നിർധന കുടുംബത്തിന് വീട് നിർമിച്ചു നൽകി
1467770
Saturday, November 9, 2024 7:24 AM IST
ടിവിപുരം: തലയോലപ്പറമ്പ് ദേവസ്വം ബോര്‍ഡ് കോളജ് എന്‍എസ്എസ് യൂണിറ്റിന്‍റെ ആഭിമുഖ്യത്തിൽ നിര്‍ധന കുടുംബത്തിന് വീട് നിർമിച്ചു നൽകി. ചിറ്റിലപ്പള്ളി ഫൗണ്ടേഷനും എംജി സര്‍വകലാശാല നാഷണല്‍ സര്‍വീസ് സ്‌കീമും ഡിബി കോളജ് എന്‍എസ്എസ് യൂണിറ്റും ചേര്‍ന്നു ടിവിപുരത്തെ നിർധന കുടുംബത്തിനാണ് വീട് നിർമിച്ചു നൽകിയത്.
വാടകവീട്ടില്‍ കഴിഞ്ഞ കുടുംബത്തിന്‍റെ ദൈന്യം കണ്ട് ഡിബി കോളജ് എന്‍എസ്എസ് യൂണിറ്റ് ചിറ്റിലപ്പള്ളി ഫൗണ്ടേഷന്‍റെ സഹായത്തോടെ വീട് നിർമ്മിച്ചു.വീടിന്‍റെ താക്കോല്‍ദാനം എംജി സര്‍വകലാശാല എന്‍എസ്എസ് കോ-ഓര്‍ഡിനേറ്റര്‍ ഡോ. ഇ.എന്‍.ശിവദാസന്‍ നിര്‍വഹിച്ചു.
ഡിബി കോളജ് പ്രിന്‍സിപ്പൽ ഡോ.ആര്‍.അനിത, ടി.വി പുരം പഞ്ചായത്ത് വൈസ് പ്രസിഡന്‍റ് വി.കെ.ശ്രീകുമാര്‍, വാര്‍ഡ് മെംബര്‍ എ.കെ. അഖില്‍, കോളജ് എന്‍എസ്എസ് പ്രോഗ്രാം ഓഫീസര്‍മാരായ ഡോ. ടി.ആര്‍.രജിത്ത്,
ഡോ. സുമിത്ര ശിവദാസ് മേനോന്‍, എന്‍എസ്എസ് വോളണ്ടിയേഴ്‌സായ കെ.യദുകൃഷ്ണന്‍, അഭിമന്യുസുധീര്‍, ആദിത്യ, അഭിരാമി, അക്ഷയ, ദേവിക രാജന്‍, അഷിന്‍കുമാര്‍ എന്നിവര്‍ പങ്കെടുത്തു.