നിര്‍ധന ദമ്പതികള്‍ക്ക് വീട് നിര്‍മിച്ചു നല്‍കി
1478407
Tuesday, November 12, 2024 6:13 AM IST
പെരുവ: തല ചായ്ക്കാന്‍ ഇടമില്ലാതിരുന്ന നിര്‍ധന ദമ്പതികള്‍ക്ക് കെ.ചിറ്റിലപ്പിള്ളി ഫൗണ്ടേഷന്‍റെ സാമ്പത്തിക സഹായത്തോടെ വീടു നിര്‍മിച്ചു നല്‍കി വൈക്കം മഹാദേവ കോളജിലെ എന്‍എസ്എസ് യൂണിറ്റ്.
മുളക്കുളം പഞ്ചായത്തിലെ പെരുവ സ്വദേശി സരസമ്മയ്ക്കാണ് വീട് നിര്‍മിച്ചുനല്‍കിയത്.
മോന്‍സ് ജോസഫ് എംഎല്‍എ വീടിന്‍റെ താക്കോല്‍ സരസമ്മയുടെ കുടുംബത്തിന് കൈമാറി. കോളജ് ഡയറക്ടര്‍ പി.ജി.എം. നായര്‍ കാരിക്കോട് അധ്യക്ഷത വഹിച്ചു.
എംജി സര്‍വകലാശാല എന്‍എസ്എസ് കോഓര്‍ഡിനേറ്റര്‍ ഡോ. ഇ.എന്‍. ശിവദാസ് ഭവനദാന പദ്ധതി വിശദീകരിച്ചു. മുളക്കുളം പഞ്ചായത്ത് പ്രസിഡന്‍റ് ടി.കെ. വാസുദേവന്‍ നായര്‍, കോളജ് മാനേജര്‍ ബി.മായ, എന്‍എസ്എസ് പ്രോഗ്രാം ഓഫീസര്‍ എച്ച്.സൗമ്യ, പി.കെ. നിതിയ, ശ്രീഹരി, ആര്യ എസ്.നായര്‍, രാംനാഥ് സഫ്ദര്‍, മാനിഷ കെ.ലത്തീഫ്, ശ്യാമ ജി.നായര്‍, ആഷ ഗിരീഷ് തുടങ്ങിയവര്‍ പങ്കെടുത്തു.