കൊട്ടാരക്കര: കരീപ്ര, മുരുങ്ങുർശ്രീ മഹാഭുവനേശ്വരീദേവീ ക്ഷേത്രത്തിൽ വിജയദശമി ആഘോഷം നാളെ ഉച്ചകഴിഞ്ഞ് മൂന്നിന് രാമവർമ തമ്പുരാൻ (കിളിമാനൂർ കൊട്ടാരം) നിർവഹിക്കും. തുടർന്ന് ചേരുന്ന സാംസ്കാരിക സമ്മേളനത്തിൽ മകരം ബുക്സ് ചീഫ് എഡിറ്റർ കെ.കെ.ബാബു അധ്യക്ഷനാകും.
സുജാതാ ബാലകൃഷ്ണൻ രചിച്ച "ദിവ്യ തീർഥം, എന്ന പുസ്തകത്തിന്റെ പ്രകാശനം രാമവർമ തമ്പുരാൻ കരീപ്ര ഗ്രാമപഞ്ചായത്ത് പ്രസിഡന്റ് അഡ്വ .പി .എസ്. പ്രശോഭയ്ക്കു നല്കി നിർവഹിക്കും. റേഡിയോ ടിവി അവതാരകൻ നീലേശ്വരം സദാശിവൻ പുസ്തക വ്യാഖ്യാനം നടത്തും.
ക്ഷേത്ര കാര്യ സമിതി അധ്യക്ഷൻ കെ.സുരേന്ദ്രൻ, സി.ബി.വിജയകുമാർ, വിനായക മുരളി, ജനകീയ കവിതാ വേദി ജനറൽ സെക്രട്ടറി ഡാനിയേൽ ജോൺ, സ്വപ്ന ജയൻസ്, അനിൽ പന്തപ്ലാവ്, ക്ഷേത്രകാര്യ സമിതി സെക്രട്ടറി സന്തോഷ് ഹാൾമാർക്ക്, മകരം ബുക്സ് എഡിറ്റർ രാജൻ താന്നിക്കൽ എന്നിവർ പ്രസംഗിക്കും.
കാവ്യാർച്ചനയിൽ അജിനാരായണൻ, പി..എം.രശ്മി രാജ്, രമാ ബാലചന്ദ്രൻ, ജയപ്രകാശ് കോക്കാട്, ബദരി, ജ്യോതി ലക്ഷ്മി മൈനാഗപ്പള്ളി, അജിത അശോകൻ, സിന്ധുദേവ ശ്രീ, ആശാ അഭിലാഷ് എന്നിവർ കവിതകൾ അവതരിപ്പിക്കും.