വ​ലി​യ​പ​റ​മ്പ്: ക​വ്വാ​യി കാ​യ​ലി​ൽ ക​ർ​ഷ​ക​ർ പ്ര​തീ​ക്ഷ​യോ​ടെ ക​ല്ലു​മ്മ​ക്കാ​യ കൃ​ഷി വി​ത്തി​റ​ക്കി തു​ട​ങ്ങി. വി​ത്ത് എ​ത്തി​ക്കു​ന്ന​തി​ലെ ഇ​ട​നി​ല​ക്കാ​രു​ടെ ചൂ​ഷ​ണ​മി​ല്ലാ​താ​ക്കാ​ൻ ഇ​ത്ത​വ​ണ അ​ക്വാക​ൾ​ച്ച​ർ സൊ​സൈ​റ്റി​യു​ടെ ഇ​ട​പെ​ട​ൽ ക​ർ​ഷ​ർ​ക്കും സം​ഘ​ങ്ങ​ൾ​ക്കും ഏ​റെ ആ​ശ്വാ​സ​മാ​
യി​ട്ടു​ണ്ട്.

മ​ത്സ്യ​ത്തൊ​ഴി​ലാ​ളി​ക​ളും അ​ല്ലാ​ത്ത ക​ർ​ഷ​ക​രും കൂ​ടു​ത​ലാ​യി ക​ല്ലു​മ്മ​ക്കാ​യ കൃ​ഷി​യി​റ​ക്കു​ന്ന​ത് ഏ​താ​ണ്ട് ന​വം​ബ​ർ മു​ത​ൽ ജ​നു​വ​രി വ​രെ​യാ​ണ്. ക​വ്വാ​യി കാ​യ​ലി​ലെ ഇ​ട​യി​ലെ​ക്കാ​ടി​ന്‍റെ വ​ലി​യ​പ​റ​മ്പ് ഭാ​ഗ​ത്തും കി​ഴ​ക്ക് ബ​ണ്ടി​ന​ടു​ത്തു​മാ​ണ് കൂ​ടു​ത​ലാ​യി കൃ​ഷി ഇ​റ​ക്കി തു​ട​ങ്ങി​യി​ട്ടു​ള്ള​ത്. കാ​യ​ലി​ലൊ​രു​ക്കി​യ മു​ള​ന്ത​ണ്ടു​ക​ൾ കൊ​ണ്ടു​ള്ള സ്റ്റേ​ജു​ക​ളി​ൽ ഒ​ര​ടി അ​ക​ലം പാ​ലി​ച്ച് ക​യ​റു​ക​ളി​ൽ തു​ണി​യി​ൽ കോ​ർ​ത്താ​ണ് ക​ല്ലു​മ്മ​ക്കാ​യ വി​ത്തി​റ​ക്കു​ന്ന​ത്.

ക​ഴി​ഞ്ഞ വ​ർ​ഷം വ​രെ 60 കി​ലോ തൂ​ക്ക​മു​ള്ള ഒ​രു ചാ​ക്ക് വി​ത്തി​ന് 8000 രൂ​പ മു​ത​ൽ 9000 രൂ​പ വ​രെ ന​ൽ​കി​യാ​ണ് ക​ർ​ഷ​ക​ർ വാ​ങ്ങി​യി​രു​ന്ന​ത്. എ​ന്നാ​ൽ ഇ​ത്ത​വ​ണ അ​ക്വാക​ൾ​ച്ച​ർ സൊ​സൈ​റ്റി​യു​ടെ നേ​തൃ​ത്വ​ത്തി​ൽ വ​ലി​യ​പ​റ​മ്പി​ലെ​യും ഇ​ട​യി​ലെ​ക്കാ​ട്ടി​ലെ​യും മ​ൽ​സ്യ​തൊ​ഴി​ലാ​ളി ക്ഷേ​മ സ​ഹ​ക​ര​ണ സം​ഘ​ങ്ങ​ളാ​ണ് വി​ത്ത് വി​ത​ര​ണം ചെ​യ്യു​ന്ന​ത്. അ​തു കൊ​ണ്ട് ത​ന്നെ ഒ​രു ചാ​ക്ക് വി​ത്തി​ന് 4200 മു​ത​ൽ 4700 രൂ​പ വ​രെ​യാ​ണ് പ​ര​മാ​വ​ധി വി​ല. ഇ​ത് ക​ർ​ഷ​ക​ർ​ക്കും സ്വ​യം സ​ഹാ​യ സം​ഘ​ങ്ങ​ൾ​ക്കും കു​ടും​ബ​ശ്രീ കൂ​ട്ടാ​യ്മ​ക​ൾ​ക്കും ആ​ശ്വാ​സ​മാ​യി​ട്ടു​ണ്ട്. എ​ങ്കി​ലും ഇ​തേ വി​ല​ക്ക് ക​ല്ലു​മ്മ​ക്കാ​യ വി​ത്ത് സു​ല​മാ​യി ല​ഭി​ക്കു​ന്ന സാ​ഹ​ച​ര്യം ഉ​ണ്ടാ​യി​ട്ടി​ല്ല. ഇ​പ്പാ​ൾ പ​ള്ളി​ക്ക​ര, കോ​ട്ടി​ക്കു​ളം, കോ​ഴി​ക്കോ​ട്, ക​ണ്ണൂ​ർ തു​ട​ങ്ങി​യ സ്ഥ​ല​ങ്ങ​ളി​ൽ നി​ന്നാ​ണ് ക​ല്ലു​മ്മ​ക്കാ​യ വി​ത്ത് എ​ത്തി​ക്കു​ന്ന​ത്.

ദൂ​ര​സ്ഥ​ല​ങ്ങ​ളി​ൽ നി​ന്നെ​ത്തു​മ്പോ​ൾ യാ​ത്ര ചെ​ല​വ് കൂ​ടു​ന്നു​ണ്ട്. അ​ങ്ങി​നെ വ​ന്നാ​ലും പ​ര​മാ​വ​ധി വി​ല​യാ​യ 4700 രൂ​പ​ക്ക് സം​ഘ​ങ്ങ​ൾ ക​ർ​ഷ​ക​ർ​ക്ക് വി​ത്തെ​ത്തി​ക്കു​ന്നു​ണ്ട്. ക​ട​ലി​ൽ ഉ​പ​യോ​ഗി​ച്ചു വ​രു​ന്ന ത​വി​ട്ട് നി​റ​ത്തി​ലു​ള്ള വി​ത്ത് ഇ​വി​ടെ അ​നു​യോ​ജ്യ​മ​ല്ല. ക​വ്വാ​യി​കാ​യ​ലി​ൽ പ​ച്ച നി​റ​ത്തി​ലു​ള്ള വി​ത്താ​ണ് ഉ​പ​യോ​ഗി​ക്കാ​ൻ ഉ​ചി​ത​മെ​ന്ന് സി​എം​എ​ഫ്ആ​ർ​ഐ നി​ർ​ദേ​ശ​മു​ണ്ടാ​യ​തി​നാ​ൽ കൂ​ടു​ത​ലാ​യി ഈ ​വി​ത്തി​നാ​ണ് ഡി​മാ​ന്‍റ്.

വി​ത്തി​ന് 15 മു​ത​ൽ 25 വ​രെ മി​ല്ലി​മീ​റ്റ​ർ വ​ലു​പ്പ​മാ​ണ് വേ​ണ്ട​തെ​ന്നാ​ണ് വി​ദ​ഗ്ദ​രു​ടെ നി​ർ​ദേ​ശം. വി​ത്ത് ശേ​ഖ​ര​ണ​ത്തി​നു​മു​ണ്ട് നി​ബ​ന്ധ​ന. ഒ​രു തൊ​ഴി​ലാ​ളി ഒ​രു ദി​വ​സം 100 കി​ലോ വി​ത്ത് മാ​ത്ര​മേ ശേ​ഖ​രി​ച്ച് കൈ​മാ​റാ​വൂ. ആ​രോ​ഗ്യ​ത്തോ​ടെ പ​ര​മാ​വ​ധി ഒ​രു ദി​വ​സ​മാ​ണ് വി​ത്തി​ന്‍റെ ആ​യു​സ്.
ഫി​ഷ​റീ​സ് അ​ധി​കൃ​ത​രു​ടെ നി​ർ​ദേ​ശ​മ​നു​സ​രി​ച്ച് ഒ​രു വ്യ​ക്തി​ക്ക് 20 അ​ടി നീ​ള​വും പ​ത്ത​ടി വീ​തി​യു​മു​ള്ള സ്റ്റേ​ജി​ൽ 100 കൈ​വി​ത്ത് മാ​ത്ര​മേ ഇ​റ​ക്കാ​ൻ അ​നു​മ​തി​യു​ള്ളു. എ​ന്നാ​ൽ സം​ഘ​ങ്ങ​ൾ​ക്കും ക​ർ​ഷ​ക കൂ​ട്ടാ​യ്മ​ക​ൾ​ക്കും കു​ടും​ബ​ശ്രീ യൂ​ണി​റ്റു​ക​ൾ​ക്കും 80 അ​ടി നീ​ള​വും 40 അ​ടി വീ​തി​യു​മു​ള്ള സ്റ്റേ​ജു​ക​ളി​ൽ 400 കൈ ​വി​ത്തി​റ​ക്കാം.

ക​ർ​ഷ​ക​ർ​ക്കും കൂ​ട്ടാ​യ്മ​ക​ൾ​ക്കും വി​ത്ത് എ​ത്തി​ച്ചു ന​ൽ​കാ​ൻ ക​ഴി​യു​മെ​ന്ന വി​ശ്വാ​സ​ത്തി​ലാ​ണ് ഫെ​ഡ​റേ​ഷ​നെ​ന്ന് കേ​ര​ള അ​ക്വാ ഫാ​ർ​മേ​ഴ്സ് ഫെ​ഡ​റേ​ഷ​ൻ സം​സ്ഥാ​ന സ​മി​തി അം​ഗം കെ.​വി. ഷീ​ജ, സി. ​അം​ബി​ക, പി.​വി. ഉ​ഷ എ​ന്നി​വ​ർ ദീ​പി​ക​യോ​ട് പ​റ​ഞ്ഞു. ക​വ്വാ​യി കാ​യ​ലി​ലെ ഓ​രു ജ​ലാം​ശം ക​ണ​ക്കാ​ക്കി നാ​ലു മാ​സം മു​ത​ൽ ആ​റു മാ​സം വ​രെ​യാ​ണ് ക​ല്ലു​മ്മ​ക്കാ​യ പൂ​ർ​ണ വ​ള​ർ​ച്ച​യെ​ത്തി വി​ള​വെ​ടു​ക്കാ​നാ​വു​ക.

സ്വന്തം ലേഖകൻ