ADVERTISEMENT

ADVERTISEMENT

മെഡിക്കൽ ക്യാന്പ് സംഘടിപ്പിച്ചു

കുളത്തൂപ്പുഴ: വനിത ശിശു വികസന വകുപ്പിന്‍റെ ആഭിമുഖ്യത്തിൽ സംഘടിപ്പിക്കുന്ന പോഷൻ മാഹിന്‍റെ ഭാഗമായി കുളത്തൂപ്പുഴയിൽ പ്രവർത്തിക്കുന്ന മോഡൽ റസിഡൻഷ്യൽ സ്കൂളിൽ ബോധവത്കരണ ക്ലാസും മെഡിക്കൽ ക്യാമ്പും സംഘടിപ്പിച്ചു.

സ്കൂൾ സീനിയർ സൂപ്രണ്ട് വി.വിജുകുമാർ അധ്യക്ഷത വഹിച്ച യോഗത്തിൽ സ്കൂൾ പ്രഥമാധ്യാപിക സി.ഗിരിജ ക്യാമ്പ് ഉദ്ഘാടനം നിർവഹിച്ചു.

കുളത്തപ്പുഴ കമ്യൂണിറ്റി ഹെൽത്ത് സെന്‍റർ ഹെൽത്ത് ഇൻസ്പെക്ടർ ബോബി ചെറിയാൻ ക്ലാസെടുത്തു. കുളത്തൂപ്പുഴ കമ്യൂണിറ്റി ഹെൽത്ത് സെന്‍റർ ജൂനിയർ ഹെൽത്ത് ഇൻസ്പെക്ടർ എൻ.എം. നസീം ഖാൻ,സ്കൂൾ മാനേജർ എസ്. ഷാഹിർ, സീനിയർ അസിസ്റ്റന്‍റ് എസ്.ബിനുകുമാർ, ഐസിഡി എസ് ഓഫീസർ അമ്പിളി തുടങ്ങിയവർ പ്രസംഗിച്ചു.

ADVERTISEMENT

അരിപ്പ സമരഭൂമിയിൽ സർവേ നടപടികൾ ആരംഭിച്ചു

കുളത്തൂപ്പുഴ:വർഷങ്ങളായി സ്വന്തമായി ഭൂമിക്ക് വേണ്ടി സമരക്കാർ അരിപ്പ പ്രദേശത്ത് കുടിൽകെട്ടി നടത്തിവന്നിരുന്ന സമരം സർക്കാർതലത്തിൽ ചർച്ചചെയ്ത് ഒത്തുതീർപ്പായ സാഹചര്യ ത്തിൽ ഭൂമിപതിച്ചുനൽകുന്നതിനുള്ള നടപടികൾ റവന്യൂവകുപ്പ് ആരംഭിച്ചു. സമരം അവസാനിപ്പിക്കുന്നതിനായുള്ള ചർച്ചകൾനേരത്തെആരംഭിച്ചപ്പോൾ തന്നെ ഭൂമി സർവേ ചെയ്യുന്നതിനുള്ള നടപടികൾ നടത്തിയിരുന്നു. അവശേഷിച്ച പ്രദേശത്തുള്ള സർവേനടപടികളാണ് ഇപ്പോൾതുടങ്ങിയത്. തിങ്കൾകരിക്കം വില്ലേജിൽ സർവേ നമ്പർ 745/1 ൽപ്പെട്ടസർക്കാർ ഭൂമി കുത്തക പാട്ടവ്യവസ്ഥ ലംഘിച്ച് സ്വകാര്യ വ്യക്തി കൈവശം വെച്ചിരുന്ന ഭൂമി സർക്കാർപിടിച്ചെടുത്തു വിവിധ ആവശ്യങ്ങൾക്ക് വിനിയോഗിച്ച് ബാക്കി വന്ന 39.99 ഏക്കർ ഭൂമിയാണ് ഒത്തുതീർപ്പ് വ്യവസ്ഥ പ്രകാരം അരിപ്പ സമരഭൂമിയിലെഅർഹരായകൈവശക്കാർക്ക് സർക്കാർ നൽകുന്നത് . പുനലൂർ ആർഡിഒ സുരേഷ് കുമാർ, തഹസിൽദാർ അജിത് ജോയ്, സമരസമിതി നേതാവ് ശ്രീരാമൻ കൊയ്യോൻ എന്നിവർ സംഘത്തിൽ ഉണ്ടായിരുന്നു.

മൃതദേഹം നായ്ക്കൾ ഭക്ഷിച്ച സംഭവം : മൃതദേഹത്തിന് രണ്ടുമാസം പഴക്കമെന്ന് പോലീസ്

കൊല്ലം:ശാസ്താംകോട്ട മൈനാഗപ്പള്ളിയിൽ മൃതദേഹം തെരുവ് നായ്ക്കൾ ഭക്ഷിച്ച സംഭവം മൃതദേഹത്തിന് രണ്ട് മാസത്തിനടുത്ത് പഴക്കമെന്ന് പോലീസ്.ആന്തരിക അവയവങ്ങൾ ഉൾപ്പെടെ എല്ലാം നായ്ക്കൾ ഭക്ഷിച്ചു.മരണ കാരണം കണ്ടെത്തുന്നതിന് കൂടുതൽ പരിശോധനയ്ക്ക് ഒരുങ്ങി പോലീസ്. അഞ്ച് ദിവസം മുൻപാണ് വടക്കൻ മൈനാഗപ്പള്ളി സോമവിലാസം ചന്തയ്ക്ക് സമീപം അഞ്ചുവിള കിഴക്കേതിൽ രാധാകൃഷ്ണപിള്ളയെ മരിച്ച നിലയിൽ കണ്ടെത്തിയത്. മൃതദേഹം തെരുവുനായ്ക്കൾ പൂർണമായും ഭക്ഷിച്ച നിലയിലായിരുന്നു.മരണ ശേഷം രാധാകൃഷ്ണപിള്ളയുടെ മൃതദേഹം തെരുവ് നായ്ക്കൾ ഭക്ഷിച്ചുവെന്നാണ് പോലീസിന്‍റെ പ്രാഥമിക നിഗമനം. മൃതദേഹവും ആന്തരിക അവയവങ്ങളും ഉൾപ്പെടെ എല്ലാം നായ്ക്കൾ ഭക്ഷിച്ചു. അസ്ഥിയും, ശരീരത്തിലെ ത്വക്കുകളും മാത്രമായിരുന്നു അവശേഷിച്ചത്. ഇത് പിന്നീട് സംസ്കരിച്ചു. വർഷങ്ങളായി ഒറ്റയ്ക്ക് താമസിക്കുന്ന രാധാകൃഷ്ണ പിള്ള ക്ഷയരോഗബാധിതനായതിനാൽ ഒറ്റയ്ക്ക് കിടത്തി ചികിത്സ തേടി ആശുപത്രിയിൽ പോകുമായിരുന്നു. ഇങ്ങനെ പോയിരിക്കുകയായിരുന്നുവെന്ന് പ്രദേശവാസികളും ബന്ധുക്കളും കരുതിയതാണ് ഇത്തരത്തിൽ മരണം സംഭവിക്കാൻ ഇടയാക്കിയത്.

17 കാരിയെ പീഡിപ്പിച്ച കേസ്: പ്രതിക്ക് 51 വർഷം കഠിന തടവ്

കൊല്ലം: 17 കാരിയെ പീഡിപ്പിച്ച കേസിൽ പ്രതിക്ക് പോക്സോ അടക്കമുള്ള വകുപ്പുകളിൽ 51 വർഷം കഠിന തടവും രണ്ട് ലക്ഷത്തി എഴുപതിനായിരം രൂപ പിഴയും. ഉളിയകോവിൽ ജാനകി നിവാസിൽ നിന്നും കിളികൊല്ലൂർ കന്നിമേൽ ചേരിയിൽ താമസിച്ചിരുന്ന മബിനു (38 )വിനെയാണ് ശിക്ഷിച്ചത്. കൊല്ലം ഫാസ്റ്റ് ട്രാക്ക് സ്പെഷൽ കോടതി ജഡ്ജി എ.സമീർ ആണ് വിധിച്ചത്. പിഴ ഒടുക്കിയില്ലെങ്കിൽ 17 മാസം കൂടി അധിക കഠിന തടവ് അനുഭവിക്കണം. ശിക്ഷ ഒരുമിച്ചു അനുഭവിച്ചാൽ മതിയാകും. പിഴ ഒടുക്കിയാൽ തുക അതിജീവിതയ്ക്ക് നൽകണമെന്നും ഈ തുകയ്ക്ക് പുറമേ വിക്ടിം കോമ്പൻസേഷൻ സ്കീമിൽ നിന്നും അതിജീവതയ്ക്ക് നഷ്ടപരിഹാരം നൽകുന്നതിനും വിധിയിൽ ജില്ലാ ലീഗൽ സർവീസ് അഥോറിറ്റിയോട് ശുപാർശ ചെയ്തിട്ടുണ്ട്. 2022 ലാണ് കേസിനാസ്പദമായ സംഭവം. കിളികൊല്ലൂർ ഐഎസ്എച്ച്ഒ ആയിരുന്ന എൻ.ഗിരീഷാണ് കേസ് അന്വേഷിച്ച് കുറ്റപത്രം സമർപ്പിച്ചത്.

‘മികവ് ’ പദ്ധതിക്ക് തുടക്കമായി

കൊട്ടാരക്കര:വെട്ടിക്കല ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി നടപ്പിലാക്കുന്ന മികവ് പദ്ധതിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്‍റ് എസ് .രഞ്ജിത്ത് നിർവഹിച്ചു. വൈസ് പ്രസിഡന്‍റ് ദിവ്യ ചന്ദ്രശേഖർ അധ്യക്ഷത വഹിച്ചു. ബ്ലോക്ക് പട്ടികജാതി വികസന ഓഫീസർ ആഷ പദ്ധതി വിശദീകരണം നടത്തി. വെട്ടിക്കവല മോഡൽ ഹയർ സെക്കൻഡറി സ്കൂളിലാണ് പദ്ധതിയുടെ ബ്ലോക്ക് തല ഉദ്ഘാടനം സംഘടിപ്പിച്ചത്. സ്കൂൾ ഹെഡ്മിസ്ട്രസ്‌ ബുഷറ ,സ്റ്റാൻഡിംഗ് കമ്മിറ്റി ചെയർമാൻമാരായിട്ടുള്ള ബെൻസി റെജി , സിനി ജോസ്, എ.അജി , കെ.ഹർഷകുമാർ , എൻ.മോഹനൻ, ഗിരിജാരാജ് , പ്രിൻസിപ്പൽ ബിജുകുമാർ ,ഗിരീഷ് കുമാർ എന്നിവർ പ്രസംഗിച്ചു. വെട്ടിക്കവല ബ്ലോക്ക് പഞ്ചായത്ത് പരിധിയിൽപ്പെടുന്ന 18 ഹൈസ്ക്കൂളുകൾ കേന്ദ്രീകരിച്ചാണ് പദ്ധതി നടപ്പിലാക്കുന്നത്.പട്ടികജാതി വിദ്യാർഥികൾക്ക് പഠനസൗകര്യമൊരുക്കി പഠന നിലവാരം മെച്ചപ്പെടുത്തുക എന്നതാണ് മികവ് പദ്ധതി കൊണ്ട് ലക്ഷ്യമിടുന്നത്.

അഞ്ചല്‍ ഈസ്റ്റ് സര്‍ക്കാര്‍ ഹയര്‍ സെക്കൻഡറി സ്കൂളിലെ കളിസ്ഥല നവീകരണം വൈകുന്നു

അഞ്ചല്‍ : അഞ്ചല്‍ ഈസ്റ്റ് സര്‍ക്കാര്‍ ഹയര്‍ സെക്കണ്ടറി സ്കൂളിലെ കളിസ്ഥലം നവീകരിക്കുന്നതിനായി തുക അനുവദിച്ചു വര്‍ഷങ്ങള്‍ പിന്നിടുമ്പോഴും നവീകരണ പ്രവര്‍ത്തികൾക്കു തുടക്കം കുറിക്കാന്‍ പോലും കഴിയാത്ത അധികൃത നില്‍പാടില്‍ വിമര്‍ശനവും പ്രതിഷേധവും ഉയരുന്നു. 2019 -20 സാമ്പത്തിക വര്‍ഷത്തില്‍ അന്നത്തെ വനംമന്ത്രിയും പുനലൂര്‍ എംഎല്‍എയുമായിരുന്ന കെ. രാജുവിന്‍റെ ആസ്തി വികസന ഫണ്ടില്‍നിന്നുമാണ് 1.3 കോടി രൂപ അനുവദിച്ചത്. 2021 ല്‍ പദ്ധതിക്കു പ്രവര്‍ത്തനാനുമതിയും ലഭിച്ചു. കിഴക്കന്‍ മലയോര മേഖലയില്‍ മികച്ച കളിസ്ഥലമുള്ള ഏക സ്കൂളാണ് അഞ്ചല്‍ ഈസ്റ്റ് സര്‍ക്കാര്‍ ഹയര്‍സെക്കൻ ഡറി സ്കൂള്‍. ജില്ലാ, ഉപജില്ലാ വിദ്യാഭ്യാസ കായിക മേളകളും ബ്ലോക്ക് പഞ്ചായത്ത്, ഗ്രാമപഞ്ചായത്ത് കേരളോത്സവം ഉള്‍പ്പെടെ നടക്കുന്നതും ഇവിടെയാണ്. നിരവധി തവണ ജില്ലാ സ്കൂള്‍ കലോത്സവവും ഇവിടെ നടന്നിട്ടുണ്ട്. ഇതെല്ലാം മുന്നില്‍ കണ്ടുകൊണ്ടാണ് ആധുനിക രീതിയില്‍ കളിസ്ഥലം നവീകരിക്കാന്‍ അധികൃതര്‍ തീരുമാനിച്ചത്. എസ്. ജയമോഹന്‍ ജില്ലാ പഞ്ചായത്ത് പ്രസിഡന്‍റായിരിക്കേ കളിസ്ഥലം നവീകരിക്കുന്നതിനായി ജില്ലാ പഞ്ചായത്തില്‍നിന്നും ഫണ്ട് അനുവദിച്ചിരുന്നു. ഈ ഫണ്ട് ഉപയോഗിച്ചുകൊണ്ടു പില്ലറുകള്‍ ഉള്‍പ്പടെ നിര്‍മിച്ചുവെങ്കിലും ഫണ്ടിന്‍റെ അപര്യാപ്തതയെ തുടര്‍ന്നു നിര്‍മ്മാണം നിലച്ചു. ഇതോടെയാണ് കെ. രാജു ഫണ്ട് അനുവദിച്ചത്. വര്‍ഷങ്ങള്‍ക്കുമുമ്പ് ജില്ലാ പഞ്ചായത്ത് നിര്‍മിച്ച പില്ലറുകൾ ഉള്‍പ്പടെ പൊളിച്ചുനീക്കി മാത്രമേ പുതിയ പ്രവർത്തികൾ ആരംഭിക്കാന്‍ കഴിയൂവെന്നാണ് സൂചന. അതേസമയം ഫണ്ട് അനുവദിച്ച് അഞ്ചു വര്‍ഷം കഴിയുമ്പോഴും നിര്‍മാണം ആരംഭിക്കാത്തതിലുള്ള അതൃപ്തി കെ. രാജു പ്രകടിപ്പിച്ചു. ഇനിയും പ്രവര്‍ത്തികള്‍ ആരംഭിച്ചില്ലെങ്കില്‍ ഉത്തരവാദിത്തപ്പെട്ടവര്‍ക്കെതിരെ നടപടി സ്വീകരിക്കണം എന്ന് ജില്ലാ കളക്ടറോട് ആവശ്യപ്പെടുമെന്നും കെ. രാജു ദീപികയോട് പറഞ്ഞു. എന്നാല്‍ കളിസ്ഥല നവീകരണം ഉടന്‍ ആരംഭിക്കുമെന്നും സംസ്ഥാന സ്പോര്‍ട്ട്സ് കൗണ്‍സിലിന്‍റെ കീഴിലെ ഏജന്‍സിയാണ് പ്രവര്‍ത്തികള്‍ ഏറ്റെടുത്തിരിക്കുന്നതെന്നും സ്കൂള്‍ പിടിഎ അറിയിച്ചു.

കരവാളൂരിൽ ഉരുൾപൊട്ടൽ

കരവാളൂർ: പുനലൂർ കരവാളൂരിൽ കനത്തമഴയിൽ ഉരുൾപൊട്ടി വൻ കൃഷി നാശം. അഞ്ചോളം കുടുംബങ്ങൾ രക്ഷപ്പെട്ടു. വെഞ്ചേമ്പ് പച്ചയിൽകുന്നിൽ പിനാക്കിൾ വ്യൂപോയിന്‍റിനു പടിഞ്ഞാറ്, 500-ഓളം അടി ഉയരത്തിൽ സ്വകാര്യവ്യക്തിയുടെ റബർതോട്ടത്തിലാണ് ഉരുൾപൊട്ടലുണ്ടായത്. കഴിഞ്ഞദിവസം രാത്രിയിലായിരുന്നു സംഭവം.മഴ തുടർന്നതിനാൽ സംഭവം പുറംലോകമറിഞ്ഞതു വൈകി. ഉരുൾപൊട്ടലിനെ തുടർന്നുണ്ടായ ശക്തമായ വെള്ളപ്പാച്ചിലിൽ അടിവാരത്ത് സ്ഥിതി ചെയ്യുന്ന അനന്തുഭവനിൽ ഓമനയുടെ വീട്ടിൽ വെള്ളം കയറി. ഈ മേഖലയിലെ കൃഷി ജോലികൾക്കായി എത്തി താമസിച്ചിരുന്ന അതിഥി തൊഴിലാളികളുടെ വീടിനോട് ചേർന്നാണ് വെള്ളപ്പാച്ചിലുണ്ടായതെങ്കിലും തൊഴിലാളികൾ രണ്ടുദിവസം മുൻപ് നാട്ടിൽപോയതിനാൽ അപകടത്തിൽനിന്ന് രക്ഷപ്പെട്ടു. വെഞ്ചേമ്പ് കളിരിയ്ക്കൽ വീട്ടിൽ മിനിയുടെ പേരിലുള്ള റബർ തോട്ടത്തിലെ മരമാണ് കൂടുതൽ നശിച്ചത്. കൂടാതെ മംഗലത്ത് വീട്ടിൽ അനിതയുടെ പുരയിടത്തിലെ റബർ തൈകളും വാഴ കൃഷിയും, പുളിമൂട്ടിൽ വീട്ടിൽ രാജമ്മ കുരുവിള എന്നിവരുടെ വാഴ കൃഷിയും നശിച്ചു. ഉരുൾപൊട്ടൽ നേരിട്ട പ്രദേശത്ത് കഴിഞ്ഞ ദിവസം നല്ല മഴയായിരുന്നു ഏകദേശം രാത്രി ഒന്പതോടെ മഴ തോർന്നു .അപ്പോൾ വലിയ ശബ്ദമുണ്ടായതായി നാട്ടുകാർ പറഞ്ഞു . ഉരുൾപൊട്ടിയെത്തിയ ഭാഗത്ത് ഒട്ടേറെ നാശനഷ്ടങ്ങളുണ്ടായി. റബർമരങ്ങളും വാഴ, ഇഞ്ചി, കാച്ചിൽ തുടങ്ങിയ വിളകളും ഒലിച്ചുപോയി. അടിവാരത്തെ കൃഷിയിടങ്ങളിൽ കൂറ്റൻ പാറക്കല്ലുകളും മണ്ണും വെള്ളവും ഒഴുകിയെത്തിയിട്ടുണ്ട്. ഉരുൾപൊട്ടിയ ഭാഗത്ത് വീണ്ടും മണ്ണിടിയുന്ന സ്ഥിതിയാണ്. ഇത് അടിവാരത്തെ താമസക്കാരെ ആശങ്കയിലാക്കിയിട്ടുണ്ട്. കൃഷി, ജിയോളജി വകുപ്പ് ഉദ്യോഗസ്ഥരും പഞ്ചായത്ത് അധികൃതരും സ്ഥലത്ത് പരിശോധന നടത്തിവരുന്നു. കൃഷിനാശത്തിന്‍റെയും മണ്ണിടിച്ചിലിന്‍റെയും നാശനഷ്ടം കണക്കാക്കിവരുന്നതേയുള്ളൂ.

കാഷ്യു കോൺക്ലേവ് തൊഴിലാളികളുടെ കണ്ണിൽ പൊടിയിടാനുള്ള മാമാങ്കം: ഷിബു ബേബി ജോൺ

കൊല്ലം: കശുവണ്ടി വ്യവസായത്തിന്‍റെ കുഴി മൂടലാണ് കശുവണ്ടി കോൺക്ലേവ് എന്ന പേരിൽ എൽഡിഎഫ് ഗവൺമെന്‍റ്കൊല്ലത്ത് നടത്തുന്നതെന്നു ആർഎസ്പി സംസ്ഥാന സെക്രട്ടറി ഷിബു ബേബി ജോൺ. ഭരണത്തിന്‍റെ കാലാവധി അവസാനിക്കാൻ ഇനി അഞ്ചുമാസം മാത്രം അവശേഷിക്കെ തൊഴിലാളികളുടെ കണ്ണിൽ പൊടിയിടാനുള്ള മാമാങ്കമാണ് നടത്തുന്നതെന്ന് അദ്ദേഹം കൂട്ടിച്ചേർത്തു. കശുവണ്ടി വികസന കോർപറേഷനെയും കാപ്പക് സിനെയും തകർക്കാൻ മാത്രമേ കഴിയുകയുള്ളൂവെന്ന് അധ്യക്ഷ പ്രസംഗത്തിൽ കാഷ്യു ഫെഡറേഷൻ സംസ്ഥാന വർക്കിംഗ് പ്രസിഡന്‍റ് എ.എ. അസീസ് പറഞ്ഞു. ജനറൽ സെക്രട്ടറി സജി.ഡി. ആനന്ദ്, ആർഎസ്പി ജില്ലാ സെക്രട്ടറി കെ.എസ്. വേണുഗോപാൽ, യുടിയുസി സംസ്ഥാന സെക്രട്ടറി ടി.സി. വിജയൻ, യുടിയുസി ജില്ലാ പ്രസിഡന്‍റ് ഇടവനശേരി സുരേന്ദ്രൻ, കെ.സിസിലി, പി.പ്രകാശ് ബാബു, ജി.വേണുഗോപാൽ, കുരീപ്പുഴ മോഹനൻ, ടി.കെ. സുൽഫി, എം.എസ്.ഷൗക്കത്ത്, ബി.രാജശേഖരൻ എന്നിവർ പ്രസംഗിച്ചു.

മൂന്നുപേർക്ക് പേപ്പട്ടിയുടെ കടിയേറ്റു

കൊട്ടാരക്കര: പേപ്പട്ടിയുടെ കടിയേറ്റ് മൂന്നു പേർക്ക് പരിക്കേറ്റു. ഉമ്മന്നൂർ ഇരുകുന്ന്, മലവിള പ്രദേശങ്ങളിൽ കഴിഞ്ഞദിവസം രാവിലെയാണ് തെരുവുനായ ആക്രമണം ഉണ്ടായത്. സ്കൂട്ടറിൽ യാത്ര ചെയ്യുകയായിരുന്ന വിഷ്ണു ഭവനിൽ അനന്ദു (22)വിനെ പിറകെ എത്തി ആക്രമിച്ചു. റോഡിൽ വീണ അനന്ദുവിനെ കടിച്ചു പരിക്കേൽപ്പിച്ചു.റോഡിലൂടെ നടന്ന് പോകുകയായിരുന്ന ഇരുകുന്ന് കാവുങ്കൽ വീട്ടിൽ കരുണാകരൻ പിള്ള (60)യേയും വീടിനുള്ളിൽ വിശ്രമിക്കുകയായിരുന്ന മലവിള, എം.സി. വില്ലയിൽ റെജി (50)നും നായയുടെ കടിയേറ്റു.പരിക്കേറ്റ കരുണാകരൻ പിള്ളയെ പാരിപ്പള്ളി മെഡിക്കൽ കോളജ് ആശുപത്രിയിലും അനന്ദുവിനെയും റെജിയേയും കൊട്ടാരക്കര താലുക്ക് ആശുപത്രിയിലും പ്രവേശിപ്പിച്ചു. നിരവധി വളർത്തു നായ്ക്കളെയും കടിച്ച നായയെ സമീപത്ത് തന്നെ ചത്ത നിലയിൽ കാണപ്പെട്ടു. ജില്ലാ വെറ്റിനറി ആശുപത്രിയിൽ നായയുടെ പോസ്റ്റ്‌ മോർട്ടം നടത്തിയതിൽ പേവിഷ ബാധ തെരുവുനായക്ക് ഉണ്ടായിരുന്നതായി കണ്ടെത്തി. തുടർന്ന് ഉമ്മന്നൂർ പഞ്ചായത്തിലെ മൃഗസംരക്ഷണ വകുപ്പ് ഉദ്യോഗസ്ഥർ സ്ഥലത്തെത്തി വീടുകളിൽ ബോധവത്കരണം നടത്തി.

അഞ്ചു വര്‍ഷത്തിനുള്ളിൽ 30 ലക്ഷം സ്ത്രീകള്‍ക്ക് തൊഴില്‍: മന്ത്രി ബാലഗോപാല്‍

കൊല്ലം: അഞ്ചു വര്‍ഷത്തിനുള്ളില്‍ 30 ലക്ഷം സ്ത്രീകള്‍ക്കു തൊഴില്‍നൽകുമെന്നു ധനകാര്യ മന്ത്രി കെ.എന്‍.ബാലഗോപാല്‍ അഭിപ്രായപ്പെട്ടു. വിജ്ഞാനകേരളം ജില്ലാതല കൗണ്‍സില്‍ രൂപീകരണയോഗം ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ഉദ്ഘാടനം ചെയ്തുപ്രസംഗിക്കുകയായിരുന്നു അദ്ദേഹം. മന്ത്രി കെ.എന്‍. ബാലഗോപാലാണ് കൗണ്‍സില്‍ ചെയര്‍പേഴ്‌സണ്‍. സെക്രട്ടറി- ജില്ലാ കളക്ടര്‍ എൻ.ദേവിദാസ്. ജില്ലാ പഞ്ചായത്ത് പ്രസിഡന്‍റ് പി.കെ.ഗോപന്‍ അധ്യക്ഷത വഹിച്ചു. മുന്‍ മന്ത്രിയും കൗണ്‍സില്‍ മുഖ്യ ഉപദേഷ്ടാവുമായ ടി.എം. തോമസ് ഐസക്ക്, ജില്ലാ പഞ്ചായത്ത് വൈസ് പ്രസിഡന്‍റ് ശ്രീജ ഹരീഷ് തുടങ്ങിയവര്‍ പങ്കെടുത്തു.

തിരുമുക്ക് അടിപ്പാത സമരത്തിന് വ്യാപാരി വ്യവസായികളുടെ പിന്തുണ

ചാത്തന്നൂർ: തിരുമുക്ക് അടിപ്പാത സമരസമിതിയുടെ നേതൃത്വത്തിൽ നടത്തി വരുന്ന റിലേ സത്യഗ്രഹത്തിന്‍റെ 27-ാം ദിവസം വ്യാപാരി വ്യവസായി സമിതി സത്യഗ്രഹമനുഷ്ടിച്ചു. ചാത്തന്നൂർ തിരുമുക്കിൽ വലിയ വാഹനങ്ങൾക്കു കടന്നുപോകുവാൻ കഴിയുന്ന തരത്തിൽ അടിപ്പാത ശാസ്ത്രീയമായി പുതുക്കിപ്പണിയണമെന്ന് ആവശ്യപ്പെട്ടുകൊണ്ടാണ് തിരുമുക്ക് അടിപ്പാത സമരസമിതി നേതൃത്വത്തിൽ റിലേ സത്യഗ്രഹ സമരം നടത്തി വരുന്നത്. വ്യാപാരി വ്യവസായി സമിതി ചാത്തന്നൂർ യൂണിറ്റ് സെക്രട്ടറി എസ്.ബിനു സത്യഗ്രഹം അനുഷ്ടിച്ചു. വ്യാപാരി വ്യവസായി സമിതി ചാത്തന്നൂർ ഏരിയാ പ്രസിഡന്‍റ് ജയചന്ദ്രൻ ചാനൽവ്യു സത്യഗ്രഹം ഉദ്ഘാടനം ചെയ്തു. മെച്ചപ്പെട്ട യാത്രാ സൗകര്യങ്ങളാണ് പ്രദേശത്തിന്‍റെ വികസനത്തിനു സഹായകമാകുന്ന പ്രധാനപ്പെട്ട ഒരു ഘടകമെന്ന് ജയചന്ദ്രൻ ഉദ്ഘാടനപ്രസംഗത്തിൽ ചൂണ്ടികാട്ടി. പക്ഷേ തിരുമുക്കിൽ അശാസ്ത്രീയമായി നിർമ്മിച്ചിരിക്കുന്ന അടിപ്പാത ചാത്തന്നൂരിനെ വികസന മുരടിപ്പിലേക്ക് നയിക്കുകയാണ് ചെയ്യുകയെന്നു് അദ്ദേഹം അഭിപ്രായപ്പെട്ടു. വ്യാപാരി വ്യവസായി സമിതി ചാത്തന്നൂർ ഏരിയാ സെക്രട്ടറി ജയപ്രകാശ് അധ്യക്ഷത വഹിച്ചു. സമരസമിതി ജനറൽ കൺവീനർ കെ.കെ.നിസാർ, ഇത്തിക്കര ബ്ലോക്ക് പഞ്ചായത്ത് വൈസ് പ്രസിഡന്‍റ് നിർമ്മലാ വർഗീസ്, ചാത്തന്നൂർ വികസന സമിതി ചെയർമാൻ ജി.രാജശേഖരൻ , കൺവീനർ ജി.പി.രാജേഷ് തുടങ്ങിയവർ പ്രസംഗിച്ചു. പരവൂർക്കാർ കൂട്ടായ്മ കൺവീനർ സന്തോഷ് പാറയിൽക്കാവ് സ്വാഗതവും ചാക്കോ ജോൺ നന്ദിയും രേഖപ്പെടുത്തി. സത്യഗ്രഹ സമരത്തിന്‍റെ ഇരുപത്തി എട്ടാം ദിവസമായ ഇന്നു ബിജെപിസഹകരണ സെൽ ജില്ലാ കൺവീനർ എസ്.വി.അനിത്ത് കുമാർ, ഗ്രാമ പഞ്ചായത്തംഗം മീരാ ഉണ്ണി, ബിജെപി ജില്ലാ കമ്മിറ്റിയംഗം ശ്രീകുമാർ എന്നിവർ സത്യഗ്രഹമനുഷ്ടിക്കും. കൊല്ലം വെസ്റ്റ് ജില്ലാ പ്രസിഡന്‍റ് എസ്.പ്രശാന്ത് സത്യഗ്രഹം ഉദ്ഘാടനം ചെയ്യും. തിരുവനന്തപുരം മേഖലാ പ്രസിഡന്‍റ് ബി.ബി.ഗോപകുമാർ സമാപന യോഗം ഉദ്ഘാടനം ചെയ്യും. ബിജെപി ചാത്തന്നൂർ പഞ്ചായത്ത് സമിതി നേതൃത്വത്തിലാണ് റിലേസത്യഗ്രഹം നടക്കുന്നത്.

എക്‌സ്. ഏണസ്റ്റ് വീണ്ടും ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്‍റ്

കൊല്ലം : ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്‍റായി വീണ്ടും എക്‌സ്.ഏണസ്റ്റ്. സ്‌പോര്‍ട്‌സ് കൗണ്‍സില്‍ ഹാളില്‍ നടന്ന തെരഞ്ഞെടുപ്പില്‍ എതിരില്ലാതെയാണ് വിജയം. വൈസ് പ്രസിന്‍റായി ദേശീയ ഹാന്‍റ് ബോള്‍ താരമായ കെ. രാധാകൃഷ്ണന്‍, സംസ്ഥാന സ്‌പോര്‍ട്‌സ് കൗണ്‍സില്‍ പ്രതിനിധിയായി എല്‍. അനില്‍ എന്നിവരും തെരഞ്ഞെടുക്കപ്പെട്ടു. പുനലൂര്‍ മുനിസിപ്പല്‍ ചെയര്‍പേഴ്‌സണ്‍ കെ. പുഷ്പലത, ചിതറ പഞ്ചായത്ത് പ്രസിഡന്‍റ് മടത്തറ അനില്‍, ഒളിമ്പിക് അസോസിയേഷന്‍ പ്രതിനിധി ജയകൃഷ്ണന്‍, ജില്ലാ സ്‌പോര്‍ട്‌സ് കൗണ്‍സില്‍ സെക്രട്ടറി വി. ശ്രീകുമാരി, ജില്ലാ സ്‌പോര്‍ട്‌സ് ഓഫീസര്‍ അവിനാഷ് കുമാര്‍ തുടങ്ങിയവര്‍ പങ്കെടുത്തു.

ബാങ്ക് ജീവനക്കാരിയെ മർദിച്ച കേസ്: പ്രതി റിമാൻഡിൽ

കൊട്ടിയം: ബാങ്കിൽ നിന്നും വായ്പ എടുത്ത തുകയുടെ തിരിച്ചടവ് മുടങ്ങിയതിനെക്കുറിച്ച് അന്വേഷിക്കാൻ എത്തിയ ബാങ്ക് ഉദ്യോഗസ്ഥയ്ക്കു മർദനം. കണ്ണനല്ലൂർ എസ്ബിഐയിലെ ജീവനക്കാരി ഇളമ്പള്ളൂർ സ്വദേശിനി ആൽഫിയക്കാണ് മർദനമേറ്റത്. ആൽഫിയായെ ആക്രമിച്ച മുഖത്തല കല്ലയം വെളിവിള വീട്ടിൽ സന്ദീപ് ലാലിനെ കൊട്ടിയം പോലീസ് അറസ്റ്റ് ചെയ്തു. സന്ദീപിന്‍റെ പിതാവ് എസ് ബി ഐ യുടെ കണ്ണനല്ലൂർ ശാഖയിൽ നിന്നും ലോൺ എടുത്തിരുന്നു. തിരിച്ചടവ് നിരവധി തവണ മുടങ്ങിയതോടെയാണ് ഇതേക്കുറിച്ച് അന്വേഷിക്കാൻ ബാങ്ക് ജീവനക്കാരി എത്തിയത്.ഈ സമയം സന്ദീപിന്‍റെ പിതാവ് വീട്ടിൽ ഉണ്ടായിരുന്നില്ല. എന്ത് കൊണ്ടാണ് ബാങ്ക് തിരിച്ചടവ് മുടങ്ങിയത് എന്ന് ആൽഫിയ ഇയാളോട് ചോദിച്ചതോടെ മദ്യപിച്ച്ഇരിക്കുകയായിരുന്ന ഇയാൾ ആൽഫിയയോട് കയർത്ത് സംസാരിക്കുകയും ഭീഷണിപ്പെടുത്തുകയും ചെയ്യുകയും തിരികെ ഓട്ടോയിൽ പോകാൻ ശ്രമിച്ച ആൽഫിയെ ഇയാൾ പിന്നാലെയെത്തി ക്രൂരമായി മർദിക്കുകയായിരുന്നു. മർദനമേറ്റ ആൽഫിയ സ്വകാര്യ ആശുപത്രിയിൽ ചികിൽസ തേടി. തുടർന്ന് ആൽഫിയയുടെ പരാതിയിൽ കൊട്ടിയം ഇൻസ്പെക്ടർ പി. പ്രദീപ്, എസ്ഐ നിതിൻ നളൻ എന്നിവർ അടങ്ങിയ സംഘം പ്രതിയെ പിടികൂടി. തുടർന്ന് വൈദ്യ പരിശോധനക്ക് ശേഷം കോടതിയിൽ ഹാജരാക്കി റിമാൻഡ് ചെയ്തു.

സ്കൂൾ കായികമേള ഇന്ന് മുതൽ

കൊല്ലം: സംസ്ഥാന സ്കൂൾ ഒളിമ്പിക്സിന്‍റെ ഭാഗമായി നടക്കുന്ന കൊല്ലം ജില്ലാ സ്കൂൾ കായികമേള ഇന്നു മുതൽ 17വരെ കൊട്ടാരക്കര ഗവ.ഹയർ സെക്കൻഡറി സ്കൂൾ മൈതാനം, തൃക്കണമെങ്കിൽ എസ്കെവിഎച്ച്എസ് എസ് മൈതാനം എന്നിവിടങ്ങളിൽ നടക്കും. സബ്ജൂണിയർ, ജൂണിയർ, സീനിയർ, വിഭാഗങ്ങളിലായി 3300 കുട്ടികൾ മൂന്നു ദിവസങ്ങളിലായി ജില്ലയിലെ 12 ഉപജില്ലയിൽ നിന്നും എത്തിച്ചേരും. 86 വ്യക്തിഗത മത്സര ഇനങ്ങളും 10 ഗ്രൂപ്പിനെ മത്സരങ്ങളും ആൺകുട്ടികളുടെയും പെൺകുട്ടികളുടെയും ക്രോസ് കൺട്രി മത്സരങ്ങളും അടക്കം 98 ഇനങ്ങളിലാണ് മത്സരം നടക്കുന്നത്. ട്രാക്കിനു മത്സരങ്ങളും ഷോട്ട്പുട്ട് ഹൈജമ്പ് മത്സരങ്ങളും ഗവ. എച്ച്എസ്എസ് കൊട്ടാരക്കരയിലും ട്രിപ്പിൾ ജംമ്പ്, ലോംഗ് ജംമ്പ്, ജാവലിൻ ത്രോ, ഡിസ്കസ് ത്രോ, ഹാമർ ത്രോ മത്സരങ്ങൾ എസ്കെവിഎച്ച്എസ്എസ് മൈതാനത്തുമാണ് നടക്കുന്നത്. മത്സരത്തിൽ പങ്കെടുക്കുന്ന വിദ്യാർഥികൾക്കു ഭക്ഷണം ക്രമീകരിച്ചിട്ടുണ്ട്. കൊട്ടാരക്കര മുനിസിപ്പൽ ചെയർമാൻ ഉണ്ണികൃഷ്ണ മേനോൻ ചെയർമാനും ജില്ലാവിദ്യാഭ്യാസ ഉപ ഡയറക്ടർ കെ.ഐ. ലാൽ ജനറൽ കൺവീനറുമായ സ്വാഗതസംഘം രൂപീകരിച്ചു. കായികമേള ഇന്നുരാവിലെ 8.30ന് വിദ്യാഭ്യാസ ഉപ ഡയറക്ടർ പതാക ഉയർത്തും. മേളയുടെ ഉദ്ഘാടനം ഇന്ന് രാവിലെ ഒന്പതിന് മന്ത്രി കെ.എൻ. ബാലഗോപാൽ നിർവഹിക്കും. സമാപന സമ്മേളനം 17ന് വൈകുന്നേരം ജില്ലാ പഞ്ചായത്ത് പ്രസിഡന്‍റ് പി.കെ. ഗോപൻ ഉദ്ഘാടനം ചെയ്യും.

ഭർത്താവ് ഭാര്യയെ കുത്തി പരിക്കേൽപ്പിച്ചു

കരുനാഗപ്പള്ളി : ഓട്ടോ തടഞ്ഞുനിർത്തി ഭർത്താവ് ഭാര്യയെ കുത്തി പരിക്കേൽപ്പിച്ചു. കരുനാഗപ്പള്ളി കണ്ണമ്പള്ളി ജംഗഷനു സമീപം കഴിഞ്ഞ ദിവസം വൈകുന്നേരം അഞ്ചോടെ ആയിരുന്നു സംഭവം. കോഴിക്കോട് സ്വദേശിയായ ചിഞ്ചു (35) ആണ് പരിക്കേറ്റത്. ഭർത്താവ് പ്രശോഭ് കരുനാഗപ്പള്ളി പോലീസിന്‍റെ കസ്റ്റഡിയിലാണ്. ഭർത്താവുമായുള്ള കുടുംബ പ്രശ്നങ്ങളെ തുടർന്നു യുവതി ചവറ പോലീസിൽ പരാതി നൽകിയിരുന്നു.കഴിഞ്ഞ ദിവസം ഇയാളോ‌ടു സ്റ്റേഷനിൽ ഹാജരാകാൻ ആവശ്യപ്പെട്ടിരുന്നു. വീട്ടിലേക്കു വരികയായിരുന്ന യുവതിയെ പിന്തുടർന്നെത്തിയ പ്രശോഭ് യുവതിയെ തടഞ്ഞുനിർത്തി കുത്തുകയായിരുന്നു. ആക്രമണം തടയുന്നതിനിടെ യുവതിയുടെ കൈമുട്ടിന് താഴെ ആഴത്തിൽ മുറിവേറ്റു. ബഹളം കേട്ട് ഓടിക്കൂടിയ നാട്ടുകാർ യുവതിയെ താലൂക്ക് ആശുപത്രിയിൽ പ്രവേശിപ്പിച്ചു.

വന്യമൃഗശല്യം രൂക്ഷം

തെന്മല, ആര്യങ്കാവ്, കറവൂർ, ഇടമൺ, ചാലിയക്കര, വിളക്കുവെട്ടം, കല്ലാർ മേഖലകളിൽ അനിൽ പന്തപ്ലാവ് പുനലൂർ: വന്യമൃഗശല്യംമൂലം കിഴക്കൻ മേഖലയിൽ ജനം ഭീതിയിൽ. കാട്ടുപന്നിയും കാട്ടുപോത്തും പുലിയും കാട്ടാനകളും കുരങ്ങുകളും മയിലുകളും മലയണ്ണാനുമെല്ലാം നാട്ടിലിറങ്ങിയതോടെ ജനം ഭീതിയിലാണ്. കിഴക്കൻ മേഖലാ പ്രദേശങ്ങളിലെല്ലാം വന്യമൃഗങ്ങൾ ഇറങ്ങുന്നു. തെന്മല, ആര്യങ്കാവ്, കറവൂർ, ഇടമൺ, ചാലിയക്കര, വിളക്കുവെട്ടം, കല്ലാർ മേഖലകളിൽ കൃഷി ചെയ്യാൻ കഴിയാതെ കർഷയർ വലയുന്നു. കാർഷിക വിളകൾ വൻതോതിൽ വന്യമൃഗങ്ങൾ നശിപ്പിക്കാൻ തുടങ്ങിയതോടെ പല കുടുംബങ്ങളും ജീവിക്കാൻ പാടുപെടുന്നു. ആര്യങ്കാവ് മേഖലയിൽ കാട്ടുമൃഗങ്ങളുടെ ആക്രമണത്തിൽ നിരവധിപേർക്കു ജീവൻ നഷ്ടപ്പെട്ടിട്ടുണ്ട്. സന്ധ്യകഴിഞ്ഞാൽ പലരും ഭയന്നു കഴിയുകയാണ്. കിടങ്ങുകൾ സ്ഥാപിച്ചും തീയിട്ടും മറ്റും ഇവർ ഉറക്കമളച്ചിരിക്കുകുന്നു. ചെമ്പനരുവി പ്രദേശത്തു നിരവധി കുടുംബങ്ങൾ വീടും സ്ഥലവും ഉപേക്ഷിച്ച് ഇവിടെ നിന്നു പോയി. നൂറുകണക്കിനു കുടുംബങ്ങളുടെ പ്രതീക്ഷകളാണ് ഇല്ലാതായത്. കഴിഞ്ഞ ദിവസം കറവൂർ മേഖലയിലിറങ്ങിയ പുലി കിണറ്റിൽ വീഴുകയുണ്ടായി. ഏതു സമയവും ജീവൻ അപകടത്തിലാകാമെന്ന അവസ്ഥയിലാണ് കിഴക്കൻ മേഖലയിലെ ടാപ്പിംഗ് തൊഴിലാളികൾ. ദിനംപ്രതി വന്യജീവി ആക്രമണം വർധിച്ചിട്ടും കൃത്യമായ പരിഹാരം കാണാൻ അധികൃതർക്കും കഴിഞ്ഞിട്ടില്ല. ടാപ്പിംഗ് തൊഴിലായി സ്വീകരിച്ചവരാണ് കിഴക്കൻ മേഖലയിൽ ഏറെയും. അതിരാവിലെ റബർ ടാപ്പിംഗിനു പോകുമ്പോൾ പലരും കാട്ടാനകൾക്കു മുന്നിൽ പകച്ചു നിൽക്കുക പതിവാണ്. സ്ഥിരമായി കാട്ടാനകൾ ഇറങ്ങുന്ന നിരവധി പ്രദേശങ്ങളുണ്ട്.ദിവസേന കാട്ടാനകളെ കാണാത്തവരായി ആരുമില്ല. ജനവാസ മേഖലയും വനമേഖലയും ഒരുപോലെ കിടക്കുന്ന സ്ഥലമാണ് കറവൂർ, പെരുന്തോയിൽ, ചെമ്പനരുവി, തുടങ്ങിയ പ്രദേശങ്ങൾ. വനം വകുപ്പ് കാടു തെളിക്കാത്തതു കാരണം നിലവിലെ കാനനപാതകൾ കാടുമൂടി കിടക്കുന്നു. 1977 നു മുമ്പ് കുടിയേറി താമസിച്ച് കൃഷിയിലൂടെയും വളർത്തു മൃഗങ്ങളിലൂടെയും ഉപജീവനമാർഗം കണ്ടെത്തിയ ജനവിഭാഗങ്ങളും ഇവിടെ താമസിക്കുന്നുണ്ട്. കഴിഞ്ഞ 10 വർഷത്തിനിടയിൽ കൃഷിയിടങ്ങളിൽ കാട്ടാന,കാട്ട് പോത്ത്, മ്ലാവ്, കേഴ, കടുവ, പുലി എന്നിവയുടെ ആക്രമണം മൂലം വളർത്തുമൃഗങ്ങളും കൃഷിയും പൂർണമായി തകർച്ച നേരിടുകയാണ്. വളർത്തുമൃഗങ്ങളെയും വൻതോതിൽ കാട്ടുമൃഗങ്ങൾ കൊന്നൊടുക്കുന്നു. നൂറു കണക്കിനു ആടുമാടുകളെയും നായകളെയും കൊന്നൊടുക്കിയിട്ടുണ്ട്. കർഷകർ ആത്മഹത്യയുടെ വക്കിലാണ്. വന്യമൃഗ ശല്യത്തിന് ഏക ആശ്രയമായിരുന്നു വീടുകളിൽ വളർത്തിയിരുന്ന നായ്ക്കൾ. നായ്ക്കളെ പുലികൾ ഭക്ഷണമാക്കി തുടങ്ങിയതോടെ ഇവിടുത്തുകാർക്ക് ഇനി രക്ഷാ കവചം തീർക്കാൻ ഒന്നുമില്ലാതെയായി. കാട്ടുപന്നികളും വളർത്തു മൃഗങ്ങളെ വൻ തോതിൽ കൊന്നൊടുക്കുകയാണ്. കുട്ടികൾക്കു സ്കൂളിൽ പോകാനും വരാനും കഴിയുന്നില്ല. കേന്ദ്ര-സംസ്ഥാന സർക്കാരുകളുടെ സമയോചിതമായ ഇടപെടൽ ഉണ്ടെങ്കിലേ ഇവിടെ ജനങ്ങൾക്കു സ്വൈര ജീവിതം ഉറപ്പാക്കാൻ കഴിയു എന്നിരിക്കേ ബന്ധപ്പെടവരും മൗനത്തിലാണ്.

കൃഷി ഫാമിൽ കരാർ തൊഴിലാളി ഷോക്കേറ്റ് മരിച്ചു

പുനലൂർ : കുരിയോട്ടുമല കൃഷി ഫാമിൽ കരാർ തൊഴിലാളി ഷോക്കേറ്റ് മരിച്ചു. പിറവന്തൂർ ചീയോട് സ്വദേശി അനീഷ് ഭവനിൽ അനീഷ് (42) ആണ് മരിച്ചത്. ഇന്നലെ 11 കെവി വൈദ്യുതി ലൈനിൽ മുട്ടിനിന്ന പപ്പായമരം വെട്ടിമാറ്റുന്നതിനിടയിൽ ആണ് അപകടമുണ്ടായത്. പുനലൂർ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിയ്ക്കാനായില്ല.

ഹരിത കർമ്മ സേനാംഗം കുഴഞ്ഞുവീണ് മരിച്ചു

കൊടുവിള : ഹരിത കർമ്മ സേന അംഗം കുഴഞ്ഞുവീണ് മരിച്ചു. ശിങ്കാരപ്പള്ളി വള്ളാന്തറ വീട്ടിൽ അജിയുടെ ഭാര്യ മോളി (47) ആണ് മരിച്ചത്. ഇന്നലെ രാവിലെ ഹരിത കർമ സേനയിലെ ജോലിക്കു പോകാൻ ഒരുങ്ങുമ്പോൾ കുഴഞ്ഞു വീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും അന്ത്യം സംഭവിച്ചു. മൃതദേഹം പോസ്റ്റ്മോർട്ടത്തിനുശേഷം ഇന്നു രാവിലെ 11ന് പേരയം പഞ്ചായത്ത് അങ്കണത്തിൽ പൊതുദർശനത്തിനുവയ്ക്കും. തുടർന്ന് ഉച്ചകഴിഞ്ഞ് മൂന്നിന് വർക്കല മുങ്ങോടു സെന്‍റ് സെബാസ്റ്റ്യൻപള്ളി സെമിത്തേരിയിൽ സംസ്കാരം നടത്തും.

കാറിടിച്ചു ചികിത്സയിലായിരുന്ന യുവാവ് മരിച്ചു

ചവറ: ദേശീയപാതയിൽ കന്നേറ്റി പാലത്തിലുണ്ടായ വാഹന അപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു. ചവറ ബ്ലാവത്ത് വടക്കതിൽ (കൃഷ്‌ണഭവനം) ആർ. ബ്രിജേഷ് നായർ (ബിജു - 46 ) ആണ് മരിച്ചത്. തിങ്കളാഴ്ച ഉച്ചയ്ക്ക് കരുനാഗപ്പള്ളിയിൽ നിന്നും വീട്ടിലേക്ക് വരികയായിരുന്ന ബ്രിജേഷ് സഞ്ചരിച്ച ബൈക്കിൽ എതിർ ദിശയിൽ നിന്നും വന്ന കാർ ഇടിച്ചായിരുന്നു അപകടം. അപകടത്തിൽ ഗുരുതരമായ പരിക്കേറ്റ ബ്രിജേഷിനെ താലൂക്ക് ആശുപത്രിയിലും തുടർന്ന് കരുനാഗപ്പള്ളിയിലെ സ്വകാര്യ ആശുപത്രിയിലും എത്തിക്കുകയായിരുന്നു. സ്വകാര്യ ആശുപത്രിയിൽ ചികിത്സയിലിരിക്കെ ഇന്നലെ രാവിലെ മരണമടഞ്ഞു. സംസ്കാരം ഇന്നു രാവിലെ 10.30 ന് വീട്ടുവളപ്പിൽ നടക്കും. ഭാര്യ : ആശാ ബ്രിജേഷ്. മകൾ: അക്ഷര.

ശിവകൃഷ്ണൻ മുന്നറിയിപ്പ് വകവെക്കാത്തത് ദുരന്തകാരണമായി

കൊല്ലം: അർച്ചനയെ രക്ഷിക്കാൻ ഫയർ ഫോഴ്സ് ശ്രമിക്കുന്നതിനിടെ കിണറിന്‍റെ സമീപത്തേക്ക് വരരുത് എന്ന് ഫയര്‍ഫോഴ്‌സ് സംഘം നൽകിയ മുന്നറിയിപ്പ് ശിവകൃഷ്ണൻ വകവെക്കാഞ്ഞതാണ് കൊല്ലത്ത് നെടുവത്തൂരില്‍ മൂന്ന് പേരുടെ ജീവൻ നഷ്ടപ്പെടാൻ കാരണമായത്. ശിവകൃഷ്ണന്‍ മുന്നറിയിപ്പ് അവഗണിച്ച് കിണറിന്‍റെസമീപത്തേക്ക് എത്തുകയും ഇയാള്‍ നിന്ന ഭാഗത്തെ കൈവരി ഇടിഞ്ഞ് താഴേക്ക് വീഴുകയുമായിരുന്നു. പിതാവിന്‍റെ തുണയില്ലാതെ വർഷങ്ങളായി അമ്മക്കൊപ്പം ജീവിക്കുന്ന മൂന്നു കുട്ടികൾ സംഭവത്തോടെ അനാഥരായി മാറിയിരിക്കുകയാണ്. പിതാവ് ഉപേക്ഷിച്ച മൂന്നു മക്കളുമായി തനിയെ ജീവിച്ചു വന്ന അര്‍ച്ചനയുടെ ജീവിതത്തിലേക്ക് ശിവകൃഷ്ണൻ കടന്നു വന്നിട്ട് നാല് മാസമെ ആയിട്ടുള്ളൂ. അർ‌ച്ചനയുടെ സുഹൃത്തായ ശിവകൃഷ്ണൻ സ്ഥിരം മദ്യപാനി ആണെന്നും മദ്യപിച്ച് എത്തുന്ന ശിവകൃഷ്ണന്‍ അര്‍ച്ചനയുമായി വഴക്കുണ്ടാക്കാറുണ്ടെന്നും അയല്‍ക്കാര്‍ പറയുന്നുണ്ട്. അപകടം നടന്ന രാത്രിയും ഇരുവരും തമ്മിൽ വഴക്കുണ്ടായി. അർച്ചനയെ ഇയാൾ മർദിച്ചിരുന്നു. അർച്ചനയുടെ മുഖത്ത് മർദനമേറ്റ പരിക്കുകളുണ്ട്. മുഖത്തെ പരുക്കിന്‍റെ ഫോട്ടോ അർച്ചന മൊബൈലിൽ പകർത്തിയത് ശിവകൃഷ്ണനെ കൂടുതൽ പ്രകോപിപ്പിച്ചു. വഴക്ക് തീരാതെ വന്നതോടെയാണ് അർച്ചന കിണറ്റിൽ ചാടിയത്. സോണി കിണറ്റിൽ ഇറങ്ങുമ്പോൾ അര്‍ച്ചനയ്ക്ക് ജീവനുണ്ടായിരുന്നു എന്നാണ് ഫയർ ഫോഴ്സ് ഉദ്യോഗസ്ഥർ പറയുന്നത്. അര്‍ച്ചനയെ മുകളിലേക്ക് കയറ്റിക്കൊണ്ടിരിക്കുമ്പോഴാണ് കിണറിന്‍റെ കൈവരിയുടെ ഭാഗം ഇടിഞ്ഞുവീണ് അപകടം ഉണ്ടാവുന്നത്. മദ്യലഹരിയിലായിരുന്ന ശിവകൃഷ്ണന്‍റെ അപകടകരമായ നീക്കമാണ് ദുരന്തത്തിന്‍റെ വ്യാപ്തി വർധിപ്പിക്കുന്നത്. അര്‍ച്ചനയെ മുകളിലേക്ക് സോണി കയറ്റുമ്പോൾ ശിവകൃഷ്ണൻ ടോര്‍ച്ച് തെളിച്ച് കിണറിന്‍റെ കൈവരിയോട് ചേര്‍ന്ന് നിൽക്കുകയായിരുന്നു. കൈവരി ഇടിയാനുള്ള സാധ്യത സംശയിച്ചാണ് അവിടെനിന്ന് മാറാൻ ഫയർ ഫോഴ്സ് ഉദ്യോഗസ്ഥർ ആവശ്യപ്പെടുന്നത്.എന്നാൽ അയാൾ മാറാൻ കൂട്ടാക്കിയില്ല എന്നാണ് ഫയർഫോഴ്സ് ഉദ്യോഗസ്ഥർ പറയുന്നത്. ‌കൈവരിക്കൊപ്പം ശിവകൃഷ്ണനും കിണറ്റിലേക്ക് വീഴുകയായിരുന്നു. ഇഷ്ടികയും മറ്റും വീഴുന്നത് സോണിയുടെയും അര്‍ച്ചനയുടെയും മുകളിലേക്കായിരുന്നു. ഒപ്പം ശിവകൃഷ്ണനും. ആനക്കോട്ടൂരിൽ കഴിഞ്ഞരാത്രിയിൽ നടന്ന ദാരുണ സംഭവത്തിന്‍റെ ഞെട്ടലിൽ നിന്നും നാട് ഇതുവരെയും മുക്തമായിട്ടില്ല. യുവതിയെ രക്ഷപ്പെടുത്താൻ ഇറങ്ങിയ ഫയർ ഫോഴ്‌സ് ഉദ്യോഗസ്ഥനും മരണപ്പെട്ടത് അപകടത്തിന്‍റെ വ്യാപ്തി വർധിപ്പിച്ചു. അർച്ചനയ്ക്കൊപ്പം രണ്ട് ദിവസം മുൻപ് എറണാകുളത്ത് നിന്നും എത്തിയ സുഹൃത്തുക്കളായ ചെറായി നടുമുറി വീട്ടിൽ അക്ഷയ്, സുഹൃത്ത് അഞ്ജന എന്നിവരും അപകടം നടക്കുമ്പോൾ അവിടെ ഉണ്ടായിരുന്നു. അവർ ഇരുവരും ശിവകൃഷ്ണനും അർച്ചനയും തമ്മിലുണ്ടായ വഴക്കിനും തുടർന്നുണ്ടായ സംഭവങ്ങൾക്കും ദൃക്‌സാക്ഷികളാണ്. ഫയർ ഫോഴ്‌സ് ഉദ്യോഗസ്ഥൻ സോണി എസ്. കുമാർ കിണറ്റിൽ ഉണ്ടായിരുന്ന കയർ ഉപയോഗിച്ച് യുവതിയെ രക്ഷപെടുത്തി പകുതി എത്തിയപ്പോഴേക്കും കിണറിന്‍റെ വശങ്ങൾ ഇടിഞ്ഞ് ഇരുവരുടെയും മുകളിലേക്ക് പതിക്കുകയായിരുന്നു എന്നാണ് ഇവർ പറയുന്നത്. അർച്ചനയെയും, ശിവകൃഷ്ണനെയും കൊല്ലത്ത് നിന്നെത്തിയ ഫയർ ഫോഴ്‌സ് സംഘമാണ് പുറത്തെടുക്കുന്നത്. അർച്ചനയുടെ മാതാവ് സമീപത്ത് ആണ് താമസിക്കുന്നത്. മിക്ക ദിവസങ്ങളിലും അർച്ചന മൂന്ന് മക്കളെയും മാതാവിനൊപ്പം നിർത്തിയിട്ട് ആണ് പുറത്ത് പോയിരുന്നത്. ദിവസങ്ങളോളം വൈകി ആയിരുന്നു അർച്ചനയുടെ മടങ്ങി വരവ്. ഇതിനെചൊല്ലി അർച്ചനയുമായി മാതാവ് സ്ഥിരമായി കലഹത്തിലേർപ്പെട്ടിരുന്നു.

തിരുമുക്ക് അടിപ്പാത സമരം: രാഷ്ട്രീയ പാർട്ടികളും രംഗത്ത്

ചാത്തന്നൂർ: തിരുമുക്കിൽവലിയ വാഹനങ്ങൾക്ക് കടന്നുപോകുവാൻ കഴിയുന്ന തരത്തിൽ അടിപ്പാത ശാസ്ത്രീയമായി പുതുക്കിപ്പണിയണമെന്ന് ആവശ്യപ്പെട്ട് തിരുമുക്ക് അടിപ്പാത സമരസമിതിയുടെ നേതൃത്വത്തിൽ നടത്തിവരുന്ന റിലേ സത്യഗ്രഹ സമരത്തിന്‍റെ ഇരുപത്തി ആറാം ദിവസം ഇന്ത്യൻ യൂണിയൻ മുസ്‌ലിം ലീഗ് നേതൃത്വത്തിലാണ് റിലേ സത്യഗ്രഹം നടന്നത്. മുസ്‌ലിം ലീഗിന്‍റെ പരവൂർ മുനിസിപ്പൽ കമ്മിറ്റി സെക്രട്ടറി അൻഷാദ് അഹമ്മദ് തുപ്പാശേരിൽ സത്യഗ്രഹം അനുഷ്ടിച്ചു. പരവൂർ മുനിസിപ്പൽ പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ ജെ. ഷെരീഫ്ഉദ്ഘാടനം ചെയ്തു. മുസ്‌ലിം ലീഗ് ചാത്തന്നൂർ മണ്ഡലം ജനറൽ സെക്രട്ടറി റഹിംഅധ്യക്ഷത വഹിച്ചു. സജി അരങ്ങ്, എൻ.അനിൽകുമാർ, രാമചന്ദ്രൻ പിള്ള ,സുഭാഷ് ചന്ദ്രൻ ,സമരസമിതി ജനറൽ കൺവീനർ കെ.കെ.നിസാർ, ചാത്തന്നൂർ വികസന സമിതി കൺവീനർ ജി.പി.രാജേഷ്,യൂത്ത് ലീഗ് ജില്ലാ ജോയിന്‍റ് സെക്രട്ടറി മുഹമ്മദ് ഖൈസ്, ചാത്തന്നൂർ വികസന സമിതി എക്സിക്യൂട്ടീവ് കമ്മിറ്റിയംഗം പി.ദിനകരൻ, ഷിബിനാഥ് എന്നിവർ പ്രസംഗിച്ചു. സത്യഗ്രഹ സമരത്തിന്‍റെ ഇരുപത്തി ഏഴാം ദിവസമായ ഇന്ന് വ്യാപാരി വ്യവസായി സമിതി ചാത്തന്നൂർ യൂണിറ്റ് സെക്രട്ടറി എസ്.ബിനു സത്യഗ്രഹമനുഷ്ടിക്കും. രാവിലെ വ്യാപാരി വ്യവസായി സമിതി ചാത്തന്നൂർ ഏരിയാ പ്രസിഡന്‍റ് ജയചന്ദ്രൻ സത്യഗ്രഹം ഉദ്ഘാടനം ചെയ്യും. വ്യാപാരി വ്യവസായി സമിതി ചാത്തന്നൂർ യൂണിറ്റിന്‍റെ നേതൃത്വത്തിലാണ് റിലേസത്യഗ്രഹം നടക്കുന്നത്.

മഴവില്ലഴകുള്ള നസർബാത്ത് നെല്ല് പൂവറ്റൂരിൽ വിളയിച്ച് സുബിത്ത്

കൊട്ടാരക്കര: പൂവറ്റൂർ ഗ്രാമത്തിൽ മഴവില്ലഴക് വിരിച്ചുനിൽക്കുന്ന പന്ത്രണ്ട് ഏക്കറോളം കൃഷി ആർക്കും കൗതുകം ജനിപ്പിക്കും. വയലറ്റ് നിറത്തിൽ പാടം നിറഞ്ഞുനില്ക്കുന്നതുകാണാൻ കാഴ്ചക്കാരുടെ ബാഹുല്യമാണ്. നെൽകൃഷിയുടെ വിവിധ തരത്തിലുള്ള വൈവിധ്യമാർന്ന പരീക്ഷണരീതിയിലൂടെ വിജയം കൊയ്തെടുക്കുകയാണ് ചന്ദനത്തോപ്പ് ഗവ. ഐടിഐയിലെ സീനിയർ അധ്യാപകനായ പൂവറ്റൂർ കിഴക്ക് ശ്യാമളത്തിൽ ബി. സുബിത്ത്. മഹാരാഷ്ട്രയുടെ പരമ്പരാഗത നെല്ലിനമായ നസർബാത്താണ് അസാധാരണ വയലറ്റ് നിറത്തോട് കൂടി പൂവറ്റൂർ തെങ്ങുംതറ പാടത്ത് കൗതുകകാഴ്ചയായി മാറിയിരിക്കുന്നത്. രണ്ടര ഏക്കറോളം സ്ഥലത്ത് നേരത്തെയും സുബിത് വിവിധ ഇനം നെൽകൃഷി പരീക്ഷിച്ചു വിജയം നേടിയിരുന്നു. പൂവറ്റൂർ ഗ്രാമത്തിലെ പ്രധാന കർഷകരിൽ ഒരാളായിരുന്നു സുബിത്തിന്‍റെ മുത്തച്ഛൻ ഗോപാലൻനായർ. അച്ഛൻ ബഹുലേയൻ നായർ, അമ്മ ശ്യാമള എന്നിവർ കൃഷികാര്യത്തിൽ മുൻപന്തിയിലായിരുന്നു. പ്രവാസി ജീവിതം മതിയാക്കി തിരിച്ച് നാട്ടിലെത്തിയപ്പോൾ സ്വന്തമായുള്ള അൻപത് സെന്‍റ് പുരയിടത്തിൽ വിവിധയിനം പച്ചക്കറികൃഷിയും ഇതോടൊപ്പം തന്നെ പാട്ടത്തിനെടുത്ത രണ്ടര ഏക്കർ ഭൂമിയിൽ നെൽകൃഷിയും തുടങ്ങി. ചേറാടി, രക്തശാലി, ബ്ലാക്ക് റൈസ്, കറുത്ത ഞവര, ഗന്ധകശാല, തുടങ്ങിയവയും ഇതിനോടൊപ്പം തിരുപ്പതി ക്ഷേത്രത്തിലെ തുലാഭാരം തൂക്കുന്നതിനുള്ള കൃഷ്ണകൗമോദകം എന്ന വിത്തും പാടത്ത് കൃഷിയിറക്കി. മെച്ചപ്പെട്ട രീതിയിൽ ഉത്പന്നങ്ങൾ ലഭ്യമായിത്തുടങ്ങി. ഇതേ കാലയളവിൽ തന്നെ സുബിത്തിന് കൊല്ലം ചന്ദനത്തോപ്പ് ഗവ. ഐടിഐ യിൽ അധ്യാപകനായി ജോലിയും ലഭിച്ചു. പിന്നീട് വൈകുന്നേരവും അവധി ദിവസങ്ങളിലും മാത്രമായി കൃഷിയിടങ്ങളിലേയ്ക്ക് ഇറങ്ങുന്നത്. ഒരിക്കൽ സുബിത് കണ്ണൂർ ജില്ലയിലെ തില്ലങ്കരി എന്ന ഗ്രാമത്തിലെ പുതിയ ഇനങ്ങളിലുള്ള നെൽകൃഷികളെ കുറിച്ചു കൂടുതൽ അറിയുവാൻ അവിടെയെത്തി. നാട്ടുഗ്രാമങ്ങളിൽനിന്നും വയലറ്റ് നിറത്തോട് കൂടിയ നെൽമണിയുടെ വിത്ത് സുബിത് കരസ്ഥമാക്കി. മഹാരാഷ്ട്രയിലെ പരമ്പരാഗതമായ ഭക്ഷണത്തിനായി കൃഷി ചെയ്യുന്ന നസർബാത്ത് എന്ന ഇനത്തിലെ നെല്ലിനമാണ് പിന്നീട് സുബിത് പൂവറ്റൂർ ഗ്രാമത്തിലേക്ക് എത്തിച്ചത്. ഔഷധഗുണമേറേയുള്ള നെല്ലിനു വിലക്കൂടുതലാണ്. ആന്‍റിഓക്സിഡന്‍റുകളാൽ സമ്പുഷ്ടമായ അരിയിൽ നിയാസിൻ, തയാമിൻ, എന്നീ വിറ്റാമിനുകൾ ധാരാളം ഉണ്ട്. നിരവധി പുരസ്‌കാരങ്ങളും സുബിത്തിനെ തേടിയെത്തി. മികച്ച കർഷകനുള്ള വെട്ടിക്കവല ബ്ലോക്ക്‌ പഞ്ചായത്തിന്‍റെ അനുമോദനവും. കുളക്കട ഗ്രാമ പഞ്ചായത്തിന്‍റെ പുരസ്‌കാരവും സുബിത്തിന് ലഭിച്ചിട്ടുണ്ട്. പന്ത്രണ്ട് ഏക്കറോളം വരുന്ന കൃഷി ഭൂമിയിൽ നെൽ കൃഷിയ്ക്കൊപ്പം പച്ചക്കറികൃഷിയിലും സുബിത് നേട്ടം കൊയ്യുന്നുണ്ട്. ഭാര്യ അപർണയും മക്കൾ അഗ്നിഭഗത്തും അഗ്നിജതൻവിയും കൃഷികാര്യത്തിൽ കൂടെക്കൂടാറുണ്ട്. കുളക്കട പഞ്ചായത്തിലെ മികച്ച കുട്ടികർഷകനായി പൂവറ്റൂർ എൽപി സ്കൂളിലെ മൂന്നാം ക്ലാസ് വിദ്യാർഥിയായ അഗ്നിഭഗത്തിനെ തെരഞ്ഞെടുത്തിട്ടുണ്ട്. രാജേഷ്. എസ്. കൊട്ടാരക്കര

ഇത്തിക്കരയിൽ സഞ്ചാര സ്വാതന്ത്ര്യ സമരം തുടരുന്നു

കൊട്ടിയം: ഇത്തിക്കരയിൽ സഞ്ചാര സ്വാതന്ത്ര്യം നിഷേധിച്ചു കൊണ്ടുള്ള ദേശീയപാത നിർമാണ പ്രവർത്തനങ്ങൾക്കെതിരെ നടക്കുന്ന സത്യഗ്രഹ സമരത്തിന്‍റെ പന്ത്രണ്ടാം ദിവസം ആദിച്ചനല്ലൂർ മുൻ പഞ്ചായത്ത്‌ പ്രസിഡന്‍റ്‌ ഷീല ബിനു സത്യഗ്രഹം അനുഷ്ടിച്ചു. സമരസമിതി കൺവീനർ ജി. രാജുവിന്‍റെ നേതൃത്വത്തിൽ ചേർന്ന യോഗത്തിൽ എസ്എൻവിആർസി ബാങ്ക് പ്രസിഡന്‍റും കെപിസിസി അംഗവുമായ നെടുങ്ങോലം രഘു സത്യഗ്രഹം ഉദ്ഘാടനം ചെയ്തു. കോൺഗ്രസ്‌ ചാത്തന്നൂർ മണ്ഡലം പ്രസിഡന്‍റ് ബിജു വിശ്വരാജൻ, ആർഎസ്പിമണ്ഡലം സെക്രട്ടറി ഷാലു വി.ദാസ്, രാജൻ തട്ടാമല, ബ്ലോക്ക്‌ കോൺഗ്രസ്‌ കമ്മിറ്റി പ്രസിഡന്‍റ് മേടയിൽ മജീദ്, മുൻ പഞ്ചായത്ത്‌ അംഗം റംലാ ബഷീർഎന്നിവർ ഐക്യദാർഢ്യം പ്രഖ്യാപിച്ചു പ്രസംഗിച്ചു. മുൻ ചാത്തന്നൂർ പഞ്ചായത്ത്‌ പ്രസിഡന്‍റ് സുരേഷ്, ശശിധരൻ പിള്ള, ഐഎൻടിയുസി മണ്ഡലം പ്രസിഡന്‍റ്‌ സുഗതൻ പറമ്പിൽ, മുൻ ബ്ലോക്ക്‌ പഞ്ചായത്ത്‌ അംഗം മൈലക്കാട് സുനിൽ എന്നിവർ പങ്കെടുത്തു. വൈകുന്നേരം നടന്ന സമാപന ചടങ്ങിൽ ആദിച്ചനല്ലൂർ പഞ്ചായത്ത്‌ പ്രസിഡന്‍റ്‌ രേഖ. എസ് ചന്ദ്രൻ നാരങ്ങാനീര് നൽകി സത്യഗ്രഹം അവസാനിപ്പിച്ചു.

മോദിഭരണത്തിൽ രാജ്യം നേടിയത് വൻ വളർച്ച: അഡ്വ.എസ് .സുരേഷ്

കുണ്ടറ: പത്ത് വർഷം മുമ്പ് ലോകത്തെ അഞ്ച് ദരിദ്രരാജ്യങ്ങളിൽ ഒന്നായി രുന്നു ഇന്ത്യയുടെ സ്ഥാനമെങ്കിൽ മോദിസർക്കാർ അധികാരമേറ്റ ശേഷം ലോക സാമ്പത്തിക ശക്തികളിൽ നാലാം സ്ഥാനത്തായി രാജ്യം മാറിയതായി ബിജെപി സംസ്ഥാന ജനറൽ സെക്രട്ടറി അഡ്വ .എസ് സുരേഷ് പറഞ്ഞു. ബിജെപി പെരിനാട് പഞ്ചായത്ത് സമിതിയുടെ നേതൃത്വത്തിൽ ചെറുമൂട്ടിൽ സംഘടിപ്പിച്ച വികസിത പെരിനാട് ബഹുജന സംഗമപരിപാടി ഉദ്ഘാടനം ചെയ്ത് പ്രസംഗിക്കുകയായിരുന്നുഅദ്ദേഹം. പഞ്ചായത്ത് സമിതി പ്രസിഡന്‍റ് ഷാജു അധ്യക്ഷതവഹിച്ചു. ജില്ലാ ജനറൽ സെക്രട്ടറി ഇടവട്ടം വിനോദ്, സംസ്ഥാനസമിതി അംഗം വെള്ളിമൺ ദിലീപ് , ജില്ലാ വൈസ് പ്രസിഡന്‍റ് വിജയലക്ഷ്മി, പ്രതിലാൽ, മണ്ഡലം പ്രസിഡന്‍റ് സച്ചു പ്രസാദ് , ചിറക്കോണം സുരേഷ്തുടങ്ങിയവർ പ്രസംഗിച്ചു.

പ്രവാസി പരവൂർ പ്രതിഭാസംഗമം നടത്തി

പരവൂർ: പ്രവാസി പരവൂരിന്‍റെ പ്രതിഭാസംഗമംകോട്ടപ്പുറം എൽപി സ്കൂളി ൽ വച്ച് നടത്തി. സംസ്ഥാന വിദ്യാഭ്യാസ കരിക്കുലം ശാസ്ത്ര ഉപസമിതി അംഗംഡോ. ആർ. പ്രസന്നകുമാർ ഉദ്ഘാടനം ചെയ്തു. ഹരീഷ്, വൈശാഖ് എന്നിവർ വിവിധ വിഷയങ്ങളിൽ പ്രഭാഷണം നടത്തി.ചടങ്ങിൽ വിദ്യാഭ്യാസമികവ് തെളിയിച്ച പ്രവാസി കുടുംബത്തിലെ കുട്ടികളെയും നാട്ടിലെ ബഹുമുഖപ്രതിഭകളെയും അനുമോദിച്ചു. വൈസ് പ്രസിഡന്‍റ്‌ ശ്രീജ മധുവിന്‍റെ അധ്യക്ഷതയിൽ കൂടിയ യോഗത്തിൽ സെക്രട്ടറി ഹരീഷ് കുമാർ, ഉപദേശക സമിതി അംഗം സത്യപ്രകാശ് എന്നിവർ പ്രസംഗിച്ചു.

മലയാളം ഐക്യവേദി മണ്ഡലം സമ്മേളനം

പാരിപ്പള്ളി : മലയാള ഐക്യവേദി ചാത്തന്നൂർ മണ്ഡലം സമ്മേളനം നടന്നു. താലൂക്ക് ലൈബ്രറി കൗൺസിൽ സെക്രട്ടറി അഡ്വ. കെ.പി. സജിനാഥ് സമ്മേളനം ഉദ്ഘാടനം ചെയ്തു. മണ്ഡലം പ്രസിഡന്‍റ് ജി. ദിവാകരൻ അധ്യക്ഷനായിരുന്നു. ജില്ലാ സെക്രട്ടറി പ്ലക്കാട് ശ്രീകുമാർ സംഘാടന റിപ്പോർട്ടും സി.വി. പ്രസന്നകുമാർ പ്രവർത്തന റിപ്പോർട്ടും അവതരിപ്പിച്ചു. ഡോ. ആർ. പ്രസന്നകുമാർ ,എസ്.ആർ. മണികണ്ഠൻ, ജി. പ്രസാദ് കുമാർ, വി. പി. രാജീവൻ, മാമ്പള്ളി ജി.ആർ. രഘുനാഥൻ, വി. രാധാകൃഷ്ണൻ, ജി. സദാനന്ദൻ, കെ.ജി. രാജു എന്നിവർ പ്രസംഗിച്ചു. ഭാരവാഹികളായി ജി. ദിവാകരൻ -പ്രസിഡന്‍റ് , എസ്. ആർ. മണികണ്ഠൻ -സെക്രട്ടറി, ജയശ്രീ മോഹൻ, സുഭാഷ് ബാബു -വൈ. പ്രസിഡന്‍റുമാർ , സി. വി. പ്രസന്നകുമാർ, അജിത് കുമാർ -ജോ. സെക്രട്ടറിമാർ, ജി. പ്രസാദ് കുമാർ -കൺവീനർ, വി.രാധാകൃഷ്ണൻ -ജോ. കൺവീനർ, കെ. ജി. രാജു - ട്രഷറർ എന്നിവരെ തെരഞ്ഞെടുത്തു.

കാഷ്യു കോൺക്ലേവ് ഇന്ന് കൊല്ലത്ത്

കൊല്ലം: കശുവണ്ടി മേഖല നേരിടുന്ന ആഗോള, രാജ്യാന്തര പ്രശ്‌നങ്ങൾ ഉൾപ്പെടെ ചർച്ച ചെയ്യുന്നതിനും പുതിയ ആശയങ്ങൾ സമാഹരിക്കുന്നതിനും കശുവണ്ടി മേഖലയിലെ വിദഗ്‌ധർ, വ്യവസായ കേ ട്രേഡ് യൂണിയൻ പ്രതിനിധികൾ, തൊഴിലാളികൾ എന്നിവരെ ഉൾപ്പെടുത്തി ചരിത്രദൗത്യവുമായി കാഷ്യു കോൺക്ലേവ് ഇന്നു സർക്കാർ സംഘടിപ്പിക്കുന്നു. കൊല്ലം ശ്രീനാരായണഗുരു സാംസ്‌കാരിക സമുച്ചയത്തിലാണ് കോൺക്ലേവ് സംഘടിപ്പിക്കുന്നത്. ഏകദിന കാഷ്യൂ കോൺക്ലേവിന്‍റെ ഉദ്ഘാടനം ഇന്നു രാവിലെ 10നു മന്ത്രി പി. രാജീവ് നിർവഹിക്കും. മന്ത്രി കെ.എൻ.ബാലഗോപാൽ അധ്യക്ഷനാകുന്ന ചടങ്ങിൽ മന്ത്രിമാരായ ജെ.ചിഞ്ചുറാണി, ജി.ആർ.അനിൽ, കെ.ബി.ഗണേഷ് കുമാർ എന്നിവർ പങ്കെടുക്കും. ജില്ലയിലെ എംപി മാർ, എംഎൽഎ മാർ, കശുവണ്ടി മേഖലയിലെ വിദഗ്‌ധർ,വ്യവസായികൾ, ട്രേഡ് യൂണിയൻ പ്രതിനിധികൾ, തൊഴിലാളികൾ എന്നിവർ കോൺക്ലേവിൽ സന്നിഹിതരാകും. തുടർന്നു 11.30 മുതൽ വിവിധ മേഖലകളിലായി മന്ത്രിമാർ,ജനപ്രതിനിധികൾ, വിദഗ്‌ധർ, ട്രേഡ് യൂണിയൻ പ്രതിനിധികൾ, വ്യവസായികൾ, തൊഴിലാളികൾ, ഉദ്യോഗസ്ഥപ്രമുഖർ എന്നിവർ പങ്കെടുക്കുന്ന വിവിധ സെഷനുകൾ നടക്കും. കശുവണ്ടി വികസനകോർപറേഷന്‍റെയും കാപ്പെക്‌സിന്‍റെയും കശുവണ്ടി ഉൽപ്പന്നങ്ങളുടെ വിപണനവുമായി ബന്ധപ്പെട്ട് വ്യവസായ വകുപ്പും ഭക്ഷ്യവകുപ്പും തമ്മിൽ ഒപ്പു വച്ച ധാരണാപത്രം മന്ത്രിമാരായ പി.രാജീവും ജി.ആർ. അനിലും തമ്മിൽ കൈമാറും. ഉച്ചകഴിഞ്ഞ് മൂന്നിനുള്ള സമാപന സമ്മേളനം മന്ത്രി കെ. എൻ. ബാലഗോപാൽ ഉദ്ഘാടനം ചെയ്യും. കശുവണ്ടി വ്യവസായം നിലനിർത്താനും ഇതിന്‍റെ ഭാഗമായി ജീവിതം കരുപ്പിടിപ്പിക്കുന്ന തൊഴിലാളികളെ സംരക്ഷിക്കുന്നതിനും പദ്ധതികളെകുറിച്ചും കോൺക്ലേവ് ചർച്ച ചെയ്യും.500 പേരാണ് ഓരോ സെഷനിലും പങ്കെടുക്കുന്നത്. ഉച്ചയ്ക്ക് രണ്ടു മുതൽ തൊഴിലാളികളുടെ കലാപരിപാടികളും 2.45 ന് സമാപന സമ്മേളനവും നടക്കും.

തിരുട്ടു സംഘത്തിന്‍റെ തട്ടിപ്പ് : കൊടിക്കുന്നിൽ സുരേഷ്

കൊല്ലം: ശബരിമല അയ്യപ്പന്‍റെ പൊന്ന് അടിച്ചുമാറ്റിയ തിരുട്ട്സംഘത്തിന്‍റെ മറ്റൊരു തട്ടിപ്പാണ് കോൺക്ലേവ് എന്ന് കൊടിക്കുന്നിൽ സുരേഷ് എംപി. പൂട്ടിപ്പോയ 864 ഫാക്‌ടറികൾ തുറന്ന് ജോലി കൊടുക്കാൻ കഴിയാത്തവർ ക്ലോൺക്ലേവ് നടത്തി തൊഴിലാളികളുടെ കണ്ണിൽ പൊടിയിടാനാണ് ശ്രമിക്കുന്നതെന്നും കൊടിക്കുന്നിൽ സുരേഷ് കുറ്റപ്പെടുത്തി. 864 ൽ പരം ഫാക്‌ടറികളുണ്ടായിരുന്ന കേരളത്തിൽ നിലവിൽ നൂറോളം ഫാക്ടറികൾ മാത്രമാണ് പ്രവർത്തിക്കുന്നത്. ഒന്നര ലക്ഷത്തോളം തൊഴിലാളികൾക്കാണ് ജോലി നഷ്ടപ്പെട്ടിട്ടുള്ളത്. അവരുടെ കുടുംബങ്ങൾക്ക് ഇഎസ്ഐ പരിരക്ഷ ഇല്ലാതായി. വലിയ ഒരു വിഭാഗം തൊഴിലാളികൾ പിഎഫ് പെൻഷൻ പദ്ധതിയിൽ നിന്നു തന്നെ പുറത്തായി. ശുദ്ധ തട്ടിപ്പെന്ന് യുടിയുസി കൊല്ലം: കാഷ്യു കോൺക്ലേവ് ശുദ്ധതട്ടിപ്പാണെന്നു യുടിയുസി ദേശീയപ്രസിഡന്‍റ് എ.എ. അസീസ് പത്രസമ്മേളനത്തിൽ കുറ്റപ്പെടുത്തി. സർക്കാർ തൊഴിലാളികളെ വഞ്ചിച്ചു മുന്നോട്ടു പോകുന്ന സാഹചര്യത്തിൽ കാഷ്യു കോൺക്ലേവിനെതിരേ ഇന്ന് പ്രതിഷേധസംഗമം സംഘടിപ്പിക്കും. ഇന്നു കശുവണ്ടി തൊഴിലാളികളുടെയും ജീവനക്കാരുടെയും പ്രതിഷേധ സംഗമം ചിന്നക്കടയിൽ നടത്തും. ആർഎസ്പി സംസ്ഥാന സെക്രട്ടറി ഷിബു ബേബി ജോൺ ഉദ്ഘാടനം ചെയ്യും. ഭരണത്തിലേറി ഒന്പതു വർഷമായിട്ടും കശുവണ്ടി വ്യവസായത്തെയും തൊഴിലാളികളെയും സംബന്ധിച്ച് ചിന്തിച്ചിട്ടില്ലാത്ത സംസ്ഥാന ഗവൺമെന്‍റ് തെരഞ്ഞെടുപ്പ് പടിവാതുക്കൽ എത്തിനിൽക്കുമ്പോഴാണ് തൊഴിലാളികളെയും നാട്ടുകാരെയും പറ്റിക്കാൻ കാഷ്യു കോൺക്ലേവ്എന്ന കാപട്യവുമായി വന്നതെന്ന് എ.എ.അസീസും ജനറൽ സെക്രട്ടറി സജി.ഡി. ആനന്ദും കുറ്റപ്പെടുത്തി. പത്രസമ്മേളനത്തിൽ ആർഎസ്പി ജില്ലാ സെക്രട്ടറികെ.എസ്.വേണുഗോപാൽ, ഇടവനശേരി സുരേന്ദ്രൻ, ടി.കെ. സുൽഫി എന്നിവരും പങ്കെടുത്തു. അടഞ്ഞു കിടന്ന ഫാക്ട‌റി തൊഴിലാളികളുടെ ഗ്രാറ്റുവിറ്റി അടക്കമുള്ള ആനുകൂല്യങ്ങൾ അപഹരിക്കപ്പെട്ടിട്ടും സർക്കാരോ ഇടതു യൂണിയനുകളോ മിണ്ടിയിട്ടില്ല.ദേശീയ പാതയോരത്തടക്കം പല ഫാക്‌ടറികളും റിയൽ എസ്റ്റേറ്റ് മാഫിയക്കു മറിച്ചു വിൽക്കാൻ ഇടനിലക്കാരായി പ്രവർത്തിച്ചവരാണ് ജില്ലയിലെ ഇടതു നേതാക്കളെന്നും അദ്ദേഹം അഭിപ്രായപ്പെട്ടു. കശുവണ്ടി വികസന കോർപറേഷനും കാപെക്‌സും നടത്തിയ തോട്ടണ്ടി ഇറക്കുമതിയിൽ വൻ തോതിൽ അഴിമതി നടന്നെന്ന വിവരം ഇപ്പോൾ പുറത്തുവരികയാണ്. കഴിഞ്ഞ ഒന്പത് വർഷത്തിൽ 100 ദിവസം തികച്ച് ജോലി നൽകിയ വർഷങ്ങൾ വിരളമാണ്. കാഷ്യൂ കോർപറേഷൻ ഫാക്‌ടറികളിലെ സാധാരണ തൊഴിലാളികൾക്ക് പ്രമോഷനായി വരേണ്ട നിരവധി തസ്‌തിക കളാണ് ഇപ്പോഴത്തെ ചെയർമാന്‍റെ കാർമികത്വത്തിൽ ഇല്ലാതാക്കിയത്. പത്ര സമ്മേളനത്തിൽ യൂണിയൻ ജനറൽ സെക്രട്ടറി അഡ്വ. സവിൻ സത്യൻ, ഡിസിസി പ്രസിഡന്‍റ് പി.രാജേന്ദ്ര പ്രസാദ് എന്നിവർ പങ്കെടുത്തു.

വിശ്വാസ സംരക്ഷണ യാത്ര കൊല്ലത്ത് 15, 16 തീയതികളിൽ

കൊല്ലം: ശബരിമലയിലെ വിശ്വാസ വഞ്ചനയ്ക്കും സ്വർണ കൊള്ളയ്ക്കും എതിരെ കെപിസിസിയുടെ നേതൃത്വത്തിൽ യുഡിഎഫ് കൺവീനർ അടൂർ പ്രകാശ് എംപി നയിക്കുന്ന വിശ്വാസ സംരക്ഷണ യാത്ര 15, 16 തീയതികളിൽ കൊല്ലം ജില്ലയിൽ പര്യടനം നടത്തും. 15ന് വൈകുന്നേരം അഞ്ചിന് ചിന്നക്കടയിൽ ആർഎസ്പി സംസ്ഥാന സെക്രട്ടറി ഷിബുബേബിജോൺ ഉദ്ഘാടനം ചെയ്യും. 16ന് രാവിലെ 10ന് ശാസ്താംകോട്ടയിൽ കെപിസിസി വർക്കിംങ് പ്രസിഡന്‍റ് പി.സി.വിഷ്ണുനാഥ് എംഎൽഎയും 11.30ന് കൊട്ടാരക്കരയിൽ മുൻമന്ത്രി തിരുവഞ്ചൂർ രാധാകൃഷ്ണനും യോഗം ഉദ്ഘാടനം ചെയ്യും. ഉച്ചകഴിഞ്ഞ് ് അഞ്ചലിൽ മുൻ മന്ത്രി എം.എം.ഹസൻ ഉദ്ഘാടനം ചെയ്യുമെന്ന് ഡി സി സി പ്രസിഡന്‍റ് പി. രാജേന്ദ്രപ്രസാദ് അറിയിച്ചു.

കുഴിമതിക്കാട് മിനി സ്റ്റേഡിയം നാടിനു സമർപ്പിച്ചു

കുണ്ടറ : കുഴിമതിക്കാട് സർക്കാർ ഹയർ സെക്കൻഡറി സ്കൂളിലെ മൈതാനം 1.50 കോടി രൂപ ചെലവിൽ നവീകരിച്ച് ആധുനിക സജ്ജീകരണങ്ങളോടെ മിനി സ്റ്റേഡിയമാക്കിയതിന്‍റെ ഉദ്ഘാടനം മന്ത്രി കെ.എൻ.ബാലഗോപാൽ നിർവഹിച്ചു. ഫ്ലഡ് ലൈറ്റ് സ്ഥാപിച്ച് കായികമത്സരങ്ങൾ സംഘടിപ്പിക്കാൻ കഴിയുംവിധമാണ് പുതിയ സംവിധാനമെന്ന് മന്ത്രി പറഞ്ഞു. ഇരിപ്പിടങ്ങളും ക്രിക്കറ്റ്‌ പരിശീലനത്തിനുള്ള നെറ്റ് സംവിധാനവും ഏർപ്പെടുത്തി. വെളിയത്ത് മൈതാന നിർമാണം പൂർത്തിയായെന്നും മന്ത്രി അറിയിച്ചു. കരീപ്ര ഗ്രാമപഞ്ചായത്ത് പ്രസിഡന്‍റ് എസ്.എസ്.സുവിധ അധ്യക്ഷയായി. കൊട്ടാരക്കര ബ്ലോക്ക് പഞ്ചായത്ത് പ്രസിഡന്‍റ് എ. അഭിലാഷ് മുഖ്യപ്രഭാഷണം നടത്തി. ജില്ലാ പഞ്ചായത്ത് അംഗം ജയശ്രീ വാസുദേവൻ പിള്ള, വൈസ് പ്രസിഡന്‍റ് സി .ഉദയകുമാർ, ബ്ലോക്ക് പഞ്ചായത്ത് അംഗം എം. തങ്കപ്പൻ, സ്പോർട്സ് കേരള ഫൗണ്ടേഷൻ ചീഫ് എൻജിനീയർ അനിൽകുമാർ, തദ്ദേശസ്ഥാപന പ്രതിനിധികൾ തുടങ്ങിയവർ പങ്കെടുത്തു.

സ്വപ്നവീടിന്‍റെ താക്കോൽ കൈമാറി

കരുനാഗപ്പള്ളി: ഗ്രന്ഥശാല വാർഷികത്തോടനുബന്ധിച്ച് ഇടക്കുളങ്ങര പുലിയൂർ വഞ്ചി ജനകീയ ലൈബ്രറി പ്രവർത്തകർ പ്രദേശത്തെ നിരാലംബനായ യുവാവിനായി നിർമിച്ച സ്വപ്ന വീടിന്‍റെ താക്കോൽ കൈമാറി. ഗ്രന്ഥശാലയ്ക്ക് സമീപം മുണ്ടപ്പള്ളി കിഴക്കതിൽ അനി എന്ന യുവാവിനാണ് വീട് നിർമിച്ചു നൽകിയത്. ഗ്രന്ഥശാലാ പ്രവർത്തകർ മുൻകൈയെടുത്ത് ഇദ്ദേഹത്തെ ദീർഘനാൾ ചികിത്സയ്ക്ക് വിധേയമാക്കിയിരുന്നു. മാതാപിതാക്കൾ നഷ്ടപ്പെട്ട യുവാവ് ഗ്രന്ഥശാലാ പ്രവർത്തകരുടെ ചികിത്സയുടെയും പരിചരണത്തിന്‍റെയും ഭാഗമായി പൂർണആരോഗ്യത്തിലേക്ക് തിരിച്ചുവരുകയാണ്. ഈ സാഹചര്യത്തിലാണ് യുവാവിന് സ്വന്തമായി ഒരു വീട് എന്ന സ്വപ്നം യാഥാർഥ്യമാക്കാൻ കൂടി ഗ്രന്ഥശാല പ്രവർത്തകർ മുന്നിട്ടിറങ്ങിയത്. വാർഷികാഘോഷ ഭാഗമായി നടന്ന പൊതുസമ്മേളനത്തിൽ മന്ത്രി ജെ.ചിഞ്ചുറാണി സ്വപ്ന വീടിന്‍റെ താക്കോൽ കൈമാറി. തൊഴിലുറപ്പ് തൊഴിലാളികളെ സി .ആർ. മഹേഷ് എംഎൽഎ ആദരിച്ചു.അങ്കണവാടി ആശാ പ്രവർത്തകർ, ഹരിത കർമസേനാംഗങ്ങൾ എന്നിവരേയും ആദരിച്ചു. ആദ്യകാല ഗ്രന്ഥശാല പ്രവർത്തകരെ താലൂക്ക് ലൈബ്രറി കൗൺസിൽ സെക്രട്ടറി വി .വിജയകുമാർ ആദരിച്ചു. വിദ്യാഭ്യാസ അവാർഡുകൾ ഗ്രാമപഞ്ചായത്ത് പ്രസിഡന്‍റ് ബിന്ദു വിജയകുമാറും കൈമാറി. ഗ്രന്ഥശാല പ്രസിഡന്‍റ്എസ് .സുനിൽകുമാർ അധ്യക്ഷനായി.സെക്രട്ടറി എസ് .കെ .അനിൽ, അനിൽ എസ്.കല്ലേലിഭാഗം, ടി .രാജീവ്, സുധീർ കാരിക്കൽ, ബിന്ദു രാമചന്ദ്രൻ തുടങ്ങിയവർ പങ്കെടുത്തു. പരിപാടിക്ക് മുന്നോടിയായി സാംസ്കാരിക ഘോഷയാത്രയും നടന്നു.

കെ.സി.പിള്ള സ്മാരക ഉദയ ഗ്രന്ഥശാലയിൽ പ്രതിഭാസംഗമം

ചവറ : തേവലക്കര പുത്തൻസങ്കേതം കെ.സി.പിള്ള സ്മാരക ഉദയ ഗ്രന്ഥശാലയിൽ പ്രതിഭാസംഗമം നടന്നു. വിവിധ മേഖലകളിൽ വ്യക്തിമുദ്ര പതിപ്പിച്ച ആളുകളുടെ സംഗമവും അനുമോദനവുമാണ് നടന്നത്. ഉദയാ ഗ്രന്ഥശാലയുടെ ആഭിമുഖ്യത്തിൽ നടന്ന പ്രതിഭാസംഗമം പ്രഭാഷകനും കണ്ണൂർ ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയർമാനുമായ വി. കെ. സുരേഷ്ബാബു ഉദ്ഘാടനം ചെയ്തു. ഗ്രന്ഥശാല പ്രസിഡന്‍റ് ്‌ മേടയിൽ അശോകൻ അധ്യക്ഷനായി. കരുനാഗപ്പള്ളി താലുക്കിലെ മികച്ച ഗ്രന്ഥശാലാപ്രവർത്തകന് മേക്കാട് എ വൺ ഗ്രന്ഥശാല ഏർപ്പെടുത്തിയ പ്രഥമ ഫ്രാൻസിസ് സേവ്യർ പുരസ്‌ക്കാരത്തിന് അർഹനായ ഉദയ ഗ്രന്ഥശാലാ സെക്രട്ടറി കെ. എസ്. ബിജുകുമാർ, ലൈബ്രറി കൗൺസിൽ ഭാരവാഹികളായ ജില്ലാ പ്രസിഡന്‍റ് കെ. ബി. മുരളീകൃഷ്ണൻ, സെക്രട്ടറി എ. സലിം, താലൂക്ക് ലൈബ്രറി കൗൺസിൽ സെക്രട്ടറി വി. വിജയകുമാർ, അനിൽ പുത്തേഴം, ജില്ലാ ലൈബ്രറി കൗൺസിൽ അംഗം വട്ടത്തറ ശ്രീകുമാർ എന്നിവരെയും മികച്ച സേവനത്തിന് മുഖ്യ മന്ത്രിയുടെ എക്സൈസ് മെഡലിനർഹനായ എക്സൈസ് ഇൻസ്‌പെക്ടർ ദിലീപ് ചന്ദ്രൻ, ഉന്നത വിദ്യാഭ്യാസ വൈദ്യശാസ്ത്രരംഗങ്ങളിൽ മികവ് പുലർത്തിയവർ, എസ് എസ് എൽ സി പ്ലസ്ടു പരീക്ഷകളിൽ എ പ്ലസ് നേടിയവർ കലാ കായിക രംഗത്ത് മികവ് പുലർത്തിയവർ തുടങ്ങിയവരെ ചടങ്ങിൽ ആദരിച്ചു. ഐ. ഷിഹാബ്, അഡ്വ. മണിലാൽ, ആർ. രാജീവൻ, എസ്. പ്രസന്നകുമാരി, ഗ്രന്ഥശാലാ ജോയിന്റ് സെക്രട്ടറി എം. കെ. മുതാസ് തുടങ്ങിയവർ പ്രസംഗിച്ചു.

ബനഡിക്ട് മാര്‍ ഗ്രിഗോറിയോസ് നന്മയുടെ ആള്‍രൂപം: ബിഷപ്പ് സാമുവേല്‍ മാര്‍ ഐറേനിയോസ്

അഞ്ചല്‍ : ആര്‍ച്ച് ബിഷപ്പ് ബനഡിക്ട് മാര്‍ ഗ്രിഗോറിയോസ് നന്മയുടെ ആള്‍രൂപമായിരുന്നുവെന്ന് പത്തനംതിട്ട രൂപതാധ്യക്ഷന്‍ ബിഷപ്പ് സാമുവല്‍ മാര്‍ ഐറേനിയോസ് പറഞ്ഞു. മാര്‍ ഗ്രിഗോറിയോസിന്റെ 31-ാം ചരമ വാര്‍ഷികത്തോടനുബന്ധിച്ച് എംസിഎ അഞ്ചല്‍ വൈദിക ജില്ലയുടെ നേതൃത്വത്തില്‍ 19 ഇടവകകളും അഞ്ചല്‍ മാര്‍ ഗ്രിഗോറിയോസ് കാമ്പസിലെ സ്ഥാപനങ്ങളും സംയുക്തമായി നടത്തിയ അനുസ്മരണയോഗത്തില്‍ സന്ദേശം നല്‍കുകയായിരുന്നു ബിഷപ്പ്. അഞ്ചല്‍ സെന്‍റ് ജോണ്‍സ് സ്‌കൂള്‍ ഓഡിറ്റോറിയത്തില്‍ നടന്ന ചടങ്ങ് എംസിഎ സഭാതല സമിതി പ്രസിഡന്‍റ് എസ്.ആര്‍ ബൈജു ഉദ്ഘാടനം ചെയ്തു. എംസിഎ അഞ്ചല്‍ വൈദിക ജില്ലാ പ്രസിഡന്‍റ് രാജന്‍ ഏഴംകുളം അധ്യക്ഷത വഹിച്ച യോഗത്തില്‍ എംസിഎ മേജര്‍ അതിഭദ്രാസന സമിതി പ്രസിഡന്‍റ് റെജിമോന്‍ വര്‍ഗീസ്, സ്പിരിച്വല്‍ ഡയറക്ടര്‍ റവ. ഫാ. ജോണ്‍സണ്‍ പുതുവേലില്‍, അഞ്ചല്‍ വൈദിക ജില്ലാ വികാരി റവ. ഫാ. ബോവസ് മാത്യു, എംസിഎ സഭാതല മാനേജിംഗ് കമ്മിറ്റി അംഗം ഡോ.കെ.വി. തോമസ് കുട്ടി, വൈദിക ജില്ലാ ഉപദേഷ്ടാവ് റവ. ഫാ. ജോഷ്വാ കൊച്ചുവിളയില്‍, എംസിഎ വൈദിക ജില്ലാ സെക്രട്ടറി എന്‍.വി. വിന്‍സെന്‍റ് എന്നിവര്‍ പ്രസംഗിച്ചു. സെന്‍റ് ജോസഫ്‌സ് ഹോസ്പിറ്റല്‍ ഡയറക്ടര്‍ റവ. സിസ്റ്റര്‍ ലില്ലി തോമസ്, സെന്‍റ് ജോണ്‍സ് സ്‌കൂള്‍ പ്രിന്‍സിപ്പല്‍ മേരി പോത്തന്‍, സെന്‍റ് ജോണ്‍സ് കോളേജ് ബര്‍സാര്‍ റവ. ഫാ. ക്രിസ്റ്റി ചരുവിള, ഡിഎം. കോണ്‍വെന്‍റ് സുപ്പീരിയര്‍ സിസ്റ്റര്‍ ലിസി മരിയ, എംസിവൈഎം പ്രസിഡന്‍റ് ജോസഫ് കെവിന്‍ ജോര്‍ജ്, എംസിഎംഎഫ് അതിരൂപത പ്രസിഡന്‍റ് ലൗലി രാജന്‍, എംസിഎംഎഫ് വൈദിക ജില്ലാ പ്രസിഡന്‍റ് സുജ ജോസ്, എംസിഎ യൂണിറ്റ് പ്രസിഡന്‍റ് അനില്‍ എബ്രഹാം, മേജര്‍ അതിരൂപത പാസ്റ്റര്‍ കൗണ്‍സില്‍ അംഗം ലാലി തോമസ് എന്നിവര്‍ സന്നിഹിതരായിരുന്നു.

തദ്ദേശ തെരഞ്ഞെടുപ്പ്:സംവരണ മണ്ഡലങ്ങളായി

കൊല്ലം: ജില്ലയിലെ തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്‍റെ ഭാഗമായ സംവരണ മണ്ഡലങ്ങളുടെ നറുക്കെടുപ്പ് ജില്ലാ വരണാധികാരിയായ ജില്ലാകളക്ടര്‍ എന്‍.ദേവിദാസിന്‍റെ നേതൃത്വത്തില്‍ കളക്ടറേറ്റ് കോണ്‍ഫറന്‍സ് ഹാളില്‍ നടത്തി. ഇലക്ഷന്‍ ഡെപ്യൂട്ടി കളക്ടര്‍ ബി. ജയശ്രി, ജൂനിയര്‍ സൂപ്രണ്ട് കെ. സുരേഷ്, വിവിധ രാഷ്ട്രീയ പാര്‍ട്ടി പ്രതിനിധികള്‍ തുടങ്ങിയവര്‍ പങ്കെടുത്തു. പഞ്ചായത്ത്തല വിവരങ്ങള്‍ ചുവടെ: ഓച്ചിറ ഗ്രാമ പഞ്ചായത്ത് സംവരണ വിഭാഗം, സംവരണ നിയോജക മണ്ഡലത്തിന്‍റെ നമ്പരും പേരും: പട്ടികജാതി സ്ത്രീ സംവരണം-14- ചങ്ങന്‍കുളങ്ങര പട്ടികജാതി സംവരണം- 18- വലിയകുളങ്ങരവടക്ക് സ്ത്രീ സംവരണം 1-പായിക്കുഴി സ്ത്രീ സംവരണം 2-ഓച്ചിറ സ്ത്രീ സംവരണം 5-മേമനകിഴക്ക് സ്ത്രീ സംവരണം 6-വയനകം സ്ത്രീ സംവരണം 10-കൊറ്റമ്പള്ളി സ്ത്രീ സംവരണം 11-കൊറ്റമ്പള്ളി തെക്ക് സ്ത്രീ സംവരണം 13-ചങ്ങന്‍കുളങ്ങര വടക്ക് സ്ത്രീ സംവരണം 15-ചങ്ങന്‍കുളങ്ങര തെക്ക് സ്ത്രീ സംവരണം 17-വലിയകുളങ്ങര 2. കുലശേഖരപുരം ഗ്രാമ പഞ്ചായത്ത് പട്ടികജാതി സംവരണം 18-കൊച്ചുമാമൂട് സ്ത്രീ സംവരണം 2-കോട്ടയ്ക്കുപുറം സ്ത്രീ സംവരണം 4-കളരിവാതുക്കല്‍ സ്ത്രീ സംവരണം 6-പഞ്ചായത്ത്‌സെന്‍റര്‍ സ്ത്രീ സംവരണം 7-നീലികുളം സ്ത്രീ സംവരണം 10-മണ്ണടിശേരി സ്ത്രീ സംവരണം 11-പുത്തന്‍തെരുവ് സ്ത്രീ സംവരണം 13-പുന്നക്കുളം സ്ത്രീ സംവരണം 17-ഹെല്‍ത്ത്‌സെന്‍റര്‍ സ്ത്രീ സംവരണം 19-ശക്തികുളങ്ങര സ്ത്രീ സംവരണം 20-അയ്യന്‍കോയിക്കല്‍ സ്ത്രീ സംവരണം 21-സംഘപ്പുരമുക്ക് സ്ത്രീ സംവരണം 24-തുറയില്‍കടവ് 3. തഴവ ഗ്രാമ പഞ്ചായത്ത് പട്ടികജാതി സ്ത്രീ സംവരണം 9-പാലമൂട് പട്ടികജാതി സംവരണം 7-പാവുമ്പ വടക്ക് സ്ത്രീ സംവരണം 4-മണപ്പള്ളിവടക്ക് സ്ത്രീ സംവരണം 5-പാവുമ്പക്ഷേത്രം സ്ത്രീ സംവരണം 6-ചിറക്കല്‍ സ്ത്രീ സംവരണം 11-മണപ്പള്ളി സ്ത്രീ സംവരണം 13-അഴകിയകാവ് സ്ത്രീ സംവരണം 14-കുറ്റിപ്പുറം സ്ത്രീ സംവരണം 16-തഴവ സ്ത്രീ സംവരണം 19-തെക്കുംമുറിമേക്ക് സ്ത്രീ സംവരണം 20-കടത്തൂര്‍കിഴക്ക് സ്ത്രീ സംവരണം 23-സാംസ്‌കാരികനിലയം സ്ത്രീ സംവരണം 24-മുല്ലശേരി വാര്‍ഡ് 4. ക്ലാപ്പന ഗ്രാമ പഞ്ചായത്ത് പട്ടികജാതി സംവരണം 13-ക്ലാപ്പനവടക്ക്-എ സ്ത്രീ സംവരണം 1-പ്രയാര്‍തെക്ക്-എ സ്ത്രീ സംവരണം 2-പ്രയാര്‍തെക്ക്-ബി സ്ത്രീ സംവരണം 3-പ്രയാര്‍തെക്ക്-സി സ്ത്രീ സംവരണം 5-പ്രയാര്‍തെക്ക്-ഇ സ്ത്രീ സംവരണം 11-ക്ലാപ്പനകിഴക്ക് സ്ത്രീ സംവരണം 14-ക്ലാപ്പനവടക്ക്-ബി സ്ത്രീ സംവരണം 15-പെരിനാട്-എ സ്ത്രീ സംവരണം 16-പെരിനാട്-സി 5. ആലപ്പാട് ഗ്രാമ പഞ്ചായത്ത് പട്ടികജാതി സംവരണം 13-കൊച്ച് ഓച്ചിറ സ്ത്രീ സംവരണം 2-അഴീക്കല്‍-ബി സ്ത്രീ സംവരണം 3-അഴീക്കല്‍ - സി സ്ത്രീ സംവരണം 5-അഴീക്കല്‍ -ഇ സ്ത്രീ സംവരണം 6-ശ്രായിക്കാട് സ്ത്രീ സംവരണം 7-പറയകടവ് സ്ത്രീ സംവരണം 10-ചെറിയഴീക്കല്‍ -എ സ്ത്രീ സംവരണം 11-ചെറിയഴീക്കല്‍ - ബി സ്ത്രീ സംവരണം 14-പണ്ടാരത്തുരുത്ത് -എ 6. തൊടിയൂര്‍ ഗ്രാമ പഞ്ചായത്ത് പട്ടികജാതി സ്ത്രീ സംവരണം 12-മാലുമേല്‍ പട്ടികജാതി സ്ത്രീ സംവരണം 21-കല്ലേലിഭാഗം തെക്ക് പട്ടികജാതി സംവരണം 6-പുലിയൂര്‍വഞ്ചി തെക്ക് സ്ത്രീ സംവരണം 1-പുലിയൂര്‍വഞ്ചി പടിഞ്ഞാറ് സ്ത്രീ സംവരണം 3-പുലിയൂര്‍വഞ്ചി വടക്ക് സ്ത്രീ സംവരണം 4-ഇടക്കുളങ്ങരവടക്ക് സ്ത്രീ സംവരണം 7-പുലിയൂര്‍വഞ്ചി കിഴക്ക് സ്ത്രീ സംവരണം 8-പ്ലാവിളചന്ത സ്ത്രീ സംവരണം 9-എച്ച്എസ് വാര്‍ഡ് സ്ത്രീ സംവരണം 10-അരമത്ത്മഠം സ്ത്രീ സംവരണം 16-മുഴങ്ങോടി സ്ത്രീ സംവരണം 19-മാരാരിത്തോട്ടം സ്ത്രീ സംവരണം 23-കല്ലേലിഭാഗം വടക്ക് 7.ശാസ്താംകോട്ട ഗ്രാമപഞ്ചായത്ത് പട്ടികജാതി സ്ത്രീ സംവരണം 3-ഭരണിക്കാവ് ഈസ്റ്റ് പട്ടികജാതി സ്ത്രീ സംവരണം 4-സിനിമാപറമ്പ് പട്ടികജാതി സംവരണം 13-രാജഗിരി സ്ത്രീ സംവരണം 5-മുതുപിലാക്കാട്ഈസ്റ്റ് സ്ത്രീ സംവരണം 8-പെരുവേലിക്കര സ്ത്രീ സംവരണം 9-പുന്നമൂട് സ്ത്രീ സംവരണം 11-മനക്കരഈസ്റ്റ് സ്ത്രീ സംവരണം 15-പള്ളിശേരിക്കല്‍ സൗത്ത് സ്ത്രീ സംവരണം 16-പള്ളിശേരിക്കല്‍ പള്ളിമുക്ക് സ്ത്രീ സംവരണം 17-പള്ളിശേരിക്കല്‍ സ്ത്രീ സംവരണം 18-പള്ളിശേരിക്കല്‍ വെസ്റ്റ് സ്ത്രീ സംവരണം 20-മനക്കര 8. വെസ്റ്റ് കല്ലട ഗ്രാമപഞ്ചായത്ത് പട്ടികജാതി സ്ത്രീ സംവരണം 3-വലിയപാടംപടിഞ്ഞാറ് പട്ടികജാതി സ്ത്രീ സംവരണം 4-കടപ്പാക്കുഴി പട്ടികജാതി സംവരണം 15-പട്ടകടവ് സ്ത്രീ സംവരണം 5-വിളന്തറ സ്ത്രീ സംവരണം 8-കോയിക്കല്‍ഭാഗം സ്ത്രീ സംവരണം 10-ഉള്ളുരുപ്പ് സ്ത്രീ സംവരണം 11-ഐത്തോട്ടുവ വടക്ക് സ്ത്രീ സംവരണം 12-ഐത്തോട്ടുവ തെക്ക് സ്ത്രീ സംവരണം 13-ഐത്തോട്ടുവ പടിഞ്ഞാറ് 9. ശൂരനാട് സൗത്ത് ഗ്രാമപഞ്ചായത്ത് പട്ടികജാതി സ്ത്രീ സംവരണം 3-ഇരവിച്ചിറ നടുവില്‍ പട്ടികജാതി സ്ത്രീ സംവരണം 17-കിടങ്ങയം വടക്ക് പട്ടികജാതി സംവരണം 5-തൃക്കുന്നപ്പുഴവടക്ക് സ്ത്രീ സംവരണം 2-ഇരവിച്ചിറ സ്ത്രീ സംവരണം 4-ഇരവിച്ചിറ തെക്ക് സ്ത്രീ സംവരണം 7-ഇഞ്ചക്കാട് വടക്ക് സ്ത്രീ സംവരണം 8-ഇഞ്ചക്കാട് സ്ത്രീ സംവരണം 10-തൃക്കുന്നപ്പുഴതെക്ക് സ്ത്രീ സംവരണം 13-കുമരംചിറ സ്ത്രീ സംവരണം 14-നാലുമുക്ക് 10. പോരുവഴി ഗ്രാമ പഞ്ചായത്ത് പട്ടികജാതി സ്ത്രീ സംവരണം 9-ചാങ്ങയില്‍ക്കാവ് പട്ടികജാതി സ്ത്രീ സംവരണം 10-ബ്ലോക്ക്ഓഫീസ് വാര്‍ഡ് പട്ടികജാതി സംവരണം 17-പളളിമുറി സ്ത്രീ സംവരണം 1-ചാത്താകുളം സ്ത്രീ സംവരണം 2-മലനട സ്ത്രീ സംവരണം 3-മൂവക്കോട് സ്ത്രീ സംവരണം 5-ഇടയ്ക്കാട് സ്ത്രീ സംവരണം 8-അമ്പലത്തുംഭാഗം സ്ത്രീ സംവരണം 11-ശാസ്താംനട സ്ത്രീ സംവരണം 14-വള്ളിത്തുണ്ട് സ്ത്രീ സംവരണം 15-മയ്യത്തുംകര 11. കുന്നത്തൂര്‍ ഗ്രാമപഞ്ചായത്ത് പട്ടികജാതി സ്ത്രീ സംവരണം 11-പള്ളം പട്ടികജാതി സ്ത്രീ സംവരണം 17-കുന്നത്തൂര്‍ പടിഞ്ഞാറ് പട്ടികജാതി സംവരണം 8-പുത്തനമ്പലം കിഴക്ക് പട്ടികജാതി സംവരണം 15-തുരുത്തിക്കര കിഴക്ക് സ്ത്രീ സംവരണം 1-ഏഴാംമൈല്‍ സ്ത്രീ സംവരണം 2-മാനാമ്പുഴ സ്ത്രീ സംവരണം 4-തലയാറ്റ് സ്ത്രീ സംവരണം 6-കീച്ചപ്പിള്ളി സ്ത്രീ സംവരണം 12-നെടിയവിള സ്ത്രീ സംവരണം 13-ഐവിള സ്ത്രീ സംവരണം 16-തുരുത്തിക്കര പടിഞ്ഞാറ് 12. ശൂരനാട് നോര്‍ത്ത് ഗ്രാമപഞ്ചായത്ത് പട്ടികജാതി സ്ത്രീ സംവരണം 3-ആനയടി പട്ടികജാതി സ്ത്രീ സംവരണം 8-കുന്നിരാടം പട്ടികജാതി സംവരണം 9-നടുവിലമുറി സ്ത്രീ സംവരണം 2-സംഗമം സ്ത്രീ സംവരണം 4-വയ്യാങ്കര സ്ത്രീ സംവരണം 6-പാതിരിക്കല്‍ സ്ത്രീ സംവരണം 7-കണ്ണമം സ്ത്രീ സംവരണം 11-തെക്കേമുറി സ്ത്രീ സംവരണം 13-പടിഞ്ഞാറ്റക്കിഴക്ക് സ്ത്രീ സംവരണം 15-ഹൈസ്‌ക്കൂള്‍ ജംഗ്ഷന്‍ വാര്‍ഡ് സ്ത്രീ സംവരണം 18-പടിഞ്ഞാറ്റംമുറി 13. മൈനാഗപ്പള്ളി ഗ്രാമപഞ്ചായത്ത് പട്ടികജാതി സ്ത്രീ സംവരണം 10- വേങ്ങ സെന്‍ട്രല്‍ പട്ടികജാതി സ്ത്രീ സംവരണം 24-തെക്കന്‍ മൈനാഗപ്പള്ളി പട്ടികജാതി സംവരണം 11-വേങ്ങ തെക്ക് പട്ടികജാതി സംവരണം 21-കടപ്പ വടക്ക് സ്ത്രീ സംവരണം 1-വടക്കന്‍മൈനാഗപ്പള്ളി പടിഞ്ഞാറ് സ്ത്രീ സംവരണം 2-വടക്കന്‍മൈനാഗപ്പള്ളി കിഴക്ക് സ്ത്രീ സംവരണം 3-വടക്കന്‍മൈനാഗപ്പള്ളി തെക്ക് സ്ത്രീ സംവരണം 5-ഇടവനശ്ശേരി കിഴക്ക് സ്ത്രീ സംവരണം 6-ഇടവനശ്ശേരി തെക്ക് സ്ത്രീ സംവരണം 12-കോവൂര്‍ കിഴക്ക് സ്ത്രീ സംവരണം 15-കിഴക്കേക്കര വടക്ക് സ്ത്രീ സംവരണം 19-മൈനാഗപ്പള്ളി ടൗണ്‍ സ്ത്രീ സംവരണം 20-കടപ്പ പടിഞ്ഞാറ് സ്ത്രീ സംവരണം 22-തെക്കന്‍

കുണ്ടറയിൽ കാട്ടുപന്നിയിറങ്ങി

കുണ്ടറ : കുണ്ടറയിൽ കാട്ടുപന്നി ഇറങ്ങി . ഇളമ്പള്ളൂർ ഗ്രാമപഞ്ചായത്ത് ഒമ്പതാം വാർഡിൽ പെരുമ്പുഴ മാടൻകാവ് ക്ഷേത്രത്തിന് സമീപം ഇന്നല പുലർച്ചെയാണ് കാട്ടുപന്നി കടന്ന് പോകുന്നതായി കണ്ടത്. പ്രവാസിയായ പെരുമ്പുഴ വിപിൻ നിവാസിൽ വിപിന്‍റെ വീട്ടിലെ സിസി ടിവിയിൽ ആണ് ദൃശ്യം പതിഞ്ഞത് . ഈ പരിസരത്ത് കാടു മൂടിയ പുരയിടങ്ങൾ ധാരാളം ഉള്ളതിനാൽ രാത്രിയിൽ ഇഴ ജന്തുക്കളുടെയും മറ്റും താവളമാണ്. പന്നി ഇറങ്ങിയതിനാൽ പ്രദേശവാസികൾ ഭീതിയിലാണ്.

വാഹനാപകടത്തിൽ യുവാവിന് പരിക്ക്

കുളത്തൂപ്പുഴ : മലയോര ഹൈവെയിൽ കുളത്തുപ്പുഴ മടത്തറ പാതയിൽ കല്ലുവെട്ടാംക്കുഴി ജംഗ്ഷനിൽ സമീപം കഴിഞ്ഞ ദിവസം കാറും ഇരുചക്രവാഹനവും കൂട്ടിയിടിച്ചു യുവാവിന് ഗുരുതര പരിക്കേറ്റു. അമിത വേഗതയിൽ തമിഴ്നാട് സ്വദേശികൾ സഞ്ചരിച്ച കാർ വളവു തിരിയവേ നിയന്ത്രണം തെറ്റി ഇരുചക്രവാഹനത്തിലേക്ക് ഇടിച്ചു കയറുകയായിരുന്നു. അപകടത്തിൽ കല്ലുകുഴി രാജ്മഹലിൽ ബനഗൽരാജിന് ആണ് പരിക്കേറ്റത്. ഇദ്ദേഹത്തെ കടയ്ക്കൽ താലുക്ക് ഹോസ്പിറ്റലിൽ പ്രവേശിപ്പിച്ചു. കാർ യാത്രക്കാർ നിസാര പരിക്കുകളോടെ രക്ഷപ്പെട്ടു. സംഭവത്തിൽ കുളത്തുപ്പുഴ പോലീസ് കേസ് എടുത്തു.

കടയ്ക്കൽ സ്വദേശിനിയായ 62 കാരിക്ക് അമീബിക് മസ്തിഷ്ക ജ്വരം സ്ഥിരീകരിച്ചു

കൊല്ലം: കൊല്ലത്ത് കടയ്ക്കൽ സ്വദേശിനിയായ 62 കാരിക്ക് അമീബിക് മസ്തിഷ്ക ജ്വരം സ്ഥിരീകരിച്ചു. തൊഴിലുറപ്പ് തൊഴിലാളിയായ വയോധിക ശാരീരിക അസ്വസ്ഥതകളെ തുടർന്ന് പ്രാഥമികാരോഗ്യ കേന്ദ്രത്തിൽ ചികിത്സ തേടിയിരുന്നു. ആരോഗ്യാവസ്ഥ മോശമായതോടെ തിരുവനന്തപുരം മെഡിക്കൽ കോളജ് ആശുപത്രിയിൽ നടത്തിയ പരിശോധനയിലാണ് രോഗബാധ സ്ഥിരീകരിച്ചത്. വയോധിക നിലവിൽ മെഡിക്കൽ കോളജിൽ ചികിത്സയിലാണ്. കഴിഞ്ഞ മൂന്ന് ദിവസത്തിനിടെ അമീബിക് മസ്തിഷ്ക ജ്വരം മൂർച്ഛിച്ച് മരിച്ച രണ്ടു പേരും കൊല്ലം സ്വദേശികളാണ്. ഇതിനിടെ സംസ്ഥാനത്ത് അമീബിക് മസ്തിഷ്ക ജ്വരം ബാധിച്ചവരെക്കുറിച്ചുള്ള കണക്ക് ആരോഗ്യവകുപ്പ് പുറത്തുവിട്ടു. ഒറ്റദിവസം നാല് പേര്‍ക്കാണ് രോഗം സ്ഥിരീകരിച്ചത്. ഈ മാസം ഇതുവരെ 20 പേര്‍ക്കാണ് അമീബിക് മസ്തിഷ്ക ജ്വരം ബാധിച്ചിരിക്കുന്നത്.

എംഎൽഎയുടെ പദ്ധതികൾ ജനത്തെ പറ്റിക്കാനെന്ന് കോൺഗ്രസ്

പുനലൂർ: നിയമസഭാ തെരഞ്ഞെടുപ്പിന് ആറുമാസം ബാക്കിനിൽക്കെ കല്ലടയാറിന് കുറുകെ പാലവും ബൈപ്പാസും സാധ്യത പഠനങ്ങളും പട്ടയമേളയുമായി പുനലൂർ എംഎൽഎ രംഗത്തിറങ്ങിയിട്ടുള്ളത് ജനത്തെ പറ്റിക്കാനും തന്‍റെ കഴിവുകേടുകൾ മറച്ചുവയ്ക്കുവാനും ആണെന്ന് പുനലൂർ ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് സി .വിജയകുമാർ ആരോപിച്ചു. ആസ്്തി വികസന ഫണ്ടായി അഞ്ചു കോടി രൂപയും പ്രത്യേക വികസന ഫണ്ടായി ഒരു കോടി രൂപയും പ്രതിവർഷം എംഎൽഎക്ക് ലഭിക്കുമെന്നിരിക്കെ അഞ്ചുവർഷംകൊണ്ട് 30 കോടി രൂപ പുനലൂർ നിയോജക മണ്ഡലത്തിലെ വികസന പ്രവർത്തനങ്ങൾക്ക് ഉപയോഗിക്കാവുന്നതാണ്. ഇതുകൂടാതെ മറ്റ് നിരവധി പദ്ധതികളിലെ പണവും നിയോജകമണ്ഡലത്തിലെ വികസനത്തിനു വേണ്ടി എംഎൽഎമാർ ചെലവഴിക്കുന്നുണ്ട്. എന്നാൽ ഈ തുകയൊന്നും പുനലൂരിന്‍റ വികസനത്തിനു വേണ്ടി കാര്യക്ഷമമായി ചെലവഴിക്കാത്ത പുനലൂർ എംഎൽഎ തെരഞ്ഞെടുപ്പ് അടുത്തപ്പോൾ പുതിയ പദ്ധതികളുമായി ഇറങ്ങിയിരിക്കുകയാണ്. പുനലൂർ താലൂക്ക് ആശുപത്രി ജനറൽ ആശുപത്രിയായി ഉയർത്തുക, പുനലൂരിലെ കുടിവെള്ള പ്രശ്നം പരിഹരിക്കുക തുടങ്ങിയ ഏറ്റവും സുപ്രധാനമായ ആവശ്യങ്ങൾക്ക് പോലും പരിഹാരമുണ്ടാക്കാൻ മന്ത്രി മണ്ഡലത്തിലെ മന്ത്രിക്കും റവന്യൂ വകുപ്പ് ഉൾപ്പെടെ കൈകാര്യം ചെയ്യുന്ന കക്ഷിയുടെ പ്രതിനിധിയായ എംഎൽഎമാർക്കും കഴിഞ്ഞിട്ടില്ലെന്നും വിജയകുമാർ പറഞ്ഞു. 25 ലക്ഷം രൂപ ആസ്തി വികസന ഫണ്ട് ഉണ്ടായിരുന്ന പുനലൂർ മധുവിന്‍റെ കാലഘട്ടത്തിലാണ് വെട്ടിപ്പുഴ പാലവും തൊളിക്കോട് പാലവും ആയിരനല്ലൂർ കടവിൽ കല്ലടയാറിന് കുറുകെ പാലവും നിർമ്മിച്ചതെന്ന് പുനലൂർ എംഎൽഎ ഓർക്കണം. പുനലൂർ ബൈപ്പാസിന് അന്തിമ അനുമതി ലഭിച്ചു എന്ന് മൂന്നു മാസം മുമ്പ് പത്രസമ്മേളനം വിളിച്ചു പ്രഖ്യാപിച്ച എംഎൽഎ ഇപ്പോൾ പറയുന്നത് 10 ദിവസത്തിനകം അന്തിമാനുമതി ലഭിക്കുമെന്നാണ്.തെരഞ്ഞെടുപ്പ് അടുത്തപ്പോൾ ഉള്ള പ്രഖ്യാപനങ്ങളും വാർത്തകളും ജനങ്ങളെ പറ്റിക്കാനാണെന്ന് ബ്ലോക്ക് പ്രസിഡന്‍റ് സി .വിജയകുമാർ ആരോപിച്ചു.

ഫോട്ടോഗ്രഫേഴ്സ് അസോസിയേഷൻ സമ്മേളനം

പരവൂർ : ഓൾ കേരള ഫോട്ടോഗ്രഫേഴ്സ് അസോസിയേഷൻ പരവൂർടൗൺ യൂണിറ്റ് സമ്മേളനം നടന്നു. പരവൂർ റീജിയണൽ കോ ഓപ്പറേറ്റീവ് ബാങ്ക് ഹാളിൽ യൂണിറ്റ് പ്രസിഡന്‍റ് ഉദയൻ തപസ്യയുടെ അധ്യക്ഷതയിൽ നടന്ന സമ്മേളനം മേഖല പ്രസിഡന്‍റ് ദേവലാൽ ഡി.മാക്സ് ഉദ്ഘാടനം ചെയ്തു. മുതിർന്ന അംഗങ്ങളെ ജില്ലാ സെക്രട്ടറി ജിജോ പരവൂർ ആദരിച്ചു. അംഗങ്ങളുടെ മക്കൾക്കുള്ള വിദ്യാഭ്യാസ അവാർഡ് സംസ്ഥാന കമ്മിറ്റി അംഗം അരുൺ പനയ്ക്കൽ വിതരണം ചെയ്തു. പരവൂർ ദേവരാജൻ മാസ്റ്ററുടെ ജീവചരിത്രം ചിത്രങ്ങളിലൂടെ ലോകത്തെ അറിയിച്ച യൂണിറ്റ് അംഗം ജിജോ പരവൂരിനെ സമ്മേളനത്തിൽ ആദരിച്ചു. ജില്ല പിആർഒ അനിൽ വേളമാനൂർ , മേഖല സെക്രട്ടറി വിജയകുമാർ ഫ്ലാഷ്, മേഖല ട്രഷറർ അനുരൂപ്, വിജയകുമാർ, അഖിൽ എന്നിവർ പ്രസംഗിച്ചു. സമ്മേളനത്തോടനുബന്ധിച്ച് ജില്ലയിലെ ഫോട്ടോഗ്രഫർമാർ പകർത്തിയ ചിത്രങ്ങൾ ഉൾപ്പെടുത്തിയുളള ഫോട്ടോ പ്രദർശനവും, അംഗങ്ങൾക്കു വേണ്ടി എഐ സാധ്യതകൾ ഉപയോഗിച്ചുള്ള റീടച്ച് വർക്കുകൾ എന്ന വിഷയത്തിൽ മുൻ ജില്ലാ സെക്രട്ടറി വിൽസൺ ആന്‍റണി നയിച്ച ഫോട്ടോഗ്രഫി ക്ലാസും നടന്നു.

അഞ്ചല്‍-ആയൂര്‍ പാതയില്‍ ടെന്പോ ട്രാവലര്‍ മറിഞ്ഞ് അപകടം

അഞ്ചല്‍ : അഞ്ചല്‍ ആയൂര്‍ പാതയില്‍ കളപ്പില ഭാഗത്ത് ട്രാവലർ മറിഞ്ഞ് അപകടം. ഇന്നലെ വൈകുന്നേരം നാലോടെയായിരുന്നു സംഭവം. ശക്തമായ മഴയില്‍ ബ്രേക്ക് ഇടവേ തെന്നിമാറിയ ടെമ്പോ ട്രാവലര്‍ റോഡിന് കുറുകെ മറിയുകയായിരുന്നു. അഞ്ചല്‍ സെന്‍റ് ജോണ്‍സ് കോളജിലെ അധ്യാപകരുമായി തിരുവനന്തപുരത്തേക്ക് പോവുകയായിരുന്നു ട്രാവലര്‍. ഏഴ് അധ്യാപകരായിരുന്നു വാഹനത്തിലുണ്ടായിരുന്നത്. ആര്‍ക്കും പരിക്കില്ല. അപകടത്തെ തുടര്‍ന്നു പാതയില്‍ അല്‍പനേരം ഗതാഗതം തടസപ്പെട്ടു. പിന്നീട് ചടയമംഗലം പോലീസ് സ്ഥലത്തെത്തി വാഹനം ഉയര്‍ത്തി പാതയില്‍ നിന്നും മാറ്റി ഗതാഗതം പുനസ്ഥാപിക്കുകയായിരുന്നു

അഞ്ചലില്‍ കോണ്‍ഗ്രസ് പ്രവര്‍ത്തകരും പോലീസും തമ്മില്‍ വാക്കേറ്റം

അഞ്ചല്‍ : ശബരിമലയിലെ സ്വര്‍ണപാളി വിവാദവുമായി ബന്ധപ്പെട്ടു നടത്തിയ മാര്‍ച്ചിനിടെ ഷാഫി പറമ്പില്‍ എംപിക്കു നേരെ പോലീസ് നടത്തിയ ലാത്തിച്ചാര്‍ജില്‍ പ്രതിഷേധിച്ചു അഞ്ചല്‍ ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തില്‍ റോഡ് ഉപരോധിച്ചു പ്രതിഷേധിച്ചു. കോളജ് ജംഗ്ഷനില്‍ നിന്നും പ്രകടനമായി ആര്‍ ഒ ജംഗ്ഷന്‍ വഴി ചന്തമുക്കില്‍ എത്തിയാണ് പ്രവര്‍ത്തകര്‍ റോഡ് ഉപരോധിച്ചത്. ഇത് തടയാന്‍ ശ്രമിച്ച പോലീസും കോണ്‍ഗ്രസ് പ്രവര്‍ത്തകരും തമ്മിൽ വാക്കേറ്റമുണ്ടായി. റോഡിലിരുന്നും കിടന്നുമായിരുന്നു പ്രതിഷേധം. ബ്ലോക്ക് കോണ്‍ഗ്രസ് പ്രസിഡന്‍റ് തോയിത്തല മോഹനൻ പ്രതിഷേധസമരം ഉദ്ഘാടനം ചെയ്തു. കെപിസിസി സെക്രട്ടറി സൈമണ്‍ അലക്സ് , എസ്.ഇ. സഞ്ജയ്ഖാന്‍, സാബു എബ്രഹാം, പി.ബി. വേണുഗോപാല്‍, സൈനബാബീവി തുടങ്ങിയവര്‍ പ്രസംഗിച്ചു. കാപ്ഷൻ... അഞ്ചലില്‍ കോണ്‍ഗ്രസ് സംഘടിപ്പിച്ച പ്രതിഷേധംബ്ലോക്ക് കോണ്‍ഗ്രസ് പ്രസിഡന്‍റ് തോയിത്തല മോഹനന്‍ ഉദ്ഘാടനം ചെയ്യുന്നു

പുഞ്ചിരിമുക്കിലെ പഞ്ചായത്ത്‌ റോഡ് ദുരവസ്ഥയിൽ

കൊല്ലം: തൃക്കോവിൽവട്ടം പഞ്ചായത്തിൽ ഇരുപതാം വാർഡിൽ തൈക്കാവ് ജംഗ്ഷനിൽ പുഞ്ചിരിമുക്കിൽ നിന്നും വടക്കോട്ടുള്ള പഞ്ചായത്ത് റോഡ് അഞ്ചു വർഷമായി തകർന്ന് കിടക്കുകയാണ്. കുടിവെള്ള പദ്ധതിക്കായി വെട്ടിപ്പൊളിച്ചതോടെയാണ് റോഡ് ഗതാഗത യോഗ്യമല്ലാതായത്. പ്രദേശത്തെ അറുപതോളം കുടുംബങ്ങളാണ് യാത്രാദുരിതം അനുഭവിക്കുന്നത്. വൃദ്ധരെയും കുഞ്ഞുങ്ങളെയും രോഗികളെയും ആശുപത്രിയിൽ കൊണ്ടുപോകാൻ ഒരു ഓട്ടോ റിക്ഷ വിളിച്ചാൽ പോലും വരാത്ത സ്ഥിതിയാണുള്ളത്. പ്രദേശവാസികൾ നിരവധി പരാതികളും നിവേദനങ്ങളും നൽകി പ്രതിഷേധയോഗങ്ങൾ നടത്തിയിട്ടും ഒരു പരിഹാരവും ഉണ്ടായില്ല. റോഡ് ഉപരോധം തുടങ്ങിയ പ്രത്യക്ഷ സമരത്തിലേക്ക് പോകാനാണ് പുഞ്ചിരിമുക്ക് പൗരസമിതി പ്രവർത്തകർ തീരുമാനിച്ചിരിക്കുന്നത്.

ചിത്രകലാ പുരസ്കാരം ആശ്രാമം സന്തോഷിന്

കൊല്ലം: അഞ്ചാമത് പി.സി.വിനോദ് ചിത്രകലാ പുരസ്കാരത്തിന് പ്രശസ്ത ചിത്രകാരനും ശില്പിയും ഗ്രന്ഥകർത്താവുമായ ആശ്രാമം സന്തോഷ് അർഹനായി. ഡോ. പി.സി.സലിം, ഡോ. ഇന്ദ്രബാബു, ഡോ. കെ.ജി. ചിത്ര എന്നിവരടങ്ങിയ വിദഗ്ധ സമിതിയാണ് ജേതാവിനെ തെരഞ്ഞെടുത്തത്. 10,001 രൂപയും ഫലകവും പ്രശസ്തിപത്രവും അടങ്ങുന്നതാണ് അവാർഡ്. വിനോദി െ ന്‍റ ചരമവാർഷിക ദിനമായ 26 ന് വൈകുന്നേരം അഞ്ചിന് ജന്മനാടായ കുഴിമതിക്കാട് നടക്കുന്ന ചടങ്ങിൽ പ്രശസ്ത ചിത്രകാരൻ ബി.ഡി. ദത്തൻ അവാർഡ് സമ്മാനിക്കുമെന്ന് വിനോദ് ഫൗണ്ടേഷൻ ചെയർമാൻ ഡോ. പി.സി. സലിം അറിയിച്ചു.

സഞ്ചാര സ്വാതന്ത്യം: ഇത്തിക്കരയിലെ സത്യഗ്രഹം തുടരുന്നു

കൊട്ടിയം: ഇത്തിക്കരയിൽ സഞ്ചാര സ്വാത്രന്ത്ര്യത്തിന് വേണ്ടി നടന്നു വരുന്ന ജനകീയ സത്യഗ്രഹ സമരം പതിനൊന്നാം ദിവസം പിന്നിട്ടു. യുവ തലമുറയുടെ പ്രതിനിധിയായി പൂർണിമ ഉണ്ണി സത്യഗ്രഹം അനുഷ്ടിച്ചു. ഡോൺ ബോസ്കോ കോളജ് കൊട്ടിയം ഡയറക്ടർ റവ. ഡോ.ബോബി കുന്നേഴത്ത് സത്യഗ്രഹം ഉദ്ഘാടനം ചെയ്തു. ജനകീയ പ്രതിഷേധ സമിതി കൺവീനർ രാജു അധ്യക്ഷത വഹിച്ചു. നിരവധികുട്ടികൾ സമര പന്തലിൽ എത്തി പുതു തലമുറക്ക് വേണ്ടി ഐക്യദാർഡ്യം പ്രഖ്യാപിച്ചു. ആദിച്ചനല്ലൂർ സീനിയർ സിറ്റിസൺ അസോസിയേഷൻ സെക്രട്ടറി രഘുനാഥൻ, മുൻ ആദിച്ചനല്ലൂർ പഞ്ചായത്ത്‌ പ്രസിഡന്‍റ് എം. എസ്. മധുകുമാർ, മലയാള ഐക്യവേദി ജില്ലാ സെക്രട്ടറി ശ്രീകുമാർ, കവി ഗിരീഷ്. കെ. മുഖത്തല, രാജീവ്‌ നരിക്കൽ, ഹരിഹരൻ ഉണ്ണി എന്നിവർ പ്രസംഗിച്ചു. കാഥികൻ നരിക്കൽ രാജീവ്‌ കഥപ്രസംഗം അവതരിപ്പിച്ചു. ചടങ്ങിൽ സജീവ് നെടുമൺകാവ് പുസ്തകപ്രകാശനം നടത്തി. മൈലക്കാട് സുധീർ ദേവ് കവിത ചൊല്ലി സമരത്തിന് ഐക്യദാർഢ്യം പ്രഖ്യാപിച്ചു. ബിജുലാൽ പരവൂർ, അജി മൈലക്കാട്, അബ്ദുൾ ജലീൽ, ഷാജഹാൻ, അനിത എന്നിവർ സംഗീത പരിപാടി അവതരിപ്പിച്ചു. വൈകുന്നേരം ജില്ലാ ലൈബ്രറി കൗൺസിൽ സെക്രട്ടറി അഡ്വ. കെ. പി.സജിനാഥ്‌ ഹാരമണിയിച്ചു സത്യഗ്രഹം അവസാനിപ്പിച്ചു. തുടർന്ന് നാഷണൽ ഹൈവേ അഥോറിറ്റി അധികൃതർക്കെതിരെയുള്ള പ്രധിഷേധമറിയിച്ചു കൊണ്ടുള്ള പ്രദേശവാസികളുടെ വടംവലി മത്സരം നടന്നു.

തിരുമുക്ക് അടിപ്പാത സമരത്തിൽ സ്മൃതി സാംസ്കാരിക വേദിയും

ചാത്തന്നൂർ : തിരുമുക്കിൽ വലിയ വാഹനങ്ങൾക്ക് കടന്നുപോകുവാൻ കഴിയുന്ന തരത്തിൽ അടിപ്പാത ശാസ്ത്രീയമായി പുതുക്കിപ്പണിയണമെന്ന് ആവശ്യപ്പെട്ട് തിരുമുക്ക് അടിപ്പാത സമരസമിതിയുടെ നേതൃത്വത്തിൽ നടത്തിവരുന്ന റിലേസത്യഗ്രഹ സമരത്തിന്‍റെ ഇരുപത്തി അഞ്ചാം ദിവസം പരവൂർ തെക്കുംഭാഗം സ്മൃതി സാംസ്ക്കാരിക വേദിയുടെ നേതൃത്വത്തിലാണ് റിലേസത്യഗ്രഹം നടന്നത്. സ്മൃതി സാംസ്ക്കാരിക വേദി ജോയിന്‍റ് സെക്രട്ടറി യാസർ അരാഫത്ത് സത്യഗ്രഹം അനുഷ്ടിച്ചു. പരവൂർ മുനിസിപ്പൽ ചെയർമാൻ പി.ശ്രീജ റിലേ സത്യഗ്രഹം ഉദ്ഘാടനം ചെയ്തു. ഡിസിസി ജനറൽ സെക്രട്ടറി എ.ഷുഹൈബ് അധ്യക്ഷതവഹിച്ചു. ഡിസിസി ജനറൽ സെക്രട്ടറി എൻ. ഉണ്ണികൃഷ്ണൻ, മടന്തകോട് രാധാകൃഷ്ണൻ, ഡി.സുധീന്ദ്രബാബു, തട്ടാമലരാജൻ, ഷിബിനാഥ്, സതീഷ് വാവറ, പി.ദിനകരൻ, ചാക്കോ ജോൺ, അനിൽകുമാർ, പരവൂർ പ്രൊട്ടക്ഷൻ ഫോറം കൺവീനർ പി.കെ.സുഭാഷ്,അനസ് തുടങ്ങിയവർ പ്രസംഗിച്ചു. സമരവേദിയിൽ കവികളും സാംസ്കാരിക പ്രവർത്തകരും പങ്കെടുത്ത അനുഭാവ ധർണയും സാംസ്കാരിക സംഗമവും നടന്നു. സത്യഗ്രഹ സമരത്തിന്‍റെ ഇരുപത്തി ആറാം ദിവസമായ ഇന്ന് ഇന്ത്യൻ യൂണിയൻ മുസ്‌ലിം ലീഗ് പരവൂർ മുനിസിപ്പൽ സെക്രട്ടറി അൻഷാദ് അഹമ്മദ് സത്യഗ്രഹമനുഷ്ടിക്കും. രാവിലെ പരവൂർ മുനിസിപ്പൽ പൊതുമരാമത്ത് സ്റ്റാന്‍റിംഗ് കമ്മിറ്റി ചെയർമാൻ ജയ് ഷരീഫ് സത്യഗ്രഹം ഉദ്ഘാടനം ചെയ്യും. ഇന്ത്യൻ യൂണിയൻ മുസ്‌ലിം ലീഗിന്‍റെ നേതൃത്വത്തിലാണ് ഇന്ന് സത്യഗ്രഹം നടക്കുന്നത്.

ഭിന്നശേഷി കുട്ടികൾക്കുള്ള കെട്ടിട നിർമാണം പാതിവഴിയിൽ നിലച്ചു

അഞ്ചല്‍ : ഏരൂര്‍ ഹയര്‍സെക്കൻഡറി സ്കൂളിലെ ഭിന്നശേഷി കുട്ടികൾക്കുള്ള കെട്ടിടനിർമാണം പാതിവഴിയിൽ നിലച്ചു. ജില്ലയില്‍ തന്നെ ഏറ്റവുമധികം ഭിന്നശേഷിക്കാരായ കുട്ടികള്‍ പഠിക്കുന്ന സ്കൂള്‍ എന്ന നിലയിലാണ് 2010-11 അധ്യയന വര്‍ഷത്തിൽ സംസ്ഥാന പൊതുവിദ്യാഭ്യാസ ഡയറക്ടര്‍ ഏരൂര്‍ സര്‍ക്കാര്‍ ഹയര്‍ സെക്കൻഡറി സ്കൂളില്‍ പ്രത്യേക കെട്ടിടം നിര്‍മിക്കുന്നതിനായി 10 ലക്ഷം രൂപ അനുവദിച്ചത്. ഇതനുസരിച്ച് അന്നത്തെ സ്കൂള്‍ പിടിഎ കൂടുകയും ഏരൂര്‍ ആലഞ്ചേരി സ്വദേശിയായഒരാൾക്ക് കരാര്‍ നല്‍കുകയും ചെയ്തു. ആറു മാസത്തിനകം കെട്ടിട നിര്‍മാണം പൂര്‍ത്തീകരിക്കണം എന്ന വ്യവസ്ഥയിലായിരുന്നു നിര്‍മാണം ആരംഭിച്ചത്. എന്നാല്‍ നിര്‍മാണം ആരംഭിച്ച് 14 വര്‍ഷം പിന്നീടുമ്പോഴും കെട്ടിട നിര്‍മാണം പൂര്‍ത്തീകരിച്ചില്ല എന്നു മാത്രമല്ല ഉപയോഗിച്ച തടിയും മറ്റ് സാധനങ്ങള്‍ ഉള്‍പ്പടെയുള്ളവയൊന്നും ഉപയോഗ യോഗ്യമല്ലെന്നുമാണ് കണ്ടെത്തല്‍. കെട്ടിടം ഇപ്പോള്‍ കുട്ടികള്‍ക്ക് അപകട ഭീഷണി ഉയര്‍ത്തുകയാണ്.കരാറുകാരനോടു നിരവധിതവണ കെട്ടിട നിര്‍മാണം പൂര്‍ത്തീകരിക്കണം എന്നു ബന്ധപ്പെട്ടവർ ആവശ്യപ്പെട്ടിട്ടും യാതൊരുവിധ നടപടിയുമില്ല. പകുതി പ്രവര്‍ത്തികള്‍ പോലും പൂര്‍ത്തീകരിക്കാത്ത കെട്ടിടത്തിനായി കരാറുകാരന്‍ വാങ്ങിയത് ഒന്പത് ലക്ഷം രൂപയാണ്. കെട്ടിടം അസ്ഥികൂടമായി മാറിയതോടെ പൊളിച്ചു നീക്കണം എന്ന ആവശ്യം ഉയർന്നിരിക്കുകയാണ്. കെട്ടിട നിര്‍മാണത്തില്‍ അഴിമതിയും ഒത്തുകളിയും ആരോപിച്ചുള്ള പരാതിയില്‍ വിദ്യാഭ്യാസ വകുപ്പിന്‍റെ അന്വേഷണത്തിന് പുറമെ സംസ്ഥാന വിജിലന്‍സും അന്വേഷണം നടത്തുന്നുണ്ട്. പ്രാഥമിക അന്വേഷണത്തില്‍ സര്‍ക്കാരിന് 17 ലക്ഷം രൂപയുടെ അധിക ബാധ്യതയുണ്ടാക്കി എന്നാണ് കണ്ടെത്തല്‍. സംഭവത്തില്‍ ഉന്നതതല അന്വേഷണം വേണമെന്ന് എസ്എഫ്ഐ അഞ്ചല്‍ ഏരിയാ കമ്മിറ്റി ആവശ്യപ്പെട്ടു. ആവശ്യം ഉന്നയിച്ചുമുഖ്യമന്ത്രി, വിദ്യാഭ്യാസ മന്ത്രി, പൊതു വിദ്യാഭ്യാസ ഡയറക്ടര്‍ അടക്കമുള്ള ഉന്നതര്‍ക്ക് പരാതി നല്‍കിയതായി എസ്എഫ്ഐ ഏരിയാ സെക്രട്ടറി ബുഹാരി മുഹമദ് പറഞ്ഞു.

ഷീലാ ആന്‍റണി പുരസ്കാരം സിസ്റ്റർ വിന്നി വെട്ടുകല്ലേലിന്

കൊല്ലം: ജീവകാരുണ്യ സാമൂഹ്യ പ്രവർത്തകയും ട്രാക്കിന്‍റെ ലൈഫ് മെംബറുമായ ഷീലാ ആന്‍റണിയുടെ ഓർമക്കായി ട്രാക്ക് ഏർപ്പെടുത്തിയ ജീവകാരുണ്യ മേഖലയിലെ മികച്ച വനിതാ പ്രവർത്തകക്കുള്ള പ്രഥമ ഷീലാ ആന്‍റണി പുരസ്കാരം ഹോളിക്രോസ് ഹോസ്പിറ്റൽ അഡ്മിനിസ്ട്രേറ്റർ സിസ്റ്റർ വിന്നി വെട്ടുകല്ലേലിന് സമ്മാനിച്ചു. ട്രാക്ക് ഓഫീസിൽ നടന്ന ചടങ്ങിൽ മേയർ ഹണി ബഞ്ചമിൻ പുരസ്കാര സമർപ്പണം നടത്തി. ചേർത്തല ആസ്ഥാനമായി എയ്ഡ്സ് - കുഷ്ഠ രോഗികൾ എന്നിവരെ പുനരധിവസിപ്പിക്കാൻ നടത്തിയ ഇടപ്പെടലുകളാണ് സിസ്റ്റർ വിന്നിയെ അവാർഡിന് അർഹയാക്കിയത്. ട്രാക്ക് പ്രസിഡന്‍റ് അഡ്വ. രഘുനാഥൻ നായർ അധ്യക്ഷനായിരുന്നു. ട്രാക്ക് സെക്രട്ടറി എച്ച്. ഷാനവാസ്. കൊല്ലം ജോയിന്‍റ് ആർ ടി ഒ ശരത്ചന്ദ്രൻ, സിസ്റ്റർ വിന്നി വെട്ടുകല്ലേൽ, ഗോപൻ ലോജിക്ക്, റമീസ്, ചന്തു, നജിം സുൽത്താൻ എന്നിവർ പ്രസംഗിച്ചു.

ആറു വയസുകാരന്‍റെ രക്ഷകനായ 12 കാരൻ നാട്ടിൽ താരമായി

കൊട്ടിയം: പായൽ നിറഞ്ഞ ചിറയിലെ വെള്ളത്തിൽ മുങ്ങി മരണത്തെ മുഖാമുഖം കണ്ട ആറു വയസുകാരൻ രാമന്‍റെ രക്ഷകനായ 12 വയസുകാരൻ സെയ്ദലിക്ക് നാട്ടിൽ താരപരിവേഷം. ചാത്തന്നൂർ ഗവ. എച്ച്എസിലെ ഒന്നാം ക്ലാസ് വിദ്യാർഥി രാമൻ എന്ന ആദിഷ് കഴിഞ്ഞ ദിവസം ഉച്ചയോടെ സൈക്കിളിൽ വരവേയാണ് കൊട്ടിയം പറക്കുളം ഏറത്തു ചിറയിൽ വീഴുന്നത്. റോഡിലേക്കു കയറുന്നതിനിടെ സൈക്കിൾ‌ നിയന്ത്രണം വിട്ടു ചിറയിലേക്കു വീഴുകയായിരുന്നു. ചിറയ്ക്കു സമീപത്തെ പറമ്പിൽ നടക്കുന്ന ജ്വാല ലൈബ്രറി ആൻഡ് സ്പോർട്സ് ക്ലബിന്‍റെ ആഘോഷ പരിപാടി കാണാനായിട്ടാണ് രാമൻ അവിടേക്ക് വരുന്നത്. ചിറയിൽ വീഴുമ്പോഴും മുങ്ങി താഴുമ്പോഴും രാമൻ ഉറക്കെ നിലവിളിക്കുന്നുണ്ടായിരുന്നു. പക്ഷെ ക്ലബിന്‍റെ ഉച്ചഭാഷിണി പ്രവർത്തിച്ചിരുന്നതിനാൽ രാമന്‍റെ നിലവിളി ആരും കേട്ടിരുന്നില്ല. രാമൻ ചിറയിൽ വീഴുന്നതും കണ്ടു കൊണ്ടായിരുന്നു സെയ്ദലിയുടെ വരവ്. ക്ലബിന്‍റെപരിപാടി കാണാൻ വരികയായിരുന്ന സെയ്ദലിയും. മറ്റൊന്നും ആലോചിക്കാതെ റോഡിൽ നിന്നു ചിറയിലേക്കു കമിഴ്ന്നു കിടന്ന സെയ്ദാലി നീട്ടിയ കൈകളിൽ രാമൻ മുറുകെപ്പിടിക്കുകയാണ് ഉണ്ടായത്. രാമനെ വലിച്ചു കയറ്റാനുള്ള ശ്രമത്തിനിടെ സെയ്ദലി ഉച്ചത്തിൽ ശബ്ദമുണ്ടാക്കി. ചിറയുടെ മറുകരയിൽ ഇരിക്കുകയായിരുന്ന രാമന്‍റെ മുത്തച്ഛൻ രാജുവും ചില ക്ലബ് ഭാരവാഹികളും ഓടിയെത്തി തുടർന്ന് രാമനെ കരക്കുകയറ്റി. പിടി വിടാതെ അപ്പോഴും രാമനെ പിടിച്ചു കിടക്കുകയായിരുന്നു സെയ്ദലി. കുറച്ച് വെള്ളം ഉള്ളിൽ പോയതല്ലാതെ രാമനു മറ്റു കുഴപ്പമൊന്നുമുണ്ടായില്ല. രാമന്‍റെ സൈക്കിൾ ചില ക്ലബ്‌ അംഗങ്ങൾ മുങ്ങി തപ്പിയെടുത്ത് നൽകി. പുല്ലാങ്കുഴി കനാൽ വീട്ടിൽ സിയാദ് – സജീന ദമ്പതികളുടെ മകനാണ് കൊട്ടിയം സിഎഫ്എച്ച്എസിലെ ഏഴാം ക്ലാസ് വിദ്യാർഥിയായ സെയ്ദലി. പറക്കുളം മഞ്ഞക്കുഴി വീട്ടിൽ സുരേഷിന്‍റെയും അശ്വതിയുടെയും മകനാണ് രാമൻ. മറ്റൊന്നും ചിന്തിക്കാതെ തക്ക സമയത്ത് ബുദ്ധിയോടെ പ്രവർത്തിക്കാൻ ദൈവം ആ മകന് വിവേകം കൊടുത്തതിലും തന്‍റെ ക്ലാസിലെ വിദ്യാർഥി എന്ന നിലയിലും സൈദാലിയുടെ പ്രവർത്തിയിൽ ഏറെ അഭിമാനം കൊള്ളുന്നതായി ക്ലാസ് ടീച്ചർ അമ്പിളി മെറാർഡ്‌ പറഞ്ഞു. ""ക്ലാസിലും പ്രത്യേകിച്ച് മറ്റു കുട്ടികളുടെ കാര്യത്തിലും ശ്രദ്ധാലുവാണ് സെയ്ദലി. മറ്റു കുട്ടികളോടും അധ്യാപകരോടും സൗമ്യമായി പെരുമാറുന്ന പ്രകൃതം. ദൂരെനിന്നേ രാമൻ വെള്ളത്തിൽ വീഴുന്നത് കണ്ടു ഓടിയെത്തി ചിറയിലേക്ക് കമിഴ്ന്നു കിടന്ന് കൈകൾ നീട്ടി നൽകി സെയ്ദലി രക്ഷിക്കുകയായിരുന്നുവെന്ന് ക്ലാസ് ടീച്ചർ പറഞ്ഞു. നിരവധി സംഘടനകളുടേയും ക്ലബുകളുടേയും ആദരവ് ഏറ്റു വാങ്ങുന്ന തിരക്കിലാണിപ്പോൾ സെയ്ദലി. പറക്കുളത്തെ പ്രതീക്ഷ അങ്കണവാടി സംരക്ഷണ സമിതിയാണ് സെയ്ദലിയെ ആദ്യം ആദരിക്കുന്നത്.

ശാസ്ത്രമേള : വയലാ എന്‍വി സ്കൂളിന് ഓവറോള്‍ ചാന്പ്യൻഷിപ്പ്

അഞ്ചല്‍ : അഞ്ചല്‍ വിദ്യാഭ്യാസ ഉപജില്ലാ സ്കൂള്‍ ശാസ്ത്രമേളയില്‍ എല്‍പി, യുപി വിഭാഗങ്ങളില്‍ വയലാ എന്‍വി സ്കൂളിന് ഓവറോള്‍ചാന്പ്യൻഷിപ്. എല്‍പി വിഭാഗത്തില്‍ 39 പോയിന്‍റും, യുപി വിഭാഗത്തില്‍ 42 പോയിന്‍റും നേടിയാണ് വയലാ എന്‍വി സ്കൂള്‍ ഓവറോള്‍ ചാമ്പ്യന്‍മാരായത്. ഗണിത ശാസ്ത്രമേളയില്‍ എല്‍പി വിഭാഗത്തില്‍ 30 പോയിന്‍റ് നേടി ഒന്നാം സ്ഥാനം പങ്കിടുകയും യുപി വിഭാഗത്തില്‍ 38 പോയിന്‍റ് നേടി മൂന്നാം സ്ഥാനത്തെത്തുകയും ചെയ്തു. യുപി സാമൂഹിക ശാസ്ത്രമേളയില്‍ 34 പോയിന്‍റുകള്‍ നേടി ഒന്നാം സ്ഥാനവും ഐടി മേളയില്‍ 19 പോയിന്‍റോടെ രണ്ടാം സ്ഥാനവും എന്‍വി യുപി സ്കൂള്‍ നേടി. വിജയികളെ സ്കൂള്‍ പിടിഎയുടെ നേതൃത്വത്തില്‍ ചേര്‍ന്ന യോഗത്തില്‍ അനുമോദിച്ചു.

ദീപിക കളർ ഇന്ത്യ : സമ്മാന വിതരണം ഇന്ന്

കൊല്ലം: ദീപിക കളർ ഇന്ത്യ പെയിന്‍റിംഗ് മത്സരത്തിലെ കൊല്ലം ജില്ലാതല വിജയികൾക്ക് ഇന്ന് സമ്മാനങ്ങൾ വിതരണം ചെയ്യും. ഇന്ന് ഉച്ച കഴിഞ്ഞ് 2ന് സെന്‍റ് ജോസഫ് കോൺവെന്‍റ് എയ്ഡഡ് എൽപിഎസിൽ നടക്കുന്ന പരിപാടി ജില്ലാ പോലീസ് മേധാവി കിരൺ നാരായണൻ ഉദ്ഘാടനം ചെയ്യും. ദീപിക തിരുവനന്തപുരം യൂണിറ്റ് റസിഡന്‍റ് മാനേജർ റവ.ഡോ.വർക്കി ആറ്റുപുറത്ത് അധ്യക്ഷത വഹിക്കും. ദീപിക കൊല്ലം രൂപത കോഡിനേറ്റർ റവ. ലാസർ എസ്.പട്ടകടവ്, ദീപിക തിരുവനന്തപുരം യൂണിറ്റ് സർക്കുലേഷൻ മാനേജർ ഇ.വി.വർക്കി, സെന്‍റ് ജോസഫ് കോൺവെന്‍റ് എച്ച്എസ്എസ് പ്രിൻസിപ്പൽ സിസ്റ്റർ ആഞ്ചലീന, സ്കൂൾ പ്രഥമാധ്യാപിക സിസ്റ്റർ റോസ് മാർഗരറ്റ്, ഡിസിഎൽ ശാഖ ഡയറക്ടർ സൗമ്യ ജോസ് എന്നിവർ ആശംസാപ്രസംഗം നടത്തും. ദീപിക കൊല്ലം ഏരിയ സർക്കുലേഷൻ മാനേജർ സുധീർ തോട്ടുവാൽ സ്വാഗതവും ദീപിക കൊല്ലം ബ്യൂറോ ചീഫ് ജോൺസൺ വേങ്ങത്തടം കൃതജ്ഞതയും പറയും.

കളഞ്ഞുകിട്ടിയ സ്വർണാഭരണങ്ങൾ അടങ്ങിയ ബാഗ് ഉടമയെ കണ്ടെത്തി തിരിച്ചു നൽകി

കൊല്ലം: വിനോദ സഞ്ചാരത്തിനായി കൊല്ലത്തെത്തിയ ചെന്നൈ സ്വദേശിയുടെ നഷ്ടപ്പെട്ട സ്വർണാഭരങ്ങൾ അടങ്ങിയ ബാഗ് കൊട്ടിയം പോലീസിന്‍റെ സഹായത്തോടെ തിരിച്ചു നൽകി. കൊട്ടിയം ജംഗ്ഷനിലെ ഓട്ടോ ഡ്രൈവറായ രാജീവാണ് മൺട്രോത്തുരുത്തിൽ എത്തിയ ചെന്നൈ സ്വദേശിയായ യുവതിയുടെ നഷ്ടപ്പെട്ട ബാഗ് തിരികെ നൽകി മാതൃകയായത്. കൊല്ലത്തുനിന്നും സവാരി കഴിഞ്ഞ് തിരിച്ചു വരുകയായിരുന്ന രാജീവിന് കൊട്ടിയം ജംഗ്ഷനിലെ ഒരു ജ്വല്ലറിക്ക് മുൻവശം വച്ചാണ് ബാഗ് കിട്ടുന്നത്. രാജീവ് ബാഗുമായി കൊട്ടിയം സ്റ്റേഷനിൽ എത്തി പോലീസിന് കൈമാറുകയായിരുന്നു. എന്നാൽ ഉടമയുമായി ബന്ധപ്പെട്ട യാതൊരു രേഖയും ബാഗിൽ ഉണ്ടായിരുന്നില്ല. സിസിടിവി അടക്കം പരിശോധിച്ചതിൽ കൊട്ടിയം ജംഗ്ഷനിലൂടെ കടന്നു പോയ വാഹനങ്ങൾ കേന്ദ്രീകരിച്ച് നടത്തിയ അന്വേഷണത്തിൽ തിരുമുല്ലവാരം സ്വദേശിയായ ഓട്ടോ ഡ്രൈവറിൽ നിന്നും ബാഗ് നഷ്ടപെട്ട യുവതിയെ പറ്റിയുള്ള വിവരം ലഭിക്കുകയായിരുന്നു. തുടർന്നാണ് അയിരൂർ പോലീസിന് ഇത്തരത്തിൽ ഒരു പരാതി ലഭിച്ചിട്ടുണ്ടെന്ന് അറിയാനാവുന്നത്. കൊട്ടിയം ഇൻസ്‌പെക്ടർ പ്രദീപിന്‍റെ നേതൃത്വത്തിൽ ബാഗിന്‍റെ ഉടമയായ ചെന്നൈ സ്വദേശിയെ കണ്ടെത്തുകയും ബാഗ് തിരികെ കൈമാറുകയുമാണ് ഉണ്ടായത്. ഈ അവസരത്തിൽ രാജീവിന്‍റെ സത്യസന്ധതയെ മാനിച്ച് കൊട്ടിയം എസ് ഐ നിഥിൻ നളൻ, രാജീവിനെ പൊന്നാട അണിയിച്ചു ആദരിക്കുകയും ഉണ്ടായി.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]