടുത്ത് സന്ദേശം നൽകും.
കാരോൾട്ടൻ മാർത്തോമ്മാ ചർച്ച് ആണ് പരിപാടിക്ക് ആതിഥേയത്വം വഹിക്കുന്നത്. സമ്മേളനത്തിൽ സെന്ററിലെ എല്ലാ അംഗങ്ങളും പങ്കെടുക്കണമെന്ന് സൗത്ത് സെന്റർ എ അസോസിയേഷൻ പ്രസിഡന്റ് റവ അലക്സ് യോഹന്നാൻ, സെക്രട്ടറി അലക്സ് കോശി, സുവിശേഷ സേവികാ സംഘം പ്രസിഡന്റ് റവ.ജോബി ജോൺ സെക്രട്ടറി എലിസബത്ത് മാത്യു എന്നിവർ അഭ്യർഥിച്ചു.