നീ​ലേ​ശ്വ​രം: ന​ഗ​ര​ത്തി​ന്‍റെ മു​ഖ​ച്ഛാ​യ ത​ന്നെ മാ​റ്റു​മെ​ന്നു പ്ര​തീ​ക്ഷി​ച്ച രാ​ജാ​റോ​ഡ് ന​വീ​ക​ര​ണ​പ​ദ്ധ​തി​ക്കും ക​ച്ചേ​രി​ക്ക​ട​വ് പാ​ല​ത്തി​നു​മാ​യി 40 കോ​ടി രൂ​പ​യു​ടെ ഫ​ണ്ട് അ​നു​വ​ദി​ച്ച​ത് 2017 ലെ ​സം​സ്ഥാ​ന ബ​ജ​റ്റി​ലാ​ണ്. മാ​ർ​ക്ക​റ്റ് ജം​ഗ്ഷ​ൻ മു​ത​ൽ റെ​യി​ൽ​വേ മേ​ൽ​പാ​ലം വ​രെ 1.3 കി​ലോ​മീ​റ്റ​ർ നീ​ള​ത്തി​ലു​ള്ള രാ​ജാ​റോ​ഡി​ന്‍റെ ന​വീ​ക​ര​ണം പി​ന്നീ​ട് കി​ഫ്ബി ഏ​റ്റെ​ടു​ത്തു.
റോ​ഡ് ന​വീ​ക​ര​ണ​ത്തി​നാ​യി ഏ​റ്റെ​ടു​ക്കേ​ണ്ടി​വ​രു​ന്ന കെ​ട്ടി​ട​ങ്ങ​ളു​ടെ​യും സ്ഥ​ല​ങ്ങ​ളു​ടെ​യും ക​ണ​ക്കെ​ടു​ക്കാ​ൻ പ​ല​ത​വ​ണ അ​ള​വെ​ടു​പ്പും സ​ർ​വേ​യും ന​ട​ത്തി. പു​തി​യ റോ​ഡി​ന്‍റെ രൂ​പ​രേ​ഖ ത​യ്യാ​റാ​ക്കി. സ്ഥ​ല​മു​ട​മ​ക​ളും കെ​ട്ടി​ട ഉ​ട​മ​ക​ളു​മാ​യി പ​ല​വ​ട്ടം ച​ർ​ച്ച ന​ട​ത്തി ന​ഷ്ട​പ​രി​ഹാ​ര​ത്തി​ന്‍റെ കാ​ര്യ​ത്തി​ൽ ഏ​ക​ദേ​ശ ധാ​ര​ണ​യി​ലെ​ത്തി. ന​ഷ്ട​പ​രി​ഹാ​ര വി​ത​ര​ണ​വും കെ​ട്ടി​ടം പൊ​ളി​ക്ക​ലും ഉ​ട​ൻ​ത​ന്നെ ആ​രം​ഭി​ക്കു​മെ​ന്നും തൊ​ട്ടു​പി​ന്നാ​ലെ ടെ​ൻ​ഡ​ർ വി​ളി​ച്ച് പ്ര​വൃ​ത്തി​ക​ൾ ആ​രം​ഭി​ക്കു​മെ​ന്നും പ​റ​യാ​ൻ തു​ട​ങ്ങി​യി​ട്ടു​ത​ന്നെ മൂ​ന്നു​വ​ർ​ഷ​ത്തോ​ള​മാ​യി.

എ​ന്നാ​ൽ ക​ഴി​ഞ്ഞ​ദി​വ​സം ത​ഹ​സി​ൽ​ദാ​റു​ടെ നേ​തൃ​ത്വ​ത്തി​ൽ വീ​ണ്ടും അ​ള​വെ​ടു​പ്പ് ന​ട​ന്ന​തോ​ടെ കെ​ട്ടി​ട ഉ​ട​മ​ക​ൾ വീ​ണ്ടും ആ​ശ​ങ്ക​യി​ലാ​യി. റോ​ഡി​ന്‍റെ രൂ​പ​രേ​ഖ​യി​ൽ വീ​ണ്ടും മാ​റ്റം വ​ന്നാ​ൽ കൂ​ടു​ത​ൽ കെ​ട്ടി​ട​ങ്ങ​ളും സ്ഥ​ല​വും ന​ഷ്ട​മാ​കു​മോ എ​ന്നാ​യി​രു​ന്നു ആ​ദ്യ​ത്തെ ആ​ശ​ങ്ക. എ​ന്നാ​ൽ രൂ​പ​രേ​ഖ​യി​ൽ മാ​റ്റം​വ​രു​ത്തി​യി​ട്ടി​ല്ലെ​ന്നും നേ​ര​ത്തേ അ​ള​ന്ന സ്ഥ​ല​ങ്ങ​ളു​ടെ ത​ന്നെ വി​ല​നി​ർ​ണ​യം സം​ബ​ന്ധി​ച്ച കാ​ര്യ​ങ്ങ​ളു​ടെ അ​വ​സാ​ന​വ​ട്ട സ്ഥി​രീ​ക​ര​ണ​ത്തി​നാ​ണ് വീ​ണ്ടും അ​ള​ക്കു​ന്ന​തെ​ന്നു​മാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. നേ​ര​ത്തേ നി​ശ്ച​യി​ച്ച വി​ല കു​റ​യ്ക്കാ​ൻ വേ​ണ്ടി​യ​ല്ലാ​തെ കൂ​ട്ടാ​ൻ​വേ​ണ്ടി എ​ന്താ​യാ​ലും അ​ധി​കൃ​ത​ർ വീ​ണ്ടും അ​ള​ക്കി​ല്ലെ​ന്ന​റി​യാ​വു​ന്ന കെ​ട്ടി​ട ഉ​ട​മ​ക​ൾ ആ​ശ​ങ്ക​യി​ൽ ത​ന്നെ​യാ​ണ്.

അ​ള​വെ​ടു​പ്പും ക​ണ​ക്കു​കൂ​ട്ട​ലു​മ​ല്ലാ​തെ പ​ണി തു​ട​ങ്ങു​ന്ന കാ​ര്യ​ത്തി​ൽ അ​ധി​കൃ​ത​ർ​ക്ക് യാ​തൊ​രു തി​ര​ക്കും കാ​ണു​ന്നി​ല്ലെ​ന്നും നാ​ട്ടു​കാ​ർ പ​റ​യു​ന്നു.

ന​ഗ​ര​ത്തി​ന്‍റെ മു​ഖ​ച്ഛാ​യ മാ​റ്റു​മെ​ന്നു പ​റ​ഞ്ഞ പ​ദ്ധ​തി​ക​ളി​ൽ പു​തി​യ ന​ഗ​ര​സ​ഭാ മ​ന്ദി​രം മാ​ത്ര​മാ​ണ് ഏ​റെ​ക്കു​റെ പൂ​ർ​ത്തി​യാ​യി​ട്ടു​ള്ള​ത്. ക​ച്ചേ​രി​ക്ക​ട​വ് പാ​ല​ത്തി​ന്‍റെ പ്ര​വൃ​ത്തി​ക​ൾ ഇ​പ്പോ​ഴും പ്രാ​രം​ഭ​ഘ​ട്ട​ത്തി​ലാ​ണ്. രാ​ജാ​റോ​ഡ് ന​വീ​ക​ര​ണം അ​ള​വെ​ടു​പ്പി​ലൊ​തു​ങ്ങു​ന്നു. പു​തി​യ ബ​സ് സ്റ്റാ​ൻ​ഡ് കെ​ട്ടി​ട​ത്തി​ന്‍റെ പ​ണി ഉ​ട​ൻ ആ​രം​ഭി​ക്കു​മെ​ന്ന പ്ര​ഖ്യാ​പ​നം ഇ​ട​യ്ക്കി​ടെ ഉ​ണ്ടാ​കു​ന്നു​ണ്ടെ​ങ്കി​ലും കാ​ര്യ​മാ​യൊ​ന്നും സം​ഭ​വി​ക്കു​ന്നി​ല്ല.

നേ​ര​ത്തേ ബ​സ് സ്റ്റാ​ൻ​ഡ് കെ​ട്ടി​ടം ഉ​ണ്ടാ​യി​രു​ന്ന​തി​ന്‍റെ നേ​രെ എ​തി​ർ​വ​ശ​ത്താ​ണ് പു​തി​യ കെ​ട്ടി​ടം പ​ണി​യാ​ൻ ഉ​ദ്ദേ​ശി​ക്കു​ന്ന​ത്. ഇ​വി​ടെ കെ​ട്ടി​ടം നി​ർ​മി​ക്കു​ക​യും മ​റു​വ​ശ​ത്ത് ഇ​പ്പോ​ഴ​ത്തെ ബ​സ് ഷെ​ൽ​ട്ട​ർ ഉ​ൾ​പ്പെ​ടെ​യു​ള്ള ഭാ​ഗം രാ​ജാ​റോ​ഡ് വീ​തി​കൂ​ട്ടു​മ്പോ​ൾ അ​തി​ലു​ൾ​പ്പെ​ടു​ക​യും ചെ​യ്താ​ൽ ബ​സ് സ്റ്റാ​ൻ​ഡി​ൽ ബ​സു​ക​ൾ​ക്ക് നി​ൽ​ക്കാ​നു​ള്ള സ്ഥ​ലം തീ​ർ​ത്തും കു​റ​ഞ്ഞു​പോ​കു​മെ​ന്ന സം​ശ​യ​വു​മു​ണ്ട്.

മാ​ർ​ക്ക​റ്റ് ജം​ഗ്ഷ​നി​ൽ ദേ​ശീ​യ​പാ​ത മ​തി​ലു​പോ​ലെ ഉ​യ​ർ​ത്തി​ക്കെ​ട്ടു​മ്പോ​ൾ ന​വീ​ക​രി​ക്കു​ന്ന രാ​ജാ​റോ​ഡ് എ​വി​ടെ ചെ​ന്നു​ചേ​രു​മെ​ന്ന സം​ശ​യ​വും ബാ​ക്കി​യാ​ണ്.