ചെ​റു​തു​രു​ത്തി: ദേ​ശ​മം​ഗ​ല​ത്തു മൂ​ന്നു​വ​യ​സു​കാ​രി​യെ ഉ​പേ​ക്ഷി​ച്ച​നി​ല​യി​ൽ ക​ണ്ടെ​ത്തി​യെ​ന്നു വ്യാ​ജ​പ്ര​ചാ​ര​ണം. കു​ട്ടി വീ​ട്ടി​ൽ​നി​ന്നി​റ​ങ്ങി റോ​ഡി​ലൂ​ടെ ഒ​റ്റ​യ്ക്കു ന​ട​ന്നു​പോ​കു​ന്ന​തു ശ്ര​ദ്ധ​യി​ൽ​പെ​ട്ട നാ​ട്ടു​കാ​ർ ചെ​റു​തു​രു​ത്തി പോ​ലീ​സി​നെ ഏ​ല്പി​ക്കു​ക​യാ​യി​രു​ന്നു.

ഇ​ന്ന​ലെ ഉ​ച്ച​യ്ക്കാ​ണ് കു​ട്ടി വീ​ട്ടു​കാ​ർ കാ​ണാ​തെ ഇ​റ​ങ്ങി​യ​ത്. പ​ശ്ചി​മ​ബം​ഗാ​ൾ സ്വ​ദേ​ശി​ക​ളാ​യ ഒ​രു സം​ഘം കൃ​ഷി​പ്പ​ണി​ക്കാ​ർ ഏ​താ​നും ദി​വ​സം​മു​ന്പാ​ണ് ദേ​ശ​മം​ഗ​ല​ത്തെ​ത്തി​യ​ത്. അ​രേ​ശ് മ​ർ​മു എ​ന്ന തൊ​ഴി​ലാ​ളി മ​ക​ളെ അ​മ്മ​യെ ഏ​ല്പി​ച്ച​ശേ​ഷം പ​ണി​ക്കു പോ​യി​രു​ന്നു. ഒ​റ്റ​യ്ക്കു കു​ട്ടി​യെ ക​ണ്ടെ​ത്തി​യ നാ​ട്ടു​കാ​ർ വി​വ​ര​ങ്ങ​ൾ അ​ന്വേ​ഷി​ച്ച​പ്പോ​ഴാ​ണ് സം​സാ​രം അ​വ്യ​ക്ത​മാ​യി തോ​ന്നി​യ​ത്. തു​ട​ർ​ന്ന് ചെ​റു​തു​രു​ത്തി പോ​ലീ​സ് എ​ത്തി കു​ട്ടി​യെ സ്റ്റേ​ഷ​നി​ലെ​ത്തി​ച്ചു.

അ​ര​മ​ണി​ക്കൂ​റി​ന​കം ര​ക്ഷി​താ​വ് ചെ​റു​തു​രു​ത്തി സ്റ്റേ​ഷ​നി​ലെ​ത്തി മൊ​ഴി​ന​ൽ​കി​യ​ശേ​ഷം കു​ട്ടി​യെ ഏ​റ്റു​വാ​ങ്ങി. കു​ട്ടി​യു​ടെ അ​മ്മ നേ​ര​ത്തേ മ​രി​ച്ച​താ​ണ്.