ക​രു​നാ​ഗ​പ്പ​ള്ളി: കാ​ഴ്ച​യു​ടെ വി​സ്മ​യം തീ​ർ​ത്ത് ഓ​ച്ചി​റ കെ​ട്ടുകാ​ള ഉത്സ​വം വ​ർ​ണാ​ഭ​മാ​യി. പ​ട​നി​ല​ത്തേ​ക്ക് ഒ​ാരോ കെ​ട്ടു​രു​പ്പ​ടി​ക​ളും എ​ത്തി​യ​തോ​ടെ തി​ങ്ങി​നി​റ​ഞ്ഞ ജ​ന​സാ​ഗ​രം ആ​ർ​പ്പു​വി​ളി​ക​ളോ​ടെ സ്വീ​ക​രി​ച്ചു.

​ ഓ​രോ ക​ര​ക്കാ​രും മ​ത്സ​ര​ബു​ദ്ധി​യോ​ടെ കെ​ട്ടുകാ​ള​ക​ളെ അ​ണി​യി​ച്ചൊ​രു​ക്കു​ക​യും മു​ത്തു​ക്കു​ട​ക​ളു​ടേ​യും ചെ​ണ്ട-​പ​ഞ്ചാ​രി-​പാ​ണ്ടി മേ​ള​ങ്ങ​ളു​ടെയും അ​ക​മ്പ​ടി​യോ​ടു​കൂ​ടി ആ​ഘോ​ഷ​പൂ​ര്‍​വം പ​ര​ബ്ര​ഹ്മ സ​ന്നി​ധി​യി​ലേ​ക്ക് എ​ത്തി​ച്ചേ​ർ​ന്നു.

ക​രു​നാ​ഗ​പ്പ​ള്ളി, കാ​ര്‍​ത്തി​ക​പ​ള്ളി, മാ​വേ​ലി​ക്ക​ര താ​ലൂ​ക്കു​ക​ളി​ല്‍പെ​ട്ട 52 ക​ര​ക​ളി​ല്‍ നി​ന്നാ​യി ചെ​റു​തും വ​ലു​തു​മാ​യ ഇ​രു​ന്നൂ​റോ​ളം കെ​ട്ടു​കാ​ള​ക​ളാ​ണ് പ​ട​നി​ല​ത്ത് അ​ണി​നി​ര​ന്ന​ത്. വ​നി​താ കൂ​ട്ടാ​യ്മ​യി​ലും ബാ​ല​വേ​ദിക​ളുടെ ​നേ​തൃ​ത്വ​ത്തി​ലും -കെ​ട്ടുകാ​ള​ക​ളെ അ​ണി​യി​ച്ചൊ​രു​ക്കി ക്ഷേ​ത്ര​ത്തി​ൽ എ​ത്തി​ച്ചു.

കെ​ട്ടു​ത്സ​വ​ത്തി​ന്‍റെ സു​ഗ​മ​മാ​യ ന​ട​ത്തി​പ്പി​നാ​യി ഭ​ര​ണ​സ​മി​തി​യും പോ​ലീ​സും പ്ര​ത്യേ​ക ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്തി​യി​രു​ന്നു.62 അ​ടി പൊ​ക്ക​മു​ള്ള വി​ശ്വപ്ര​ജാ​പ​തി കാ​ല​ഭൈ​ര​വ​നാ​ണ് കെ​ട്ടു കാ​ള​ക​ളു​ടെ ത​ല​പ്പൊ​ക്ക​ത്തി​ൽ ഇ​പ്പോ​ൾ മു​ന്നി​ൽ. 56അ​ടി ഉ​യ​ര​മു​ള്ള മാ​മ്പ്ര​ക്ക​നേ​ലി​ന്‍റെ ഓ​ണാ​ട്ടു ക​തി​ര​വ​നാ​ണ് ര​ണ്ടാ​മ​ത്. 49 അ​ടി ഉ​യ​ര​വു​മാ​യി ച​ങ്ങ​ൻ​കു​ള​ങ്ങ​ര ക​ര​ക്കാ​രു​ടെ കെ​ട്ടു​കാ​ള മു​ന്നാ​മ​തും.

കൂ​റ്റ​ൻ കെ​ട്ടു​ക​ളാ​ണ് ഇ​ക്കു​റി വി​വി​ധ​ ക​ര​ക്കാ​ർ കെ​ട്ടി അ​ല​ങ്ക​രി​ച്ച് ക്ഷേ​ത്ര​ത്തി​ൽ എ​ത്തി​ച്ച​ത്.​ ഇ​ങ്ങ​നെ​ ഒ​ര​ടി പൊ​ക്ക​മു​ള്ള കെ​ട്ടുകാ​ള​ക​ൾ വ​രെ പ​ര​ബ്ര​ഹ്മ​ക്ഷേ​ത്ര​ത്തി​ൻ എ​ത്തി ദ​ർ​ശ​നം ന​ട​ത്തി ഭ​ര​ണ സ​മി​തി നി​ർ​ദേശി​ച്ചീ​ട്ടു​ള്ള സ്ഥ​ല​ത്ത് നി​ര​നി​ര​യാ​യി സ്ഥാ​നം പി​ടി​ച്ചു.