കു​ട്ട​നെ​ല്ലൂ​ർ: ന​ട​ത്ത​ത്തി​ല്‌ ജീ​വി​തം​ക​ണ്ടെ​ത്തി മ​ഹാ​ദേ​വ​നും പ്യാ​രി​യും.

ജാ​ർ​ഖ​ണ്ഡ് സ്വ​ദേ​ശി​ക​ളാ​യ ഇ​രു​വ​രും പാ​ലാ​യി​ൽ ഒ​രു ക​മ്പ​നി​യി​ൽ ജോ​ലി​ക്കെ​ത്തി​യ​താ​ണ്. കാ​ഴ്ച​യി​ല്ലാ​ത്ത പ്യാ​രി​ക്ക് ക​ണ്ണും വ​ഴി​കാ​ട്ടി​യു​മാ​ണ് മ​ഹാ​ദേ​വ​ൻ. സ​മ​യം രാ​വി​ലെ ഏ​ഴാ​യാ​ൽ കു​ട്ട​നെ​ല്ലൂ​ർ ഓ​വ​ർബ്രി​ഡ്ജി​നു​താ​ഴെ അ​ന്തി​യു​റ​ങ്ങു​ന്ന സ്ഥ​ല​ത്തു​നി​ന്ന് ഇ​രു​വ​രും എ​ഴു​ന്നേ​റ്റുന​ട​ക്കും. വ​ർ​ഷ​ങ്ങ​ളാ​യി ഇ​താ​ണ് ജീ​വി​ത​രീ​തി. ബ​ർ​മു​ഡ​യും ഷ​ർ​ട്ടു​മാ​ണ് മ​ഹാ​ദേ​വ​ന്‍റെ വേ​ഷം. ചു​രി​ദാ​ർ അ​ല്ലെ​ങ്കി​ൽ നൈ​റ്റി​യും കു​പ്പി​വ​ള​യും മു​ത്തു​മാ​ല​യു​മാ​ണ് പ്യാ​രി​യു​ടെ വേ​ഷം. ആരോ സ​മ്മാ​നി​ച്ച റെ​യി​ൻകോ​ട്ടും കാ​ല​ൻ​കു​ട​യു​മു​ണ്ട്. ഏ​താ​നും​നാ​ൾ മു​മ്പു​വ​രെ കൈ​യി​ലൊ​രു കോ​ഴി​ക്കു​ട്ടി​യു​മു​ണ്ടാ​യി​രു​ന്നു. ദി​വ​സ​വും അ​ങ്ങോ​ട്ടും ഇ​ങ്ങോ​ട്ടു​മാ​യി പ​തി​ന​ഞ്ചുകി​ലോ​മീ​റ്റ​റോ​ളം ന​ട​ക്കും. ചി​ല​പ്പോ​ൾ ചെ​രു​പ്പ് ധ​രി​ക്കാ​തെ​യാ​കും ന​ട​ത്തം.

ഏ​ഴി​നു ന​ട​ത്തം തു​ട​ങ്ങി​യാ​ൽ ര​ണ്ട​ര​മ​ണി​ക്കൂ​ർ​കൊ​ണ്ട് ഇ​രു​വ​രും ശ​ക്ത​നി​ലെ​ത്തും. പി​ന്നീ​ട് ഏ​തെ​ങ്കി​ലും ത​ണ​ൽമ​ര​ത്തി​ന്‍റെ ചു​വ​ട്ടി​ലി​രി​ന്ന് സ​മ​യം ചെ​ല​വ​ഴി​ക്കും.

ഈ ​യാ​ത്ര​യ്ക്കി​ടെ ഹോ​ട്ട​ലു​കാ​രും വ്യ​ക്തി​ക​ളും മ​ന​സ​റി​ഞ്ഞു​ന​ൽ​കു​ന്ന ഭ​ക്ഷ​ണം​ക​ഴി​ക്കും. മ​റ്റു ചി​ല​ർ ഇ​വ​ർ​ക്ക് പ​ണ​വും​ന​ൽ​കും. പാ​ട്ടു​പാ​ടി​യും സ്നേ​ഹം പ​ങ്കി​ട്ടു​മാ​ണ് ഇ​രു​വ​രു​ടെ​യും ന​ട​ത്തം. പ്യാ​രി​ക്ക് ക​ണ്ണു​കാ​ണാ​ൻ സാ​ധി​ക്കാ​ത്ത​തി​നാ​ൽ വ​ഴി​യി​ലെ ഓ​രോ കാ​ഴ്ച​യും മ​ഹാ​ദേ​വ​ൻ വി​വ​രി​ക്കും. വൈ​കീ​ട്ട് നാ​ലു​മ​ണി​യോ​ടെ തി​രി​ച്ച് ത​ങ്ങ​ൾ അ​ന്തി​യു​റ​ങ്ങു​ന്ന സ്ഥ​ല​ത്തേ​ക്ക്.