പാ​ത​യോ​ര​ങ്ങ​ളിലെല്ലാം പൊ​ന്ത​ക്കാ​ടു​ക​ൾ; കാട്ടുപ​ന്നി​ക​ൾ വട്ടംചാ​ടും
Sunday, September 29, 2024 1:43 AM IST
വ​ട​ക്ക​ഞ്ചേ​രി: വാ​ഹ​നയാ​ത്ര​ക്കാ​രെ അ​പ​ക​ട​ത്തി​ലാ​ക്കാ​ൻ പാ​ത​യോ​ര​ങ്ങ​ളി​ലെ​ല്ലാം പൊ​ന്ത​ക്കാ​ടു​ക​ൾ. പ​ന്നി​ക്കൂ​ട്ട​ങ്ങ​ൾ ചാ​ടി ഏ​തുസ​മ​യ​വും അ​പ​ക​ടം സം​ഭ​വി​ക്കാ​വു​ന്ന സ്ഥി​തി​യി​ലാ​ണ് പാ​ത​ക​ളു​ടെ ഇ​രു​വ​ശ​ങ്ങ​ളി​ലും പൊ​ന്ത​ക്കാ​ടു​ക​ൾ നി​റ​ഞ്ഞു​നി​ൽ​ക്കു​ന്ന​ത്. പ​ന്നി​ക​ളു​ടെ ആ​ക്ര​മ​ണ​ത്തി​ൽ ഓ​ട്ടോ​മ​റി​ഞ്ഞ് ഡ്രൈ​വ​ർ മ​രി​ക്കാ​നി​ട​യാ​യ വ​ട​ക്ക​ഞ്ചേ​രി - പു​ളി​ങ്കു​ട്ടം റോ​ഡി​ൽ ആ​യ​ക്കാ​ട് പാ​ട​ത്ത് ടാ​ർ റോ​ഡ് വ​രെ​യാ​ണ് ഇ​രു​ഭാ​ഗ​ത്തും പൊ​ന്ത​ക്കാ​ടു​ള്ള​ത്.

ഒ​രു വ​ർ​ഷം മു​മ്പാ​ണ് ഈ ​പാ​ട​ത്ത് വ​ച്ച് പ​ന്നി​ക്കൂ​ട്ട​ത്തി​ന്‍റെ ആ​ക്ര​മ​ണ​ത്തി​ൽ ഓ​ട്ടോമ​റി​ഞ്ഞ് അ​പ​ക​ട​മു​ണ്ടാ​യ​ത്. മം​ഗ​ലം - ഗോ​വി​ന്ദാ​പു​രം സം​സ്ഥാ​ന​പാ​ത​യി​ൽ ക​രി​പ്പാ​ലി​യി​ലും കൊ​ഴു​ക്കു​ള്ളി - മു​ട​പ്പ​ല്ലൂ​ർ റോ​ഡി​ൽ പു​ഴ പാ​ല​ത്തി​ന​ടു​ത്തും പ​ഞ്ചാ​യ​ത്ത് റോ​ഡു​ക​ളി​ലു​മെ​ല്ലാം ഇ​ത്ത​രം അ​പ​ക​ട കെ​ണി​ക​ളു​ണ്ട്.​മ​ല​യോ​ര​പാ​ത​ക​ളാ​ണ് ഏ​റെ അ​പ​ക​ട​മു​ണ്ടാ​ക്കു​ന്ന​ത്. ഇ​രു​ച​ക്ര വാ​ഹ​ന യാ​ത്രി​ക​ർ കൂ​ടു​ത​ൽ ക​രു​ത​ൽ വേ​ണം. പ​ന്നി​ക​ൾ കൂ​ട്ട​ത്തോ​ടെ പാ​യു​മ്പോ​ൾ വാ​ഹ​ന​ത്തി​ൽ ത​ട്ടി വാ​ഹ​നം നി​യ​ന്ത്ര​ണം വി​ട്ട് മ​റി​ഞ്ഞ് അ​പ​ക​ട​ത്തി​ൽ​പ്പെ​ടും.