പാ​ത​യോ​ര​ത്തെ ഭീ​ഷ​ണി​യാ​യ മ​ര​ങ്ങ​ളു​ടെ ശി​ഖ​ര​ങ്ങ​ൾ വെ​ട്ടി​നീ​ക്കി​ത്തു​ട​ങ്ങി
Wednesday, May 22, 2024 6:13 AM IST
സു​ൽ​ത്താ​ൻ ബ​ത്തേ​രി: മ​ഴ​ക്കാ​ല മു​ന്നൊ​രു​ക്ക പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി ദേ​ശീ​യ​പാ​ത​യോ​ര​ത്ത് അ​പ​ക​ട​ര​മാ​യി നി​ൽ​ക്കു​ന്ന മ​ര​ങ്ങ​ളു​ടെ ശി​ഖ​ര​ങ്ങ​ൾ മു​റി​ച്ച് നീ​ക്ക​ൽ ആ​രം​ഭി​ച്ചു. ദേ​ശീ​യ​പാ​ത 766 ക​ട​ന്നു​പോ​കു​ന്ന ക​ൽ​പ്പ​റ്റ-​കൈ​നാ​ട്ടി മു​ത​ൽ സം​സ്ഥാ​ന അ​തി​ർ​ത്തി മു​ത്ത​ങ്ങ​വ​രെ പാ​ത​യ്ക്കി​രു​വ​ശ​വും ഭീ​ഷ​ണി​യാ​യി നി​ൽ​ക്കു​ന്ന മ​ര​ങ്ങ​ളു​ടെ ശി​ഖ​ര​ങ്ങ​ളാ​ണ് വെ​ട്ടി​മാ​റ്റു​ന്ന​ത്.

മ​ഴ​ക്കാ​ല​മാ​കു​ന്ന​തി​നു​മു​ന്പ് ഈ ​ശി​ഖ​ര​ങ്ങ​ൾ നീ​ക്കം ചെ​യ്ത് അ​പ​ക​ട ഭീ​ഷ​ണി​യൊ​ഴി​വാ​ക്കു​ക​യാ​ണ് ല​ക്ഷ്യം. വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​ൻ ത​ട​സ​മാ​കു​ന്ന ത​ര​ത്തി​ൽ പാ​ത​യി​ലേ​ക്ക് നീ​ണ്ടു​നി​ൽ​ക്കു​ന്ന ശി​ഖ​ര​ങ്ങ​ളാ​ണ് നീ​ക്കം ചെ​യ്യു​ന്ന​ത്.


വാ​ഹ​ന​ങ്ങ​ൾ​ക്കും കാ​ൽ​ന​ട​യാ​ത്ര​ക്കാ​ർ​ക്കും ഭീ​ഷ​ണി​യാ​യി നി​ര​വ​ധി മ​ര​ങ്ങ​ളാ​ണ് റോ​ഡി​ലേ​ക്ക് ചാ​ഞ്ഞു നി​ൽ​ക്കു​ന്ന​ത്. ഇ​വ​യി​ൽ നി​ന്ന് മ​ഴ​ക്കാ​ല​ങ്ങ​ളി​ൽ ശി​ഖ​ര​ങ്ങ​ൾ റോ​ഡി​ലേ​ക്ക് പൊ​ട്ടി​വീ​ഴാ​റു​മു​ണ്ട്. പ​ല​പ്പോ​ഴും ത​ല​നാ​രി​ഴ​യ്ക്കാ​ണ് അ​പ​ക​ടം സം​ഭ​വി​ക്കാ​തെ വാ​ഹ​ന​ങ്ങ​ളും യാ​ത്ര​ക്കാ​രും ര​ക്ഷ​പ്പെ​ടാ​റ്.

ഈ ​സാ​ഹ​ച​ര്യ​ത്തി​ൽ കൂ​ടി​യാ​ണ് എ​ൻ​എ​ച്ച് പി​ഡ​ബ്ല്യു​ഡി വി​ഭാ​ഗം റോ​ഡി​ലേ​ക്ക് ചാ​ഞ്ഞു​നി​ൽ​ക്കു​ന്ന മ​ര​ങ്ങ​ളു​ടെ ശി​ഖ​ര​ങ്ങ​ൾ വെ​ട്ടി​മാ​റ്റു​ന്ന​ത്. ഉ​ണ​ങ്ങി ഭീ​ഷ​ണി​യു​യ​ർ​ത്തി നി​ൽ​ക്കു​ന്ന മ​ര​ങ്ങ​ളും നി​ര​വ​ധി​യാ​ണ്. ഇ​തു​കൂ​ടി വെ​ട്ടി​മാ​റ്റ​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.

Copyright @ 2022 , Rashtra Deepika Ltd.