പു​ൽ​പ്പ​ള്ളി: രൂ​ക്ഷ​മാ​യ പൊ​ടി​ശ​ല്യ​ത്തെ തു​ട​ർ​ന്ന് മേ​ലെ പാ​ടി​ച്ചി​റ​യി​ൽ നാ​ട്ടു​കാ​ർ ചേ​ർ​ന്ന് ക്വാ​റി​യി​ൽ​നി​ന്നു​ള്ള ടി​പ്പ​ർ ലോ​റി​ക​ൾ ത​ട​ഞ്ഞു. ഇ​ന്ന​ലെ രാ​വി​ലെ​യാ​ണ് പ്ര​ദേ​ശ​വാ​സി​ക​ളാ​യ സ്ത്രീ​ക​ള​ട​ക്ക​മു​ള്ള​വ​ർ ക്വാ​റി​ക​ളി​ൽ നി​ന്നും ക​രി​ങ്ക​ല്ല് ക​യ​റ്റാ​നെ​ത്തി​യ ലോ​റി​ക​ൾ ത​ട​ഞ്ഞി​ട്ട​ത്.

ത​ക​ർ​ന്നു​കി​ട​ക്കു​ന്ന പാ​ടി​ച്ചി​റ റോ​ഡി​ന്‍റെ വ​ശ​ങ്ങ​ളി​ൽ ജ​ൽ​ജീ​വ​ൻ മി​ഷ​ന്‍റെ പൈ​പ്പ് ലൈ​ൻ സ്ഥാ​പി​ക്കു​ന്ന​തി​നാ​യി വെ​ട്ടി​പ്പൊ​ളി​ച്ച​തോ​ടെ​യാ​ണ് പൊ​ടി​ശ​ല്യം രൂ​ക്ഷ​മാ​യ​ത്. മേ​ഖ​ല​യി​ലു​ള്ള ക്വാ​റി​ക​ളി​ൽ നി​ന്നും നി​ത്യ​വും നൂ​റു​ക​ണ​ക്കി​ന് ചെ​റു​തും വ​ലു​തു​മാ​യ ടി​പ്പ​ർ, ടോ​റ​സ് ലോ​റി​ക​ളാ​ണ് പോ​കു​ന്ന​ത്.

പൊ​ടി​ശ​ല്യം രൂ​ക്ഷ​മാ​യ​തി​നെ തു​ട​ർ​ന്ന് മു​ന്പ് ക്വാ​റി ഉ​ട​മ​ക​ളും പ​ഞ്ചാ​യ​ത്ത് അ​ധി​കൃ​ത​രും ത​മ്മി​ൽ ന​ട​ത്തി​യ ച​ർ​ച്ച​യി​ൽ ഈ ​റോ​ഡി​ൽ ദി​വ​സ​വും മൂ​ന്ന് ത​വ​ണ ക്വാ​റി​യു​ട​മ​ക​ൾ ചേ​ർ​ന്ന് വെ​ള്ളം​തെ​ളി​ച്ച് പൊ​ടി​ശ​ല്യം കു​റ​യ്ക്കാ​ൻ ധാ​ര​ണ​യാ​യി​രു​ന്നു. എ​ന്നാ​ൽ ഇ​ത് പാ​ലി​ക്കു​ന്നി​ല്ലെ​ന്ന് ആ​രോ​പി​ച്ചാ​ണ് ഇ​ന്ന​ലെ നാ​ട്ടു​കാ​ർ സം​ഘ​ടി​ച്ച് ലോ​റി​ക​ൾ ത​ട​ഞ്ഞി​ട്ട​ത്.

ഉ​ച്ച​യോ​ടെ ക്വാ​റി​യു​ട​മ​ക​ൾ സ്ഥ​ല​ത്തെ​ത്തി നാ​ട്ടു​കാ​രു​മാ​യി ച​ർ​ച്ച ന​ട​ത്തി, ദി​വ​സ​വും മൂ​ന്ന് നേ​രം മു​ട​ങ്ങാ​തെ റോ​ഡ് വെ​ള്ളം ന​ന​ച്ചി​ടാ​മെ​ന്ന് ഉ​റ​പ്പ് ന​ൽ​കി​യ​തോ​ടെ​യാ​ണ് ലോ​റി​ക​ൾ വി​ട്ട​യ​ച്ച​ത്. പ​ഞ്ചാ​യ​ത്തം​ഗം ലി​ല്ലി ത​ങ്ക​ച്ച​ൻ, വ​ർ​ഗീ​സ് മു​രി​യ​ൻ​കാ​വി​ൽ, തോ​മ​സ് പാ​ഴൂ​ക്കാ​ല, സി.​ഡി. ത​ങ്ക​ച്ച​ൻ, പി.​എം. കു​ര്യ​ൻ തു​ട​ങ്ങി​യ​വ​ർ സ​മ​ര​ത്തി​ന് നേ​തൃ​ത്വം ന​ൽ​കി.