കൊ​ട്ടി​യം: ഫ്രി​ഡ്ജു​ക​ൾ റി​പ്പ​യ​ർ ചെ​യ്യു​ന്ന സ്ഥാ​പ​ന​ത്തി​ൽ തീ​പി​ടി​ത്തം. സ്ഥാ​പ​ന​ത്തി​ന് മു​ന്നി​ലും ഉ​ള്ളി​ലു​മാ​യി വ​ച്ചി​രു​ന്ന നി​ര​വ​ധി ഫ്രി​ഡ്ജു​ക​ൾ ക​ത്തി ന​ശി​ച്ചു. വ്യാ​ഴാ​ഴ്ച രാ​വി​ലെ എ​ട്ട​ര​യോ​ടെ കൊ​ല്ലം - ആ​യൂ​ർ സം​സ്ഥാ​ന പാ​ത​യ്ക്ക് അ​രി​കി​ൽ അ​യ​ത്തി​ൽ ര​ണ്ടാം ന​മ്പ​ർ ജം​ഗ്ഷ​നി​ൽ​പ്ര​ദീ​പി​ന്‍റെ ഉ​ട​മ​സ്ഥ​ത​യി​ൽ ഉ​ള്ള കൂ​ൾ കെ​യ​ർ എ​ന്ന സ്ഥാ​പ​ന​ത്തി​ലാ​ണ്തീ​പി​ടി​ത്തം ഉ​ണ്ടാ​യ​ത്.

ഓ​ടി​ട്ട ക​ട​യു​ടെ മു​ക​ൾ​ഭാ​ഗ​വും ക​ട​യു​ടെ മു​ൻ​വ​ശ​വും ക​ത്തി ന​ശി​ച്ചു. ക​ട​യി​ൽ നി​ന്ന് തീ​യും പു​ക​യും ഉ​യ​രു​ന്ന​ത് ക​ണ്ട് പ​രി​സ​ര​വാ​സി​ക​ൾ ഫ​യ​ർ​ഫോ​ഴ്സി​നെ വി​വ​ര​മ​റി​യി​ച്ച​തി​നെ തു​ട​ർ​ന്ന് കൊ​ല്ല​ത്തു നി​ന്നും ര​ണ്ടു യൂ​ണി​റ്റ് ഫ​യ​ർ ഫോ​ഴ്സ് സം​ഘം എ​ത്തി തീ​യ​ണ​ക്കു​ക​യാ​യി​രു​ന്നു.

ക​ട​യ്ക്ക് പു​റ​ത്ത് വ​ച്ചി​രു​ന്ന ഫ്രി​ഡ്ജു​ക​ൾ​ക്കാ​ണ് ആ​ദ്യം തീ​പി​ടി​ച്ച​ത്. പി​ന്നീ​ട് അ​ക​ത്തേ​ക്ക് പ​ട​രു​ക​യാ​യി​രു​ന്നു. ഫ​യ​ർ​ഫോ​ഴ്‌​സ് സം​ഘം എ​ത്തി ക​ട​യു​ടെ പൂ​ട്ടു പൊ​ളി​ച്ച് അ​ക​ത്തേ​ക്ക് തീ ​പ​ട​രാ​തി​രി​ക്കാ​നു​ള്ള ശ്ര​മം ന​ട​ത്തു​ക​യാ​യി​രു​ന്നു.

അ​റ്റ​കു​റ്റ​പ്പ​ണി​ക്കാ​യി എ​ത്തി​ച്ച ഫ്രി​ഡ്ജു​ക​ളും അ​റ്റ​കു​റ്റ​പ്പ​ണി ക​ഴി​ഞ്ഞ് വ​ച്ചി​രു​ന്ന ഫ്രി​ഡ്ജു​ക​ളും ആ​ണ് ക​ത്തി ന​ശി​ച്ച​ത്. വ​ഴി​യാ​ത്ര​ക്കാ​ർ വ​ലി​ച്ചെ​റി​ഞ്ഞ സി​ഗ​ര​റ്റ് കു​റ്റി​യി​ൽ നി​ന്നാ​ണ് തീ​പി​ടി​ത്തം ഉ​ണ്ടാ​യ​തെ​ന്നാ​ണ് ക​രു​തു​ന്ന​ത്.

ക​ട ഉ​ൾ​പ്പെ​ടെ മൂ​ന്നു ല​ക്ഷ​ത്തോ​ളം രൂ​പ​യു​ടെ ന​ഷ്ട​മു​ണ്ടാ​യ​താ​യി ക​ണ​ക്കാ​ക്കു​ന്നു. തീ​പി​ടി​ത്ത​ത്തെ തു​ട​ർ​ന്ന് സം​സ്ഥാ​ന ഹൈ​വേ​യി​ലൂ​ടെ​യു​ള്ള ഗ​താ​ഗ​ത​വും വ​ഴി​തി​രി​ച്ചു വി​ട്ടി​രു​ന്നു. തീ​പി​ടി​ത്ത വി​വ​രം അ​റി​ഞ്ഞ​യു​ട​ൻ സ്ഥ​ല​ത്തെ​ത്തി​യ വൈ​ദ്യു​തി ഉ​ദ്യോ​ഗ​സ്ഥ​ർ വൈ​ദ്യു​തി ലൈ​ൻ ഓ​ഫ് ചെ​യ്ത​ത് വ​ലി​യ ദു​ര​ന്തം ഒ​ഴി​വാ​ക്കി.