റാ​ന്നി: പ​ന്പാ​ന​ദി​ക്കു കു​റു​കെ റാ​ന്നി​യി​ൽ പു​തു​താ​യി പ​ണി​യു​ന്ന സ​മാ​ന്ത​ര പാ​ല​ത്തി​ന്‍റെ ടെ​ൻ​ഡ​ർ ന​ട​പ​ടി​യാ​യ​താ​യി പ്ര​മോ​ദ് നാ​രാ​യ​ൺ എം​എ​ൽ​എ അ​റി​യി​ച്ചു. 45.10 കോ​ടി രൂ​പ​യാ​ണ് പാ​ലം നി​ർ​മാ​ണ​ത്തി​നാ​യി അ​നു​വ​ദി​ച്ചി​രി​ക്കു​ന്ന​ത്.

പാ​തി​വ​ഴി​യി​ൽ നി​ർ​ത്തി​യ റാ​ന്നി പാ​ലം നി​ർ​മാ​ണം അ​ടി​യ​ന്ത​ര​മാ​യി പൂ​ർ​ത്തി​യാ​ക്ക​ണ​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നി​ർ​ദ്ദേ​ശം ന​ൽ​കി​യ​ത​നു​സ​രി​ച്ച് മ​ന്ത്രി പി. ​എ. മു​ഹ​മ്മ​ദ് റി​യാ​സ് സ്ഥ​ലം​സ​ന്ദ​ർ​ശി​ക്കു​ക​യും തു​ട​ർ​ന​ട​പ​ടി​ക​ൾ സ്വീ​ക​രി​ക്കാ​മെ​ന്ന് ഉ​റ​പ്പ് ന​ൽ​കു​ക​യും ചെ​യ്തി​രു​ന്നു​വെ​ന്ന് എം​എ​ൽ​എ പ​റ​ഞ്ഞു. ധ​ന​മ​ന്ത്രി കെ. ​എ​ൻ. ബാ​ല​ഗോ​പാ​ൽ പ്ര​ത്യേ​ക താ​ത്പ​ര്യം എ​ടു​ത്താ​ണ് പാ​ലം നി​ർ​മി​ക്കു​ന്ന​തി​നാ​യി അ​ധി​ക തു​ക അ​നു​വ​ദി​ച്ച​ത്.

ക​ഴി​ഞ്ഞ എ​ൽ​ഡി​എ​ഫ് സ​ർ​ക്കാ​രി​ന്‍റെ കാ​ല​ത്താ​ണ് റാ​ന്നി പാ​ല​ത്തി​ന് സ​മാ​ന്ത​ര​മാ​യി പു​തി​യൊ​രു പാ​ലം പ​മ്പാ​ന​ദി​ക്ക് കു​റു​കെ നി​ർ​മി​ക്കാ​ൻ സ​ർ​ക്കാ​ർ അ​നു​മ​തി​യാ​യ​ത്. പു​തി​യ പാ​ല​വും അ​പ്രോ​ച്ച് റോ​ഡും നി​ർ​മി​ക്കു​ന്ന​തി​നാ​യി 26 കോ​ടി രൂ​പ​യാ​ണ് അ​നു​വ​ദി​ച്ചി​രു​ന്ന​ത്. കി​ഫ്ബി മു​ഖാ​ന്തി​രം ഇ​തി​ന്‍റെ നി​ർ​മാ​ണ​വും ആ​രം​ഭി​ച്ചി​രു​ന്നു. അ​ങ്ങാ​ടി പ​ഞ്ചാ​യ​ത്തി​ൽ ഉ​പാ​സ​ന ക​ട​വ് മു​ത​ൽ പേ​ട്ട വ​രെ​യും റാ​ന്നി പ​ഞ്ചാ​യ​ത്തി​ൽ ബ്ലോ​ക്ക് പ​ടി - രാ​മ​പു​രം റോ​ഡു​മാ​ണ് പാ​ല​ത്തി​ന്‍റെ സ​മീ​പ​ന​പാ​ത​ക​ളാ​യി വ​രു​ന്ന​ത്.

ബ്ലോ​ക്ക്പ​ടി - രാ​മ​പു​രം റോ​ഡി​ന് ഒ​ന്ന​ര കി​ലോ​മീ​റ്റ​റാ​ണ് ദൈ​ർ​ഘ്യം. 2020ൽ ​ആ​രം​ഭി​ച്ച പാ​ലം നി​ർ​മാ​ണം അ​പ്രോ​ച്ച് റോ​ഡി​ന് സ്ഥ​ലം ഏ​റ്റെ​ടു​ക്കു​ന്ന ന​ട​പ​ടി​ക​ൾ വൈ​കി​യ​തോ​ടെ ഇ​ട​യ്ക്കു​വ​ച്ച് നി​ർ​ത്തേ​ണ്ടി​വ​ന്നു. വ​സ്തു ഉ​ട​മ​ക​ൾ​ക്ക് ന​ഷ്ട​പ​രി​ഹാ​രം ന​ൽ​കി​യാ​ണ് ഭൂ​മി ഏ​റ്റെ​ടു​ത്ത​ത്. 14 കോ​ടി​യി​ല​ധി​കം രൂ​പ​യാ​ണ് സ്ഥ​ലം ഏ​റ്റെ​ടു​ക്ക​ലി​നാ​യി ചെ​ല​വ​ഴി​ച്ച​ത്.

നോ​ട്ടി​ഫി​ക്കേ​ഷ​ന് ശേ​ഷം കൈ​മാ​റ്റം ചെ​യ്യ​പ്പെ​ട്ട​തും ത​ർ​ക്ക​മു​ള്ള​തു​മാ​യ ഭൂ​മി​ക​ളു​ടെ ന​ഷ്ട​പ​രി​ഹാ​രം കോ​ട​തി​യി​ൽ കെ​ട്ടി​വ​ച്ചു. ഭൂ ​ഉ​ട​മ​ക​ൾ​ക്ക് ആ​വ​ശ്യ​മാ​യ രേ​ഖ​ക​ൾ ഹാ​ജ​രാ​ക്കി കോ​ട​തി​യി​ൽ നി​ന്നും ന​ഷ്ട​പ​രി​ഹാ​ര തു​ക വാ​ങ്ങാം. വ​സ്തു ഏ​റ്റെ​ടു​ക്ക​ൽ ബാ​ധ്യ​ത​ക​ൾ തീ​ർ​ന്ന​തോ​ടെ​യാ​ണ് പാ​ലം നി​ർ​മാ​ണം ടെ​ൻ​ഡ​ർ ന​ട​പ​ടി​യി​ലേ​ക്ക് നീ​ങ്ങി​യ​ത്.

റാ​ന്നി, അ​ങ്ങാ​ടി പ​ഞ്ചാ​യ​ത്തു​ക​ളെ ബ​ന്ധി​പ്പി​ച്ച് പാ​ലം യാ​ഥാ​ർ​ഥ്യ​മാ​കു​ന്ന​തോ​ടെ നി​ല​വി​ലു​ള്ള പു​ന​ലൂ​ർ - മൂ​വാ​റ്റു​പു​ഴ സം​സ്ഥാ​ന പാ​ത​യ്ക്ക് സ​മാ​ന്ത​ര​മാ​യി റാ​ന്നി​യി​ൽ പു​തി​യ ഒ​രു പാ​ത കൂ​ടി യാ​ഥാ​ർ​ഥ്യ​മാ​കും. ഇ​ത് റാ​ന്നി​യി​ലെ​യും ഇ​ട്ടി​യ​പ്പാ​റ​യി​ലെ​യും അ​ങ്ങാ​ടി​യി​ലെ​യും ഗ​താ​ഗ​ത​ക്കു​രു​ക്കി​ന് ശാ​ശ്വ​ത പ​രി​ഹാ​ര​മാ​കും. റാ​ന്നി​യു​ടെ പു​തി​യ ടൗ​ൺ പ്ലാ​നിം​ഗി​നു പു​തി​യ പാ​ലം സ​ഹാ​യ​മാ​കു​മെ​ന്നും എം​എ​ൽ​എ പ​റ​ഞ്ഞു.