കൊല്ലം: എസ്.ആര്. സി കമ്മ്യൂണിറ്റി കോളേജ് 2023 ജനുവരി സെഷനില് നടത്തുന്ന സര്ട്ടിഫിക്കറ്റ് ഇന് ലൈറ്റിംഗ് ഡിസൈന് പ്രോഗ്രാമിന് 31 വരെ അപേക്ഷിക്കാം. പത്താം ക്ലാസാണ് അടിസ്ഥാന വിദ്യാഭ്യാസ യോഗ്യത.
കംപ്യൂട്ടര് നിയന്ത്രിത സ്റ്റേജ്, ഇന്റീരിയര്, ടെലിവിഷന് പ്രൊഡക്ഷന്, ആംബിയന്സ്, ആര്ക്കിടെക്ചറല് തുടങ്ങിയ ലൈറ്റിംഗ് ടെക്നിക്കുകളും അത്യാധുനിക ലൈറ്റിംഗ് കണ്സോളില് പരിശീലനവും പാഠ്യപദ്ധതിയില് ഉള്പ്പെടുത്തിയിട്ടുണ്ട്.
ആറുമാസം ദൈര്ഘ്യമുള്ള പ്രോഗ്രാമിന്റെ തിയറി-പ്രാക്ടിക്കല് ക്ലാസുകള് തിരുവനന്തപുരം കാമിയോ ലൈറ്റ് അക്കാദമിയുടെ നേതൃത്വത്തില് നടത്തും. അപേക്ഷാഫോമും പ്രോസ്പെക്ടസും തിരുവനന്തപുരം നന്ദാവനം പോലീസ് ക്യാമ്പിന് സമീപം പ്രവര്ത്തിക്കുന്ന എസ്.ആര്.സി ഓഫീസില് ലഭിക്കും.വിലാസം: ഡയറക്ടര്,സ്റ്റേറ്റ് റിസോഴ്സ് സെന്റര്, നന്ദാവനം, വികാസ് ഭവന് പി. ഒ തിരുവനന്തപുരം -33. https://srccc.in/download ലിങ്കില് നിന്നും അപേക്ഷാഫോം ഡൗണ്ലോഡ് ചെയ്തും അപേക്ഷിക്കാം. വിശദാംശങ്ങള് www.srccc.in വെബ്സൈറ്റില് ലഭിക്കും. അപേക്ഷകള് ലഭിക്കേണ്ട അവസാന തീയതി 31. ഫോണ്: 0471-2325101,8281114464, 9447399019.
സംരംഭകത്വ പരിശീലനം:
തീയതി മാറ്റി
കൊല്ലം: കേരള ഇന്സ്റ്റിറ്റ്യൂട്ട് ഫോര് എന്റര്പ്രണര്ഷിപ്പ് ഡവലപ്മെന്റിന്റെ ആഭിമുഖ്യത്തില് ഇന്നുമുതല് 14 വരെ നടത്താനിരുന്ന ഏഴ് ദിവസത്തെ ബിസിനസ് എസ്റ്റാബ്ലിഷ്മെന്റ് പരിശീലനം 12 മുതല് 19 വരെയുള്ള തീയതികളിലേക്ക് മാറ്റി. കീഡിന്റെ കളമശ്ശേരിയിലുള്ള കാമ്പസിലാണ് പരിശീലനം. സര്ട്ടിഫിക്കേഷന്, ഭക്ഷണം, താമസം, ജി.എസ്.ടി ഉള്പ്പെടെ 4130 രൂപയാണ് ഫീസ്. www.kied.info ല് ഓണ്ലൈനായി 10 നകം അപേക്ഷിക്കണം. ഫോണ്: 0484 2532890, 2550322, 7012376994.