‘പോ​ത്തു​ക​ല്ലി​ലെ മ​ഞ്ഞ​പ്പി​ത്തം നി​യ​ന്ത്രി​ക്കാ​ന്‍ അ​ടി​യ​ന്ത​ര​മാ​യി കൂ​ടു​ത​ല്‍ ജീ​വ​ന​ക്കാ​രെ നി​യ​മി​ക്ക​ണം’
Sunday, March 3, 2024 4:57 AM IST
നി​ല​മ്പൂ​ര്‍: പോ​ത്തു​ക​ല്ലി​ലെ മ​ഞ്ഞ​പ്പി​ത്ത ബാ​ധ നി​യ​ന്ത്ര​ണ​വി​ധേ​യ​മാ​ക്കാ​ന്‍ കൂ​ടു​ത​ല്‍ ഡോ​ക്ട​ര്‍​മാ​രേ​യും ജീ​വ​ന​ക്കാ​രേ​യും നി​യ​മി​ക്കാ​ന്‍ അ​ടി​യ​ന്ത​ര ന​ട​പ​ടി കൈ​ക്കൊ​ള്ള​ണ​മെ​ന്ന് നി​ല​മ്പൂ​ര്‍ താ​ലൂ​ക്ക് വി​ക​സ​ന സ​മി​തി ആ​വ​ശ്യ​പ്പെ​ട്ടു. യോ​ഗ​ത്തി​ല്‍ പ​ങ്കെ​ടു​ത്ത ഹെ​ല്‍​ത്ത് സൂ​പ്പ​ര്‍​വൈ​സ​ര്‍ ഇ​ന്‍ ചാ​ര്‍​ജ് അ​ഞ്ജ​ന​യോ​ട് ഇ​ത് സം​ബ​ന്ധി​ച്ച് ന​ട​പ​ടി​ക​ളെ​ടു​ത്ത് അ​ടു​ത്ത യോ​ഗ​ത്തി​ല്‍ റി​പ്പോ​ര്‍​ട്ട് ചെ​യ്യാ​നും യോ​ഗാ​ധ്യ​ക്ഷ പി. ​പു​ഷ്പ​വ​ല്ലി ആ​വ​ശ്യ​പ്പെ​ട്ടു.

ക​ഴി​ഞ്ഞ വെ​ള്ളി​യാ​ഴ്ച വ​രെ 206 പേ​ര്‍​ക്കാ​ണ് പോ​ത്തു​ക​ല്ല് ഗ്രാ​മ​പ്പ​ഞ്ചാ​യ​ത്തി​ല്‍ മ​ഞ്ഞ​പ്പി​ത്ത ബാ​ധ സ്ഥി​രീ​ക​രി​ച്ചി​ട്ടു​ള്ള​ത്. രോ​ഗ​പ്ര​തി​രോ​ധ ന​ട​പ​ടി​ക​ള്‍ സ്വീ​ക​രി​ക്കാ​ന്‍ ഡി​എം​ഒ, എ​ന്‍​എ​ച്ച്എം, സ​ര്‍​ക്കാ​ര്‍ എ​ന്നി​വ​ര്‍​ക്ക് ശു​പാ​ര്‍​ശ ചെ​യ്യാ​ൻ യോ​ഗം തീ​രു​മാ​നി​ച്ചു.

യോ​ഗ​ത്തി​ല്‍ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് പി. ​പു​ഷ്പ​വ​ല്ലി അ​ധ്യ​ക്ഷ​ത വ​ഹി​ച്ചു. ത​ഹ​സി​ല്‍​ദാ​ര്‍ ഇ.​എ​ന്‍. രാ​ജു, ഡെ​പ്യൂ​ട്ടി ത​ഹ​സി​ല്‍​ദാ​ര്‍ കെ.​പി. പ്ര​മോ​ദ്, അ​ര്‍​ച്ച​ന ജ​യ​ന്‍, നി​ല​മ്പൂ​ര്‍ ന​ഗ​ര​സ​ഭാ കൗ​ണ്‍​സി​ല​ര്‍ ഇ​സ്മാ​യി​ല്‍ എ​ര​ഞ്ഞി​ക്ക​ല്‍, രാ​ജ് മോ​ഹ​ന്‍ എ​ന്നി​വ​രും പ​ങ്കെ​ടു​ത്തു.